~~واش طيبتي اليوم؟! الجزء 91 اهلًا اهلًا بالعيد~~ - الصفحة 84

nihale89 · 2014-10-03, 15:07

سلااااااام حبيباتي
كملت الحميص وودرت خبز الدار راهو طلع ضرك نطيبو
ووجدت حوايج الذبح والباسينات والساشيات والمطارق وكيردو ولي سارفيات
فطوري وجد درت جلبانة
ةكملت مسحت الغبرة ومسحت النوافذ والعشية خلاص نمسح الدار مسحة خفيفة

idron0 · 2014-10-03, 15:13

جمعة مباركة ويوم عرفة مبارك على الجميييييع وربي يجيب دعواتكم ان شاء الله
وعيد سعيييييد للكل و للامة العربية الاسلامية جمعا وكل عام وانتم بالف خييييير وربي يتقبل منكم و منا الصيام والدعاء وصالح الاعمااال يااارب
الي مريضة الله يشفيها،والي عازبة الله يرزقها الزوج الصالح،والي تبتغي الذرية الله يرزقها الذرية الصالحة،ولي حامل الله يسهل وضعها،و الي مهمومة الله يفرج عليها،والتي تبتغي حاجة من حوائج الدنيا و الاخرة الا وفقها الله.ااااامين.

nihale89 · 2014-10-03, 15:26

اييييييييييه فكرتوني في السلاطة وفينيقرات نسيتهم
حبيباتي نشكر كل وحدة قاتلي عيد ميلاد سعيد ربي يخليكم ليا يا احلي صحبة

ارزاق · 2014-10-03, 15:44

يعطيكم الصحة كامل وعيدكم مبروك ام ماجد سقسيتك من قبل علي الغدا تاع ثاني عيد وعلابالي بلي راكي مشغولة حبيتك تساعديني مقدارراح ندير 15 قطعة تاع لحم باذن الله بصح قداه ندير حبة بصل وطماطم والتوابل وش ندير والكمية وسمعت بلي ميدروش الفلفل الاسود في الليل يخليوه حتان الصباح جاوبيني تعيشي رجاءا

biba04 · 2014-10-03, 15:46

يومكم سعيد وجمعة مباركة ويوم عرفة مبارك على الجمييييييع عندي مدة ماحطيتش رد هنا غير نطل من الطاقة ونهرب هههههه
وقتي كامل مع بنتي صغيرة ام ماجد عليك وحشة كبيرة انتي والهام ام ثاريزي الف مبروك عليك البنوتة ربي يحفظها ويصونها راهي تقريبا بعمر بنتي لميس باه منخرجش من الموضوع جبتلكم حلويات للعيد
دزيريات الاصلية

ملفوفة باللوز

من الداخل

صابلي بالشكولا

أم ماجد · 2014-10-03, 15:53

اقتباس:

المشاركة الأصلية كتبت بواسطة ارزاق

يعطيكم الصحة كامل وعيدكم مبروك ام ماجد سقسيتك من قبل علي الغدا تاع ثاني عيد وعلابالي بلي راكي مشغولة حبيتك تساعديني مقدارراح ندير 15 قطعة تاع لحم باذن الله بصح قداه ندير حبة بصل وطماطم والتوابل وش ندير والكمية وسمعت بلي ميدروش الفلفل الاسود في الليل يخليوه حتان الصباح جاوبيني تعيشي رجاءا

اسمحيلي ماانتبهتش

ماتنسايش اللحم راهو ينقص كي يطيب يعني ديما قطعة زايدة على الاقل
نقولك الحق انا عيني ميزاني ماعنديش كيل معين لكن ديري 3 حبات بصل و4طماطم حب و2 ملاعق طماطم علب وكل شخص وذوقه كاين اللي حبها حمراء وكاين اللي حبها متوسطة

