~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[حياتي كلها امل]

صباحك سعيد جميعا وشراكي يغزالة عاش من شافك.

[غزالة1]

مرحبا بكل الجديدات
مشكورة سمراء على ما تقدمينه
حبيبة الحبوبة تهلاي في روحك و صحتك
سلامي لكل واحدة باسمها لانو ما شاء الله كثرو ربي يبارك
يوم موفق للجميع

[غزالة1]

صباحك ورد اختي حياتي كلها امل
الحمد لله حمدا كثيرا
انا دائما اخلط بينك و بين ام البنين لا ادري لماذا نحسكم نفس الشخص :d

[حياتي كلها امل]

اللهم وفقنا في اعمالنا وتقبل الصالح منها واعن اولادنا في امتحاناتهم واولاد المسلمين جميعا.

[حياتي كلها امل]

ياحبيباتي ام صفصف ولجين ان النفس امارة بالسوء والشيطان يزين المعاصي للانسان ليوقع به ونحن في هذه الدنيا في جهاد فاتخذي الاسباب لقيام لصلاة الفجر واستحضري قيمة الاجر المترتب من ذلك ،بمجرد ما تسمعي المنبه نوضي للوضوء وصلاة والاذكار داءما ضعي في المكان الذي تصلي فيه كتاب الاذكار ثم بالتعود صدقيني تصبحي لاتستطيعين تاجيل الصلاة مهما كان والاذكار تتعودي عليها في لسانك .

[omelbanin]

صباح الحير ،حياتي كلها امل ،غزالة طل القمر ،ماراكيش تباني كيف الاولاد ،؟

[جهينة اليقين]

السلام عليكم الله الله على ام متين وحياتي امل مزهيينا الصفحات بالصور الجميلة مع الصباح اهلا وسهلا ام صفصف لجين وغزالة وام اللبان ههههههه

[جهينة اليقين]

ا لحمد لله رب العالمين راني محافظة غير على الصلاة في وقتها والورد اليومي لاني اليوم اصبح ظهري يسطر بعيد الشر عليكم البارح ابناء طيح لي السيمان من الهول التحت والدنيا كامل تعمرت والله سيقت كل شيء حتى للمغرب والزوج ينقي الفوق وزدت درت العشا شكشوكة وبنتي غسلت الماعن بالتشناف لانها كانت عيانة وزيد خليت لها كمية معتبرة تاع الخدامين ونضت درت معاها قيرة ما كانش الي يشفق علي وليت استغفرت

[حياتي كلها امل]

لباس عليك اختى جهينة هذه هي حالت البنيان سوغتو وين تسكني وين تبني بصح ان شاء الله تكمل وتريحي على جييه

[حياتي كلها امل]

اليوم النقاش على المواضيع الاجتماعية ما قترحتولنا حتى موضوع

[arwa alaa]

صباح الخير عليكم كل وحدة باسمها
واش راكم الله يبارك راكم مزهيين الصفحات
انا راني غير مع الروتينات اليومية وساعة ساعة نخطف كاش فرزة بصح غير الخفيف على جال باش منعياش راهم الامتحانات اليوم يخلصو ونتهناو ...........يوم موفق للجميع

[omelbanin]

حبيبتي جهينة،غير سايسي على روحك الظهر واعر ما تفورصيش روحك ،وليتو كامل تعيطولي ام اللبان ،تفولولي باش يولي وليدي يولي لبان ،انا اليوم مسكين نوضتو على 5باش يحفظ ممبعد يولي لبان ، حرام عليكم ،هههههههه.

[فراشات العمر]

السلام عليكم ورحمة الله وبركاته
اخوتي في الله موضوعنا اليوم الضيوف لما يجوكم ضيوف الغفلة كيفاه تتصرفو كي تكوني وحدك تخليهم وتروحي توجدي القهوة ولا تتكلمي معاهم ومن بعد القهوة

[فراشات العمر]

المشاركة الأصلية كتبت بواسطة omelbanin

حبيبتي جهينة،غير سايسي على روحك الظهر واعر ما تفورصيش روحك ،وليتو كامل تعيطولي ام اللبان ،تفولولي باش يولي وليدي يولي لبان ،انا اليوم مسكين نوضتو على 5باش يحفظ ممبعد يولي لبان ، حرام عليكم ،هههههههه.

ما يغيضكش الحال لكان نقلك هذا وين نقرى في رد جهينة تقول غسلت لماعن بالتشناف والله غير قريتها بالنشاف هههههه حتى عاودت ركزت وليت نضحك وحدي

[omelbanin]

اذا حبيتو كون نناقشو اليوم صلة الرحم هو موضوع اجتماعي ،وديني ،كيغاش راهي العلاقة مع اعمامنا واخوالنا و اجدادناو....... هل مازالت كيما زمان ولااندثرت .