الجزء 180 من الكوزينة (رمضانكم كريم ) - الصفحة 82

انا هي رزيقة · 2017-08-05, 16:27

لبنات كيما وعدتكم راني جبتلكم بعض الصور من رحلتي الجميلة .. لللاسف مصورتش بزاف كنت حتى نكمل ماكلة باه نتفكر نصور ......خخخخ و هذو فقط لي تفكرت نصورهم ...... معليش شللو عينيكم و تخيلو و كانكم كنتو معايا و خلاص ........ خخخخخ
هذا بوفيbuffet فطور الصباح في الفندق.. متسقسونيش واشنهم هذوك الاكلات و الله منعرف راني كيفكم زي الاطرش في الزفة ...... خخخخخخ ع

انا هي رزيقة · 2017-08-05, 16:32

عقلت فقط على البيض كاين مقلي و كاين مغلي و السلطات و الفواكه و مختلف انواع معجون الفواكه هذوك عجبوني بزاف ... و عموما انا تقريبا كنت نفطر هكذا و الحمد لله يا خي تعرفوني مناكلش بزاف خفوفي برك ........خخخخخخخ

انا هي رزيقة · 2017-08-05, 16:54

و هذا ساندويش الحوت المشهور جدا في مطاعم البوسفور في اسطمبول ... بنين عجبني ... هو فيليه تع maquereau مع ورقة خس و بصل و هما شفتهم يرشو عليه عصير الليمون بصح لازم الحذر من بعض الشوك لي فيه ... يا خاوتي حيروني كيفاه ياكلوه بشراهة بلا ميضرهم هذاك الشوك ......خخخخخ ;و هذي البيتزا بايد pideالغنية عن كل تعريف

انا هي رزيقة · 2017-08-05, 16:58

دوك نخليكم حبيباتي هذا هو وقتي .....امبعد نزيدلكم الصور المتبقية تهلاو في اروحتيكم ...حقا حيوتة بنت خالتي ربي يبعد عليك لبلا حنونتي ... و يرزقك بالدار لي راكي متمنياتها عاجلا غير اجل امين يا رب العالمين

أمنية غفران · 2017-08-05, 17:32

السلام عليكم و رحمة الله تعالى و بركاته

حبيبتي رزوق مرحبا بيك زارتنا البركة يا عيني جبتي لينا الخيرات معاك تبارك الله بصحتك التحويسة عاقبة لتحويسة الجاية ان شاء الله عجبتني هاديك البيتزا لي تشبه للحوتة هههههههه

سحابة و فلور نهاركم زين و الغايبات ربي يعينكم بما فيهم حيوتة

اليوم فطورنا تغير ما درتش بومفور لعدم توفر هاداك الكسكس الخشين امالا درت الفلفل الحلو المحشي كيما حاطاته لينا حيوتة الحشو كان بطاطا مقلية و دجاج و شوي طماطم قاع مقطعين صغار و لميتهم بالبيض و عمرت بيهم الفلفل و قليتهم المهم حبيباتي كي تكونو تقليو فيهم غطيوهم من الاحسن لتفادي تطاير الزيت

أمنية غفران · 2017-08-05, 17:59

أختي ارزاق بالنسبة لفريكاسي ما عنديش رابط بصح نعطيك الطريقة الي راني معتمدتها ديما و كيما قلت من قبل الصح راهو في العجينة لأنه الحشو اختياري كل واحد واش يحب يدير

.................................................. ............

