كل مايخص الخدمة الوطنية نجده هنا - الصفحة 830

الصادق الناصح · 2012-07-16, 21:42

[quote=anouar0771;10837636]السلام عليكم خاوتي الأعزاء

راني رجعت ليكم بعد غياب دام حوالي 10 ايام بعد حظر عضويتي من طرف الإدارة
والله توحشتكم وراني كنت نتبع في أخباركم فردا فردا كلمة بكلمة فكرة بفكرة......وماحبيتش ندير عضوية جديدة وفاء لعضويتي القديمة التي اراها جزءا مني ومنكم
المهم إخواني أنا اليوم شفت واحد صاحبي نسيبو رائد بالجيش في العاصمة إن شاء الله غدا نشوفلكم الجديد ونخبركم سواء كان السيد هذا جاب الجديد ولا لا ....اصارحكم قولا أن هذا الرائد وعلى حساب صديقي فهو ليس مهتما ومطلعا بأمور الجيش كثيرا .... وزيد فيه شوية ذرة البخل يعني ماشي سيرفيابل.... المهم رانا نتبعوا فيها دوقة دوقة حتى باب الدار....هههههه

خاوتي سعدت بلقائكم مرة أخرى وكاش جديد راني هنا ديما مع الأخ أيوب وعبد الله والاخوة الأخرين الأفاضل.......

اخي انور السلام عليكم واش هاذ الغيبة توحشناك بزاف طولت علينا احكيلنا واشراك

anouar0771 · 2012-07-16, 21:52

والله يا أخي رانا مع السخانة هنا في بسكرة واكيد راكم سامعين بالحالة لي رانا فيها من تذبذب توزيع الكهرباء والماء....الخ
بلا ما ننسا خونا الإعفاء لي راه داير فينا حالة الله لا تربحو.....ههههههههههههه

المهم رغم كل شيء الواحد يصبر ويقول الحمد لله هكذا ولا كثر.....

maladona · 2012-07-16, 22:02

مرحبابيك خويا أنور

anouar0771 · 2012-07-16, 22:34

الله يسلمك أخي Maladona
كيف حالك ؟

maladona · 2012-07-16, 23:44

الحمد الله
و الله كلنا أمل أنه سيكون إعفاء

maladona · 2012-07-16, 23:54

و لماذا لا
قلتلكم بلي قالولي بلي لارمي دارو دراسة
ولقاو أن الجامعيين مشكلتهم في لاكارت
و لقاو أن نسبة توظيف الرجال قليلة
لهذا السبب طرحوا مشكل الجامعيين وهو قيد الدراسة
وقالو بلي جميع من كان لديه تأجيل سيستفيد من الإعفاء
و يستثنى لي ما سجلوش رواحهو ودارو سورسي

الصادق الناصح · 2012-07-16, 23:55

اقتباس:

المشاركة الأصلية كتبت بواسطة maladona

و لماذا لا
قلتلكم بلي قالولي بلي لارمي دارو دراسة
ولقاو أن الجامعيين مشكلتهم في لاكارت
و لقاو أن نسبة توظيف الرجال قليلة
لهذا السبب طرحوا مشكل الجامعيين وهو قيد الدراسة
وقالو بلي جميع من كان لديه تأجيل سيستفيد من الإعفاء
و يستثنى لي ما سجلوش رواحهو ودارو سورسي

asma3 maladona win rak arwah rani m3a anouar 0771

hicheme83 · 2012-07-17, 01:45

السلام عليكم
اهلا خويا أنور وخويا ايوب ان شاء الله راكم بخير.انا ليوم روحت للمكتب نتاع بسكرة وقالولي بأن الاعفاء راه موجود ولكن لحد ساعة لم يأتي أي امر بشروع بتنفيذ هذا المرسوم.قالي زيد اصبر شوي لعله سيصدر عن قريب.

maladona · 2012-07-17, 08:01

غادي نعاود نقولها الإعفاء كاين منوا
لكن عدم تنصيب الحكومة
والعطلة الخاصة بالوزارة خلت هذا التأخير
حتى الإنتخابات المحلية و غادي يأجلوها حتى ديسمبر
بقات على بوتفليقة
و يليق نتكلوا على ربي

maladona · 2012-07-17, 08:07

و الناس لي راها خايفة نقولهم حاجة
في وقت فات كان أمر البحث يخرج في الإستدعاء الثالث
لأنه كانو يستفيدو من الإعفاء أصحاب
ديبلوم + 3
ولكن بالنسبة لأصحاب 2009 تغير الأمور ولاو يمدو الروشارش في الإستدعاء الثاني أي أنه
ديبلوم + 2
عندك الحق في الإعفاء
وهكذا نقولكم حتي و إذا ماجاش الإعفاء كيماراهم يدعوا
نقولهم روشارش يصدر حتى الإستدعاء الثالث
و هذا إذا صدر الإعفاء في 2013

