بداية يوم جديد

[ام متين]

على سلامتك زارا08 الوحم فترة مؤقتة وستعود الامور الى مجاريها غير بالشوية

[فراشات العمر]

السلام عليكم
فراشات شكون تنظم ليا رايحة نخصص اسبوع للاخت نسمة ندعيلها في السجود باه ربي يرزقها الذرية الصالحة وتولي تحكيلنا على المشاغبات تاع ولادها
ضرك صلاة المغرب رايحة ان شاء الله ندعيلها ربي

[فراشات العمر]

ام مؤمن ممكن تمديلي الرابط تاع المدرسة تاع الطبخ لي راكي مسجلة فيها

[ام متين]

فراشات العمر انا اول واحدة ستنظم اليك ويارب يتقبل منا الدعاء

[نسمة صبح]

ااه يا فراشات العمر ..واش الطيبة هادي كامل..رب يعطيك اللي في خاطرك..ملقيتش واش نقول..شكرا حبيبتي شكرا

شكرا لكل وحدة ردت علي..
تعرفي ساعات انا و منحبش ندعي ..نحسها قلة صبر ولا معلاباليش علبالي بلي لازم ندعي ..

ام متين نفس الشيء ..ضعف النظر يعني انا قلت ممكن من البكاء بصح كي حوست ف النت لقيت بلي كثرة البكاء لا تسبب ضعف لنظر..لكن انا تاني حسيت منو ..و كانت هوايتي المطالعة فتوقفت حتى لا يضعف اكثر

[amel...]

مساء الخير عليكم ... ان شاء الله راكم ملاح و الصحة بخير راني نشوف غير في الرسالات السلبية هنا دور

وش نسيتو بلي لازم يكون غير التفكير الايجابي .... هيا ننساو كلشي و نبدا طريق لتفكير الايجابي

فراشات العمر ان شاء الله نكونو كامل مع بعضانا و يتقبل ربي منا ان شاء الله و يزين حجر نسمة في اقرب وقت

حبيبة ربي يحفضك ... تطبيق التفكير الايجابي كان ممتع ربي يجازيك كل خير

من جهة اخرى راني قاعدة نجري مع الوقت باه نلتزم بالتطبيقات و كل ما نوالف تطبيق نلقا روحي فرطت في التطبيق الاخر

ربي يقدرني و يقدركم .... التطبيق لي لقيت فيه مشكل هو الاذكار تع المساء و الصباح ... كل مرة ننساهم و نلقى الوقت فتني و ملحقتهمش

اما الحاجة المليحة اني قدرت نطبق لحد الان كل البرنامج لي نويت نحققو هاد الاسبوع

سلام لكل وحدة باسمها

[نسمة صبح]

زارا شوفي انا كي كنت معتمدة نظام التطبيقات نفع معايا و لما قيدت روحي ببرنامج تلفلي كل شي

شوفي انت مع تنوضي مهما كان الوقت قولي بسم الله توكلت على الله بسرعة اعدلي فراشك و هزي اي حاجة قدامك و فوتي اغسلي و عقبي على الدوش بمنشفة تكوني دايما حاطتها قدامك يعني تكوني عملية ىوحي تفطري و اكتبي واش لازمك هداك النهار ..شغلي حاجة تسمعيخا و لااا للتوتر و ابداي باولوياتك يعني اذا لماكلة طيبيها..

انا تاني نتقلق كي منوضش بصح تجي و تشوفي الشغل راهو يخلاص مهم تنوضي ديريه

امال بالنسبة للاذگار لصقيهم مع الصلاة يعني الفجر و العصر او احفظي زوج ولا تلاتة و انت رايحة للخدمة قوليهم و انت راجعة قوليهم يعني اربطيهم بحاجة

[bouchraamine]

مساء الخير على احلى فراشات
كنت غائبة المدة الي فاتت بسبب رجوعي للعمل ,,,,,,الله يبارك الصفحات راهي تجري ,,,,,,, الحمد لله التطبيقات القديمة راني محافظة عليها حسيت يومي تغير للافضل طبعا
رايحة نراجع و نشوف واش فاتني

[bouchraamine]

فراشات العمر و انا رايحة نكون معاك وراح يكون لاختنا نسمة صبح نصيب من دعائنا لهذا الاسبوع

[zara08]

بارك الله فيك يا اخت نسمة الله احققلك ما تتمناي
ام مؤمن ارجوكي قوليلنا ما اسم هذه الدرسة على الفيس بوك

[ام هزار]

[SIZE="5"][COLOR="DarkOrchid"][SIZE="6"]حبيبتي نسمة صبح و الله غير حسيييت بيك و راني ندعيلك يا غاليتي انو ربي يرزقك الكثيييير من الاولاد الصالحييييييين عاجلا غير ااااجل يا رب العالمييين
بكل صدق و دون مجاااملة راكي انسانة طيبة و تستاهلي كل خير فابشري بفرج قريييييب
ربي يهنييييك و يهنينا جمييعا حتى انا مانيش مليحة هاذ الايام لي عودة ان شاء الله ولما اطهر سادعو لك في سجودي و للمؤمنين جميعا
ملاحظة انا ثاني بعيدة على اهلي و حاليا الدار اللي راني فيها ماهيش تاعي ربي يجيييييييب الخير اللهم امييييين
سلامي للجميع كل وحدة باسمها

[ام مؤمن]

طاب مسائكم حبيباتي

ماقدرتش ندخل للمنتدى من الهاتف و قليل وين نشعل الميكررو في المساء و زوجي موجود لكنني ماصبرتش و جيت نطل

