همزة وصل بين المعلم والولي : في طبعته الثالثة

[مقدسية]

المشاركة الأصلية كتبت بواسطة ~ حراير ~

السلام عليكم
و حبيبتي والدتي ياريت نقتدو بيها حظرت ركن الصلاة هو من بكري منظم و زادات نظماتو شرات سجادة جديدة و عطرتها و حضرت زمزمية الماء الي تديها للتراويح و راهي تراجع بمصفحها الالكتروني و الاهم وصاتنا الي يحب يزورها ماغير الصبحيات لانه لعشية تلهى بدينها
ربي يحفظها هي و والدي ديما نحمد ربي اني بنتهم و نتشرف بيهم والدي رباني على حب الدين و الوطن و على الاستقلالية و الحرية عمره و لا وجهني وش ندير يفهمني و يخليلي القرار و الحمدلله اني ماخنتش ثقته فيا و والدتي رمز للحنان و العطاء و لحد الان و هي عجوز كبيرة عمرها و لا ترد طلب احد و لو صعيب عليها
ا

وعليكم السلام ام اريج
ربي اسقي امي وابي الفرح دون اكتفاء فاني احبهما
ولاترني فيهما باسا يبكيني
اللهم اجعل امي وابي ممن تقول لهما النار اعبرا فان نوركما اطفا ناري
وتقول لهما الجنة اقبلا فقد اشتقت لكما

[أم الولدين]

المشاركة الأصلية كتبت بواسطة ~ حراير ~

السلام عليكم و رحمة الله تعالى و بركاته

من امس شية و انا نقرا في المداخلات ماشاء الله نقاش بناء حبيت نرد فقط على ام يونس ام الولدين و على ام ريم الحريصة ماشاء الله عليها
.............
اختي ام الولدين ام يونس راني نشوفك الحمدلله قنعتي و رضيتي انت باين بلي شفتي اوراق محاولات يونس حاولي تنقطي من عندك و تعرفي المعدل و ارضاي بيه
و فكري من درك في العام الجاي انا بكل صراحة عجبتني بزاف ام منى و نتمنى تقتدو بيها كلكم
العام الجاي كيما قال اغيلاس لازملو مراجعة داءمة و ثان لازملو التحضير خاصة في اللغة و الرياضيات
و نقلكم انه اهم حاجة تحسوها تغيرت من الابتدائي للمتوسط هو الحفظ
لا هي الفيزياء و لا الانجليزية لكنه الحفظ في الاسلامية اقل درس فيه صفحة و نص
و في كل المواد فيها وضعيات و اذا معلم حقاني راه يحاسب كيما تتحاسب وضعية اللغة كيما معلمة اريج للاجتماعيات و المدنية حتى الشاهد تعطيه نقطة اذا كل القسم دارو تنقط عليه او تزيدو للتتقويمات
يعني يا ام يونس اعتبريه ابتلاء من عند الله و يليق تصبري عليه و تاكدي بلي ربي شايفلك فيها الخير او كما تقول جارة ليا اعتبريها ربي حب يبعد عليه العين و الحسد شوفيها بايجابية لا تضري روحك لا تضري وليدك و ماتقوليليش ما قلتيلوش راكي عارفة الاطفىال يحسو و لو بنظرة
اذا المعدل راح يضرك ماتسمعيهش و لا تسمعي معدلات الغير و ريحي راسك قالك الباب الي يجيك منه الريح سده و استريح و زيدي دوري وجهك عليه و شوفي للعام الجاي شوفيلو بنظرة تفاؤل و افتحي انت و يونس صفحة جديدة صفحة مليئة بالتفاؤل مش فيها نقطة سوداء اسمها ،،معدل السانكيام،، افتحيها بالمعدل السنوي تاعه افضلك
هدرت بزاف هيهيهيهيه