الفريكاسي

العجينة مع الطريقة

المكونات هادي تعطيك بالتقريب اكثر من ستة عشر خبيزة صغيرونة

اولا نحضر الخميرة في نصف كاس ماء دافي نحط مغرف كبيرة خميرة الخبز مع مغرف كبيرة سكر نخلطهم و نخليهم حوالي خمسة دقايق حتى تتفاعل الخميرة

و من جهة نحط رطل فرينة نضيف ليها حبة بيض مع شوية ملح و ملعقتين كبار زيت و نخلطهم مليح و نضيف ليهم الخميرة و نلم العجينة باضافة الماء الدافي حتى تتحصلي على عجينة طرية ديريها في ساشي و خليها تخمر المرة الأولى و من بعد كي تخمر هبطيلها الخمور و خليها تخمر للمرة الثانية

و من بعد نحلها هاد العجينة و نطبعها دوائر متوسطة و من حهة نكون موجدة سنيوة فيها الفرينة كي نحكم الحبة نجبدها من جيهتين باش نتحصلو على شكل بيضوي ون حطها في السينوة و لازم تحطي فيها الفرينة باش كي تجي تهزي الحبة ما تلصقلكش في السنيوة هادا عن تجربة و نخليها تخمر للمرة الثالثة قبل ما نقلوها

نسخن الزيت و ما يكونش بزاف نحطهم بحبتين حتى ثلاث حبات في المقلى لا اكثر و نرميو عليهم الزيت من فوق و هنايا تبداي تشوفي فيهم يتنفخو كي تشوفي لونه ولا ذهبي حطيهم يقطرو و يبردو شوية وهنايا غطيهم يطرشونة باش ما ييبسوش ليك و من بعد قسميها كل حبة في الوسط

و اطلي من الداخل بالهريسة انا هنيا زدت اطليتهم من الداخل بالجبن و حطي فيهم الحشو الي وجدتيه و بصحتكم

نتمنى تجربيها في اقرب فرصة و تعجبك و ما تخافيش تقولي تكون مزيتة لالا ما تخافيش

تحياتي

norsofia · 2017-08-05, 21:38

بصحتك اختي رزيقة التحويسة ممكن تعطيني اسم الفندق لي روحتي ليه وادا روحتي مع وكالة سياحية اعطيني اسمها

أم يوسف2 · 2017-08-06, 06:53

اسعد اللله صباحكم بكل خير وهناء دعواتكم

fleur de lili · 2017-08-06, 07:49

صباح الخير اختي أم يوسف
ربي فرج عليك وعلينا ِأمين

fleur de lili · 2017-08-06, 07:54

اهلا وسهلا ومرحبا اختي رزيقة نور المنتدي بقدومك.
غير دخلي اختي رزيقة نحس أنك ترجعي لهذا القسم روح خفيفة
بحيويتك ونشاطك.بلي مننسى بنتي حيوة عندها اطلالة خاصة.
كذالك سحوبة المنعشة وعزيزتي أمنية ربي فرحها.

fleur de lili · 2017-08-06, 07:56

انا اليوم غدائ راتاتوى نتاع حبوبتنا الهام.
مع كسرة رخساس ودلاع.
اللهم أدمها نعمة وحفضها من الزوال.أمين

سحابة باردة · 2017-08-06, 10:06

صباح الخير على أجمل حراير في المنتدى
كل ليعجبتهم الكسرة نقولهم عيونكم أحلى الله يحفضكم كامل
رزيقة نورتي والصور هايلة حسيت روحي في برنامج أكلات عالمية بصحتك السياحة لاعقوبة ليا أنا وفلور وامنية وبقية الشلة ههههه
حبيبتي فلور كيصبحتي
حق أم يوسف ربي يسهلك أمورك أن شالله كيراه النونو

دمعة فرح* · 2017-08-06, 10:28

سلام عليكم بنات
صباح الخير واش راكم
ايا بنات كل وحدة تعطينى طريقة طياب بسكوى رولي ومع كريمة والتزين

ghorba · 2017-08-06, 10:34

صباح الخير لبنات
من فضلكن
عندي كمية من الطماطم حبيت نجففها شكون تعرف طريقة تجفيفها
وكيف استعملها فيما بعد و طريقة الاحتفاظ بها
شكرا مسبقا

أم يوسف2 · 2017-08-06, 11:35

اليوم غليت بطاطا نديرها شلاظة وزدت طرشي مقلي والحمدلله