همزة وصل بين المعلم والولي : في طبعته الثالثة

[أم الولدين]

المشاركة الأصلية كتبت بواسطة /زهرة عصفور الجنة/

السلام عليكم اهلا ام يونس
اه يا ام يونس
كيف نقنع أبنائنا ان معدل الشهادة ليس معيارا
للتمييز بين التلميذ المجتهد والمتوسط
كم قلتم هناك حالات غش كثيرة
ابنتي ضاعت منها نصف نقطة في الرياضيات
والباقي الحمد لله صحيح
يبقى تقييم الوضعيات
معدل 9.80 صراحةلا ا احلم به
هفوة صغيرة تغير المعدل
التجريبي ما شاء الله كانت الأولى في المقاطعة بمعدل10
والتجريبي كان اصعب من الشهادة

السنة الماضية كان اعلى معدل في مدرستهم9.80

هههههه أم منى علاش لااا منى تكون وحتى ب0.5 نقطة رغم اني خلاص وضحت كيفاش يكون 9.80
ربما اسماء ربما ابتهال ربما هالة والله كان او بالاحرى مجرد احساس انه بنت راح تتحصل على معدل هدا
رغم انه لست ادري اجابات ابنائكم اعيد واكرر مجرد احساس
اما التجريبي واااااع ماكنت نحب نكتب هنا باش ما نتدكرش ولكن تراني اليوم تفكرت وقلبت المواجع وااااااااع
التجريبي حتى يونس كان اصعب من هدا وتحصل على 9.75 تحولت 10 وكان في الامتحان هفواته كلها عارفتها كما قالت ام عادل
لاطونسيون والسكر تطلع و تطلع
0.5 نقطة من هنا و 0.5 نقطة من هناك و التعامد يعرفه تعامد يكتبه تقاطع وماحسش بروحه تقاطع
واللغة يجاوب على كل شيئ و ينسى السؤال الثاني قلتهله ياوليدي لوكان غير اخطات في الشرح او الاعراب وماتنساليش
سؤال عليه نقطة كاملة و ترجع بالمعامل 2 وزيد وززييييييييييييييييييد
لوكان كان مستواه قد الاخطاء نتاعه نحمد الله و نشكره ولكن كل شيئ كل شيئ عارفه هدا لي قلقني كنت ناسية وتفكرت
وقتاش تخرج النتائج و يجي رمضان وننسى كل شيئ يااااااااااارب

[serine alger]

المشاركة الأصلية كتبت بواسطة *أم سارة*

ام يونس حبيبتي شكرا على الدعاء......بالنسبة للمعدلات عندي احساس يونس يدي معدل يفرحك واذا ادات احدى فراشاتنا معدل ممتاز مثل 9.80 فاحتمال كبير عادل ينافسها في الرتبة وهذا مجرد احساس ......اما معدل الشهادة بنت خويا ماحالفهاش الحظ بمعدل عالي رغم انها كانت ممتازة لكنها في المتوسط لم تنزل عن 17 و18 من 20 وسبق الاخت حراير حكاتلنا على اريج ربي يحفظها وكيف اصبحت تنافس الممتازين بل وتتفوق عليهم....من يومين كنت نناقش اخي على قضية الغاء السانكيام قلت له كنت حابة نشوف بنتي في امتحان رسمي كيفاش تكون نتائجها قالي مايهمش لانها ليست النتائج الحقيقية القراية تاع الصح تبدا عندنا في المتوسطة قالي كي يجونا التلاميذ مايهمناش ابدا معدلهم في الابتدائي كلش يتبدل عندنا ومستوى القراية يطلع كاين اللي يقدر يساير بل ينافس وكاين اللي مايقدرش لذا الصح في القاعدة والاساس المتين اللي تمديه لبنتك انت ماتتكليش على المعلمين بقالها عام اذا كتب ربي في الابتدائي اهتمي فقط انها تخرج بمستوى جيد خاصة في المواد الثلاث الاساسية

أختي **أم ريم** أتمنى يكون احساسك في محله.ولكن............ المهم ماتنسايناش في الدعاء.
شوفي أنا تاني نعرف بنت لما جوزت اسيزيام المسكينة نسيت تنقل تمرينين في الرياضيات من المسودة الى ورقة الاختبار. تخيلي النتيجة المعدل ستة فاصل. مع أنها ممتازة. ولكن الحمد لله الان راهي فالليسي ومعدلها 15 فاصل. نتمنى لها النجاح هاد العام بمعدل عالي.