،،،،،،،،،،،،،،،

اسمحولي بزاف كلام

واش نقولك ا اختي ياريت كان ردك اطول 10 مرات من هدااا لا بزاف وللا شيئ بالعكس و ربي شاااههد شعال تفرحني ردودكم هادي
سؤالك ايه ايه كنت اعتقد من قبل كما دكرت لن اقدر على مشاهدة اوراقه ولكن بلا مانحس بديت من حاجة لحاجة و نقول خلاص نزيد نشوف
عسى وعل نتفائل ويتغطى الخطأ الاول نلقى حاجة اخرى و الي غاضتني يا الاهي كلها كلهااااا يعرفها وتافهة و بسبب تسرعه لاغير
حتى ضرك راني نقول في نسفسي مشكلة يونس لافهم او غيره مشكلة في نفسه و نفسيته يجب التركيز اكثر على اكسابه ثقة بنفسه والعمل على كيفية تعزيزها
كنت قلتلكم انه وقت الامتحان مسكين خرج شعااال من مرة اعزكم الله لبيت الخلاء رفقة الحارس طبعااا حتى قالي ماما شعال ملاح رجعوا يسالو فيااا راك مريض ولدي ؟؟؟ حتى لما قلت لامي قالتلي لوكان بعدها جبتيه نعيرله السكر
وااااااع زاد قلبي وجعني اكثر و أكثر و أكثر يعني وقت الامتحان زاد التركيز طاار طيران بسبب خروجه كل مرة
يونس من النوع الكتوم الخجووول لا تعرفين بداخله ما يدوور رغم انه كان يبدي لنا ليس مرتبك او خائف لكن الخوف و الارتباك عملو فيه حاااااالة وقتها
عجبتني عبارة ربي شاف فيها خيرةورب حب يبعد عليه العين و الحسد وكدى والله لا انكر قلتها في نفسي وبديت نصبر في روحي وهو يعاني حقااا من صغره هده الامور
حسب المواضيع وحسب معرفتي بمستوى يونساا قااادر ولكن قدر الله وماشاء فعل المهم اتفائل بحول الله خيرااا بمستواه
وعجبتني أم منى ايضاااا لما سالت عن برنامج الاولى متوسطة فرحت جاتني فكرة من قبل وقلت لاااااا هنا راهم ينتظروا في نتائج اولادهم و بناتهم و حابين يفرحو بنتائجهم خلي تساؤلاتي ليما بعد ولكن فرحوني لما لقيتهم بداو يسالو اضم تساؤلاتي لتساؤلاتكم
أم اريج ربي يفرحك ببناتك و تشوفيهم أهم شيئ صالحات تقيات و سبيل دخولك جنة الرحمن
وربي يحفظلك الوالدة الكريمة ماشاء الله ماشاء الله زادها الله إيمانا وحرصاااا واعجبتني نصيحتها لكم الزيارة في الصبيحة فقط دكرتني بنفسي
لا خرووووووووووج في رمضان والليل ما نحب وحدة تجي عندي ما نخرج مطلقاااااا حتى يوم العيد
اللهم بلغنا و احبتنا فيك رمضان سنين عديدة و ازمنة مديدة و احنا و اولادنا و اهلنا بصحة وسلام و امن و امان و اقرب الى الرحمن

[عبد الناصر أمازيغ]

المشاركة الأصلية كتبت بواسطة مقدسية

صباح الخير والرضا

غدا بحول الله شهادة الباكالوريا
ربي يثبت مناد ابن استاذنا عبد الناصر وابنة اختنا ام هندة واخ استاذنا صابر وابنة اختي
وكل ابناء الجزائر
اللهم لاتحرم بيتا في بلدي فرحة النجاح بالبكالوريا

و صباحك أفراح و مسرات

آمين يا رب ، أفرحك الله بأبنائك و بعبد الرحمن ، إن شاء الله كيما اليوم يوصل للخامسة و نفرحوا كامل بنجاحه .

[عبد الناصر أمازيغ]

المشاركة الأصلية كتبت بواسطة /زهرة عصفور الجنة/

أستاذ عبد الناصر نتمنى ان تكون نفسية مناد في احس حا وهو كل عزيمة للنجاح في شهادة البكالوريا نسال الله العلي القدير ان يوفقه لما يحبه ويرضى وان تكون الامتحانات ردا وسلاما على قلبه هو وكل طالب اجتهد ودرس وسهر
ربي لا تضيع تعبهم وتعب اساتذتهم
بالتوفيق لجميع اللمتحنين

واش نقول لك أختي ، و الله يبان منبسط ، لكن لا أعرف هل هي ثقة أو عدم التقدير الجيد للموقف ، هو يعمل ما عليه في هذه الأيام ، و أنا ابتعدت عنه كليا و تركته براحته ، يعني لا أريد أن أضغط عليه حتى لا أولد فيه التوتر ، خلال السنة نعم كنت دائما أنبهه و أحيانا أرفع صوتي لدرجة الغضب .
المهم هي تجربته الأولى و يجب أن اترك له مجالا صغيرا ليتحمل جزء من المسؤولية ، و ما التوفيق إلا بالله .
شكرا على سؤالك و التفكير في ابني ، إن شاء الله ربي يقدرني رد فضلكم الغامر .

