الجزء 150 من واش طيبتي اليوم..... نورتو غالياتي تفضلوا .....مرحبا بكن

[x ام رحاب x]

ام سيراج صباحك اسعد حبيبتي واش راكي
ام الاء يعطيك الصحو على القوفر راني ماحتاجا الوصفة تسلمي
ام ياسين كل عام واميرة بالف خير وتورتة الله ايبارك اتهبل ماشاء الله

[um alaa]

المشاركة الأصلية كتبت بواسطة ماريا.م

ام آلاء.... راني جربت لي قوفر البارح وماخرجوليش ،ماعرفتش وعلاش
طولو بزاااف باش طابو وجاو معجنين ....
في رايك وين راه المشكل؟؟؟

ماريا بلاك عمرتي بزاف المول
والنار درتيها قاوية و لا ضعيفة
و لابات خليتيها ريحت و لا لالا

[أم ياسين الزهراء]

بالسيف باش نحمل

انا خدمت زوج تارت هك خير مانعرفش نقسم التارت يخرج طرف اكبر من الاخر قلت نخدم زوج تارت افضل بعد ماسقيت التارت الاولى بالسيرو اللي خدمتو كنت خدمت كريمة ساهلة وهي نص ليتر حليب مع 2 مغارف نشاء و2 مغارف سكر وحطيتهم على النار كيعقدت درت 2 صاشيات سكر فاني وغطييت الكريمة بصاشي وخليتها تبرد وكيبردت خلطلها كرام شانتي مضربى طبعا وخرجت كريمة روعة وخفيفة وقيلة يسموها كريمة دبولمات وحطيتها على التارت الاولى ومنبعد درت التارت الثانية وسقيتها بالسيرو وكملت التزين

[x ام رحاب x]

ام باسيم وبيسان الله ايبارك راكي اتفنني بالتبلات الصور هايلين والاكل ديالك باين بنين ربي يخليك لوليداتك حبيبتي
ا

[omjoujou]

ام رحاب لعزيزة تاعي الله يسلمك
لالا حبيبتي روحت لبارح كي كملنا التحميمة بعد روحنا وزيد زوجي ليوم خدام
ام ياسين معليش حنونتي حطي الصور بغرضك
ماريا واسيا يسعدلي صباحكم
ام باسم وبيسان اطباقك رووووووووعة
نروح عند شغالاتي ربي يعينا كامل
لغدا راح ندير لوبيا خضراء ونشوف وش نزيد ندير معاها
سللللللام

[البحر الصافي]

صباح الخير عليكم لبنات
ام ساجد هبلتينا بالكرواصو وانا تفنينت نديرو راني ديت من كل حاجة زوج وخلي الميزان يطلع
ام جوجو ستنيتك وما جيتيش بصحتك التحميمة تصدقي من كنت صغيرة خلاص ما رحتش للحمام
مرة كتبلي الطبيب 20 يوم في الحمام ومارحتش على جال لولاد منقدرش نخليهم وحدهم
ام وابنة ربي يعاونك يا اختي والله تتعبي بزاف ربي يعطيك الصحة
لبنات ام رحاب مدخلتش امس راهي الصفحات ما تتحلش كل
ام ماجد الله يبارك مع انك من لي دخلت جامي عبرتيني معرف وعلاه كنت من المعجبات بيك
وبكواليسك قبل ما نسجل وكي سجلت الاخوات كل رحبو بي الا انت وقلت عادي متولهتش لكن انت من اعمدة اكوزينة ونحترموك ونقدروك ويعجبوني بناتك والبساطة نتاعك نحسك تشبهيلي
ام ياسين عيد سعيد لميرة عندها ربع سنين ربي يبارك
ام اماني وعبدو وشراكي اختي وشراهم لولاد
زهرة وام علي صباح الخير
ام وسيم الكيك يهبل يعطيك الصحة
ام سراج صبا الخير
لبنات لي يجو من بعدي صباح الخير
ما نجي نكتب رد نلقى اخرين دخلو المهم اسمحولي

[أم ياسين الزهراء]

يارك فيك البحر واسيا نسيت نقلك هبلتني بالغربية روعة الله يعطيك الصحة
ماريا معليش اختي ادا هدي المرة ماصلحلكش ليكوفر عاوديهم وصححي الاخطاء واش لبزنا واش رمينا ربي يغفرلنا بصح بنية التعليم

