الجزء163من كوزينة واش طيبتي اليوم ؟؟.؟؟؟.؟؟ - الصفحة 80

أم سدرة · 2016-05-01, 07:57

صباح الخير عليكم صح قهوتكم غدايا اليوم كسكس حبيت نقولكم راني اليوم رايحة ندير تنظيف عميييييييييق للبيت وااااااع إذا مادخلتش ماتقلقوش ولكان لقيت الوقت راني ندخل نطل عليكم سلامي لكل وحدة فيكم

كوثر التائبة · 2016-05-01, 08:02

كل شيء تحفة ربي بدومها نعمة

om kamilia · 2016-05-01, 08:44

نهاركم مبروووووك و يومكن موفق

حياة نور الدين · 2016-05-01, 09:19

صباح الانوار والمسرات
ام سدرة ربي يعينك اختي

ام كاميليا اهلاااا اختي وصباحك مبارك

العاملات صح عيدكن

ام اسلام. وين راكي اختي طمنينا قلتيلنا السبت ندخل اوكي العطلة اليوم كملتي

اريح موضوعك هاااايل بصح تسيت محطيتلكش رد وعندي استفسار

ربي يعينكم ويعينا انا فطوري اليوم مقرون ان شاء الله

oum ibrahim · 2016-05-01, 09:25

صباحكم ورد وهناء و سعادة كيف احوالكم يا غوالي
البارح حطيت الصور و خرجت وكي وليت النت كااااااااارثة تكره ماقدرت نراجع والو حتى لليوم و ان كان ماشفتش كلش لكم ماعليش خير من والو هههه يعطيكم الصحة يا الحراير كل وحدة باسمها و لمستها بداية من الفحلة البسكرية حبيبة طاطاها اريج و اطايب العسل ليزا و هذاك الكيك ياااااااااااااااااااااي ماشاء الله عليك يخزي العين كما يقولو السوريين و خيرات ام سارة و هذيك البطاطا و الدجاج امممممممممممممممممم ماتغيبيش علينا والكوكا و البطاطا اكسبرس لام هدول تشهيييييييييي و الف شكر على رابكط الكيك فعلا رائع وخيرات زيكا و معجوناتها ليها و لزيكو بصحتكم و ربي يهنيكم والبطاطاالصحية الي دارتها حياة للعشا و المقيرط اممممممممممممممم و الغرس كي خرجلك ممكن يكون طري انا هذا واش لاحظت كي درتو و قوارب البادنجال للغالية ست الكل ام رحاب ربي يشفيك و يعافيك و نتمتعو دائما باطايبك و اخيرا هذا وش هز راسي اسفة اذا نسيت وحدة
ام هدول وصفة رولي الدجاج و اللحم المفروم
نرحي صدر الدجاج الكمية حسب ما حبيتي و نتبلو بسنة ثوم و ملح و فلفل اسود وشوية معدنوس
و نتبل اللحم المرحي بالملح و الفلفل اسود و شوية بصل مقطع رقيق و شوية معدنوس
ناخذ قطعة بلاستيك غذائي شفاف نحل عليها الدجاج و نحل اللحم المرحي فوق قطعة ا بلاستيك خرى و نقلبو فوق الدجاج و نرولي بالشوية و نضغط باه يتماسكو مع بعض ونغلق مليح الورق الشفاف و نغلفو بالالمنيوم و نديرو في بلاتو فرن فيه ماء مغلي و ندخلو للفرن مدة نصف ساعة لانو الدجاج و اللحم مرحي مايطولوش في الطياب لما نخرجة ننحي البلاستيك و الالمنيوم اما تحبي تدهنيه بالزبدة و ترجعيه للفرن يتحمر تحت الشواية او تحمريه في مقلاة في شوية زبدة و تقطعيه و تقدميه كما تحبي و الف صحة و هناء