[*أم سارة*]

فعلا ام يونس اصبح معنى اللعب هوالخروج للشارع انا لحد الان راني غير نفكر ونخطط كيف استغل العطلة اما التنفيذ ماكلفتها بوالو ماعدا بعض المساعدة الخفيفة في اعمال المنزل ابنتي حابة تدخل تحفظ القران ماكاش هنا مدارس فقط مساجد صغيرة وكاين لي يعلمو في منازلهم لكن مانعرفوهمش ورانا في وقت يخوف مالا والدها قاللها استناي نسأل اولا على مكان مليح ويكون المدرس انسان طيب ومعروف وندخلك...حابة كذلك نطلع معاها مرة على مرة على برنامج السنة الخامسة في كل المواد الرياضيات واللغة راهم تقريبا يشبهو لبرنامج الرابعة مايقلقونيش بزاف نأجلهم شوية ونركز على الفرنسية اكثر لكن ننتظر اولا دخول الاستاذة ايمان تعطيلنا برنامج ماشي شرط اسبوعي ممكن شهري اي خطة فقط توجهنا كيف نحسنو مستواهم في وضعيات الفرنسية بدون ان ناخذ من وقت عطلتها الكثير جزاها الله واساتذتنا كل الخير

[serine alger]

المشاركة الأصلية كتبت بواسطة أم الولدين

م
المسجد سيكون ابتداءا من الاسبوع القادم من ال 5 لغاية السابعة مساءا يوةميااا
من غير هدا لايوجد مركز او شيئ من هدا القبيل حتى من باب الترفيه و اللعب ....
لانه مفهوم اللعب يساوي الشارع ولكنه اصبح للاسف اخوف و ... من اي وقت مضى
ارجو التفاعل وياريت نصائح من الاخوة والاخوات حتى نضمن عطلة مريحة وفي الطريق السليم لاولادنا

أم الأنانيس/
بالنسبة لي أنا برنامج عادل ويونس
في الصباح /مراجعة لنصف ساعة على الأقل في المصحف**مراجعة أو حفظ لهم الاختيار**
بعدها راهم مع الرسوم المتحركة أو اللعب ببعض ألعابهم .هاد ايامات راهم **باليويو واكتشاف بعض الحركات **
بعد الغداء عندهم الألعاب في الميكرو .كاين لعبة راهم مشاركين فيها.
في المساء. يخرجو أمام البيت في الحي عندهم مكان واسع للعب بكرة القدم أو بالدراجة. وبعدها المغرب يروحو للجامع لحفظ القران حتى صلاة العشاء.
في البداية كانو يروحو بعد العصر حتى المغرب.بصاح هاد التوقيت حسيت نحيتو منهم لأنهم سيحرمون من اللعب بالكرة والدراجة. فرجعتها بين المغرب والعشا.
هاد الأيام في الصباح راهم معايا في التحضيرات للشهر المبارك يعني **مع الميناج**ولك أن تتخيلي الصراع بينهم واحد يقول للاخر **أنت ماراكش تغسل مليح والاخر يقولو راك طرشتني بالماء........**المهم نخدمهم معايا وخلاص.
في رمضان ان شاء الله سيكون موعد الدهاب للمسجد بعد صلاة الظهر الى العصر.
نسيت نقولك السبت والثلاثاء مساءا عندهم رياضة ولكن هاد الأسبوع الأخير.
وعند الأسبوع الأخير من رمضان بااااااااي الدهاب في العطلة حتى يبقى يومين أو ثلاث للدخول المدرسي ان شاء الله.
المرة الجاية ندير تقرير على العطلة عند الأهل في العاصمة.

[/زهرة عصفور الجنة/]

ام يونس
ما تتقلقيش كلهم عملوا أخطاء تافهة جدا
مستواهم احسن بكثير ومهما كان المعدل فسنسعد به

[serine alger]

المشاركة الأصلية كتبت بواسطة *أم سارة*

هذه الاسطوانة عبارة عن برنامج لتعليم الانجليزية مفيدة جدا بارك الله في صاحبها ورزقه من خيري الدنيا والاخرة

https://up./downloadf-top4...bb9a1-rar.html

شكككرا أم ريم سأقوم بتحميلها ان شاء الله.