[عبد الناصر أمازيغ]

المشاركة الأصلية كتبت بواسطة ~ حراير ~

السلام عليكم
الشيخ عبد الناصر كيف احوال مناد و المورال تاعه نتمنى انه بخير وي ستنى في غدوة بتفاؤل

نتمناولو النجاح ربي يسهل عليه و تفرح بيه و نفرحو كلنا معاك

و عليكم السلام و رحمة الله و بركاته

بارك الله فيك أختي على السؤال و أسعدك في بناتك و زوجك و أهلك .
الحمد لله راه مليح ، راني نشوف في الأيام الأخيرة بشوش الوجه و لا تبدو آثار القلق كما يقال بالفرنسية en bonne humeur ، خليتو يخدم على راحتو و يكتسب تجربة بنفسو ، و إن شاء يجوز الامتحان بسلام و مرحبا بكل ما قدره الله .

[عبد الناصر أمازيغ]

السلام عليكم و رحمة الله و بركاته

إخواني في الهمزة أولياء و أساتذة ، أزف لكم خبرا باش تفرحوا معايا شوية .
اليوم تلقيت مراسلة من صندوق التقاعد خصصوا لي رقما للتقاعدnumero de retraite و أعطوني حساب المعاش الأولي . بانتظار قرار التقاعد من مديرية التربية في الأيام القادمة .

أين أنت أخي أبا ياسين لأرسل لك الرقم و تطلع على ملفي . نخاف ياكلو لي حقي ههههه

[جلفااوية]

المشاركة الأصلية كتبت بواسطة عبد الناصر أمازيغ

واش نقول لك أختي ، و الله يبان منبسط ، لكن لا أعرف هل هي ثقة أو عدم التقدير الجيد للموقف ، هو يعمل ما عليه في هذه الأيام ، و أنا ابتعدت عنه كليا و تركته براحته ، يعني لا أريد أن أضغط عليه حتى لا أولد فيه التوتر ، خلال السنة نعم كنت دائما أنبهه و أحيانا أرفع صوتي لدرجة الغضب .
المهم هي تجربته الأولى و يجب أن اترك له مجالا صغيرا ليتحمل جزء من المسؤولية ، و ما التوفيق إلا بالله .
شكرا على سؤالك و التفكير في ابني ، إن شاء الله ربي يقدرني رد فضلكم الغامر .

السلام عليكم و رحمة الله و بركاته كيف حالكم استاذ ان شاء الله باحسن الاحوال و ربي يوفق ابنك ان شاء الله و ينور لو طريقوا للخير و يفرحكم بنجاحوا ان شاء الله
انا ايضا عندي اختي غدا ان شاء الله ستجتاز امتحان البكالوريا ندعوا بالتوفيق و الثبات للجميع ان شاء الله

[آيات سرمدية]

بما أن غدا ان شاء الله سيشرع في امتحان شهادة البكالوريا
ومن اجل اخواننا "طلبة البكالوريا"
واجبنا الدعاء لهم و نسأل الله العلي القدير ان يستجيب لدعائنا

ارجوا ان تدعوا لهم جميعا فهم بأمس الحاجة الى دعائنا خاصة في الصلاة و نحن ساجدون

من خلال ردودنا ايضا هنا عسى ربنا يستجيب لنا ولكم.......


يا ودود يا ودود، ياذا العرش المجيد، يا مبدئ يا معيد......

يا فعالاً لما يريد، نسألك بنـــور وجهك الذي مـــــــــــلأ أركان عرشك......

ونسألك بقدرتك التي قدرت بها على جميع خلقك.......

