الى ام اسيد1 وكل وحدة حاصلة واش الطيب

[hanane09]

صباحكم بالخير كاملين راني توحشتكم كاملين الحمدالله على شفاء ابنتك ام هديلراني شوية مريض ضربني ه‍وى على رجلي وجنبي

ام حمزة شكرا على الاطباق الرائعة
ام السيد بصحتكم الكعبوش احنا نقولو الرفيس وممكن توضعلنا بوراك العجين

[crono]

صباحكم بالخيرنهاركم طيب..كنت مشغولة بنقل بعض المواضيع في قسم الاشغال اليدوية مع لولاد ..............الخ

و شراكم لاباس انشاء الله ربي ينجح وليداتكم كامل الله

ام حمزة كي راهي بنتك ان شاء الله ارتاحت لبارح دخلت باه نسقسيك عليها

هاد رفيس درتو بارح مجيتش بيدية فرغين

حنا نديره بالسميد محمص مع تمر نسموه الرفيس التونس


ولا هاد تعلمت على أم زوجي لله يرحمها


ولا هاد درتو زيادة نخبيه في كونجلاتور كي نكون مشغولة نجبدو غير نفورو

[crono]

[ام حمزة22]

سلام
يومكم سعيد حبيباتي
عسلا متك حنان واش راكي لا شكر على واجب

عزيزتي كرونو شكرا على السؤال بنتي تحسنت راهي مع الدواء
يعطيك الصحة والعافية على الاعمال لي راكي تقومي بيها في الاقسام ربي يقدرك وينجحلك اولادك
اما عن الرفيس حنا تان نحمصو سميد
حبيت نسقسيك على طريقة عجوزتك ربي يرحمها واش زدتيلو من الغوق ما بانليش مليح تابلات نتاعي صغيرة ماقدرتش نعرف المكون لي ضفتيه

[تاج الايمان]

صباح النور
اليوم حابة نتعلم المسفوف الي تعرف تقلي
تبقو علا خير

[ام حمزة22]

طبقي اليوم هو نفس الطبق لي فالصفحة 51
لاكن المرة لي فاتت استعملت الجاج وهاد المرة استعملت اللحم المفروم
نقلي البطاطا ونستفها في السنية
من جهة اخرى نحضر اللحم المفروم نطيبو غير في شوية زيت وملح وفلفل اكحل نطيبو على نار هادية لمدة 5دقئق فقط ما ننساش نغطي المقلة باه نتحصل على بعض الصوص المستخرجة من بخار الطهي
نحضر الصوس بيشاميل
بعد ما يطيب اللحم نضيفو على الصوس بيشاميل
ثم نضع الكل على البطاطا المقلية من بعد نضيف الجبن

[ام حمزة22]

اهلا وسهلا تاج الامان
شرفتي موضوعي
على ما اعتقد راني حطيت الطريقة درك نحوسلك عليها

[*أم جابر*]

المشاركة الأصلية كتبت بواسطة hanane09

صباحكم بالخير كاملين راني توحشتكم كاملين الحمدالله على شفاء ابنتك ام هديلراني شوية مريض ضربني ه‍وى على رجلي وجنبي

ام حمزة شكرا على الاطباق الرائعة
ام السيد بصحتكم الكعبوش احنا نقولو الرفيس وممكن توضعلنا بوراك العجين

السلام عليكم اختي ماشي النا اللي درت الكعبوش ام سوهيل اللي دارتو حنا ثاني نقولولو الرفيس
ملاحظة بسيطة اسمي ا[color="rgb(255, 0, 255)"]م اسيد [/color]و ليس السيد

أسيد بن حضير
أسيد بن حضير الأوسي صحابي جليل كان زعيما للأوس في المدينة قبل إسلامه، وورث عن أبيه مكانته، حيث كان واحدا من كبار أشراف العرب في الجاهلية ومن مقاتليهم الأشداء وقد ورث المكارم كابرا عن كابر وكان صاحب فكر صاف وشخصية مستقيمة قوية وناصعة ورأي ثاقب

[*أم جابر*]

السلام عليكم ابنات انشاء الله راكم بخير ام حمزة و الله نفس طريقتي اللي نديرها فكرتيني فيها و قيلا نديرها في العشاء باصدر تع الجاج

[ام حمزة22]

يعطيك الصحة ام اسيد
شكرا على المعلومة بارك الله فيك
كنت نحوس على هاد المعلومة

[ام حمزة22]

شوفي حبيبتي تاج الامان راني بحت في الصفحات السابقة وللاسف حطيت فالصفحة 33 انواع الكسكس لي درتهم والطريقة ما حطيتهاش كان عندي مشكل النت
لاكن مازالني محافضة على بعض الصور وان شاء الله نقدر نفيدك بيهم
والطريقة هي فالاول نحط الطعام او الكسكس في صحفة ثم نغسلو وتمنم نقطرو من الماء باه ما يتعجنلكش
نغطيه ونخليه يشرب
من جهة اخرى نحط قدر فيه ماء فوق النار
بعد ما يغلي الماء
نولي لطعام نتاعنا نصيبوه نشف من الماء نضيفلو شوية زيت تقريبا 2او 3 مغارف
نحاول نفكو او نحلو بكف يدي
نحطو في كسكاس ونحطو فوق القدر لي حطينا فيها الماء يغلي
بعد ما يفور نكبو فالصحفة ونضيفلو شوية ملح ونرشو بالماء ( حداري من ان يتعجنلك ما تكتري الماء ماتخليه ناشف ويابس)
نغطيه بالسربيتة ونخليه بجيه
في هداك الكسكاس لي كان فيه الكسكس نحط فيه الجلبانة و نرجعو للقدر لي فيه الماء نغطي الجلبانة بساشي ونخليها طيب
بعد ما طيب نضيفلها قرصة ملح ونضيف فوقها الكسكس حتى يفور
من بعد نكبو فالصحفة وندهنو وبصحة والهناء
نفس الطريقة بالنسبة لزبيب لاكن ما ديريلوش الملح







وهادا رابط راح يساعدك فيه مراحل تحضير الكسكس
وراح يبينلك كمية الماء المستعملة لرش الكسكس
https://www.djelfa.info/vb/showthread...670897&page=28

[ام هاديل وياسين]

صباح الخير اخوتي ان شاء الله راكم بخير بلاجميل ام حمزة الله يوفقك ديما شكرا اختي حنان الله يشفيك
ويحفضلك ما عندك سلامي لكل الاخوات

[تاج الايمان]

صباح النور
اختي ام حمزة بارك الله فيك
نهار لحد نجربو و نردلك لخبر
مرة ثانية بارك الله فيك
لكن حابة نسولك عن انواع انتاعوا
انا قالولي على الزبيب بلي يجيه وهو يتفور صح ولا لا

[*أم جابر*]

صباحكم سعيد و نهاركم اسعد كيف حالكم اخواتي انشاء الله بخير و عافية انا لحد الان ما زال ما خممت واش نطيب كي ندبر نقوللكم في امان الله

[نخله.]

نهاركن مبروك حبيباتي دخلت نصبح توحشت لمتكم و طياباتكم....................ههمن الاولاد واختباراتهم للي ما تخلاصش ويجو وراهم بحووووووووووووووث


ربي يوفق ولادنا و ينجحهم ويفرحنا بيهم .......قولو آآآآآآآآآآمين ملقلب

في امان الله