[~~ أغيلاس ~~]

المشاركة الأصلية كتبت بواسطة أم الولدين

هههههه أم منى علاش لااا منى تكون وحتى ب0.5 نقطة رغم اني خلاص وضحت كيفاش يكون 9.80
ربما اسماء ربما ابتهال ربما هالة والله كان او بالاحرى مجرد احساس انه بنت راح تتحصل على معدل هدا

السلام عليكم و رحمة الله و بركاته؛

و لما لا سيرين ،

سيرين ابنة اختي كان يصلها كل جديدكم و تعرف كل التلاميذ هنا و تشكر الاستاذ نور الدين كثييييييرررااا على مواضيع الرياضيات،

أمها مثلكن ههه راهي غير تحسب فالمعدل و تعاود، في كل مرة تهاتفني و تطلب مني الدعاء لسيرين بأحسن معدل، أحيانا نفشّلها و نقولها أن التصحيح يختلف من مصحح إلى ىخر و من مركز إلى آخر، فمذ رايت نقاط خولة السنة الماضية صرت أتوقع كل شيء،

هناك من تحصلوا على المرابت الأولى في مدارسهم في السنة الماضية لكن الآن في المتوسطة لا يحلمون بالمرتبة الأولى ليس في المتوسطة بل في القسم، لا يحلمون بها أبدا،

جميل أن يتحصل التلميذ على أحسن معدل،

لكن إن لم يتحصل فليست نهاية الدنيا،

ربما فيها خير يبقى مستور لكي يتحصل في الباكالوريا على الامتياز، إحدى الطالبات تحصلت في الباك على 18 فاصل، الثانية وطنيا و كان معدلها في شهادة التعليم المتوسط 16 فقط، فأين اصحاب معدلات 19 و 17 و 16 في المتوسط؟؟؟

طفل 9 و 10 و 11 سنة لا يزال طفلا، و مهما كان الاختبار سهلا فالهفوات مقبولة و متوقعة و لا يجب أن يُعاتب أبدااا.

[ام الاحباب]

المشاركة الأصلية كتبت بواسطة serine alger

صحييح أم عادل مؤخرااا فهمت تخوفك و تيقنت منه

أهلا *أم الأنانيس** راكي في مدة غايبة.
شوفي أختي والله هدا زميل عادل ويوم الشهادة كان في قسم اخر. جا فرحان عند عادل قالو **حصلت في الرياضيات ماعرفتش ندير العملية وهدا في التمرين الاول . ولكن مزية المعلمة اللي حرستنا أعطاتني الاجابة ونفس الشئ بالنسبة للغة أعطته شرح المفردات لأنه لم يعرفها**. ولهده الأسباب أخبرت عادل وفهمتو أن يتوقع كل شئ. لأنو هو في نظرو أنو هو يدرس أفضل من زميلو يعني سيكون معدلو في الشهادة أعلى . ولكن هدا طبعا الان ليس مضمون.
المهم الحمد لله كاين المتوسط هناك يبان مستوى التلميد.[/quote]

عندك الحق اختي ام عادل حتى عندنا قالو كاين الغش في بعض الاقسام واسماء خافت هي كذلك وقالت رايحين افوتونا ...قلتلها معليش انا وانت نعرفو المستوى انتاعك ....انا المهم بنتي ما ارتبكتش في هذا الامتحان والفضل كل الفضل لربي سبحانو ولمعلمتها ربي يخليها ..استقبلتهم امام مركز الامتحان بالحلوى وطلعتلهم المورال وقالت لهم الامتحان التجريبي كان صعيب وكنتو في المستوى وهذا الامتحان سيكون اسهل باذن الله..ودخاو التلاميذ ماشاء الله واثقين في انفسهم ...اما العثرات فهذه لا اظن يوجد تلميذ ما وقعش فيها...ا بالنسبة للرياضيات اسماء صححت لها اختي وقالت لي هايلة لكن انا ما امنتش لانو اسماء كان ما تديرش بيتيز تموت.ههههه..امالعربية والفرنسية تعرفي الوضعية...المهم ليبيتيز كاين ....كاين...المهم ان جازمة ان مستوى ابنائنا تع الهمزة ما شاء الله عليهم واكيد رايحين افرحونا...

[ام الاحباب]

يا جماعة الخير ..الناس عندنا راهي تقول النتائج اليوم ....هل هذا صحيح......
انا راني من قبيل وانا ندخل للموقع انتاع النتائح .......لكن احد الساعة ما كانش

[أم الولدين]

المشاركة الأصلية كتبت بواسطة ~~ أغيلاس ~~

السلام عليكم و رحمة الله و بركاته؛

و لما لا سيرين ،

سيرين ابنة اختي كان يصلها كل جديدكم و تعرف كل التلاميذ هنا و تشكر الاستاذ نور الدين كثييييييرررااا على مواضيع الرياضيات،

