الجزء 122 مرحبابيكم عندي نتمنالكم اقامة طيبة - الصفحة 80

ام سراج وملاك · 2015-03-19, 23:23

ان شاء الله اختي زينب هو يطول شوي ممشاش بكري وتهنيتي كي خممتي في لغدا نتاع غدوا
وهيبة شكرا اختي ربي يشفي جميع المرضى
لبنات تصبحون بالف خير

أم ملك · 2015-03-19, 23:27

أم سراج ليلة سعيدة
أنقولك على فطوري إن شاء الله طعام مرقة حمرا و نزيد للعشا إن شاء الله و راني نقول ندير ليبيني الوصفة تاع زينب إدا كتب ربي سبحانو
وهيبة أسناي قبل ما ترقدي واش هو طلكوس مافهمتش

أم ملك · 2015-03-19, 23:29

تصبحو على ألف خير نروح نراجع صفحتي تاع الحفظ و ربي يوفق الجميع

om hind · 2015-03-19, 23:31

اقتباس:

المشاركة الأصلية كتبت بواسطة ام رشدى

اختي ام هند اكييييد الغربة مرة وعندي اخي راه يسكن ثما امي دايما تمرض كي يعود مروح والله كرهتها مالقري مارحتش ليها ربي يكون معاكم وانشاء الله هدا الصيف تجي للبلاد وتبردي قلبك
اختي ام ملاك اهلين انشاء الله راكي بخير واش احوالك مع الحمل ربي يكملك حنونة

ربي يخليك اختي صح الغربة واعرة و الحمد لله مكتوب ربي أني مروحة ان شاء الله في اول ماي نقعد ثلاث شهر ان شاء الله المرة اللي فاتت قعدت غير 15يوم ما شبعتش بويسك كنت بالحمل و عندي لي زاناليز هنا

اسمهان79 · 2015-03-19, 23:33

اقتباس:

المشاركة الأصلية كتبت بواسطة زينب 83

هههههههه راني فاولتلكم بالحمل غير استناو

اسمهان عيوني ليك حبوبة ، كاشي إبداعات خاصة الحلويات انا راني شوي أمية فيهم مانحبش نخدمهم

شوفي حبيبتي والله هاذ ليامات راني مع الدار والنفيض ولفريز جاني لهبال نتاع مارس وحابة نزرب نخلص عندي قشي وجداتولي الخياطة باه نحرجو نحب نحرج وحدي باه نتفنن فيه عندي عراس قراب ليا الشهر الجاي على هاذيك لي ما نيش نحط والله كل ما تكون عندي وقت ندير ونحط
كي راكي تقولي انتي امية زعما انا فنانة والله راني نتعلم منكم حبيباتي ربي يبارك فيكم وفي صحتكم

زينب 83 · 2015-03-19, 23:33

اقتباس:

المشاركة الأصلية كتبت بواسطة wahibaazel

زينب واخواتها راكم مزهيينها ،كنت نسوج برا ،كليت طكوس اممممم وجيت .
ام سراج ربي يشفيك .ويشفي ابن خالة زينب امين .
ام ساجد البراج روعة ،دمعة فرح المقروط يشهي وزيد باللوز يا عمري
زينب بصحتكم الشوا ،حنا نروحو لعين ولمان (منطقة تابعة لسطيف )وناكلو الشوا معروفة باللشوا انتاعها .
البنات كامل ليلة سعيدة.

اهلين وهيبة
اممم الشواء تاع عينو امان هااايل و مشهور

واشنو الطكوس لي كليتيه ?

اسمهان79 · 2015-03-19, 23:36

اقتباس:

المشاركة الأصلية كتبت بواسطة wahibaazel

زينب واخواتها راكم مزهيينها ،كنت نسوج برا ،كليت طكوس اممممم وجيت .
ام سراج ربي يشفيك .ويشفي ابن خالة زينب امين .
ام ساجد البراج روعة ،دمعة فرح المقروط يشهي وزيد باللوز يا عمري
زينب بصحتكم الشوا ،حنا نروحو لعين ولمان (منطقة تابعة لسطيف )وناكلو الشوا معروفة باللشوا انتاعها .
البنات كامل ليلة سعيدة.

