بيتك جنتك ورضاء ربك مبتغاك 2 - الصفحة 81

سمراء الدنيا · 2013-03-01, 22:47

اقتباس:

المشاركة الأصلية كتبت بواسطة ام منيب

راكم قستوني للصميم
حتى انا ماننساش امر يوم في حياتي كون ما نعزكمش والله ما نقدر نكتب هذه الاسطر من قوة الدموع
في مارس 2005 كانت اختي الكبيرة في عمرها 40 عام حامل في وليدها الرابع وفي شهرها الاخير وتمارس حياتها اليومية عادي بين التعليم كاستاذة في اللغة الانجليزية وبين تربية الاولاد احسن تربية لكونها مثقفة دينيا وتربويا
ولما قربت ولادتها اخذت عطلة ومنشطارتها وجدت كل شي للنفاس كانها عروسة
خدمت الطمينة والرفيس بنفسها وحتى القاطو عملت 3انواع
ودارها رجعتها وردة و لما حان موعد الولادة راحت للسبيطار بعد ما ضمت ولادها
ولدت عادي وشافت وليدها وسماتو عبد الهادي وبعد ساعات قالونا دخلت للانعاش وحنا النار لاهبا فينا وعلى 11تاع الليل كنا العايلة كلها في دارنا متلمين حتى ولادها جاناخبرالموت تاعها كالصاعقة
انا نفسي ما نجمتش نعيط لانو ولادها كانو في وسطنا وبقات هذيك الشحنة في قلبي شهور ولولا اماني وتمسكي بالله تعالى كنت نهبل
وعطاني ربي صبر كبير وبلا ما نحس هوما يخرجو في محملها وانا نكبر ونقول انا لله وانا اليه راجعون
بصوت عالي انا واندهشت في نفسي لاني تاكدت بلي اختي الله يرحمها ذاك الوقت كانت تحتاج للرحمة والدعاء لا الدموع والعياط
وتخيلو احساسي لما رحت نجيب غدا من ذاك وليدها من السبيطار بدون ام.....
......سامحوني ما نجمتش نكمل....
ادعولها بالرحمة

ربي يرحمها و يوسع عليها ماتت شهيدة
كل مرة يجي موقف اصعب من الاخر

سمراء الدنيا · 2013-03-01, 22:48

مساء الخير حليمة كيراكي اليوم راكي ساهرة معانا
انا لقيتها فرصة الراجل معروض

سمراء الدنيا · 2013-03-01, 22:50

اقتباس:

المشاركة الأصلية كتبت بواسطة ام باديس

مساء الخير لكل الاخوات اليوم النت ثقيلة بزاف هبلتني ..اليوم جبتلكم بقلاوة درتها البارح تاع عجينة الفيلو للاخت ام كوثر

تفضلوبصحتكم

يعطيك الصحة ام باديس خرجتلك روعة
انا كنت غير نحمل في الصور طفاتلي بنتي الميكرو و ضرك راهي في حجري ما قدرتش نعاود

وفاء سعاد · 2013-03-01, 22:51

يسلمك اختي حليمة الله نفتخر بصحبتكم وغدا نزيد نعتلها ردك باه تزيد تفرح مليح راهم المعلمين تاعها ماعندهم ماخلاو شبعوها تقلاش لبست القاطيفة وزادت لاغوب سواري في المسابقة ومعلمتها قالتلها قولي لماماك تسبع عليك الملح قلتلها بنتي راهو شرك بصح معلمتك راهي فرحانة بيك علا خاطر تحبها وماتحبش نهدر عليها حاجة ماشي مليحة الحمد لله راهم هوما الي يفرحو فينا وبيهم رانا نستمدو الطاقة لتكملت المشوار

سمراء الدنيا · 2013-03-01, 22:53

وفاء ربي يخليك دايما تسولي على المهدي ..انا اللي راه عاجبني انو هو راه باغي يقرا راني راجعتلو شويا و راجعلو تاني عمو و غدوة باذن الله نحملو التمارين
اللي راني خايفة عليه هو لكبير ... قعد معاه عمو قالي فاهم بصح ما شي مركز خلاص

ام باديس · 2013-03-01, 22:53

اقتباس:

المشاركة الأصلية كتبت بواسطة وفاء سعاد

اختي ام باديس راهي في المنتدى العام الابتدائي راهو موضوع متبت لاختي اريج المسك اسمه همزة الوصل رائع جدا عندنا استاد روعة اسمه عبد الناصر يفهمك اي حاجة مراكيش فاهمتها في الدروس لجميع السنوات في الابتدائي