أم محمد تاج · 2016-05-01, 09:32

صباحوووو حبيباتي الحلوااات
حيوووتة ممممممم وممم وممم والبوخفيف تاع ام هديل يعطيكم الصحة
غدايا بححححح كالعادة ماتعولووش عليا خخخخخخخ
نضرب طلة على موضووع حبيبة الطاطا واللهم آمين لمحمد وتاجوو ومريووومة:d

روضة 88 · 2016-05-01, 09:46

صباح الخير عليكم جميعا
يعطيكم الصحة راكم مزهيين الكوزينة بالاطايب.
مولات الكوزينة وين راك

اريج 07 · 2016-05-01, 09:47

Bonjour
يوم موفق ام كاميليا ام هدول كوثر ام سدرة ام برهوم ليا الشرف انك تشجعيني
طاطاتي صباحك ورد و فل و ياسمين يا احلى من القمر
حيوته روحي دوك و ديري رد خخخخخ المهم كي طليتي هذا شرف ليا تفظلي باستفسارك اختي
ليزاتي وينك واقيلا دوخاتك المحجوبة ههههههه

أم محمد تاج · 2016-05-01, 10:15

حشمتيني مريوومة حبيبتي والله انت القمر مواااااااح
روضة يعطيك الربح وين راكي غاطسة??
ام سراج لهوووووونة ولبنات بزاف مضربين على الكوزينة وينكم نورونا غالياتي
ام اسلام خلصت الفاكانس تاعك هههههه

nabila222 · 2016-05-01, 10:21

بنات صباح الخير عليكم ,اذا ممكن حابة طريقة ترقيد الفلفل الحار لرمضان حابة طريقة مجربة وناجحة ربي يحفظكم ,جربت شحال من وصفة حابة حاجة مليحة من فظلكم

om kamilia · 2016-05-01, 10:24

صباح الخيرات حشم ندخل وحدي صباح
يعطيكم الصحة على الخيرات لي حطيتوهم
انا بارح قضيت شوية مواعن فرحت بزاف هذا واش نحب عدي اغلى من ذهب و الماس
هذي سمانة ان شاء نبدى شوية تحضيرات وتنظيف لاستقبال الضيف ان شء الله يحل علينا بالخير و البركة

اريج 07 · 2016-05-01, 10:25

اقتباس:

المشاركة الأصلية كتبت بواسطة nabila222

بنات صباح الخير عليكم ,اذا ممكن حابة طريقة ترقيد الفلفل الحار لرمضان حابة طريقة مجربة وناجحة ربي يحفظكم ,جربت شحال من وصفة حابة حاجة مليحة من فظلكم

اختي حنا البساكرة حياتنا كل فلفل عندي شوي فلفل دوك نروح نخدموا و نحطهولك موضوع تحبي الحار بزاف ولا شوية

أم محمد تاج · 2016-05-01, 10:29

ياااي ام كاميليا بصحتك حنوووونة وحطي نشوف واش شريتي?? راسليني الي بالي بالك تستعمليهم بالصحة ولهنا يارب

om kamilia · 2016-05-01, 10:32

اقتباس:

المشاركة الأصلية كتبت بواسطة nabila222

بنات صباح الخير عليكم ,اذا ممكن حابة طريقة ترقيد الفلفل الحار لرمضان حابة طريقة مجربة وناجحة ربي يحفظكم ,جربت شحال من وصفة حابة حاجة مليحة من فظلكم

تفضلي ختي تلقاي ف روائع اسمهان
https://www.djelfa.info/vb/showthread.php?t=1805269

om kamilia · 2016-05-01, 10:34

اوكي حبيبي رايحة نحط مشترياتي البسيطة و نزيد لك رسالة ههه
نبدى اشغالي نخليكم في آمان الله
ام برهوم راني نسنى ههه
ليزاتي خلاص راني فرغتو
زقزوقة نعاندك في المعجون وبصحتك الخفيف
روضة اهلين