نزيد معاكم شوي ونوض راح الحال علي ومنبعد نولي نجري

[x ام رحاب x]

البحر الصافي حبيبتي راني ادخلت اليوم ربي يخليك على السؤال واش راكي انت راكي اتسكني في بسكرة خيار الناس حبيبتي
ام ياسين الكواليس هايلين ويعطيك الصحة مرة ثانية
اسيا الغريبية هايلة بصحتك
ام حبوبة التارت عايلة بصحتك حبيبتي

[البحر الصافي]

صباح الخير
كتبت رد طويل عريض وسقسيت عليكم الكل وكي جيت نبعثو طار
المهم وشراكم كامل راني تعبت ما نقدرش نعاودو
تعديل
الحمد لله الرد قريتوه وان نحسابو طار
ام رحاب تسلمي حبيبتي على الكلام الطيب ومرحبا بيك في كل وقت

[ماريا.م]

المشاركة الأصلية كتبت بواسطة um alaa

ماريا بلاك عمرتي بزاف المول
والنار درتيها قاوية و لا ضعيفة
و لابات خليتيها ريحت و لا لالا

طيبتهم في قوفريي تاع التريسيتي شريتو جديد، شكيت المشكل فيه ،يطوووول باش يسخن وزيد مافيهش ريقلاج تاع الحرارة ، يعني ماتزيد ماتنقص...ماركة كلاترونيك....

[um alaa]

المشاركة الأصلية كتبت بواسطة ماريا.م

طيبتهم في قوفريي تاع التريسيتي شريتو جديد، شكيت المشكل فيه ،يطوووول باش يسخن وزيد مافيهش ريقلاج تاع الحرارة ، يعني ماتزيد ماتنقص...ماركة كلاترونيك....

نعرف باللي هاد الماركةمليحة عندي بزاف الات بيها القوفرييي تع التريسيتس يطولو باش يطيبو لازملهم وقت ادا عاودتيهم ان شاء الله ما تعمريش بزاف المول و خليه يسخن قبل ما تحطي لابات فيه هكدا ان شاء الله تنجحلك و لابات ما ديريهاش بزاف عاقدة باش ماجيكش معجنة لازم كيما تاع لي كراب
شحال شريتي القوفريي ادا حبيتي طبعا

[x ام رحاب x]

هادو بعض اطباقي


هادا طاجين الرخام

هادي تارت

هادا كروكي ام ماجد

ان شاء الله ايفوتو الصور

[البحر الصافي]

ام تاجو حبيبتي مدايراتك في راسي ونسيتك في الكتبة برك
وليدك مالا سنة خامسة منين رايحة ترفعي الفروض قوليلي
انا نعرف غير الموقع الاول للدراسة
باسم وبيسان بصحتك السهرة حتى انا قعدت مع ولادي وقريتهم و
لا النت هبلتنا وبعدتنا عل العايلة صح انا ساعات نحب تروح التريسيتي
على جال نتلمو كيما بكري ونحكيلهم حكاية في الظلمة يا سلام على ايام الصغر
ام الاءواسيا ومريا صباحكم سعيد
امينة مدخلتش اليوم هي وساجدة بالاك الحوت راح جهة فرنسا
الرجاء وام حبوبة ثاني ما بانوش ان شاء الله يكونو بخير

[ماريا.م]

شكرا ام ياسين على المواساة ، صح نتقلق كي ما تخرجليش الحاجة....بصح نبقى موراها حتى نتعلملها
الفحلات...الله يبارك على الخيرات اللي حطيتو...كل شيء 44444
ام ساجد غيييييرني الكرواسون تاعك4444....لااااازم نديرو ان شاء الله
مازال واحدة ماقالت واش تدير فطور؟؟؟

[lyzzabel]

السﻻااااام عليكم و رحمة الله .. صباحكن سعيييد حبييبااتيي

مازاال النت معوجة مالبارح ما نجمتش نكتب رد و الصفحاات ما يتحلوووووش واااااااع .. تسمى ما رااجعت والو و قتلني التقرعيييج خخخخخخ

بصحتكم قاااع شاطيبتوو .. فطوورنا لوبيا قرييني بلحم العجل و شكشوووكة و الحمد لله على نعمه


اللهم إني أسألك خير هذا اليوم فتحه و نصره و نوره و بركته و هداه و أعوذ بك من شر ما فيه و شر ما بعده