صباح الخير
راني شفت مواكلكم الله يبارك كلش يشهي
لهومة التحلية جاتك فووووووووور تاع اضياف قلشتيهم و ماقلشتيش روحك ههههههه ياخي يقولك المومن يبدأ بنفسو
حقى حتى لي في الجوتابل خرجو هايلين بصح أسكو صغار خطرش شفت بلي خرجتي الكريمة شانتيي يبانو كيما ليتباعو خسارة مايبانوش الطبقات ماعليش كي يخلاصولكم هاذو أشري الترانسبارو بصحتكم و الحمد لله لي عجبكم
حقى إلهام مرة أخرى إستعملي صلصة الكراميل تاعك هاذيك لي خدمتيها للكيكات تخرج في التحلية فن مممممممممم صلصلة التوفي
بزاف أخوات طلبو طريقة الكراميل السائل لي يجي فوق التحليات خاصة الأخت القبطية نقلها أسمحيلي طولت عليك
نحتاجو ;
250 غ سكر عادي
5 سل ماء +10 سل وحد أخرى =
ملعقة كبيرة خل أوعصير الليمون
للعلم 5 سل = 4 ملاعق أكل ماء
10سل = 8 ملاعق ماء
في طاوة ندير السكر +الخل +5 سل ماء
نخلطو مع الأول ثم نخليه حتان يولي كراميل أحمر ماشي أسود خطرش يولي مر
مابين الكراميل وجد نوجدو 8 ملاعق ماء و نحط قدامي غراف نسحقو
هنا صايي أصبح كراميل ... نطفي النار و نصب هداك الماء 8 ملاعق بواسطة غراف خطرش يطير و يحرق و بسرعة أجبدي يديك حذاري
خليه يغلي ثواني و طفي عليه رايحة تتحصلي على كراميل لذيذ جدا لتزيين ليقلاص أو التحليات ... إلخ
خبيه في قارورة أو علبة و إستعمليه وقت الحاجة
إذا جاك ثقيل بزاف زديلو ملعقتين ماء باش يخفاف
( تقرير عن مشاركة سيئة )، و الموجودة أسفل كل مشاركة .
2013-09-22, 08:42
العرض العادي