ام متين يا طيبة كلامك و مشاركاتك مليئة بالحيوية و تبعث الراحة في النفس حبيبتي

حبيبتي الغالية نسمة الصبر مفتاح الفرج و مازالك عروسة 3 سنوات ماش معناها تفقدي الامل قريبتي هي و زوجها ماكان عندهم حتى عائق يمنعهم من الحمل و مع ذلك 7 سنوات باش انجبوا اولاد راهو ربي سبحانه يسيير في الامور

و ان شاء الله كلنا ندعولك انت و كل متمنية الذرية يطعمها رب العالمين و ابشري حبيبتي على قد الصبر على قد الجزاء و ان شاء الله في القريب العاجل تبشرينا و نفرحو معاك هنا و تجيبي بنية زينة و نخطبها لمؤمن ابني

زارا حبيبتي ربي يكملك روحي بلعقل برك الوحم كاين اللي يجي بالنوم انا الشهور الاولى مانقدرش نهز راسي و الله عييت نرقد حتى 10 ونصف تاع الصباح و بشوية تغلبت على النوم و ساة على ساعة نشرب قهوة باش نصحصح مع اني مانيش قهواجية

اللي طلبوا اسم المدرسة مهاني مانمدش مانقولش الاسم هههههههه باش نلقاكم لتم تطيبو هههههههه

المدرسة سرية و هي تابعة لمجموعة في الفايس اسمها ساكنين في لاكويزين يعني اللي تحب تلتحق بالمدرسة لازم تنظم اولا الى القروب اي تبعث طلب انظمام للمجموعة لانها مجموعة مغلقة و لما ترجعي عضوة كاين امتحان عبارة عن تطبيق موني كامل 4 وصفات تقدمهم الاستاذة و اللي تنجح تلتحق بالمدرسة حايا مازال ماكانش فوج جديد للامتحان يعني ابواب المدرسة مغلق الى حين فتح ابواب الامتحانات من جديد لكن المجموعة مفتوحة للجميع دائما و فيها دروس طبخ هايلة

هذه المدرسة و المجموعة اغلب اعضاءها هم عضوات مطبخ الجلفة اللي معروفين في قسم الطبخ و قسم واش طيبتي اليوم

ام متين اللي تنجح و تصير عضوة بالمدرسة كل يوم اربعاء و خميس يعطيونا اطباق مالحة و حلوة اجباري علينا نطبقو 2 و اللي تحب تطبق اكثر

انا هذ الايامات راني نطبق درت كيك و عصير و معقودة و طبق اليوم كان طاجين الزيتون مفور في الكسكاس طريقة جديدة

كي نقعد نحطلكم صور بعض الاطباق

راني كتبت جريدة شكون تنضم راني درا اشهار للمدرسة هههه

و هذا يدخل في اطار تنمية قدراتنا في مجال الطبخ و تعلم الجديددد

غلبت من الكتابة

[ام مؤمن]

ام هزار ليك وحشة حبيبتي و نسلم ايضا على بشرى

امال اشري كتيب اذكار حصن المسلم رائع و قراي منو واش تقدري و ديري كيما نصحتك نسمة خلي الاذكار بعد صلاتي الفجر و العصر

و اذا نسيتي حاولي ديما تقراي اية الكرسي و المعوذات الناس و الفلق و الاخلاص 3 مرات و الصلاة على النبي عليه افضل الصلاة و السلام 10 مرات هذو مايحتاجوش حفظ و ممكن تقرايهم و انت ماشية او راكبة او تاكلي ااوااااا و تحصني بيهم نفسك صباح و مساء لانهم داخلين مع الاذكار

[hanamohamed]

بسم الله الرحمن الرحيم
اللهم لك الحمد كما ينبغى لجلال وجهك وعظيم سلطانك
اللهم صلى على محمد وعلى آل محمد كما صليت على إبراهيم و على آل إبراهيم و بارك على محمد و على آل محمد كما باركت على إبراهيم و على آل إبراهيم فى العالمين إنك حميد مجيد
اللهمَّ إني أسألك أني أشهد أنك أنت الله الذي لا إله إلا أنت الأحد الصمد الذي لم يلد ولم يولد ولم يكن له كفواً أحدٌ ان ترزق بسمةبالذرية الصالحة
اللهم إنى أسألك بأن لك الحمد لا اله الا أنت الحنان المنان بديع السموات و الأرض ذو الجلال و الاكرام ان ترزقها الذرية الصالحة
اللّهُمَّ إِنِّي أَسْأَلُكَ بِاسْمِكَ الطَّاهِرِ الطَّيِّبِ الْمُبَارَكِ الأَحَبَّ إِلَيْكَ، الَّذِي إِذَا دُعِيتَ بِهِ أَجَبْتَ. وَإِذَا سُئِلْتَ بِهِ أَعْطَيْتَ. وَإِذَا اسْتُرْحِمْتَ بِهِ رَحِمْتَ. وَإِذَا اسْتُفْرِجْتَ بِهِ فَرَّجْتَ ان ترزق بسمة الذرية الصالحة و كل المحرومات
اللَّهُمَّ إِنِّي أَدْعُوكَ اللهَ. وَأَدْعُوكَ الرَّحْمنَ. وَأَدْعُوكَ البَرَّ الرَّحِيمَ. وَأَدْعُوكَ بِأَسْمَائِكَ الْحُسْنَى كُلِّهَا، مَاعَلِمْتُ مِنْهَا وَمَا لَمْ أَعْلَمْ. أَنْ تَغْفِرَ لِناوتَرْحَمَنِاوترزق بسمة الذرية الصالحة

[ام متين]

ان شاء الله خير الدعاء نتاع hanamohamed قالت فيه بسمة وان شاء الله تحل البسمة في دار نسمة وتتملى بالذرية الصالحة وتكون كل ايامها ابتسامات ونسمات .
اميييييييييييييييييييييييييييييييييييييييييييييييي يييييييييييييييييييين