الأخت yarasmin. 26 ترد على تساؤلاتكم هنا - الصفحة 83

sassah · 2012-10-20, 00:03

باه يسقيو الجينواز و واش هو سر دوق الشوكولا
و كيفاش يديرو البافي
و ربي يعطيك ماتتمناي ان شاء الله

yarasmin26 · 2012-10-21, 14:40

اقتباس:

المشاركة الأصلية كتبت بواسطة sassah

باه يسقيو الجينواز و واش هو سر دوق الشوكولا
و كيفاش يديرو البافي
و ربي يعطيك ماتتمناي ان شاء الله

*ايسقو الجينواز بالسيرو {القطر } ماء+ سكر او اي مشروب غير غازي عندك
*مافهمتش كلمة سر ذوق الشكولاطة ولا راكي تقصدي المعطر تاع الشكولاطة
*حلوة البافي """""""""""المقادير"""""""""""""""
1 كلغ كوكاو+500 غ مارغرين+كوب عسل+علبة حلوة الترك+2 علب بيسكوي+ كوب سكر +علبة لحظة+ 1 كوبونصف ماء+ملون+ لفاني
حمري الكوكاو ذهبي واطحنيه+ بيسكوي مطحون+حلوة الترك+المارغرين ذايبة وعسل باردين ثم ضعيهم فوق قالب مربع بعدما تعجنيهم مليح كيما الخبز
وجدي ماءوالسكرولفاني +طرف زبدة مذوبة وشوفي ديريهم على النار غير شوية قدما يغلي الغلوة 1 وخريه من النار وفرغي لحظة باليد واليد الاخرى بالباتوغ حتى تولي كريمة ثم ضعي ملون اذا اردتى وضعيها فوق الخليط وهي سخونة ثم سويها وتروكيها تنشف ليلة كاملة منبعد قطعيها كما تريدين
شهية طيبة

فوزية1975 · 2012-10-21, 06:27

[size="6"]هل القريوشات نعجنوهم ام لموهم فقط[/size]

yarasmin26 · 2012-10-28, 13:27

اقتباس:

المشاركة الأصلية كتبت بواسطة فوزية1975

[size="6"]هل القريوشات نعجنوهم ام لموهم فقط[/size]

بعض الاحيان تعجن بصح مش كثير غير شوية حتى الانسجام

wadou16 · 2012-10-21, 11:13

السلام عليكم
كيف حالكم اخواتي
اختي حبيت تقوليلي على الوصفة تاع قاطو ال****اجةا الي يجي هشيش بزاف (الصدفة)
ياريت في اقرب وقت حبيت نديرو للعيد

yarasmin26 · 2012-10-28, 13:23

اقتباس:

المشاركة الأصلية كتبت بواسطة wadou16

السلام عليكم
كيف حالكم اخواتي
اختي حبيت تقوليلي على الوصفة تاع قاطو ال****اجةا الي يجي هشيش بزاف (الصدفة)
ياريت في اقرب وقت حبيت نديرو للعيد

حلوة الصدفة"""" 250 غ زبدة طرية+2 كوب اتاي سكر قلاصي+2 كيس لفاني+1 كوب اتاي زيت+4 بيض+1 خمارة الحلوى+قرصة ملح+الفرينة حتى تنتلم العجينة خليها ترتاح شوية ثم شكليها بالقالب تاع الصدفة ثم ضعيهم في سنوى مدهونة اوورق زيتى في الفرنعلى 180 درجة في فرن ساخن من قبل حتى يطهى وكي يبردو ادهني بالجوانب بالمعجون ثم رمديهم في الكوكاو مدشش او نواة كوكو او لوز ايفيلي كيما تحبي

هذه هي الوصفة الي راكي تحوسي اعليها انتظر ردكي

AZEFONE · 2012-10-21, 13:26

سؤال على مقروط الزيت من فضلك ماهو السر فامقروط باش يجيي معسل من الداخل اي كتقسمى الحبة تكون تلقاي لعسل وكدلك ادا تكرمتي وعطيتيني الوصفة الحقيقية نتاع امقروط نتاع الزيت

yarasmin26 · 2012-10-28, 13:30

اقتباس:

المشاركة الأصلية كتبت بواسطة azefone

سؤال على مقروط الزيت من فضلك ماهو السر فامقروط باش يجيي معسل من الداخل اي كتقسمى الحبة تكون تلقاي لعسل وكدلك ادا تكرمتي وعطيتيني الوصفة الحقيقية نتاع امقروط نتاع الزيت

اجيك معسل لانه يتعسل2 مرات الاولي وهو ساخن والثانية حتى كي يشرب العسل انتاعو كامل اما مقروط الزيت راني مقدماتو عدت مرات ابحثي في هذه الصفحات

ام سارة 1 · 2012-10-21, 13:30

من فضلك أدا كنت تعرفي قاطو الخبز بالكرامبل أطيان الوصفة لان فيه أخت بالمنتدى دارت وانتضرناها باه تحطلنا الوصفة راه ما زادتش بانت وربي يجازيك كل خير

الاخت الكبرى · 2012-10-21, 14:00

ربي يخلليك لو توريلنا طريقة مقروض الشهدة

tonia · 2012-10-21, 15:51

السلام عليكم ااختي انا حب تشرحيلي كفش نخلط الالوان حت تخرج الوان جميلة وحب نعرف كفش تعملوا قلاساج كجي طري والوان جميلة والمخبز بلكوكاو شكرا

serine alger · 2012-10-21, 19:08

من فضلك أختي .اليوم رحت نشري عجينة السكرpate a sucre..الحوانت كلهم ماعندهومش وكاين الي مايعرفهاش و يقولولي عندنا عجينة اللوز أو الفوندون.سؤالي .هل عندها اسم اخر ؟

malak mimi star · 2012-10-22, 12:59

حابة نسال على الجوزية زوجي حبني اندرهالو وانا عروسة جديدة و خايفة ماتصلحش افيدوني

موسى2207 · 2012-10-22, 13:21

مساك الله بالخير والصحة والعافية
طبقت قاطو المحقن وصلحلي وحبيت نحط الصورة باه نشكرك على مساعداتك القيمة
في ميزان حسناتك

عذرا على رداءة الصورة

الجوهرة النادرة · 2012-10-22, 14:07

السلام عليكم
اختي ياسمين عندي مشكلة في طهو الجينواز ، نحضرها جيدا ولما ندخلها الفرن تطلع تمام لكن بعدما نخرجها تهبط بزاف
ترى ما السبب وما الحل
بارك الله فيك