صحيتي ختي عندي شعال مدخلتش لمنتدى الابتدائي راني غير مع تاع الثانوية والمتوسط

نبض الفؤاد · 2013-03-01, 22:56

والله يا أم منيب اللي بقات من الاخوات كملتي علي انت راني نكتب والدموع تنهمر تفكرنا أحزاننا في هذا اليوم وان شاء الله ندعو ربي العلي القدير يرحم موتانا وموتى المسلمين ........
على بيها الموت اسمه هادم اللذات

ام باديس · 2013-03-01, 22:57

شكرا اختي كولي بصحتك ومبعد روحي ديري الريا ضة

اقتباس:

المشاركة الأصلية كتبت بواسطة وفاء سعاد

يعطيك الصحة ام باديس راني رجيم بصح ديت واحدة هاهاها خرجتلك روعة

ام باديس · 2013-03-01, 23:01

شكرا سمرا انا تاني دايما وليدي يطفيلي الميكرو مرة برجلو مرة بيدو كاش نهار ينحرق

اقتباس:

المشاركة الأصلية كتبت بواسطة سمراء الدنيا

يعطيك الصحة ام باديس خرجتلك روعة
انا كنت غير نحمل في الصور طفاتلي بنتي الميكرو و ضرك راهي في حجري ما قدرتش نعاود

نبض الفؤاد · 2013-03-01, 23:01

اقتباس:

المشاركة الأصلية كتبت بواسطة fati 17

مساء النور النت تمشي سلحفاة غير في منتدى الجلفة الجواب على سؤال اليوم تعرضت لاصعب موقف في حياتي في الحقيقة لااحسد عليه وهو بعد عامين منزواج كان عليا نختار بين زوجي حبيبي او الامومة والحمد الله زوجي بالدنيا

ما عليش حنونتي سؤال علاش ما تفكريش في عمرة مع الزوج الكريم وثم تدعو الله تعالى يحل حزامك؟؟؟؟؟

اقتباس:

المشاركة الأصلية كتبت بواسطة سمراء الدنيا

مساء الخير حليمة كيراكي اليوم راكي ساهرة معانا
انا لقيتها فرصة الراجل معروض

اليوم صليحة البنات راهم يحفظو والكبيرة غايبة راحت لجدتها ووليدي خلاص تعب عشيتهم وجيت قبالة نحكم بلاصتي
واليوم في العشية رحت زرت جارتي القديمة غيرت الجو شوية

سمراء الدنيا · 2013-03-01, 23:04

اقتباس:

المشاركة الأصلية كتبت بواسطة نبض الفؤاد

والله يا أم منيب اللي بقات من الاخوات كملتي علي انت راني نكتب والدموع تنهمر تفكرنا أحزاننا في هذا اليوم وان شاء الله ندعو ربي العلي القدير يرحم موتانا وموتى المسلمين ........
على بيها الموت اسمه هادم اللذات

ايه يا اختي حليمة شفتي واش درت فيكم .... كنت قاصدة موقف حرج خاني التعبير .... ماعليش بكينا على كتاف بعضنا اليوم هاكا نقولو (معا على الحلوة و المرة)
تاني جارتك غاضتني مسكينة منين حكيتيلنا عليها واحد المرة .... مرات يعود الجار خير من الاهل
ربي يرحمها و يغفر ليها و يجعليها النور في قبرها

سمراء الدنيا · 2013-03-01, 23:16

ربي يدوم هناكم يا لبنات و تصبحو على خير خلاص ما قدرتش عينيا تغمضو هههه

وفاء سعاد · 2013-03-01, 23:18

اختي ام باديس راني لاحضت على بزاف الامهات الابتدائي معاطينهش اهمية كبيرة خاصة اللي عندها الكبار في الدار بالعكس راهم هم الاولي لانهم الاساس لاكان طلعو فارغين والله مايستدركولك مباعد ومايكملوش ومايروحوش بعيد امالا انتبهي ليهم جيدا على الاقل ساعة يوميا خاصة مع هدا البرنامج واش يفهمو وواش يخليو

ام باديس · 2013-03-01, 23:18

ليلة سعيييييييييييييييييييييييدة

نبض الفؤاد · 2013-03-01, 23:18

ايا تصبحو في أمان الله
صليحة ليمن تمرري السؤال غدوة