دفتر مطبخي ركن خاص لمستمعي اسرار مطبخ دليلة** ملتقى حراير الجلفة ** - الصفحة 84

تغرينية · 2012-08-09, 10:17

اقتباس:

المشاركة الأصلية كتبت بواسطة dahbiya

السيدة دليلة على الساعة الرابعة مساءاا اذاعة الجزائر
الشيف ناصر اذاعة بسكرة الساعة العاشرة صباحا عدا الجمعة والسبت
السيدة يعلى البويرة يوم الاثنين والثلاثاء والاربعاء والخميس على الساعة الثانية زوالا
طبخ في اذاعة تموشنت يوم السبت على الساعة التاسعة والايام الباقية مساءا على الساعة الرابعة
السيدة صليحة اذاعة عين الدفلى يوم الاثنين والجمعة على الساعة التاسعة صباحا والايام الباقية على الساعةالرابعة
اللي تعرف توقيت بقية الاذاعات الجهوية تقلنا والسلام عليكم

شكرالك
اما اذعة شلف مع الشيف مصطفىيوم الاربعاء على الساعة العشرة وفي المساء فهو على الساعة الثالثة زوالا ماعاد يوم الجمعة
واذاعة غليزان يوم الاحد والاثنين والثلاثاء من الساعة التاسعة حتى الحادي عشر وفي المساء ماعاد الجمعة على الساعة الثالثة و يوم السبت عاى الساعة الثانية زوالا

زهرة حموية · 2012-07-23, 15:26

يسلموووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووو

hinddd · 2012-07-25, 16:15

شكرا اختي على دفتر الرائع

rynad · 2012-07-25, 19:01

رمضان كريم لكل العضوات
من فضلكم ممكن وضع وصفات دليلة لهدا الشهر

arwa* · 2012-07-26, 14:21

عصير التفاح المنعش من تقديم دليلة سليماني ( يوم امس)

المرحلة الاولى:

رطل تفاح-

-250غ سكر

-1ل ماء

المرحلة التانية:

-2 ل ماء

- كأس عصير الليمون

- كأس حليب

- السكر لكم الاختيار

التحضير:

نطيب التفاح مع لتر الماء و250 السكر على النار و كي يصيب نرحيوه مليح بالميكسور بعدها نصيفيوه في صفاية و نهبطو مليح بهادوك 2 رواتل تع الماء باه يهبط العصير كامل و كي نكملو هاد العملية نحطو الماء المتبقي و العصيرتع الليمون و الحليب و السكر حسب الحاجة ندخلوه للثلاجة يبرد و يقدم بالصحة و الهناء
انا جربتو البارح في الحين و جا هايل
جربوه ما ريحينش تندمو
صح فطوركم
كما قدمت البارح:
خبز مطلوع في الكوشة

و ليكورني بالكريمة

sisi 26 · 2012-07-26, 22:12

سلام و صح فطوركم جميعا
طاجين الخوخ للسيدة دليلة يوم 5 رمضان

في كسرونة حطي حبة بصل مقطعة رقيق +سمن + + رطل لحم غنمي و حركي حتى يذوب البصل ضيفي الملح + الفلف الاسود + قرفة + زعفران و نحمسو ثم نمرق بماء ساخن و ندير الحميصة
نقطع البطاطا الى مربعات و نغليها مملحة و نصفيها و نشفها شوية في الكوشة نشفها برك مانخليهاش تحمار ثم نكرازيها و نديرلها 3 صفار بيض + معدنوس و نخلط مليح
من جهة اخرى نخلط 250 غ لحم مرحي + ملح +فلفل اسود و ندير كويرات صغار
كي يطيب اللحم نرمي الكويرات تطيب في لاصوص ثم ننزعها
ناخذ كويرة بطاطا نبسطها في اليد و ناخذ كويرة اللحم المرحي و نكور نرمدها في الفرينة ثم نغطسها في البيض و نرمدها في لاشابلير ثم نقليها في زيت سخون و غزير نحطها في صحن التقديم و ندير عليها لاصوص و الحميصة و نرش عليها المعدنوس
شهية طيبة