الجزء"" 120"" من واش طيبتي اليوم

[عازفة الناي]

مساء الخير
و صحى عيدكم

[ام نور الهدى 2014]

بصحتك لي شو عازقة
لبنات اعطوني طريقة لحميس يكون بنين و ساهل

[*وردة الشرق*]

المشاركة الأصلية كتبت بواسطة saja hamed

قوليلي باه تحشاها الكوكا من الداخل وكيفاه ديراها صلصة الجبن وسامحيني في تعبك اختي

ولو اختي نحن في الخدمة انا كوكا يحبها مولا بيتي هكدا وتجي بنينة فعلا
ندير توم فقط نقليه مع الزيت لحم مرحي يتقلى معاه ومبعد ضيفيلو طماطم حب مكرفجة وتبليه بالملح بصح ما تكتريش وفلفل اسود وعكري ودبشة مقطعة رقيق و رشة سكر انا نحب نضيف دائما رشة السكر للاكلات اللي فيها الطماطم باه تعدل الطعم خليها تبرد ومبعد فرشي العجين ومبعد حطي الحشو ادا كان عندك فرماج رابي فوقها وادا ماعندكش لما تطفي للصلصة حطيلها جبن القطع راح يصبح طري ويمتزج مع الخليط ويجي ايضا مليح ودوقو يبان ايضا

بالنسبة لصلصة الجبن ساهلة ماهلة ما تصعبيها ما والو حطي كاس كبير حليب +مغرفة كبيرة فرينة خلطي بارد في بارد حتى تختفي الفرينة ضيفي ملعقة كبيرة زبدة حطي فوق النار وما تتوقفيش عن التحراك حتى تتقال متل الصوص بيشمال في الخير ضيفي قطع الجبن النوع المتوفر عند انا دائما نشري الباربار الكبير نخليه للوصفات هادو لانو زوجي ما يحبش نضيعو الغريار والروج والكوممبار في الطياب يقولي طعام ربي هدا يتاكل مباشرة واش تحبي .خرجت عن الموضوع هههه حركي مليح فقط لدقيقة حتى يدوب الجبن نسيتك في الكمية هده انا نحط 2او3 مغالرف كبار جبن بعد ما تنزعيها من فوق النار ضيفيلها صفار بيضة وامزجي بالخف باش ما تطيبش وهي تخليلك الصلصة تاعك سلسة
ان شاء الله نكون شرحتلك مليح وتعجبك

[oum islem]

سلام بنات وين راكم غاطسين ام رشدي راني جيت تغديت عند امي ربي يحفظها ندير حليب للاولاد ونكتبلك عصير الكوبيا راني مانسيتكش

[*وردة الشرق*]

المشاركة الأصلية كتبت بواسطة ام نور الهدى 2014

زينب مافهمتش طريقة الكيس؟؟؟

شوفي روحي للمضوع تاع الجبن ووصلي للاخير انا نشرحلك ونتي روحي شوفي الصورة

لما تحطي الحليب في العلب وهما سخان حطيهم في وسط كيس بلاستيكي من المستحسن يكون تقيل واقفلي وحطيهم في قلب كوفيرتا تقيلة وحافظي على العلب واقفين خاصة ادا حطيتيهم في علب بلاستيكة راح الصباح تلقايهم مازال دافيين نتيجة مضمونة المهم تغلفيهم مليح ويقعدو واقفين

[طالبة الجامعة]

المشاركة الأصلية كتبت بواسطة زينب66

ولو اختي نحن في الخدمة انا كوكا يحبها مولا بيتي هكدا وتجي بنينة فعلا
ندير توم فقط نقليه مع الزيت لحم مرحي يتقلى معاه ومبعد ضيفيلو طماطم حب مكرفجة وتبليه بالملح بصح ما تكتريش وفلفل اسود وعكري ودبشة مقطعة رقيق و رشة سكر انا نحب نضيف دائما رشة السكر للاكلات اللي فيها الطماطم باه تعدل الطعم خليها تبرد ومبعد فرشي العجين ومبعد حطي الحشو ادا كان عندك فرماج رابي فوقها وادا ماعندكش لما تطفي للصلصة حطيلها جبن القطع راح يصبح طري ويمتزج مع الخليط ويجي ايضا مليح ودوقو يبان ايضا

بالنسبة لصلصة الجبن ساهلة ماهلة ما تصعبيها ما والو حطي كاس كبير حليب +مغرفة كبيرة فرينة خلطي بارد في بارد حتى تختفي الفرينة ضيفي ملعقة كبيرة زبدة حطي فوق النار وما تتوقفيش عن التحراك حتى تتقال متل الصوص بيشمال في الخير ضيفي قطع الجبن النوع المتوفر عند انا دائما نشري الباربار الكبير نخليه للوصفات هادو لانو زوجي ما يحبش نضيعو الغريار والروج والكوممبار في الطياب يقولي طعام ربي هدا يتاكل مباشرة واش تحبي .خرجت عن الموضوع هههه حركي مليح فقط لدقيقة حتى يدوب الجبن نسيتك في الكمية هده انا نحط 2او3 مغالرف كبار جبن بعد ما تنزعيها من فوق النار ضيفيلها صفار بيضة وامزجي بالخف باش ما تطيبش وهي تخليلك الصلصة تاعك سلسة
ان شاء الله نكون شرحتلك مليح وتعجبك

