الجزء 77 من واش طيبتي اليوم سيدتي **تحضيرات شعبان لإستقبال رمضان** - الصفحة 81

lyzzabel · 2014-06-09, 18:41

راني ولييييييت
مريومة الامورة يتوحشك الخير حبيبتي ،، انا راني و الحمد لله بخير و نتيا و الاولاد راكم غايا؟؟ يعطيك الصحة على تحضيرات رمضان ،، انا ما وجدتش حاجة ن ع خرج كيما بوه يبغي يشري الحاجة في نهارها حتى ولو يزيد على قد ثلاث ايام ولا ربعة ،، ربي يبلغنا و يقوينا و يهيننا حنا و إخواننا المسلمين في كل مكان و ربي يخليلك ماماك و يطوللها في عمرها يا رب

ام اسلام هههه شفتي كي غلطت كنت عجلانة و ماشاء الله عجبوني التحضيرات لي درتيهم و راهي غاااايضتني حاجة ما درتش الاورونجينا تاعك وااااااااع و ربي يخليلك والديك و يحفظهم يا رب

حنااااان ما دخلتيش العشية بصحتكم الأيس تي راه يبان مننننعش ممممممم

لهونتي الحلوة الجميلة تستاهلي كل خير يا لعميرة صح صيامك و ربي يتقبل الأجر

ام رفيدة الله يبارك اطباقك و حلوياتك روووعة يعطيك الصحة حبيبتي

طوكيو او رانيا بصحتك واش طيبتي و انشالله راكي لاباس

بزاف لي راهم غائبين علينا ام ماجد صحا راهي لاهية مع الميناج بصح راني نشوف فيها تطل علينا من عين المفتاح ،، ام فاطيمة ،، سكرتي الحلوة و ام انوستي العزيزة مابانوش اليوم ،، ام أمنية تاني راني خايفة دارت المبسس و طاحت على راسها كاشما صرالها ربي يجيب الخير،، العسولة ام برهوم تاني راهي تطل غير من بعيد و القاءمة طويلة ،، ربي يرجعهم على خير يا رب

عشانا بإذن الله كفتة و مانيش عارفة واش نزيد معاها مليت مالبطاطا و القليان خخخخ استغفر الله و الحمد لله

ربنا لا تحرمنا من نعمك علينا ما حيينا و انت الحي الذي لا يموت

مريم الاميرة · 2014-06-09, 18:43

ريهامو مرحبا حنونتي واش راكي ان شاء الله لاباس كاش تلباز و لا والو ههههههههههههه
ماري حبيبتي ان شاء الله تكوني احسن و الله غير ندعيللك دايما بالشفاء العاجل و نشوفو شطارتك في الطبخ

مريم الاميرة · 2014-06-09, 18:46

ربي يخليك ليزا حتى حنا لاباس و ربي يحفضك و يحفض باباك و يرحم ميمتك يا رب و ان شاء الله تصومو رمضان بالصحة و لهنا نتي و العايلة الكريمة

tokio hotel · 2014-06-09, 18:49

شكرا ليزابيل حبيبتى لعقوبة لجاجتك رانى حالفة فيها ههههههههههه

oum yanis · 2014-06-09, 18:51

الله يبارك اختي ماشاء الله كل صبع بصنعه ربي يحفظك ويعطيك الصحه

oumibni · 2014-06-09, 19:00

lyzzabel وش راكي ، حنونة أنا مشفتنكش كل عادة منسية ، أن نبكي وعععع

سرور2 · 2014-06-09, 19:02

بارك الله فيكم على هذوك الطيبات ويحفضلكم يديكم

راني متابعة غير من بعيد اليوم عشايا طعام بالزبيب والحليب

والحمد لله على النعمة حمدا كثيرا

lyzzabel · 2014-06-09, 19:14

مريومة لي قاتو واااااااو الله يبارك و يعطيك الصحة ،، و ربي يخليك على الدعاء ،، اللهم أمين
رانيا واش من جاجة راكي حالفة فيها كاين شحال من وحدة هههههه
ام ابني شفتك و سمعتك تزغرتييييي هههههه كي راكي حبيبتي انشالله لاباس
سرور بصحتك الطعام بالزبيب حبيبتي حنا نقولوله السفة مممممم

اللهم بارك لنا في شعبان و بلغنا رمضان و اغفر لنا و ارحمنا و انت ارحم الراحمين

amania09 · 2014-06-09, 19:14

السلام عليكم يشرفني ان اكون واحدة من اسرة هذا القسم من المنتدى فهل سترحبن بي ؟

ryhem 16 · 2014-06-09, 19:17

حبيبتي الحلوة مريومة ألففففف شكر لكي و يسقسي عليك كل خير و الله كتبتلك رد بصح ما عداش المهم راني لابأس كي تكوني أنت لاباس و بصحتك التحضيرات و أيضا للعائلة الكريمة و الله يحضرنا كل عام حنونتي في الخير و باروككككك كالعادة قمة في الروعةةةةةةةةةةةةةةةةةة الله ابارك و يزيدلك

بالنسبة للتلباز مينداك برك حبيبتي سلامي

اللهم نسألك الصحة و التقى و العفاف

مرام 1987 · 2014-06-09, 19:18

جبتلكم شوي من أطباق أختي الصغيرة ربي يحفضها ويرزقها بالشي لي تتمناه يا ربي

هذي ورق العنب محشي بالروز واللحم مرحي امممممممم
ما صورتش كي طيبتهم جاوووو رووووووعة

وهذي بقلاوة.بلابات فويتي دات الوصفة منا من المنتدى بصح تاع من ؟؟؟؟؟!!!!!!! ما كلاه ندير النميمة نزم فمي خير

بصح جات امممممممم تهبل
درك نزيد نشوف كاش أطباق نزيد نحطهم
ادعولي ربي يشافيني عاجلا غير آجل إن شاء الله ونمتعكم بالكواليس منوالمطبخ على خاطر كنت نموووووت على الطبخ وما زلت لدرك بصح الله غالب رجليا كتفوني
قدّر الله وما شاء فعل
أستغفر الله أستغفر الله أستغفر الله

أم ياسين الزهراء · 2014-06-09, 19:20

ام راضية اهلا بيك واش راكي حبيبتي هدي غيبة

ريهام نوضتلي الدموع اللي كانو جامدين الدربوكة فكرتيني بكري مور الفطور نخرج للساحة ونديرو حالة بيها ياياااااااااااااااااا شحال طبلت والبشكير كانت ماما تخيطو اه يازمان ربي يخليك حبيبتي

لهنة ربي يزين سعدك حنونة

البنت الكل ربي يخليك والله مانقدر نعلق على الكل ننسى وزيد صايمة ييييييييييييييييييييييييييي عيت يييييييييييييييييييي واللي صايم كيما انا صحى فطوركم درت لي شوي شربة فريك وعندي السردينة والقليان من الصباح

tokio hotel · 2014-06-09, 19:22

اختى ليزابيل انتاع الكوكوط

عطرالذهب · 2014-06-09, 19:22

مساء الخير عليكم ويعطيكم الصحة على ابداعاتكم
لهنا حلوياتك يهبلو خموس عليك ربي يحفظك وييسر امرك ويسعدك

أم ياسين الزهراء · 2014-06-09, 19:22

ماري ربي يشافيك ويعافيك حبيبتي اجر ومغفرة حنونة واختك الله يعطيها الصحة وربي يعطيها واش متمنية