ونسألك برحمتك التي وسعت كل شيء، لا إله إلا أنت، يا مغيث أغثهم
يا مغيث أغثهم يا مغيث أغثهم.....فاذا دعوك انجدهم واجبهم.......

اللهم اعنهم على اجتياز الامتحانات و ان تكون بردا و سلاما عليهم يا ارحم الراحمين......

اللهم لا سهل إلا ما جعلته سهلا، وأنت تجعل الحزن ما شئت سهلا......



اللهم يا حنان يامنان ياكريم ويا رحمن...... يا منجي يونس في بطن الحوت وحافظ موسى في التابوت...... جد على طلابنا بالتوفيق والنجاح والتقدم ......والفلاح فلا تدع فيهم كسولا ولا تخيب فيهم بذولا واجزهم خير الجزاء ......ووفقهم......وسدد خطاهم.......واجعل الباكالوريا نصيبنهم......وانت اعلم بهم.....

اللهم خذ بيدي ابن استاذنا عبد الناصر.......وابن اختنا هندة......من نعرفهم هنا ومن لانعرفهم....من رواد المنتدى وزواره......وكل ابناء الجزائر......فلاتخيب كل من اجتهد فيهم....فالتوفيق من عندك يامجيب........والحمد لله رب العالمين....


اميـــــــــــــــــــــــــــــــــــــــــــــــ ـــــــــــــــــــــــــــــــن
لا تنسوا الصلاة على سيد المحبين و المحبوبين صلى الله عليه و سلم.......

[جلفااوية]

[جلفااوية]

ااااااااااااااااااااااامين ااااااااااااااااااااااااااااااااااااااااااااامين ااااااااااااااااااااااااااااااامين

جزاكي الله خيرا اخت ايات سرمدية دائما مع الجميع ربي يسعدك و يفرحك دنيا و اخرة ان شاء الله

[آيات سرمدية]

ساكون باذن الله اول المباركين لك........مبارك لك مراسيم التقاعد عقبال التجسيد ان شاء الله.....


ربنا اجعلها اولى المسرات......وادم الافراح والاخبار السارة على شيخنا الاستاذ عبد الناصر......ومن والاه........

[آيات سرمدية]

جزاك الله خيرا.....اخت الجلفاوية.....ولك بالمثل ان شاء الله......


كيف احوال نفسيتك...؟؟؟..ان شاء الله يكون قلبك راض والحمد لله.....؟؟؟؟

[جلفااوية]

الحمدلله اختي لقد تقبلت الفكرة و بدات اتعايش معه و الحمد و الشكر لله اولا و لعائلتي اخواني و اخواتي في الهمزة لقد خففتم عني الكثير بتشجيعكم و دعواتكم الطيبة الحمدلله على كل نعمه
ادام الله عيكم صحتكم و عافاكم دنيا و اخرة ان شاء الله

[جلفااوية]

المشاركة الأصلية كتبت بواسطة عبد الناصر أمازيغ

السلام عليكم و رحمة الله و بركاته

إخواني في الهمزة أولياء و أساتذة ، أزف لكم خبرا باش تفرحوا معايا شوية .
اليوم تلقيت مراسلة من صندوق التقاعد خصصوا لي رقما للتقاعدnumero de retraite و أعطوني حساب المعاش الأولي . بانتظار قرار التقاعد من مديرية التربية في الأيام القادمة .

أين أنت أخي أبا ياسين لأرسل لك الرقم و تطلع على ملفي . نخاف ياكلو لي حقي ههههه

مبرووووووك عليك استاذ و ربي يهنيك و يعوض تعبك و ان شاء الله و باذنه ستتفرغ لابنائك و بناتك في الهمزة
شيماء تبلغك احر سلام و تشكركم جزيل الشكر انت و الاستاذ نور الدين و الاستاذة ايمان وفاء و كل من ساهم في مساعدتهم في مشوارهم الدراسي جزاكم الله خيرا ان شاء الله

[جلفااوية]

[quote=مقدسية;3993589585]صباح الخير والرضا
اهلا بعودة اختي الجلفاوية ربي يتمم شفاك عزيزتي


شكرا اختي ربي يسعدك و يرضيك ان شاء الله دنيا و اخرة اسعدني سؤالك عني جزاكي الله خيرا ان شاء الله