الجزء 130 من واش طيبتي اليوم

[فرح العمر]

مساء الخير كيف الاحوال
دائمة الحمد الحمد لله على سلامة الوالدة الكريمة و ربي يباركلكم فيها و يخلهالكم

[*توبــــة*]

سلام على أحلى وأغلى حبيييييييبات قلبي
توحشتكم مووووووووووت.... ونتوما منعرف توحشتوني ولا لا هههههه

مبروك الكوزينة حبيبتي
جيت نطل عليكم ونعرف أخباركم

أنا كنت مع لقراية الحمد لله كملت الميموار وقدمتها oralement و عجبتهم تهنيت منها
الستاج تاني خلاص كملت و قريت زعما ههههه.... جا عليا دور الأستاذة
بقاولي غير لي كونترول السمانة هذي نبداو
ان شاء الله نكمل ونتفرغ ليكم هنا حبيباتي خخخخخخخخخخ
ولعقوبة لأولادكم ياااااااااااا رب

فوتت يامات حلوة ويامات لا
مرضت شوي ولاطونسيون ديما هابطة والماكلة مناكلش خلاص خاصة ف الاقامة مفهمتش علاه
مي ضرك الحمد لله
وتاني ماتت بنت عمي قدي ف العمر 23 سنة
أمانة ادعولها بالرحمة حبيباتي وربي يحفظكم وخليلكم أهاليكم

تاني فوتت يامات حلوة زوجت حبيبتي وصديقتي ورفيقة دربي
لعلمكن عندها سمانة ملي زوجت قتلها منعيطلكش وين مقعدتي عيطيلي نتي باه منديرونجيكش
لحد الآن متفكرتنيش خخخخخخخخخخخ
لعقوبة ليكم كامل حبييييييييييييييباتي
وتاني زوج ولد خالتي و رحنا لخالتي هذي بعد حوالي 28 سنة مجات لينا ومرجنا ليها
الحمد لله رجع كل شي عادي وضرك نعودو نروحو لبعضانا كيما نحبو
قتلها حتى زوج ولدك وجيتي انا بغيتك بكري ضرك طفرت خخخخخخخخخخخ

للأسف مصورت والو

على بالي خرجت عن موضوع الطبخ ضرك نحطلكم شوي صور تاع معركتي مع الكسرة
رفعت تحدي لازم نتعلمها باذن الله








و صلى الله وسلم على سيدنا محمد

[قمر 77]

سلام البنات اليوم النت كاتاستروف غير كيما جات واع راح نهبل
ام اسلامو الفحلة يعطيك الصحة راكي قايما بيها اصبري نعشيهم و نحطلك صور هايلين رشوة ما دوريش بيوسف راني خطبتو و فاتن وافقت خلاص انتهى وراني معولة ان شاء الله نكمل عرس خويا و نجيبلو طفلة مسرارة كيما ام ياسو ياك تفاهمنا ههههههههههههه

[قمر 77]

استاذتي الحنينة و خيتي الكبيرة الحمد لله على سلامة ميمتنا وعلى سلامتك راني كنت وصيتك تبوسيلي يديها و راصها و تقوليلها الحمد لله على سلامتك و ما تشوفي شر ابدا ان شاء الله مووووووووواح كبييييييرة

[دائمة الحمد]

ربي يفرحك قمورة حبيبتي ويخليلك كل عزيز وغالي

[زهرة الريف*]

أم سهام خليتك في همزة وصل واشراكي ياريت تحطينا وصفة الدهان نتاعك
أم إسلام والله ياختي تقولي خرجنا من دار وحدة نفس الخدمة بصح الله يبارك عليك شاطرة
عزوفة الطيوبة حبيبة الكل صحيتي على الوصفة جات في وقتها

[*وردة الشرق*]

مساء الانوار حبيباتي كيف الاحوال راجعت خفيف برك ما شاء الله على الخيرات كله رائع الله يبارك واطباقكم كالعادة لا يعلى عليها
كل شئ رائع وحبيبتي ام اسلام تحضيرات نفس تحضيراتي نشري غير الفريك ونعملو متلك تماما هزيتها على امي العزيزة الطريقة هده والمجمد دائما فارغ لانو زوجي في نظرو الاكل المجمد ميكروب حشا نعمت ربي وفي رمضان نحضر كل شئ بيومو والكل يجي من السوق من خضروات وكل الشئ والحمد لله

كيف احوالكن قمر الحلوة العزيزة
فرح العمر حبيبتي ربي يسلكك على خير يا عيني ما تخافيش برك راكي شجاعة وتجيبيها بادن الله
فضيلة اختي كيف الاحوال راكي ماشاء الله حرة
توبة على السلامة حبيبتي دائما انت في بالي ربي يشفيك حنونة وتهلاي في روحك ما زالك صغيرة
ملك .الريفية كيف الاحوال

[قمر 77]

عاشقة الجنة الحمد لله على سلامتك اكيد توحشناك و افتقدناك و خممنا بللي راكي مع القراية ربي يوفقك
و ربي يحم بنت عمك و يسكنها الجنة و هذي هي الدنيا فرح و حزن ليوم الدين ربي يرزقنا حسن الخاتمة و مطلوعك هايل انا نجي نتعلم عندك

[دائمة الحمد]

توبة ربي يرحم قريبتك ويجعل مثواها الجنة
وربي يسفيك انت الكلافيي تاعي الثلاثة نقط لي فوق السين كلاهم داعس راني لسلوسة من وراء المخرب

[*وردة الشرق*]

اختي دائمة الحمد الحمد لله على سلامة الوالدة وبصحتكم ما شاء الله كل شئ راائع المهم انه العملية نجحت والله فرحت كتيرا بهدا الخبر

[قمر 77]

ام زينب دخلتي وش راكي بعثتلك رسائل ما نعرف لحقوك و لا لا و الله تقلقت عليك

[قمر 77]

البنات كي ما كنت ندير في والو النت ماكش و درك المغرب و نحطلهم العشا قبل ما ياكلوني و الله توحشتكم
ام اسلام رحتو بلا بيا و ما سنيتونيش راني ما زال ما راجعتش دخلت على الصفحة الاخير و نشوف فالاقتباسات

[قمر 77]

استاذتي ربي يحفظ داعش ههههه و يعيا يكبر و يعقال و يعود سيد الرجال ربي يحفظو

[fadila34]

مساء الخير اختي زينب انا شاء الله تكوني بخير وكيف احوال الولدة
فرح العمر ربي يعطلك وقفا ساهلة ونعرفك فحلة
قمورة الحلو على سلامتك

[دائمة الحمد]

لبنات حبيت نذكركم بانها ليلة الاسراء والمعراج فلنغتنم هذه المناسبة ونعرف اولادنا بيها
كما يستحب التوسيع على العيال من الرزق في هذه المناسبات