hakim5200 · 2012-07-17, 09:57

السلام عليكم أني أعاني الآن من مشكل وهو متمثل في الخدمة الوطنية عندما ذهبت العام الماضي 2011 لكي أقوم بدفع ملف الكفيل بالعائلة في مكتب الخدمة الوطنية قام الرقب الأول بقراءة الملف ثم وجد أنه الشهادة التي أملكها قد إنتهيت من الدراسة في السنة 2007 و عندهاقال لي أنت تستفيد من إعفاء الخدمة الوطنية وعليك بدفع ملف الإعفاء من الخدمة ، ويعدها أنا دفعنت ملف الإعفاء و سلموني إستدعاء لمدة سنة كاملة ويعد ذهابي في جويلية 2012 إلى مكتب الخدمة الوطنية لجلب بطاقة الإعفاء قال لي عريف أنت ليس الحق في الإعفاء و أنت الأن عاصي للخدمة الوطنية سؤالي الآن هو

كيف ولماذا أنا عاصي الخدمة الوطنية و أنا قمت بدفع ملف الإعفاء كما أنه كاتي أمر بالإلتحاق الآول .؟

و شكرا أنا أنتظر الرد في اسرع وقت

عـــــــــــــــــــــــاجــــــــــــــــــــل

boudjemaa08 · 2012-07-17, 10:00

الله يعفيكم كامل

حسام2011 · 2012-07-17, 10:10

اقتباس:

المشاركة الأصلية كتبت بواسطة بشكات خيرالدين

كيف ياخويا ايوب راك باغي يبقى للواحد العقل انا زملا ئي تاع دفعة2009كامل مدولهم الاعفاء وكاين لي قالوله راك قيد الدراسة وحنا سحبوا منا الاستدعاءات في فيفيري الماضي وقالونا روح في مارس جيك لوردابال ياخي هذا قانون وكامل ناس تستفاد تعرف علاه محبوش يمدونا الاعفاء لأنوا كان عندي سورسي حتى سبتمبر 2010 دورتوا بتعيين تاع الخدمة معنتها لي كان مسوي وضعية مايستفادش وقالونا بلي راكم معا صحاب 2010كيف هذا أنا متخرج 2009وردوني بسيف 2010وكامل زملائي لي كان عندم إستدعاء واحد وعلا حساب زملائي تابعين للناحية العسكرية الاولى لي عندهم أمر الالتحاق ثاني كلهم داو الاعفاء ؟؟؟؟؟؟؟؟؟؟؟؟؟؟ايا وانا كنت في وضعية قانونية لالالالالال إذن جي واش جي ومانروحش هكا تدي الاعفاء ولالالالامكانش مكانش لاحول ولاقوة إلا بالله لم يبقى بيني وبين الجنون إلا القليل

يا خويا رانا ما فهمنا والوا أنا متخرج 2009 عطاوني استدعاء باه نهز كارت جون في جويلية2012 وكي راحت قالولي راهو خرجلك روشارش ما تستفادش من الأعفاء مع العلم راهو عندي امر بالالتحاق في مارس 2011 بصح كاين لي عندوا أمرين بالالتحاق وداها عادي والله ما فهمنا والوا مع هؤلاء لي حاسبين رواحهم أرباب لدلك نحدر إخواني لي عطاولهم استدعاء لجويلية واوت انهم يا اما يقولولكم راكم روشارشي ولا يعطيك اوردابال لأن هذا الاعفاء يلف غموض كبير مع العلم انه يحرم من هذا الأعفاء من كان روشارشي قبل هدا التاريخ اما من لم يكن كدللك بعد صدور الاعفاء فله الحق في دللك وما يسعنا أن نقول حسبنا الله ونعم الوكيل على هؤلاء

berber 1101 · 2012-07-17, 14:28

السلام عليكم
انا من خريجي 2010 ولم ياتني اي استدعاء الى حد الان مع العلم ان عندي ارجاء الى غاية سبتمير
سؤالي هوـ هل يمكنني عمل تاجيل في حالة عدم صدور الاعفاءو صدور الاستدعاء الاول في حقي .
ارجو الاجابة

lidia0561203668 · 2012-07-17, 15:13

شكرا لك اخ عبد الله و لكل جميع الاعضاء انت اخي ايوب و انت خير الدين انور كاملللللللللللللللللللللللللللللللل و الله ما ننسى خيركم ما دمت حية و ان هنا ان احتجتم لاي شيءءءءءء قادرة عليه

مشاهدة نتائج الإستطلاع: هل انت مع تقليص مدة الخدمة الوطنية الى 9 اشهر ولكن يجب على الجميع ان يادوها
نعم انا مع التقليص الى 9 اشهر و الكل يؤديها	70	73.68%
لا انا مع 18 شهر و لكن يبقى موضوع الكفالة و السبب الطبي و اكل طرق الاعفاء الاخرى	25	26.32%
المصوتون: 95. أنت لم تصوت في هذا الإستطلاع