الفلف الاسود مانديروش نهائيا يدير لنا لحريق في المعدة بعيد الشر عليك ديما مجتنباتو
وماتنسايش التقلية اعطيلو وقتو قد ماتصبري عليه قد ما اجيك البنة 4444444444444
وعيد سعيد للجميع

أم ماجد · 2014-10-03, 15:59

الاتقان شعارك اختي بيبا

أم إناس · 2014-10-03, 16:00

يعطيك الصحه يالبنات
والله يتقبل صيامكم
الله يفرج على كل مهموم.
ويسهل على كل حامل
ويرزق كل. وأحد متمنيي حاجه
وبارك الله فيكم عيشتوني اجواء العيد
باتيلا البرغل. ماهوش الشوفان
المازة يعطيك الصحه
بيبا ماشاء الله عليك فحلة
ام ماجد كلش بالصحه عليك.
جيادا الفحلة يعطيك الصحه
المهم ربي يفرحكم. اخواتي بالعيد المبارك
عيد مبارك

طير الرحمة · 2014-10-03, 16:03

دعاء رائع ..في هذا اليوم المبارك (خير الدعاء دعاء يوم عرفه ) اقرأ الدعاء بصوتك وليس بعينيك :
ربي ها أنت ترى مكاني و تسمع كلامي و أنت أعلم من عبادك بحالي ربي شكواي لك لا لأحد من خلقك فاقبلني في رحابك في هذه الساعة المباركه، ربي إني طرقت بابك فافتح لي أبواب سمواتك و أجرني من عظيم بلائك، اللهم يا مسخر القوي للضعيف و مسخر الجن لنبينا سليمان و مسخر الطير و الحديد لنبينا داود و مسخر النار لنبينا ابراهيم(سخر لي عبادك الطيبين من حولي وسهل لي أموري وارزقني من حيث لا أحتسب) ، ربي بحولك و قوتك و عزتك و قدرتك أنت القادر علي ذلك وحدك لا شريك لك.. اللهم إني أسألك بخوفي من عظمتك و طمعي برحمتك أن ترزقني ما كان خيرا لي في ديني و دنياي و معاشي و عاقبة أمري عاجله و اجله، اللهم إني أشكو لك قلة حيلتي وهوان أمري و ضعف قوتي، اللهم إني أسألك أن تصرف عني شتات العقل و الأمر والتفكير، ربي اثرني و لا تؤثر على ، ربي انصرني و لا تنصر علي. إلهي ارحم ضعفي و فرج همي و اجبر كسري و امن خوفي و امطرني برزق من عندك لا حد له، و فرج من عندك لا مد له، و خير من عندك لا عدد له اللهم إن كان رزقي في السماء فأنزله وإن كان في الأرض فأخرجه وإن كان بعيدا فقربه وإن كان قريبا فيسره وإن كان قليلا فكثره وإن كان كثيرا فبارك لي ڤيہٌ اللهم ولمرسلها مثل ذلك ،،
اللهم إني أسألك في في كل وقت وحين زيادة في الدين وبركة في العمر وصحة في الجسم وسعة في الرزق وتوبة قبل الموت وشهادة عند الموت ومغفرة بعد الموت وعفوا عند الحساب وأمانا من العذاب. اللهم.. أبعد عنا شر النفوس .واحفظنا باسمك السلام القدوس .واجعل رزقك لنا مباركا غير محبوس .
واجعل منزلتنا عندك جنة الفردوس .اللهم اجعلنا نمشي في روضك.. وندرج على حبك. ونحيا على ذكرك. ونستقيم على قراّنك.ونموت على شهادتك.يارب في هذه الساعه أسالك الراحه لكل مسلم ضاقت عليه دنياه وذرفت عيناه يا إلله أفرح قلوبا أنهكها التمني وبشر أصحابها بفررح لايذكرهم بوجعهم واسعد قلوبهم وأسعدنا بصحبتهم.اللهم إغفر لوالدى وادخلهم جنتك ياأرحم الراحمين. أمين.
اللهم وفق من ارسل لي الرساله ويسر له اموره بالدنيا والاخره وارزقه النظر الى وجهك الكريم واحسن خاتمته ووالديه وارزقه ضعف مايتمنى بالدنياوالاخره
وصل اللهم وسلم وبارك على نبينامحمد وعلى اله الطيبين الطاهرين
لا تنسونا من صالح دعائكم يوم عرفة
* الدعاء للمرسل حتى تقول لك الملائكة ' ولك بالمثل
* و لا تغلقها فتكسب ثوابها لكل من يقولها بإذن الله

