الجزء 108 من واش طيبتي اليوم ؟؟ تفاءلو بالخير تجدوه - الصفحة 82

awladi · 2015-01-06, 11:57

للقهوة درت بالخف كروكي انا خرجتو هما جاو ودرت بسبوسة للسهرة لليدي

عطرالذهب · 2015-01-06, 11:58

نسيت نقوللكم غدايا ملوخية اممممممممممم ومطلوعة ام ماجد كان سخفتي على لملوخية ارواحي تتغدي عندي ههههههه
والله لملوخية مظلومة ممكن كليتوها مش طايبة بطريقة صحيحة بالصح لوكان تذوقو الملوخية تاعنا ونتاع دائمة او ام ساجد او عازفة اكيد راح تحبوها

awladi · 2015-01-06, 12:02

درتلهم جاج محمر وطاجين الكفتة والطعام بالمرقة بيضاء وسلاطة وفاكهة هنب وماندرين تفاح بنان وعصائر والحمد لله الصور صورت كي راحو ماقدرتش نصور قدام المرا بقات معايا

Simassim · 2015-01-06, 12:03

ههه توتة ان شاء الله خير راجلي ورآه كل مرة يسقسي شكون ربح نهار لي طيبت مين كملت طاحت السدادة

الوجع راه فيا من الليل بصح غي بظهري حتى الدوش مانفعش معاه

يادرا انت واش راكي مع الحمل مازال هابط ؟!

البارح اول مرة ندير الطمينة ومقساحتش. سييت غي شوي. راني حمرت كيلو سميد برك
كنت ناوية نخدم سلو اليوم وعجزت عليه عقلي مشغول اليوم

تفكرت شفت بشرى دخلت البارح تودع. مافهمتش ؟؟!!!! فهموني

دائمة الحمد · 2015-01-06, 12:04

عطورة والله في دارنا اكي علابالك
والنت نهارين ماعنديش

عطرالذهب · 2015-01-06, 12:06

دائمة قلت بالاك رحتي تجددي الشباب كيما بعض ناس ههههههههه

ام محمد و ملاك · 2015-01-06, 12:06

اقتباس:

المشاركة الأصلية كتبت بواسطة عطرالذهب

نسيت نقوللكم غدايا ملوخية اممممممممممم ومطلوعة ام ماجد كان سخفتي على لملوخية ارواحي تتغدي عندي ههههههه
والله لملوخية مظلومة ممكن كليتوها مش طايبة بطريقة صحيحة بالصح لوكان تذوقو الملوخية تاعنا ونتاع دائمة او ام ساجد او عازفة اكيد راح تحبوها

من فضلك طريقة الملوخية انا ما ناكلهاش لكن زوجي من عنابة ويحبها نطيبهالو بلا ما ندوقها من فضلك الطريقة و كمية الماء لباكي نتاع الذواقة

مرام 1987 · 2015-01-06, 12:13

أطباق awladi

مرام 1987 · 2015-01-06, 12:14

اقتباس:

المشاركة الأصلية كتبت بواسطة ام محمد و ملاك

من فضلك طريقة الملوخية انا ما ناكلهاش لكن زوجي من عنابة ويحبها نطيبهالو بلا ما ندوقها من فضلك الطريقة و كمية الماء لباكي نتاع الذواقة

تفضلي أختي هاذي تاع أم كوثر
https://www.djelfa.info/vb/showthread.php?t=1276996

عطرالذهب · 2015-01-06, 12:16

اقتباس:

المشاركة الأصلية كتبت بواسطة ام محمد و ملاك

من فضلك طريقة الملوخية انا ما ناكلهاش لكن زوجي من عنابة ويحبها نطيبهالو بلا ما ندوقها من فضلك الطريقة و كمية الماء لباكي نتاع الذواقة

اختي نمدلك طريقتي اللي متعودة عليها
تجيبي الكوكوط تحطي فيها الساشي نتاع لملوخية الذواقة وتزيديلها قيس كاس زيت وتقليها مليح بالصح على نار خفيفة باش ماتتحرقش ومن هيه توجدي الدرسة اللي فيها راس ثوم ومغرفة صغيرة افاح ومغرفة صغيرة فلفل اسودومغرفة متوسطة ملح تهرسيهم في المهراس وترحي راس بصل متوسط
تضيفي نصف كمية الدرسة وكل البصل واللحم ماذابيك لحم ودجاج وزيدي مغلرفة اكل طماطم مصبرة وتقلي مليح وتمرقيها بحوالي 2 لتر ماءسخون مرة واحدة وتحركيها مليح وتغطيها وكي تغلي تنقصي النار وتخليها تطيب على مهلها يعني تخليها من 3 الى 4 ساعات وهي تطيب وكل لمرة تتفقديها وتحركي باش ماتلصقش في القاع
كي تكون قريب تطيب زيديلها الدرسة المتبقية وراس فلفل حار الله الله وخليها تطيب حتى تصفي زيتها وتخثار
وتكوني موجدة المطلوع ضروووووورييييي واتمتعي باحلى ملوخية

awladi · 2015-01-06, 12:19

عطورا بصحتك الملوخية عمري ماكليتها ومانكلهاش شكرا مرام بصحتكم اصحاب التكريمات تستاهلو ولعقوبة الي مزال

kakinova · 2015-01-06, 12:20

هاذا باروكي لكوزينتك اختي مرام

و غدايا جاري بقالي من لعشا و كسرة و الحمد لله

ناهدوران · 2015-01-06, 12:29

عطر الدهب ياعطر المسك و العنبر راني جاية نتغدا علاخاطر انموت عليها بصح راني جايبة معايا الكسرة انتاع لخميرة وجاية
اما الطريقة انتاعي نعتتهالي صاحبتي تبسية مش كيما طريقتك ونعملها بالدواقة وتيخي روووووووووعة
هيا ابداي وجدي راني جاية

عطرالذهب · 2015-01-06, 12:31

اقتباس:

المشاركة الأصلية كتبت بواسطة ناهدوران

عطر الدهب ياعطر المسك و العنبر راني جاية نتغدا علاخاطر انموت عليها بصح راني جايبة معايا الكسرة انتاع لخميرة وجاية
اما الطريقة انتاعي نعتتهالي صاحبتي تبسية مش كيما طريقتك ونعملها بالدواقة وتيخي روووووووووعة
هيا ابداي وجدي راني جاية

والله نتشرف بيك يا سلطانة
ارواحي نتغدو مع بعضانا والله نحطك فوق راسي

بالصح وريلي طريقتك انت ثاني بالاك نجربها

مرام 1987 · 2015-01-06, 12:31

كاكينوفا الباروك روووووووووووووووووووعة والحلوة حلوة كي مولاتها ربي يحلي أيامنا الكل يااااااارب
ناهدوران بصحتك الغدا يا العزيزة
اللهم يا فارج الهم ويا كاشف الغم فرج همنا ويسر أمرنا وارحم ضعفنا وقلة حيلتنا وارزقنا من حيث لا نحتسب ياااارب العالمين