الجزء 180 من الكوزينة (رمضانكم كريم ) - الصفحة 84

أم يوسف2 · 2017-08-07, 19:34

يعطيك الصحة حيوتة انا قريت ردك قلت او وو ماشافتنيش واقيلا كي زدت هبطت لقيتك جاوبتيني صحيتي والدعاء ماشي عالسكنة مي ادعولي معليش خخخخ جوزت مسابقة التعليم وراني نستنى النتيجة يارب ننجح ادعولي

fleur de lili · 2017-08-08, 08:28

صباح الخير علي عضوات الغائبات والزائرات.
ام يوسف ربي قدملك لفيه الخير أختي
بنتي حيوة فرحتينى كي حبوبى مهدي سنن غير وجدي شرشم ولعيش.
باش نجي نبارك.
غدائ راح ايكون شربة بيضاء فرميسال مع كسرة وسىلاطة.

cilia · 2017-08-08, 13:50

[IMG][/IMG]
[IMG][/IMG]
[IMG][/IMG]
هاذو شوية صور من نجاح اختي في شهادة الباكالوريا

cilia · 2017-08-08, 14:01

[IMG][/IMG]
[IMG][/IMG]

حياة نور الدين · 2017-08-08, 16:16

السيلام عليكن

ميمتي فلوغ الف مرحباااااا ونعرف جي نوجد اللي يخطر في بالك وتحبيه ربي يفرحك حنونتي

سيليا الفىالف مبروووووك وربي يدوم الافراح كلشي بالطبع الله يبارك

ام يوسف ربي يوفقك وينجحك ان شاء الله المهم بشرينا حنونة

البارح صمت هدا كان فطوري وعشا هم راجلي وبناتي شربة لسان الطير وبيتزا

أمنية غفران · 2017-08-08, 18:24

السلام عليكم و رحمة الله تعالى و بركاته

أخواتي الكريمات عضوات و زائرات نهاركم زين

سيليا الف مبروك لأختك عاقبة لنجاحات اخرى ان شاء الله

ام يوسف ربي يفرحك و الي فيها الخير ربي يقربها منك ان شاء الله

حيوتة ربي يحفظك و يا عمري على مهدي الحنون راهو يسنن يا ماما ربي يحفظه و يكبره في طاعته و يرزقك بره

واه عجبني الفلفل و العائلة الكريمة بنة و حطة الله يبارك و فكرة جديدة امممممممممممممم

شفتي حيوتة انا نهرب من متاعبي في الطبخ ههههههههههههههههه

بيلسان الحنونة راني الحمد لله يسقسي عليك الخير ربي يحفظك و قيلة الناس راهم قاع عطلة ان شاء الله تخدمي الميكرو و تمتعينا بأطايبك اللذيذة

فلور العزيزة بصحتكم شربة البيضاء نحبها بزاف

سحابة وينك

.................................................. ...........

اليوم راني جبت ليكم واحد شطيطحة واحد شطيطحة حارة و بنينة يا يما شحال بنينة ننصحكم تجربوها فيها مكون الرئيسي ممكن يكون غريب عليكم بصح بالاكم تضحكو عليه راني نفيق بيكم احم احم احم

شطيطحة رقـــــــبـة الديك الرومي الحارة

بالاكم راكم شايفين رقبة الديك الرومي تجي طويلة امالا تقطعيها و تغسلها مليح بالخل او الليمون الي متوفر عندك و من بعد ترابي حبة بصل و تضيفيها للرقبة مع شوي زيت و تقلي مليح لازم تقلي مليح و ضيفي الملح و عود قرفة و ورقة رند و زدت ضفتي ليها فلفل او الحرور الاحمر الصغيرون الحار كاين الي يسموه حرور قناوة درت ثلاثة حبيتها تكون حارة حارة اممممممممممممممم و زدت طماطم مصبرة و مرقت و غلقت الكوكوت مينيت باش نربح الوقت علابالكم بحال العاملة

المهم من جهة اخرى قطعي حبيبات بطاطا قطع شوية غليظة و نقليها في شوية زيت يعني نحمرها فقط و كي نشوفو رقبة الداند طابت نذوق المرق و نضيف البطاطا و نخليها تجمر امممممممممممممممممممم و بصحتكم احلى شطيطحة

تفضلن الصور

و هادا الحرور القناوي

في أمان الله

حياة نور الدين · 2017-08-08, 19:32

اهلاااا امنية حبيبتي الشطيطحة باااينة تهبل وخاصة كي قلتي حاارة امممم وامممم والمكون اللي قلتي عليه نموت عليه هههه حتى دعاء بنتي متاكلش اللحم ولا الدجاج الا نادرا بصح الرقبة تموت عليها
وعلاش نضحكوت راه كل من نعمة ربي انا نطيب بها مثلاا نديرها بنة في مرق الطعام او مع البطاطا والحمص جواز ونزيدك هدي نطيبها في الكوكوت وكي طيب نفتتها وندير بها غراتان يجي يهبل في البنة

وربي يحفظك على كلامك ويرزقك احلى بيبي يااااا رب

بيسو نسيتك مقبيل حنونة اسمحيلي واش راكي وبالشفا على ميكروك هههههه

ارزاق انت ثان نسيتك هداك النهار توحشناك واش راه الببونة تاعك

koozinti · 2017-08-09, 15:44

مع اقتراب عيد الأضحى أقدم لكم مجموعة من تشكيلات للحلوى السهلة و البسيطة بنكهات مختلفة و لكن بعجينة واحدة
https://kooozinti.blogspot.com/2017/08/4.html

بيلسان91 · 2017-08-09, 20:45

بيلسان91 · 2017-08-09, 20:49

هداك غدا تع ليوم معاه هندي تاكلوه نتم ولالا

أم يوسف2 · 2017-08-10, 08:57

سليا اختي البركة على اختك الباك العاقبة لنجاحات اخرى قوليلها ماتفرطيش في قرايتك حتى تجيبي الديبلوم قوليلي وش مالتخصص اختارت
ونقولك عجبني السيرفيس بزاف

أم يوسف2 · 2017-08-10, 08:59

وش وين راكم يالشابات راهي غير بيلسانو تدور هنا
وشراكي بيلسان ايييه الهندي هاد اليامات رانا دايرين بيه حالة هو والبغصيص

أم يوسف2 · 2017-08-10, 11:49

سلام راني زعفانة ماربحتش في المسابقة

أم فاطمه · 2017-08-10, 15:48

السلام عليكم
توحشتكم ورني نقول علاش مرهمش يبنو سعا نتما ركو متليمين فالكزينة مشاء الله عليكن و يبعد عليكم العين ياريت كان عندي الوقت ندخل وندردش
معكن عجبتني فكت الكزينة تحسب راكم متليمين في بيت واحد ام يوف متزعفيش متدي الى لكتبهلك ربي حتى ولدي دخل المسابقة وخسر عقبا لعام الجاي ان شاء الله تحياتي اليكن جميعا

ام سلسبيل البليدية · 2017-08-10, 16:10

السلام عليكم ربي يباركلكم و يفرح لي بقاو كل وحدة واش في قلبها انشاء الله ترحبوا بيا في كوزينتكم واش تضيفوني