الجزء 31من واش طيبتي اليوم؟ - الصفحة 83

ladymillion · 2013-10-10, 22:21

هااااااااااااااااااي الزينات واش راكم

انا هذا وين خلصت طيبت قاطو نتاع مشيمشة على طريقة فيوزة ومزال المعجون غدا ان شاء الله

ام ماجد واش من قاطو راح ديري ؟؟

ladymillion · 2013-10-10, 22:22

نور ايناس ، المبتدئة ن الدنيا واش درتوا قاطو يالحراير

الدنيا · 2013-10-10, 22:27

وين رحتوا لبنات و لا رقدتوا ههههه الله يحسن عونكم مع تعب الميناج
احنا ماما و الكنة غسلو الثلاجة و الكويزينيار و الكوشة
وانا و اختي التوام رايحين نديروا الميناج غدوة و نكملو السبت
اما القاطو احنا نورمالمو الغرب مانحوسوش على القاطو بزاف في الاضحى
نديرو صباح العيد المشهدة او المسمن مقلي ومعسل لكن باغية نبدل
و ندير نقاش لهومة و غريبية ام كوثر

ilbeldelmondo · 2013-10-10, 22:36

اختي الدنيا ربي يكون معاكم حنا ثاني انا و ليدي اختي بقالنا الميناج

ladymillion · 2013-10-10, 22:38

دنياااااااااا ربي يكون معاك في الميناج انا نكرهوا نقعد يوم كامل في الكوزينة ومانحبش الميناااااااااااج

ديري حتى نوع نتاع قاطو حنا عندنا لاااازم نديروا قاطو العيد لازم ههههه

الدنيا · 2013-10-10, 22:40

ايمانو و طومة بغيت نسقسيكم مادامكم من الشرق و معروف عليكم تاكلو الحار
ماديرلكمش مشاكل في -------- راكم فهمتوني نورمالمون جاوبوني بسرعة

ladymillion · 2013-10-10, 22:43

دنيا هههههه ان شاء الله مكانش مشاكل انا نمووووووووووووت على الحار والحمد لله وكااااامل ياكلوه لكن مكانش هاذ المشكل الحمد لله ولابااااااس لكن ماشي كل يوم ناكلوا الحار ههههه

ilbeldelmondo · 2013-10-10, 22:44

شوفي الدنيا انا لست من محبين الحار لكن كي ناكلو يحدثلي إسهال قليل لكن كي تتعودي مايدير والو كيما إيمان هههههه
لكن كي طولي ماتاكليش تصرالك مثلي

الدنيا · 2013-10-10, 22:46

بالعكس احنا في الغرب يقولك اللي ياكله بزاف هو اللي يدير البواسير

ilbeldelmondo · 2013-10-10, 22:50

ايه الدنيا غلبتني علمتني.... ههههه صح يدير البواسير انا نهدر لك على الإسهال و الوجع في لبطن
يقولو الحار المر الحلو الحامض و المز مثل طعم المعادن و المالح لازم ناكلوهم باعتدال

ladymillion · 2013-10-10, 22:51

دنيا بالاك كاين لي حساسين منه بزاف صح وكي تكثري منو هكذاك يصرا هههه
ربي يسترنا مالا

ladymillion · 2013-10-10, 22:53

الدنيا هاكي ذوقي الطرشي والهريسة درتهم صباح واذا جاك حاااااااار بزاف اشربي اللبن والمسفوف حلو

جربت هريسة بروووقة مممممممممم تهبل تهبل حارة وبنينة ودرت طرشي بطريقة امي

وهذا غداء الحكومة مسفوف واللبن وديسار

الحمد لله

الدنيا · 2013-10-10, 22:56

ممكن طريقة طرشي ماماك و الهريسة عندي غير الخضراء و حبات حمرين

ladymillion · 2013-10-10, 23:03

الهريسة نتاع بريق الامل راهي نثبتة في قسم المقبلات والسلطات جربيها تهبل

طرشي امي : 5 حبات فلفل حارين مغسولين ومقسومين على اثنين أو اربعة كيما تحبي

5 فصوص ثوم تكون كبيرة شوي

3 م ص ملح

م ص فلفل أسود

نصف م ص كمون

م ص كروية

م ص موطارد

هاذ التوابل هرسيهم مع الثوم في المهراس
حطي الفلفل نتاعك في علبة وديريلو الماء يوصل للفوق وحطي التتبيلة هاذيك + 5 م ك خل اغلقي العلبة وخلطيها ملييييح

الخضر تقدري تستعملي بسباس او كيما درت انا جزر او طماطم او بروكلي مفور نص طياب كييييييييما تحبي

وتخليه 3 ايام أو 4 بعيد عن الحرارة وماتحطيهش في الثلاجة ههههه دةرك تقولي ويييييييييييين راح نحطوا

حطيه في بالكون يعني الجو نتاع برا احسسسسسن ليه

هاذا هو الطرشي البنين ههههه

الدنيا · 2013-10-10, 23:12

شكرا جزيلا للام العزيزة ربي يحفظهالكم