اهلا بكن في الجزء 146 من كوزينتنا .اهلا وسهلا بيكم

[Oum Habouba]

وعلاه يا ام اسلام شتا دانا للقتيلة انا نعطيهلك وتعيشي وتفرحي ههههههه
عبرت بهدا الكاس وزنت شحال فيه صبت 200سل

3حبات بيض مع كاس سكر طلعيهم مليييييييييح حتى يبياضو زيدي كاس الزيت خيط رقيق ونتي تضربي ثم وجدي 8مغارف كبار فرينة منخولة فيها قرصة ملح وفيها شكارة خمارة القاطو وديريها على دفعات وخلطي كيما نديرو للجينواز من الفوق للتحت وما تنسايش تضيفي لفاني ولا اغوم تبغيه وخلاص شهية طيبة عزيزتي
ام سراج شكرا على الطريقة درتها ونجحت فيها

[الرجاء الاماني المجد]

ام سراج وملاك شكرا على الوصفة
ام اسلام خيتك تجي عيانة من الخدمة راني مليحة نوجدلهم لعشا

[oum islem]

عطر الذهب الف مبروك يتربى في عزكم على الدين وطاعة الله والوالدين
ام سراج معطاءة المنتدى شكرا على الوصفة وعلى كل ما تقدمين
دائمة الشكر مساءك ريحان وفرنفل
نروح نكمل عشايا شربة فارميسال بيضاء بالدجاج
القاكم بخير

[ام عبدو و ملاك]

المشاركة الأصلية كتبت بواسطة oum islem

ام حبوبة المادلان يهبل طيحي بالوصفة راح تقتليني
ام هبوبة وش راكي حبيبة وش راه سمية ليك وحشة قد الدنيا ربي يحنن قلب صحبتك تخليلك pc حتى يحن عليك الحكومة
البحر الصافي شهيتيني في الروز غدوا معروضة بعد غد نجربو بحول الله والصابلي يهبل والكروكي بربشتيه علاه ما قطعتيهش بالمنشار
الرجاء مساء النور كاش اطباق او تطبيقات متعي انظارنا
ام عبدو وملاك ما شاء الله على وليداتك يهبلو تاخذي برايي نحيهم من التوقيع اتقاء الحسد اختي
كل الحاضرات مسااااء الخير جميعا

ام اسلام ربي يعيشك راني حطيتو مؤقتا خاطر كي بدلتي اسمي نساوني ايا رجعت صورتهم باه يحفظو اسمي الجديد وونحيهم ربي يعيشك

المشاركة الأصلية كتبت بواسطة oum habouba

سلام ام عبدو وملاك واش راكي هايل قاطوك الله يفرحك
ام سرااااااااج شكراااااااااااا حبيبتي انا قلتلك بلا بيك ما ندير فيها والو وما نعرفش هدي الطريقة وحتى لو نعرف يشرفني نتعلمها وتوريهالي اختي ممممممحححححح
والله راني لاباس وانت وتعيشي عينيك اللي ملاح
ام هبوبة انا نموت على مبسس الطاجين خاصة بالتمر قوليلي راني نشوفك تدوري في الكوزينة دبرتي ميكرو
ام ساجد الله يحفظلك الوالدين ويرضيهم عليك
ام سهام ماشاء الله مرا ونصف يعطيك الصحة
عازفة نسيت ساع باش نشكرك على وصفة السمك راااااائعة كلمة قليلة درت كوبي كولي وشكرا على اطباق رفيف هايلين
اه يا البقلاوة روعة قوليلي طيبتيها في الدار ولا برا واذا في الدار الفور كي داير وكي درتيها لاختك الله يجعلها في ميزااان حسناتك
عطر الدهب الحمد لله على سلامتك ربي يحفظك لاحبابك ولوليداتك
الاماني راكي ناشطة ما شاء الله نبغي كي نشوفك

[ام عبدو و ملاك]

المشاركة الأصلية كتبت بواسطة دائمة الشكر

رجعت نسيت الروز بصحتك اختي البحر شوقتيني نجربو
ام عبدو وملاك بالشفى على عجوزتك طهورا ان شاء الله
فطورنا اليوم طعام باللحم
العشاء سلق ولله الحمد

ربي يعيشك دائمة الشكر و اللع بدعاويكم و قفتكم معايا راكم مهونين عليا راكم كي خواتاتي ربي يخليكم

[ام طيري الجنة]

اسمحولي بنات هذا وين قدرت نحمل الصور تعبوووني لوكان غي على حاجة تستاهل ذي اطباق اكثر من متواضعة انا المهم فرحت اللي راحتلي عقدة التصوار و العزوف عن التلباز اللي توحشتهم هذا عذانا و معاه واش لبزت اليزم يديا تلفو شوي الحلويات فاعذروني هههه









