طـــالبة لهـــا هدف vs المُعــادلة الصّعــبة

[المُعادلة الصّعبة]

المشاركة الأصلية كتبت بواسطة امل12

السلام عليكم . بدون اطالة ريان و لينة تقدرو تقولولي الفلسفة على واش تعتمدو يعني مقالات يكونو ملاح. وشكرا مسبقا ربي ينجحكم نشاءالله

عليكم السلام
فلسفة

والله ما نشتيش نقول الكلمه لي رح نقولها بصح راني لا علاقه بيها
فاهمة الدروس ولكن ما نكتبش مقالات

ساحاول حفظ المنهجيات و الاعتماد على المخططات في الدروس فقط

[طالبة لها هدف]

صباح الخير شوفي صباحي علىى قداش مالغري رقدت على 2 -_- لعيا بدا يرجع عليا ما نقدرش نوض مام با
لاعلينا
اختي على الفلسفة انا تعجبني _بوابة الونشريس_ ++ عندي شوية مقالات تع استاذي مي مش رح نحفظها راني كيما ريان نفهم المقالات برك و مين داك نسجل شوية افكار باش يترسخوا
ضرك قبل الباك رح نشوف المنهجيات و نرجع مع المقالات وحدة وحدة و الباقي على ربي

[امل12]

[quote=المُعادلة الصّعبة;3997510157]عليكم السلام
فلسفة

والله ما نشتيش نقول الكلمه لي رح نقولها بصح راني لا علاقه بيها
فاهمة الدروس ولكن ما نكتبش مقالات

ساحاول حفظ المنهجيات و الاعتماد على المخططات في الدروس فقط[/quo
الله يسهل

[طالبة لها هدف]

ريان كيف كان شعورك اليوم
كيفاش قدرتي تخيري السوجي و وش هوا المستوى

[~ شُـمــــــوخٌ ~]

السلام عليكم
كيف الحال
وي ريان قوليلنا كيفاه خيرتي و كيفاه جاك الامتحان

[المُعادلة الصّعبة]

اهلا لينة وزينب
بصراحة ترددت بزاف بين موضوع الشعر والنثر
في البدايه حسيت تاع الشعر صعيب وما فهمتش فيه حرف وبالمقابل حسيت تاع النثر اسهل
بقيت مترددة كذلك ايا قلت نروح للبناء اللغوي نشوف شكون اعرابهم اسهل.. كذلك الاعراب تاع النثر جاني احسن

مبعد قلت انا حابه نجرب روحي فالشعر مادام النثر بانلي ساهل ندير الشعر نشوف كيفاش راني
وتعمدت نخير الموضوع لي بانلي صعيب في البدايه يعني غامرت
بصح والله كي بديت نحل فيه ونعصر في مخي باش نجاوب

يخي كي تضلوا في امتحان تجيكم الافكار بسيف ولو ماكانش كاين والو
وفعلا الحمدلله قريتو وعاودتو وجاوبت عادي

بصح ماعلاباليش اذا اجابتي مطابقه للتصحيح تاعهم ولالا .. المهم انا بذلت قصارى جهدي في جعل اجابتي منظمة و مبدعة
كاين شي دروس ما راجعتهمش البارح ايا ما جاوبتش فيهم ماراجعتش البدل والتشبيه نسيت انواع التشبيه
ومتاكدة مية بالمية كون راجعت نجاوب عادي بحول الله يعني عادي
كي نكمل امتحاناتي ان شاء الله رح نصورلكم جميع امتحاناتنا
هوما ما جاوش ساهلين في زوز يعني في المستوى
بديت على 8:47 وكملت على 10:14
تفلسفت بزاف فالورقة هههه حتى اني ماعرفتش روحي كي درت هذاك كامل مانعرف منين جاتني
ونظمتها وكتبت بالستيلو الازرق فقط

الحمدلله على كل حال
العشيه ان شاء الله شريعه منيش مراجعة مليح الوقت ما كفانيش ..

[طالبة لها هدف]

ريااااااااااااااااااااااااااان عني ليك وحد الخبر يهز الدنيا مور ما تجي من الشريعة نجكوا فيه ا بب

[المُعادلة الصّعبة]

اوكي ان شاء الله ابعثيه وكي نرجع ان شاء الله نقراه مليح ولا مش مليح هو ؟

[طالبة لها هدف]

المشاركة الأصلية كتبت بواسطة المُعادلة الصّعبة

اوكي ان شاء الله ابعثيه وكي نرجع ان شاء الله نقراه مليح ولا مش مليح هو ؟

ههه وي يهبل
وقتاش تعقبي شريعة !!!!!

[المُعادلة الصّعبة]

على 15.00 ان شاء الله
نخرج مالدار على 14.55 ولا 14.50

[طالبة لها هدف]

المشاركة الأصلية كتبت بواسطة المُعادلة الصّعبة

على 15.00 ان شاء الله
نخرج مالدار على 14.55 ولا 14.50

ربي يوفقك
انا من دارنا لليسي 30 دقيقة هههه

[طالبة لها هدف]

-_- غير كيما كملت مناعة بفففففففففف
راني حايرة وقتش نشوف المشابك و التنفس و التخمر و التركيب الضوئي و الجيولوجيا -_-
لا علينا رح نبدا استرة ضرك

[طالبة لها هدف]

كملت الاسئلة الشائعة تع الاسترة نحل فيها شوية تمارين شاملة و نجي
اتهلاو

[jë suîs comçà]

سلااااااااااااااااااااااااااااااااام
احم احم لاحظت انو واحد ما سقسا عليا ني ريان ني ليينة ماعليش

المهم كنت مريضة و اليوم تعافيت قليلا و الحمد لله
بالنسبة لتحدي اليوم هو

*حل موضوع رقم 1 مقترح في الرياضيات شعبة علوم تجريبية مع الالتزام بالوقت 3h30min

*حفظ دروس + مصطلحات الوحدة 1 جغرافيا

*حل 2 تمارين المجال 1 تركيب البرووتين

وفقكم الله

[المُعادلة الصّعبة]

اسمحيلي آية ما سقسيتش حتى على واحد اليوم
والله ما تولهت بالموضوع اصلا مانيش مركزة معاه عقبت صباح امتحان والعشيه امتحان

سمحيلي اذا حسيتي هكاك ماقصدتش

قوليلي كيفاش صحتك؟