الجزء 137 من كوزينة واش طيبتي اليوم ((كوزينة النجاح في الدارين ))

[أم هبوبة]

صباح الخير
تشارك مسكر بعجينة ام اماني و طريقة التسكار لام سهام

قاطو الانيقة لام رويدة

قاطو الكبريس لام اماني

منقوشة ام اماني و سجائر حلوة الترك لاسمهان

تارتولات محشية بالنيسلي بطريقة الاخت زهروان

حلوة ليمول العجينة استعلمت نتاع ام اماني


حلوة السلطانيات لام امتني

و هادو راني نعمر ليبوات لامي باش تديهم معاها لاختي



شربت المقروض البارح و رايحة نعمله اليوم

[دائمة الشكر]

صباح الخير اخواتي نتمنى تكونوا بخير اللي حطو الحلويات روعةويعطيكم الصحة كلكم
ام ههبوبة الحلوة تشهي امممم بصحتها اختك
ام وابنة الله يكون في عونك انّا عندي زوج بنات توأم والله عييت معاهم بزاف ربي يصلحهم ويحفظهم اللهم امين
روضة حبوبة ديري نوع واحد نعرفوك فحلة الله يبارك

[روضة 88]

لبنات صباح الخير وشكرا على التشجيع

الفرينة انتاع 25 كغ تصلح للحلويات.

[دائمة الحمد]

صباح الخيرات ربي يعينكم
ام هبوبة حلوياتك روعة يعطيك الصحة وتعيدي بالهناء
ام ماجدبصحتك السهرية والسردين قلب اللوز يشهي
روضة فرينة 25 ك انا نعمل بيها الكروكي والغريية فقط لانها سمرة ماهيشبيضاء مليح
راني مع ميناج العيد لانو اليو هار العين وما تجيش كان بعد العيد
في الليل عندي ضيف صاحب ولدي لازمني نقلشو في خاطر وليدي
اول اللبارح جاوني عدة دواعش مع اماتهم ففسدولي الكلافيي وفسدولي النباتات الي في البالكون الكل اميرة راهي متحلفة فيهم هههههه
ربي يعينكم لبنات

[أم محمد تاج]

صباحووووو غالياتي
الله يعينكم هاذ ليامات واعرين
راني قريب نكمل الباقلاوة تاع العرس ونصورهالكم
سلاماتي

[أم ماجد]

صباح الخير
ربي يعاونكم

[ام طيري الجنة]

صباح الخيرات على الحلوات الزينونات الأنوشات الوردات المتفتحات العطور الزكية الفحلات الشاطرا ت كيف حالكم
ماشاء الله على النشاط و القاطو ماشاء الله
[B][COLOR="Blue"][SIZE="5"] دخلت على قاطوات ام هبوبة امممممممممممم ماشاء الله و الله يبارك و بصحتها اختك و طريق السلامة للميمة
دائمة صباحك ربح و ربي يكون معاك و يعاونك و الدواعش راهم في كل مكان هههه لا يبقون و لا يذرون خاصة كي يتلاقاو
صباح الخيرات روضة و دائمة الشكر
ام فاطمة ماشاء الله رواااائع بصحتكم
ام وداد ومحمد ربي يعينك و في ميزان حسناتك و تعيدي بالصحة
ام و ابنة واش احوالك ريحتي شوي
قمر كيف حال الزوج ان شاء الله يكون ارتاح شوي
ام الجود بصحتكم كلش هايل و اللي شهاني كثر السردينة وقيلا نقولو يجيبلنا اليوم السردينة
المازتي بصحتك القاطو و كي تماكييه وريهولنا و ربي يعاونك حبيبة قلبي
ام ياسو يا درا القاطو كي جاه المكياج ههه حابين نشوفو ربي يعينك و يفرحك بالبنات
روضة يا درا بديتي ولا مازال
ام لقمان بصحتك القاطو ربي حب يريحك تستاهلي
ام رويدة بالشفا عليك حنونة و ربي يعينك
ليزابيل ربي يعينك و يفرحك يا الغزالة
مريم سلمى الجزائرية الله يبارك فيك و يفرحك
ام سهام ماشاء الله و بصحتك و ما تغيبيش الكوزينة بلا بيك ناااقصة
بشرى شكرا على الباروك هااايل يعطيك الصحة
ام تاجو يا درا واش درتي مع البقلاوة ربي يعينك

[lyzzabel]