تحبو بالمعجون او بالعسل واش نسربيلكم ههههههه


الحمد لله على نعمه
و انتوما يعطيكم الصحة و الربح على الروائع اللي حطيتو
انا نروح نشوف واش ندير للعشا قبل ما يدخل سي السيد و يقولي وتعود ريمة لعادتها القديمة كخخخخخخ

[آيات سرمدية]

السلام عليكم ورحمة الله وبركاته
اللهم صلي على سيدنا محمد وعلى آل سيدنا محمد

احبتي في الكوزينة...كيف أحوالهم؟؟؟هل من جديد ع حوامل المطبخ؟؟؟كاش من زيدت؟؟؟وان شاء الله. ..الي خليتهم مرضى هم ولا ولادهم...يكون رتاحوا...؟؟؟

هذا كان غدانا والحمد لله. ..محجوبة ع طريقتنا...

بسم الله. ...


وهنا نقفلها بهاد الطريقة...ونحطها في مقلة كبيرة...انا مخليتها غير....للمحجوبة والشخشوخة واخواتهما ونطيبها فوق الكويزنيار...


عملتها ناقصة حرور ع جالت الاطفاااااال...وانا والزوج زدنالها لهريسة كي طابت...

[um alaa]

سلام حبيباتي مزالني في دارنا
البارح جربت العجينة المورقة تع ام ساجد رائعة درت بيها تورت بالسلق و البيشاميل يعطيها الصحة ام ساجد

[الرجاء الاماني المجد]

مساء الفل ام طيري الجنة وشراكي هدو لطيبتيهم روعة يعطيك الصحة
ايات بصحتك المحاجب

[الرجاء الاماني المجد]

اام علاء مساء الخير وش هدي لطيبتيها اعطني الوصفة

[أم محمد تاج]

سلامي غالياتي السميناااات
دخلت على وصفة ام سراجوووو ودعائها ليا الله يخليك يا اغلى النااااس هاذي اولا وثانيا والله والله الوصفة مافهمتها تحملي غبائي يا بطة وكون ديريها موضوع بالصور نفهمووو مليح وهاكي مواااح على تعبك يالغالية
عطووورة الف حمد وشكر على سلامتك وحنونتي نشالله تكون من تخفاف الذنوب وربي يعيشلك لعرايس يارب
حبيباتي شفت روائعكم ام ساجد رفيف وام حبووووبة المادلان ماخلا فيا يهبل يهبل وباقلاوة ام سهام ياخرابي روووعة وأم امينة يخرب صورك قد رجلين ام ياسووو يابنتي صغري ماشفت والووووو ولي دارت روز ام سراج وشخاشخ ام الجوووود روووووووعة وفي الأخير محجوووبة آيات وراني هنا ندوووور ونددش ونتكعبر وكي يحين موعد الولادة ربي سبحانه وتعالى يقول كن فيكووون الله يخليكم ليا يا اعز رفقة
حقة تغديت بكبووكة ممممممممم وخبز ماقدرتش نخبز وبقاتلي للعشا
حقة ام ياسووو بصحتك النيووو لووووك يا بطة في انتظار ااصور

[آيات سرمدية]

بسم الله


وهدم...تارتولات تاع القارس..عملت لولبارح..بصح ماتضحكوش عليهم...كي طلعت الميرانغ ع حمام مريم...كملتو ونسيتو فوق الماعون الي تحتو الماء يغلي....ماجيت نكمل الباقي...لقيتها طابت......كي جيت نحطها فلابوش ادوي...محبتش تخرج



المهم المشاركة

[um alaa]

[أم محمد تاج]

نسييييت اغلى الحبايب تنساك المووت نشالله يا ام نسرين و الف حمد وشكر لله على سلامة سلفتك حنووونة وطيابك حتى بسيط روووعة وماكانش قد البساطة
مممم ام آلاء رووووعة رووعة يالفحلة

[أم هبوبة]

المشاركة الأصلية كتبت بواسطة oum islem

ام حبوبة المادلان يهبل طيحي بالوصفة راح تقتليني
ام هبوبة وش راكي حبيبة وش راه سمية ليك وحشة قد الدنيا ربي يحنن قلب صحبتك تخليلك pc حتى يحن عليك الحكومة
البحر الصافي شهيتيني في الروز غدوا معروضة بعد غد نجربو بحول الله والصابلي يهبل والكروكي بربشتيه علاه ما قطعتيهش بالمنشار
الرجاء مساء النور كاش اطباق او تطبيقات متعي انظارنا
ام عبدو وملاك ما شاء الله على وليداتك يهبلو تاخذي برايي نحيهم من التوقيع اتقاء الحسد اختي
كل الحاضرات مسااااء الخير جميعا

الله يسلمك ام اسلام و ربي يخليك و سمية الحمد الله على كل الي جا من عنده
و ادا على الحكومة تحن يا و الله والوا لوكان ما يحنش جيبي دار السبه على ولاده و حلف ما يشريش
رايحة ندخل لموصوعك نشوفه لانه طيابك يهبلني و يعجبني