أمها مثلكن ههه راهي غير تحسب فالمعدل و تعاود، في كل مرة تهاتفني و تطلب مني الدعاء لسيرين بأحسن معدل، أحيانا نفشّلها و نقولها أن التصحيح يختلف من مصحح إلى ىخر و من مركز إلى آخر، فمذ رايت نقاط خولة السنة الماضية صرت أتوقع كل شيء،

ربما فيها خير يبقى مستور لكي يتحصل في الباكالوريا على الامتياز، إحدى الطالبات تحصلت في الباك على 18 فاصل، الثانية وطنيا و كان معدلها في شهادة التعليم المتوسط 16 فقط، فأين اصحاب معدلات 19 و 17 و 16 في المتوسط؟؟؟

طفل 9 و 10 و 11 سنة لا يزال طفلا، و مهما كان الاختبار سهلا فالهفوات مقبولة و متوقعة و لا يجب أن يُعاتب أبدااا.

أعتذر اعتذر منك بنيتي سيرين ربما أنت ولما لا راني قلتلكم ...
النيجيبة ابنة اخت خولتناااا المهم بنت ههههه
ربما لاني نحب لبنات بزااااااف مزية ماكنش وليات اولاد كثيرات والا اخدت تشقيفة اليوم
أما نحسب المعدل أأوه مرات بدون الة ولا شيئ نلقى روحي نطلع في راسي وحسبه بل ينحسب روحه على السريع حتى نشغل نفسي بشي آخر
وصح رغم كل الحسابات فالنتائج مرات تخرج غير متوقعة ومعدل خولة بل نقطتي اللغة و الفرنسية خير دليل
ربماااا خير له يبقى مستور ... راقت لي كثيراااا

[أم الولدين]

المشاركة الأصلية كتبت بواسطة ام الاحباب

يا جماعة الخير ..الناس عندنا راهي تقول النتائج اليوم ....هل هذا صحيح......
انا راني من قبيل وانا ندخل للموقع انتاع النتائح .......لكن احد الساعة ما كانش

[/زهرة عصفور الجنة/]

التائج لن تظهر اليوم مجرد اشاعات

[أم الولدين]

أم عادل شكرا على برنامجك
مم طيب لكوني عاملة يختلف تقريبا برنامج يونس
انس لازال بالروضة أما يونس ولكون بين اهلي و اهل زوجي يعني
اهلي على اليمين امتاااار و أهل زوجي على اليسار ايضاا امتار
طيب في العطلة مرات الصبيحة يفضل الدهاب لبيت اهل زوجي لانه عمه بقد يونس
اما بيت اهلي فقط جدته وجده وخاله أما ياسمين بالعطلة عند امها مسااافرة يعني لفترة طيلة العطلة الصيفية
طيب يونس يدهب من الصباح لغاية منتصف النهار مرات يهبط نتغداو مع بعض ال 1 يدهب للمسجد وبعدها يرجع
كالعادة إما منا إما من هناك مع جدته ومرات يخرجو مع بعض صلاة العصر و بعدها 5 للمسجد لغاية ال 7
من الصبيحة لحتى ال 5 لا ارى اانه وقت ضاااائع يعني اكثرية لعب بالبلاي او الايباد صراحة ضد كل الالعاب الالكترونية
لاجديد ولا فائدة منهاااا يومه عدى وقت الصلاة في المسجد ولا شيئ اراه صالح
وددت لو تواجدت بولايتنا و اغلب الولايات إلا العاصمة وإن وجدت مراكز خااااصة او نوادي بها نشاطات متعددة وحتى وكانت مقابل مبلغ مالي
لايهم المهم يمر يومه يستفيد او يقضيه بجو يسره و ينفعه الى حد مااا
للحديث بقية لي رجعة

[fani09]

بارك الله فيكن ويسمعنا اخبار الخير لكل الممتحنين من صغار للكبار


من شهادة 5 الى الدكتورا ان شاء الله


يا اختي ام الولدين انا ايضا اعمل وساعات يانبني ضميري كنوضهم الصباح بكري وامبعد نقول ناس راه تنوض على الخمسة نشج نفسي

عندي الكبيرة 6 سنوات و صغير 3 سنوات والله اعلم

ان شاء الله يستغلو العطلة في ما هو مفيد

[fani09]

نخليهم عند ماما امي وسائل تكنولوجيا معندهاش يعني الدراجات فقط واللعب في الحوش


والقفز والعياط امنيتي ندخلهم يديرو رياضة الله غالب 2015 نحوسو على نادي رياضي بالدراهم و مكانش

من مفروض الجمعيات راه تنشط هاذ المجال والله اعلم