دورة خطواتي الواثقة لأصبح ربّة بيت متألّقة

[randa3]

سلام لكل الفراشات الحاضرات والغائبات
ربي يعينكم كامل على البيت واهل البيت

[randa3]

مرحبا بيك معانا ام محمد
مازال مافاتك والو تقدري تلحقي ان شاء الله وكيما جاوبوك ماريا واسيل
درنا تنظيف عميق للمطبخ. الكولوار. الحمام. غرفة الاطفال....... وكاين الي راهم دايرين اضراب
انتي ابداي بغرفة الاولاد باش تكوني مع الفريق وفي نفس الوقت وين مايكون عندك وقت فراغ نظفي كاش حاجة ملي فاتوك فيها بالشوية برك حتى تلحقي
ومرحبا بيك مرة 2

[خوخة02]

هههههه ام محمد ماشاء الله نشيطة اليوم مكان لا سطر لا والو ربي يحفظلك اولادك يا رب

[ام هاديل وياسين]

يعطيك الصحة اخواتي راني نتبعكم مرة على مرة راكم فرشات الله يبارك والواحد كي يدخل عندك
يشحن شوية نشاط والله راني كل مرة وكفاه عندي التريبة وزايدتني لاغتغوز وطبيب قالي اخدمي على قدك
والله مرات كي نلقى روحي مليحة نخدم بالجري وكي نلقى روحي عييت نتابع الفيديوهات نتاع الاخت هناء المغربية وحتى ملاك
يعطوك طاقة تعون بزاف ربي يبارك فيكم وراني نتابع فيكم الى الاماه هههه

[omelbanin]

السلام عليكم، كيف الحال، انا من البارح لعشية والمنتدى قالي ما نتفتح
اختي ام محمد مرحبا بك معنا وراكي منورة الله يبارك، ،
انا اليوم تقريبا مادرت والو نص نهار وانا وزوجي مع الحوض تاع المطبخ تبوشالي، والمشكل انو لقيناه مبوشي جهة الدوش، نحينا كامل التوييوات وعاودناهم، والنهار ماشي قع تاع هاذي الخدمة، البرررد والشتاء، وعشيت نسيق. وخرجت الماء حتا لبرا

[ام تينة]

عندما ينشغل الناس بأعمالهم
وينهمك العباد بطلب أرزاقهم
جميلٌ...
أن تكون ممن يلهج لسانه بذكر خالقه جل جلاله
كن...
من الذاكرين المسبِّحين

امطار على الجزااااااااااااااااااااااااااااااائر العاصمة اللهم حوالينا لا علينا

اللهم صيبااااااااااااا نافعاااااااااااااااااااااا

الدعاء والذكر [ حال ] نزول المطر :
روى الإمام البخاري في صحيحه أن النبي صلى الله عليه وسلم : صلى صلاة الصبح بالحديبية في إثر سماء كانت من الليل فلما انصرف أقبل على الناس فقال (هل تدرون ماذا قال ربكم) قالوا الله ورسوله أعلم قال: (قال الله أصبح من عبادي مؤمن بي وكافر ، فأما من قال مطرنا بفضل الله وبرحمته فذلك مؤمن بي كافر بالكوكب وأما من قال مطرنا بنوء كذا وكذا فذلك كافر بي مؤمن بالكوكب ) .
روى الإمام البخاري عن عائشة قالت إن رسول الله صلى الله عليه وسلم كان إذا رأى المطر قال ( اللهم صيبا نافعا ) .
( اللهم سقيا رحمة ولا سقيا عذاب ولا بلاء ولا هدم ولا غرق ) , فكل ذلك صحيح ثابت عن النبي صلى الله عليه وسلم .
أو أي دعاء وذكر فيه شكر الله على نزول المطر .

الدعاء إذا [ اشتد نزول المطر ] وخشي من الضرر :
في الصحيحين عن أنس أن النبي صلى الله عليه وسلم قال ( اللهم حوالينا ولا علينا اللهم على الآكام والظراب وبطون الأودية ومنابت الشجر ربنا ولا تحملنا ما لا طاقة لنا به ..

[أريج13]

السلام عليكن اخواتي .....
ام محمد مرحبا بك اختي بيننا ...و الله هذه نعم الصحبة و الصداقة و الاخوة ....فراشات نشيطات يتواصون على الصلاة ،قراءة القران ،الحفاظ على الاذكار ........،يتجملن و يحافظن على نظافة بيوتهن ......ادامهن الله ووفقهن لما يحبه و يرضاه

[mariamalak]

السلام عليكم حباباتي راه عندي مشكل ما قدرتش ندخل للمنتدى هذا وين قدرت نحط الصور تاع غرفة البنات
نرقد بناتي و نجي

[randa3]

وعليكم السلام ورحمة الله تعالى وبركاته
يا ماريا مش غير انتي الي عندك مشكل في الدخول للمنتدى انا ثاني بالسيف باش قدرت ندخل درك
كاشما كاين خلل ربما

[ام تينة]

حبيباااااااااااااااااااااااااااات قلبي لا تنسو ادكار النوم

النوم على وضوء

سووووووووووووووووورة الملك

[randa3]

المشاركة الأصلية كتبت بواسطة ام تينة

حبيباااااااااااااااااااااااااااات قلبي لا تنسو ادكار النوم

النوم على وضوء

سووووووووووووووووورة الملك

شكرا ام تينة على التذكير
كدت انسى سورة الملك بارك الله فيك

[حياتي كلها امل]

اصبحنا واصبح الملك لله
اللهم صيبا نافعا
يارب اشفي مرضانا ومرضا المسلمين يارب اشفي اختناام اروى يارب

[حياتي كلها امل]

بارك الله فيكم يافرشات راكو نشبطات

[randa3]

يعطيك الصحة يا ام محمد راكي شاطرة
ان شاء الله كامل الفراشات يكونو في شطارتك وفي اصرارك على العمل بالرغم من انك مريضة اليوم
ربي يشافيك ان شاء الله. كملي بهاذ الحيوية ورايحة تكوني ربة بيت متألقة باذن الله

[randa3]

اعتقد ان الكثير من الفراشات لم يستطعن الدخول الى المنتدى هذا المساء
بسبب خلل في الاتصال مش غير اناوانتي يا ماريا..............