ارزاق · 2014-10-03, 16:04

وشمن توابل ديريهم والمقدار بالملعقة والزيت ندير و اسمحيلي كفاش نقيتي الخرشف واللفت قشرتيه برك ودرتيه في كيس كثرت عليك بصح الله غالب منعرفش وانت قلبك كبير ربي يفرحك هذا العيد

طير الرحمة · 2014-10-03, 16:06

https://www.djelfa.info/vb/showthread...errerid=416460
هد الرابط لاخت ام ساجد الله يدكرها بالخير فيه وصفات لعيد الاضحى

بشرى2008 · 2014-10-03, 16:10

صح عيدكم تعيدو بالصحة والهناء والعقوبة للعام الجاي ان شاء الله

مزينو نهاااااااااااااااااااااااااااااااااااااااااااااااا اااااااااااااااااااااااار اليوم صح عيدكم صح عيدكم

اسماء47 · 2014-10-03, 16:28

مساء الانوار
جمعة مباركة ربي يتقبل منا و منكم
راني نوجد في الفطور درت حريرة و شطيطحة لحم كان عندي شوية باقيلي في الكونجيلاتور
و راني ندير في المطلوع راه قريب يطلع
و درت لبنتي الحنة و كملت الميناج كي نكمل المطلوع نهبط للجنان نوجد الباسينات و دوزان الذبيحة
و في الليل نفوت تجفيفة خفيفة للدار و نبخرها
الحمد لله

أم ماجد · 2014-10-03, 16:37

اقتباس:

المشاركة الأصلية كتبت بواسطة ارزاق

وشمن توابل ديريهم والمقدار بالملعقة والزيت ندير و اسمحيلي كفاش نقيتي الخرشف واللفت قشرتيه برك ودرتيه في كيس كثرت عليك بصح الله غالب منعرفش وانت قلبك كبير ربي يفرحك هذا العيد

ماكان حتى مشكل
مانكثرش التوابل باه ماتروحش فائدة اللحم المهم ندير 2ملاعق كبار كصبر مرحي ونص ملعقة فلفل احمر حار وملعقة كبيرة ملح وطبعا ذوقي والزيت ماتكثريش خاصة اذا كان اللحم مشحم

مع لحم العيد مانديرش الزيت نهائيا اذا كان مشحم لانه جديد ويطلق الدسم تاعو
الخرشف واللفت نقيتهم وعصرت عليهم الليمون وحطيتهم في الثلاجة ماشي المجمد

ماتنسايش الدهان ولا زبدة البقر راهي تزيد في الكسكس النص

وتعطيه بنة رهيبة
انا نزيد ملعقة حليب كبيرة في المرق كي نجي سقي باه نقضي على الدسم وهاذي توارثتها من عند جدتي ربي يرحمها ويرحم مواتنا جميعا

malek firdaouss · 2014-10-03, 16:41

سلام
انا طيبت المقروط المقلي و درت صابلي بصح مقدرتش نلسقو جا بزاف هشيش خلي ناكلوه هكا هههههههه
و راني حابا ندير بوتي فور بهذو المقادير
اربع بيضات ،كاس سكر ،كاس زيت ،زوج باكيات خميره ،و فرينه ، و فاني و نطليه بالشوكولا ،، زعما يخرجلي هشيش قولولي
انا راني غير وحدي نطيب برك و حد مايجيني غير انا و راجلي
و ذك نطيب لفطور راحا ندير قراتان و سلاطة