صباااح النوووور حبييباااتيي و نهااركم طييب
ام نسرييين الحبيييبة صباااحك سكر و عسل ياا عسسسسللللل
سكروووورتيي في انتظاار الصوررر بالاااك بااالااااك باالااااك نعااند خخخخخخ هااد العاام يديا رااهم مقصوصيييين
ام الجووود بصحتهم ضياافكم و يعطييكم الصحة نتياا و البنااات
ام و ابنة شكرااا حبييبتيي جيستوموون كنت بااغيتهاا للعضوة في هدااك الموضووع بصح لقييتهم حطوولها الطرييقة يكثر خييرها لي حطتهاا
الماازتيي والله لقيتييها الشقا ما بغااش يكمل و انا جهدي رااه قرييب يكمل و الله المستعاااااان
قمووورة ان شااء الله عولي برك هههه
روووضة مشي مواالفة نخدم بتااع 25 كغ ،، نخدم بتااع كييلو ولا 5 كغ و تجييني شاااابة فالحلوياات و الخبز و المعجنااات
ام هبوووبة تسلم الأياااديي يا الحبييبة حلويااتك روووعة و بصحتها اختك و ربي يرجع لمييمة بخيير و سلااامة و يسلك مرت خووك على خييير ياااارب
داائمة الحمد لوكاان جييت في بلااصتك نقفل قاااع البيباان قبل ما يجوو هاكاا ما يخربوووش واااااع
ام وداااد بصحتكم الصاابلي حبييبتيي شكراا على الثقة فرحت بزااااف كي عجبكم ،، سلمييلي على الواالدة و ربي يجازييك بالخيير كي درتي المينااج لعجووزتك
ألمااااازيييتااا غاادي نتوحشووووووك ان شااء الله ترووحي و ترجعي بألف خييييير و سلمييلي على قااااع العاائلة و خااااصة المااما
بشوووورتييي غيير بالعقل علييييك ما يلييقش تفوورسي على رووحك بااش ترييحي يااك قلتلك لااااازملك الراااحة التاااامة زعما انا الطبييبة تااعك هههه ربي يجييبلك الشفااء قبل العييييد باش ما تعيدييش رقبتك معوجة خخخخخ و يعطييك الصحة حلللللوتيييي
ام لقماان تهنييتي مالحلويااات بصحتكم حبيييبتي
ام يااسوو ويينك يا رولاااكس ياا غااليي
إيدروونوو وااش كااش حلويااات و تحضيراات للعييد ،، ربي يعااونك يا الحبيييبة


انا هدااك ما نديييير نرووح نبداا القااتو و كيي نكمله نديير التشارااك جبدت العجيينة و الحشو مالكونجيلااتووغ و حتى القلااسااااج بإذن الله ،، ربي يعااونكم و يعااونيي ،، سلااااااااااااام


اللهم إنك عفو كريم تحب العفو فاعف عنا و اطجعلنا من عتقاائك في الجنة

[أم ماجد]

[دائمة الشكر]

ههههه ام ماجد قول رشيد وسديد وعيد سعيد

[oum islem]

المشاركة الأصلية كتبت بواسطة lyzzabel

ماشااااااااااء الله روووووعة رووووووووووووعة تسلم ايديييييك يا الفحلة و المسمن دسييلي حقيي ممممممم

ما يغلاش عليك يا اغلى الحبايب وزيد نديرهولك سبيسيال
عجوزتي ماتت منو وشبعت بيه فرح

المسرارة ام ياسين المسمن نفتوه ونفوروه ويبرد مليييييح نخبيه في كيس بلاستيك والى الثلاجة
نخرج الكمية لي نحتاجها ونغلي المرقة ملييح ونسقي
نديروه اول عيد للغداء وللعشاء
والسمنيات للحليب قهوة
ولي يبقى ندير بيه المشلوش تاعك يهبل مع اللبن
طبعا اذا بقى مع ضيافي الله يبارك هداك هو

[oum islem]

المشاركة الأصلية كتبت بواسطة أم ماجد

خخخخخخ وحدها هادي
باه يبقى قلبه سعيد
لازم ما نقولش الخرجة تزيد
والمطبخ بقفل حديد
والباقي مسموح والحمد لله

ام وسيم حلوياتك متقونة الله يبارك روعة يعطيك الصحة

ام هبوبة ما شاء الله عليك يسلمو وبصحتكم

عيييت ندخل لقسم الحلويات غالقين بالكادنا

[oum islem]

لبنات وش رايحين ديرو فطور؟؟.؟

راكم مع النفيظ والقاتو ربي يعينكم

سلام للملتحقات

[أم فاطيمة]

السلام عليكم و رحمة الله و بركاته
دخلت على قاطويات ام هبوبة يعطيك الصحة كلش متحوف
دائمة واش راكي كنتي تبلعي كلش و تسمريهم بالكليماتيزور و هكذا ما تخربلك حتى حاجة و
قولي لاميرة عوضك على الله تحي تحلفي و جيل هذالوقت ما يخاف و مايحشم
ام ماجد بصحتك السهرية من صابني معاكم و مسالية على كاس اتاي
ام التج و ليزا ربي يعونكم
ام و ابنة روضة قمر كي صبحتو
تم اسلام حتى انا راهي باحرتلي الفريجيدار راه يخمل في قشه باش يعيد
و انا راسي تقلب من التخمام ربي يجيب الخير
ام طير الجنة صباح الخير كي صبحتي

[أم ملك]

السلام عليكم
الحمد لله كملت باقيلي حاجة خفيفة و غسلت القش و سيقت الدار
نوريلكم القاطو بصح راه تصوار تاع الزربة باقيلي نستفو و نديرو في ليكيسات