اقتباس:
المشاركة الأصلية كتبت بواسطة ام سراج وملاك
مساء الخير رقدت لولاد بديت نراجع من صفحة 6 دخت ودوختوني معاكم بالخيرات لي حطيتوهم نتفرج ونعاود يعطيكم الصحة كامل
ام ماجد بصحتك اختي ونستعرف بيك راكي قلشتي روحك لتارت تهبل بصحتكم وعجبوني الجاجات بزاف مرة انا في عيد ميلادي وحد الوقت قلت لراجلي لوكان غير شريتلي جاجة محمرة وديرلي فيها شمعة بزايد عليا ههههههههه
حنان قريب نبكي الصور مبانوليش بصح راني شافية رقم الصفحة 9 ساعة على ساعة نطل عليها بلاكش نشوف الصور بصح من تعليقات نتاع لبنات باينين حطة يعطيك الصحة علابالي بيك شاطرة وربي يحفظك على طيبة قلبك على اهل زوجك عندك الحق لازم تعطيهم حقهم
اسمهان مقتلكش ربي يبارك ليبني خرجولك روووووعة راني حطيتهم مع تطبيقات نتاعنا
ام جوجو الف مبروك على اختك كلشي بالطبع ربي يهنيها يارب السيقار هذاك هايل ممكن الوصفة اذا قدرتي طبعا
كوكا كتلتني بالضحك صح دخت ودوخت الغاشي وقاطو لي ميطيبش على شكل وردات نتاع ام مريومة خي عرفتوها شكون هايل يعطيها الصحة وربي يحفظها ويشفيها يارب
ام فراس يعطيك الصحة على التدبيرة نتاع لوبيا شوفي غدوة نجربها ومنشمخش لوبيا فليل ونشوف النتيجة لوكان مطيبش نشقالك وين تسكني زيدي كشما عندك افكار وصفات ملاح حطيلنا لاشة بلاصور ومتخافيش نطبقلك ونصور كلي ثقة بوصفاتك الرائعة
لبنات كتلتوني من قبيل وانا نراجع مكملتش عيت نريح ونكمل
حقا مقتلكمش نشكروحدة في قسم الاطباق المجربة اسمها منار طبقت لحم المجمد في الككوطة وكنت جربتو من قبل ونسيت شكون لي حطت الوصفة نتاعو تجبدو لحم مجمد ديرولو شوي زيت وفلفل اسود وشوي ملح في الوصفة مكانش الزيت بصح انا نديرو نخاف وتقفلو الككوطة وديرو صفارة نتاعها وتخليوها علة نار متوسطة مدة كبيرة انا خليتها نصف ساعة كي تحلو الككوطة تلقاو طلقت لصوص صاحبة التطبيق قلات البطاطا وحطتها في لاصوص هذيك ولحم محمر حطاتو من فوق وشدت زادت فكرة الجمرة شعلتها وحطتها في المنيوم وزادت فيها قطرة زيت باش تطلق الدخان وحطتها في الككوطة وقفلت عليها طبعا طفات النار عليها كي حطت الجمر صدقوني طعم رائع وصفة رائعة كلي راكم تاكلو لحم مشوي على الفحم متتصوروش واش بنين جربوه قبل ميخلاص اللحم صدقوني رائع راني جربتها روووعة
|
اهلا بيك ام سراج وملاك يعطيك الصحة ا نشاء الله نجرب اللحم هادا غدوا والتدبيرة انتاع اللوبيا ما تخافيش راهي مضمونة
راني جربت الارزانتاعك روعة والله راكي تبالي من الصين على حساب وصفات الارز والبريوش راهو هايل واش اخبار ام ماسين عادت ما تبانش
( تقرير عن مشاركة سيئة )، و الموجودة أسفل كل مشاركة .
2015-10-07, 14:48
العرض العادي
