دورة خطواتي الواثقة لأصبح ربّة بيت متألّقة

[الرابحية]

السلام عليكم صباحكم كله بركة وخير
بما انها دورة للرقي بانفسنا واعمالنا للافضل اتمنى ان ناخذ بهذه الاسباب ليبارك لنا الله في اعمالنا وفي رزقنا وفي كل مانتمناه.

1-التقوى: ان تعمل على طاعة الرحمن وترجو ثوابه على نور من الله والسنه وتترك المعصيه وتخاف من ربك وعقابه...
استحااااااااله تجد انسان تقي اشتكى ومد يده على الناس!!!

2-:قراااااااءة القرآن... قال الله تعالى: ( كتاب أنزلناه إليك مبارك)أنزل إلينا لنقرأه ويبارك الله فييييييييينا ويتوسع رزقنا...!!

3-:الدعاء..وسيييله مجانيه لطلب مانريد. لماذا لا ندعو لأنفسنا بالبركه عند الأكل او حتى عند استلام اي مبلغ بس جرب قل اللهم بارك لي في رزقي وزده واغفر لي...

4:-الفجر وقت البركه مثلا وانت تعمل استغفر ربك...قيل لأحد الصالحين: عجبت لمن يصلي بعد طلوع الشمس فكيف يرزقه الله!!!

-5عند الأكل تريد البركه لا تأكلوا متفرقين بل اجتمعوا وكلوا من حافته واذكروا الله إلعق اصابعك تناول الاكل بثلاث اصابعك ...بإختصار تطبيق سنة رسول الله صلى الله عليه وسلم..

6-:التوكل على الله والرضا ...او أنكم تتوكلون على الله حق التوكل لرزقكم الله كما يرزق الطير... بالله عليكم هل رأيتم طير يحمل على ظهره حقيبه بها طعامه او رزقه؟!!لاااااا انه حق التوكل على الله...
7:-الصدقه : من يقرض الله قرضا يضاعفه له

[خوخة02]

السلام عليكم كيف الحال
انا ماعنديش غرفة للاطفال وولدي صغير يرقد معايا خزانتو كل مرة نفرزها ودوك واش ندير انتظركم حتى نبداو في الصالون

[randa3]

بارك الله فيك الاخت الرابحية على الاضافة والتذكير

جزاكي الله خيرا

[randa3]

المشاركة الأصلية كتبت بواسطة خوخة02

السلام عليكم كيف الحال
انا ماعنديش غرفة للاطفال وولدي صغير يرقد معايا خزانتو كل مرة نفرزها ودوك واش ندير انتظركم حتى نبداو في الصالون

راكي كيما أنا الاخت خوخة

بصح حبيت نفرز الخزانة ونتخلص من اللبسة الي كبر عليها وكذلك الافرشة والاغطية كبر عليهم
وبالتالي باش نقدر نحدد مشتريات جديدة للشتاء ان شاء الله

[~اسيل ريحانتي~]

السلاااااام عليكم فراشاااااتي حبايب قلبيييييييييي

الحمد لله انهيت تنظيف الحمام لبارح خرجت حتى اليوم نظفتو ولمعت البينوار ولافابو وووو
روتيني اليومي
تجميل 05/10

ترتيب الغرف 10/10

تنظيف المطبخ مع غسل الاواني وتلميع الحوض 10/10

مسح الارضية وتعطير البيت ومسح الغبار مسحة خفيفة 10/10

تنظيف الحمام اعزكم الله مع الدوش 10/10

اعداد وجبة سريعة للغذاء ( جات في خاطري كسرة محشية لام وليد ) 10/10

امس مع الليل رتبت ملابس اولادي حتى وجعني راسي لانو جات عندي صحبتي عندها بنت مريضة بالتوحد مسكينة راحت فتحت خزانة اولادي قلبتهم راسا على عقب ههههههه ربي يشفيها ويشفي جميع مرضا المسلمين

والحمد لله رب العالمين

ااه تفكرت ام البنين ورق الاصق ماعلاباليش لا يتنحا بسهولة او لا لاني اول مرة نلصقو ونهار نحب نحيه نشوف هههه بصح
كاينا وحدة في يوتيوب ملصقاتو على فايونس المطبخ نحاتو بسهولة وعاودت غلفاتو بورق جديد والله هي لي دارتلي الحماس باه شريته

[omelbanin]

السلام عليكم، شكراً اختي رابحية، في ميزان حسناتك ان شاءالله.
ختي اسيل هبلناك على هذا ال papier هههه، اناعندي وحد لاكومود تاع خشب حبيت نغلفها بهذا الورق.
بالنسبة للروتين الصباحي تم ولله الحمد، ومع تنظيف غرفة الأطفال.
الجانب الجمالي ،لم يتم

[arwa alaa]

السلام عليكم صديقاتي راني توحشتكم بزاف وغيابي خارج عن ارادتي لاني مرضت وبدون سابق انذار ظهر عندي القلب ولازم عملية مستعجلة ادعيولي ربي يسهلي ويشفيني مزال متحددش موعد ومكان العملية راني مترددة اذا نعملها هنا ولا في تونس .... .......

[جهينة اليقين]

اروى الله يشافيك حبيبتي عاجلا غير اجل استخيري الله وشاوري الي يعرفو وما تتقلقيش

[omelbanin]

يا عمري اروى لابأس عليك، وربي يشفيك ويسهلك امورك، ديري استخارة وتوكلي على ربي، وما يكون غير الخير ان شاءالله.

[randa3]

السلام عليكم
ربي يشافيك أروى ان شاء الله، استخيري وان شاء الله ما يكون غير الخير ماتتقلقيش

[ام صفصف]

اروى حبيبتي ربي يشفيك عاجلا غير اجل،وحاولي تدعي ربي وتستخيري،ربما ماتحتاجيش العملية.

[حياتي كلها امل]

اروى حبيبتي ربي يشفيك ويعافيك وزيدي شوفي طبيب اخر متتسرعيش وميكون غير الخير ارجوكي طمنينا اول باول ومتقلقيناش عليك تعيشي

[غزالة1]

السلام عليكم
قلت نطل عليكم لقيت خبر اروئ و الله نسيت اوجاعي
حبيبتي ربي يشافيك و يعافيك و كيما قالو اخواتنا اعملي استخارة و اسالي مليح
راح ندعولك في كل صلاة و لا تنسي انك تطمنينا باخبارك و بكل جديد
اللهم رب الناس اذهب الباس يا شافي اشف اختنا اروئ

[mariamalak]

السلام عليكم
اختي اروى ربي يشافيك و يعافيك ازمة و تفوت ان شاء الله رانا كامل ندعولك بالشفاء ان شاء الله
حباباتي كملتو غرفة الاولاد و لا مزال انا ما قدرتش نكملها رايحة نخصصلها يومين باش نقدر نخملها مليح اليوم بدلت الدراوات و مسحت الغبرة و طبقت كسوة كنت غسلتها و سيقتها هذا مكان ما قدرتش مع الفطور و بنتي لاصقة فيا راهي تحبي و كي نقفل عليها تبدا غير تبكي
الاخوات اللي كملو غرفة الاولاد مبعد نصيبلكم حاجة ما تخافوش هههعع وراكم وراكم و الزمن طويل هههه

[mariamalak]

الاخوات اللي كملو المطبخ ما تنساوش تشاركو فالمسابقة و رايحة نغلق المشاركة ما بقاش الوقت باش نبداو التصويت