الجزء 157 من واش طيبتي اليوم .....كوزينة التميز و الامتياز - الصفحة 83

انا هي رزيقة · 2016-01-12, 12:02

ام جوجو و ام رحاب هذا عشانا تاع يناير انا و زوجي هو عشا مودرن مش تقليدي .....خخخخ زوجي للاسف ما يحبش التقليدي ارنوب في الفرن مع بطاطا و جزر و زيتون و هذا الطبسي خص نص لام جوجو و ام سدرة لي عجبهم الارنوب

انا هي رزيقة · 2016-01-12, 12:09

و طبعا احنا في العائلة ابدا مننساوس تقاليدنا اختي لي هي جارتي في نفس الوقت دارت طعام بالبقول الجافة و القديد تاع العيد و الدجاج و بعثاتلي حقي .
هذا ليكم كامل لبنات طعام يناير تاع الاجداد كانو يطيبوه بالبقول الجافة و الدجاج و كل انواع اللحوم المتوفرة باه السنة تكون مباركة و عامرة بالخير اللهما ادمها نعمة و احفضها من الزوال

انا هي رزيقة · 2016-01-12, 12:13

و هذي التحلية

أم سدرة · 2016-01-12, 12:38

اقتباس:

المشاركة الأصلية كتبت بواسطة انا هي رزيقة

ام جوجو و ام رحاب هذا عشانا تاع يناير انا و زوجي هو عشا مودرن مش تقليدي .....خخخخ زوجي للاسف ما يحبش التقليدي ارنوب في الفرن مع بطاطا و جزر و زيتون

و هذا الطبسي خص نص لام جوجو و ام سدرة لي عجبهم الارنوب

شكراً أختي رزوقة راكي مانسيتينيش وبعثتيلي قسمتي ربي يخليك ويعطيك واش تتمناي

أم سدرة · 2016-01-12, 12:40

راني طيبت العدس اليوم

انا هي رزيقة · 2016-01-12, 12:53

ياهلا بام سدرة تستاهلي حبيبتي و بصحتكم العدس
ام صابرين كل سنة و القمورة تاعك بخير يا رب

ام محمد اسلام الله · 2016-01-12, 13:41

السباقيتي رهو يشهي يعطيكم الصحة اما الارنوبة راهي تقتل زيكا واين راه حقي تاكلي واحدك

بصحتكم كل شيء يشهي دخلة غير نطل عليكم دوكا انرون لخفاف لقهوة لعشية ونجي متهربوش في امان الله وحفظه

انا هي رزيقة · 2016-01-12, 13:56

ام محمد اسلام ربي يعينك على الاشغال اختي و اذا على الارنوب ادي واش تحبي راه الخير كاين حبيبتي و راني قاعدالك اهنا حتا جيبي لخفاف ما عندي وين نروح .... خخخخخ

زينب 83 · 2016-01-12, 13:58

السلام عليكم
ماشاء الله اطايب و لا في الاحلام يعطيكم الف عافية
السباغيتي و الارنوبة و السفنج و السمنيات
و السهرات كلشيى تووووووووب
الاخت لي سالتني على الخلوى هذا وين شفت سوالك حنونتي سامحيني
الوصفة راهي هنا و هي نفسها في الشكلين
https://www.djelfa.info/vb/showthread.php?t=1869887
اما عدد الحبات ماشفيتش لكن كمية متوسطة
و من داخل انا دخلت نوتيلا الثلاجة باه تجمد و مباعد حشيت بيها الخلوى من داخل جات اممممممم مع ذوق الكابريس
و اي سوال حنونتي انا في الخدمة

زينب 83 · 2016-01-12, 14:00

تفكرت اختي الشوكولا استعملت فيكيجاو و من فوق درت ملمع ناكخي
والشوكولا ذوبتها في الكسكاس على نار هادية

ارزاق · 2016-01-12, 14:10

مساء الخيرات وصح غدواتكم
زينب كي راكي هنا من فضلك البارح حطيتي صور تحليات وحدة داير بيها التفاح ولي تحتها عجبوني لكن معرفتهمش اذا عندك وقت اكتبيلي الوصفات . وراني درت السفنج لي حطيتيه يعني كاول محاولة شويا معرفتش نشكلو لكن جاني مليح وخفيف لكن من داخل شرب الزيت انا المقلة 1 نقصت للنار والمقلة 2 قويت

ام محمد اسلام الله · 2016-01-12, 14:21

ههههههههههههههههه زيكا املا راكي تسناي في لخفاف ميكون غير خاطرك ونزيدلك معه كاس اتاي منعناع الله الله
ارزاق وزينب اناشاء الله تكونو في احسان الاحوال ربي يفتحها عليكم وعلينا اخواتي