قيد التجريب ان شاء الله

[*وردة الشرق*]

المشاركة الأصلية كتبت بواسطة oum islem

سلام بنات وين راكم غاطسين ام رشدي راني جيت تغديت عند امي ربي يحفظها ندير حليب للاولاد ونكتبلك عصير الكوبيا راني مانسيتكش

امممممممممممممممممممم بصحتكم

[ام سراج وملاك]

لترفيه شكون لي ولادها قافزين وفاهمين كيما هاذي انا من جيهتي نخلعهم ولا نخلي ههههههههههه بصح انا نخلعهم بالغول يقولولي وينهو حابين نشفوه

[*وردة الشرق*]

المشاركة الأصلية كتبت بواسطة عازفة الناي

مساء الخير
و صحى عيدكم

عازفة روعة كالعادة امممممممممممممممممممم

[طالبة الجامعة]

على فكرة زينب66 نسقسيك ذكرتي في صلصة الجبن مرحلتين
في الاولى ذكرتي هذي ( توم فقط نقليه مع الزيت لحم مرحي يتقلى معاه ومبعد ضيفيلو طماطم حب مكرفجة وتبليه بالملح بصح ما تكتريش وفلفل اسود وعكري ودبشة مقطعة رقيق و رشة سكر انا نحب نضيف دائما رشة السكر للاكلات اللي فيها الطماطم باه تعدل الطعم خليها تبرد ومبعد فرشي العجين ومبعد حطي الحشو ادا كان عندك فرماج رابي فوقها وادا ماعندكش لما تطفي للصلصة حطيلها جبن القطع راح يصبح طري ويمتزج مع الخليط ويجي ايضا مليح ودوقو يبان ايضا =
وفي المرحلة الثانية تحدثتي على هذه (صلصة الجبن ساهلة ماهلة ما تصعبيها ما والو حطي كاس كبير حليب +مغرفة كبيرة فرينة خلطي بارد في بارد حتى تختفي الفرينة ضيفي ملعقة كبيرة زبدة حطي فوق النار وما تتوقفيش عن التحراك حتى تتقال متل الصوص بيشمال في الخير ضيفي قطع الجبن النوع المتوفر عند انا دائما نشري الباربار الكبير نخليه للوصفات هادو لانو زوجي ما يحبش نضيعو الغريار والروج والكوممبار في الطياب يقولي طعام ربي هدا يتاكل مباشرة واش تحبي .خرجت عن الموضوع هههه حركي مليح فقط لدقيقة حتى يدوب الجبن نسيتك في الكمية هده انا نحط 2او3 مغالرف كبار جبن بعد ما تنزعيها من فوق النار ضيفيلها صفار بيضة وامزجي بالخف باش ما تطيبش وهي تخليلك الصلصة تاعك سلسة )
اذا نخلطوهم في زوج ولالا
اشرحيلي لوسمحت

[طالبة الجامعة]

المشاركة الأصلية كتبت بواسطة ام سراج وملاك

لترفيه شكون لي ولادها قافزين وفاهمين كيما هاذي انا من جيهتي نخلعهم ولا نخلي ههههههههههه بصح انا نخلعهم بالغول يقولولي وينهو حابين نشفوه

هههههههههههههههههههههههههههههههههههههه

[ام نور الهدى 2014]

اوكييي زنوبة مترسي عليك راني فهمت

[*وردة الشرق*]

المشاركة الأصلية كتبت بواسطة ام نور الهدى 2014

بصحتك لي شو عازقة
لبنات اعطوني طريقة لحميس يكون بنين و ساهل

اختي انا هدا الحميص تعلمتو في دار والدي وما نبدلوش ابدا

نشوي الفلفل حلو تقدري تخلطي الحار ادا حبيتي ونحطو فيكيس به يعرق مليح وتنزع منو القشرة بسهولة
نشوط الطماطم ايضا انا ندير لكل 5 كرابطفلفل كبار 2حبات طماطم كبار
ونشوط 4او 5 سنينات توم
قشري الفلف من دون ما تغسليه غير قشري وادا لقيتي صعوبة في بعض الاماكن دخلي يدك برك في الماء ورجعي قشري لانو الفلف لما يتغسل ما يعود عندو حتى دوق نقيه من مليح قصيه رقيق حطيلو شوية زيت وخليه يطيب شوية وحدو وحد10في هدا الوقت ضيفيلو التوم المقطعة رقيق جدا لازم تحطيها تطلق البنة مع الفلفل قبل ما تضيفي الطمامطم انا نحط ملح فقط وشوية كمون ومبعد قطعي الطماطم بعد ما تكوني قشرتيها قطعيها رقيق وضيفيها للفلفل وتركيها تطيب ما تدليش النار تكون متوسطة لما تنشف من الصلصة شوية طفيلو مع كسرة ولبن ولا اروع

[*وردة الشرق*]

سامحوني راني رايحة درك عندي العشا يسنى رايحة ندير سلق والحمد لله

[ام نور الهدى 2014]

اوكييي زينب يسلموو اكيد الفلفل مالزمش يمس الماء ابدا ههه
انا عشاتي فوق النار قريب توجد
نريح و نوض ندير كاش تحلية و حميس
بالتوفيق