الجزء 73lن واش طيبتي اليوم كوزينة النجاحات

[Oum Aness Bba]

كاش اخبار على نتائج bem رآهم يقولوا خرجو!!!!

[ام ساجد]

امممممممم ليدي على داك الكسكي هاتي فلفل مرقد وقربي الصحن ههههه

بصحتكم القاطو روعة

دائمة الحمد بصحتك رية وسكينة وانا نقترح عليك تحطي تحضيراتك في موضوع منفصل باش نستفادو اكثر لان ماشاء الله عليك تحضيراتك 44444444444444444

[أم ياسين الزهراء]

ليدي الله يبارك سخفتني البربوشة وزاد علي القاطو انا ماشي غير النمل الابيض الجراد تاع افريقيا عندي يلحس كلش هههههههههههههههه يعطيكم الصحة انت وطومة وضحكتيني كيقلتلي رحلتي من باتنة راني مازالني فيها البلاد هي لادي تاع دائمة

بصحتكم البنات

[أم ياسين الزهراء]

ام ساجد واش راكي هبلتني بالبقلاوة يعطيك الصحة

دائمة ريا وسكينة هي انا وام ماجد ههههههههههههههههههههه

حقى وي راهي ماتقولوش هربت للبرزيل اديرها ههههههههههههههههههه

[lyzzabel]

مساء الخيييير الشيرات صح فطوركم و قهوتكم
حبيباتي لي حطو طياباتهم يعطيكم الصحة كللللكم ماشاء الله عليكم ربي يزيدكم من فضله و نعيمه بصحتكم و راني وزعت عليكم أيقونات الشكر حتى كملتهم

داءمة الحمد بصحتك لي كوكوت هههههه قتلتيني بالضحك على رية و سكينة هههههههه ،، طيبي فيهم بالصحة و الهنا يا الحنينة

ليدي يعطيها الصحة طومة القاتو يشهي

هذا عشانا تاع البارح سباقيتي و كفتة و كلاوي ععععع و فواكه و الحمد لله الفطور اليوم ما صورتهش






استغفر الله العظيم من كل ذنب عظيم

[Oum Aness Bba]

بصحتكم ليزا السباغيتي ممممم يشهي

[" وزني ذهب "]

هههههه ضحكيتني ام سااجد راني لقيتها مسفوف بالزبيب واللبن وفلون وفواكه والبركة
اممممم ليزابل سباغيتي تهبللل ولي سوغيييز يشهيو بصحتكم
دائمة بصحتك لي كوكوت

ليدي امممم الخليع عندي بزااااااااف ماكليتوش بصحتكم

الاخت لي سالت على طاجين لحلو اسفة مانيش متعودة نديرو مانحبووووهش انا وزوجي

لكن نظن كاين وصفة ام انس وثاني ام ياسين حطت مرة طريقتها

ياااادرى رمضان غدا او بعد غد

[مرام 1987]

السلام عليكم
أهلا بالملتحقااااات
وععععععععع ارحمونييييي قلبي الصغير لا يتحمل
ليدي بربوشتك ما خلات فيا والووو امممممم بصحتكم
والبركوكس تاع أم ساجد قالهم بعدو من الطريق
وأما اطباق ليزا وععععععععع قالتلهم ما يسال فيا حد نقولك ابعثيلي صحن الكلاوي والخوخخخخخخخ اممممم نموت عليه واحكمي انت السباقيتي زيديها في عمرك مليحة ليك لصحتك ههههه
دائمة الحمد بصحتك لي كوكوط
أهلا سيرينا نورتي الكوزينة حبيبتي واش راكي ça va?
أم أنس ب ب والله ما نعرف إذا خرجت ولا ما زال وأغلب الضن ما زالت النتائج راهم يلعبو بالأعصاب ربي يهديهم
اللهم بلغنا رمضان واعنا فيه على الصيام والقيام والذكر وبارك لنا فيه

[دائمة الحمد]

مساءالخير عزيزاتي بصحتكم واش طيبتو وكليتو
ام ساجد راني كنت راح نحطهم في موضوع وحدو هذاك الوقت كان عندي مشكل الصور من بعد لقيت ام راضية وليلو والكثير منالاخوات حلو مواضيع حول التحضيرات وليت نحطهم ساعات هنا ساعات عند ام راضية

[دائمة الحمد]

ام يس سكينة راحت للبرازيل وخلاتك
ليزابيل كي نشوف اطباقك نجوع حتى ولو كان شبعانة تسلم الايادي
مازال ما ظهر والو على نتائج الاهلية رانا نوجعو
عطورة وينك مادخلتيش اليوم ان شاءالله خير

[ام ساجد]

ام ياسو عسلاامتك وضحكتيني على ولاادك وعلااه مساكن تقولي عليهم تاع افريقيا ربي يخلي هملك ويعلي مقامهم

ماري مساك بالخير اختي واش احوالك

ام رفيدة بحتك الخير والبراكة وبصحتكم

دائمة الحمد دريه موضوع خاص بيك انتي واسمو تحضيراتي لشهر رمضان وحططيلنا هذوك التحضيرا الكل لاانهم بصراحة روعة وفيهم حوايج

جدد كيما تاع الزبدة

ليزابال بصحتك اطباقك تشهي

[دائمة الحمد]

ما يكون غير خاطرك ام ساجد
اني حطيتلك روسات الحلة شفتيها

[titina]

مساء الخير لبنات
ربي يفرح كل لميمات بنجاح أولادها وبناتها في الـ bac و الـ bem


اليوم سؤالي خارج شوية على مجال الطبخ
واسمحولي المشرفات

يجاوبوني الأخوات فقط بعدها احذفو الرد الله يحفظكم

في الصباح كنت نغسل في القش ( الملابس ) وكانت قندورتي مع الغسيل تطلق اللون تاعها وكان قدامها لباس آخر لونو باج
ماعلاباليش واش صابني ( حاشاكم صابني لعما وقتها وماشفتهاش )
قولولي كيفاش ندير باش ننزع هذاك اللون
جربت بصابون الطرف وبلومو وماكان والو
ماقدرتش نوضع الجافيل لأني خفت اللباس يخسرلي
واش الحل الله يحفظكم
ولي عندها تجربة تفيدني بيها

واذا كان ممنوع وضع الرد ابعثوهالي برسالة
ومشكورات اخواتي

[ام ايمان 11]

مسائكن فل و عنبر اخواتي العزيزات
ياما شاء الله دخلت لقيت قدامي حلوة ليدي الحبوبة بصحتكم وتسلم الايادي يا تومة وبصحتكم الكسكسي راهو يشهي
ليزا الحلوة بصحتك السباقيتي وشراه منصف ان شاء الله لباس
تينا اسمحيلي والله ماعندي علم على سؤالك
دائمة بصحتك ليكوكوت ريا و سكينة راهم شابين ان شاء الله مأكول الهنا يارب
ماري و ام ساجد و كل الملتحقات مساء الاتوااااااار و صح قهيوتكم
انا زعما رحت ندير قلب اللوز لقيت السميد رقيق خلاص نستنى حتى يجيبلي المتوسط و نديروا

[لحن الحياة.]

اهليييييييييييييين بنات جبتلكم شوية فلافل حااااااااااااااااارين خدمتهم لرمضان

ذوقو