وهيبة انا ثاني نموت على الشوا نتاع عين ولمان تعرفي مرة على مرة ناكلوه عند الشواي اللي في لميل كاتورز يديرو ما يتشبعش

ام محمد اسلام الله · 2015-03-19, 23:36

عشايا كان كوكا وللفطور كنت معروضة عند خالتي دارتلها شوية قاطو لهلال ديتو معيا

اقتباس:

صورتهولكم في المول باش تدو الفكرة بلك تعجبكم

زينب 83 · 2015-03-19, 23:39

اقتباس:

المشاركة الأصلية كتبت بواسطة اسمهان79

شوفي حبيبتي والله هاذ ليامات راني مع الدار والنفيض ولفريز جاني لهبال نتاع مارس وحابة نزرب نخلص عندي قشي وجداتولي الخياطة باه نحرجو نحب نحرج وحدي باه نتفنن فيه عندي عراس قراب ليا الشهر الجاي على هاذيك لي ما نيش نحط والله كل ما تكون عندي وقت ندير ونحط
كي راكي تقولي انتي امية زعما انا فنانة والله راني نتعلم منكم حبيباتي ربي يبارك فيكم وفي صحتكم

يا لعزيزة كي تعودي انت ماشي فنانة شكون لفنان ، راكي توووووووب تاع الصح و شرفتي بناس العلمة الله يحفظك يا رب و بصحتك لخياطات كي تكمليهم ابعثيلي نشوفهم

om hind · 2015-03-19, 23:39

اقتباس:

المشاركة الأصلية كتبت بواسطة زينب 83

اهلين وهيبة
اممم الشواء تاع عينو امان هااايل و مشهور

واشنو الطكوس لي كليتيه ?

Les tacoos هوما كيما الشوارما شفتي الخبز تاعك الي تخدميه الخبز العربي و يعمرون بالكباب و يديروه في البانيني

زينب 83 · 2015-03-19, 23:40

ام محمد اسلام يعطيك الصحة و الفكرة تووووووووووب مبدعة

scorpionoir · 2015-03-19, 23:40

اقتباس:

المشاركة الأصلية كتبت بواسطة *توبــــة*

عقروبة حبيبتي اسمحيلي طولت عليك.........ماما راهي تقولي ازربي روحي اكتبيلها الوصفة
بلاك حابة اديرها للعشا هههههههههه

أرز في الكوكوط

المرقة: طراف لحم أو دجاج + حبة بصل متوسطة مرحية + 5 سنينات ثوم هرسيهم مع 1/2 م ك ملح + 1 م ك كسبر مرحي +
1/2 م ك راس الحانوت + شوية فلفل أسود و فلفل أحمر و كمون ويمكن تزيدي ورقة رند + 3 م ك زيت + اذا حبيتي زيدي حمص +
حبة فلفل .. حسب الذوق...و حبات من الجزر ......يتقلاو مليح مع فنجان ماء على نار هادئة زيدي حبة طماطم مرحية +
2 م ك طماطم مصبرة + 1 م ك هريسة .......خليهم يتقلاو ومرقي و زيدي حبات من البطاطا و الجريوات و الجلبانة .... وخلي المرقة اطيب على نار متوسطة

الأرز انا نستعمل sup طيبيه ف الماء مع شوية زيت مبعدا فوريه مرتين أو ثلاث و بعد ما يفور المرة الولى زيديلو شوي ملح
وكي يتفور كامل زيديلو شوي زبدة و نحرك وخليه بجهة حتى اطيب المرقة

في كوكوط حطي مثلا 3 كيلات أرز + كيلة مرقة ......متهمش الكيلة المهم الرز اكثر من المرقة وخلطي وحطيها على نار هائة
كي تبدا تغلي اقفلي الكوكوط لمدة حوالي 15 دقيقة

حطي منو في صحن التقديم و زيدي حسب رغبتك المرقة و زيني كيما حبيتي بالخضرة

تليتلي في الفرن

التليتلي نستعمل عمر بن عمر...كيفكيف طيبيه ف الماء مع الزيت مبعدا فوريه مرتين او ثلاث و زيديلو ملح و زبدة

المرقة نفسها تاع الأرز......حطي كمية من التليتلي ف المول وسقيه بشوي مرقة غطيه بالألمنيوم ودخليه للفرن سخون
حوالي 15 دقيقة .....نحيلو الالمنيوم وخليه يتحمر شوي من فوق غير دقيقتين و خرجيه...... مبعدا حطيه في صحن التقديم مع دجاج محمر اممممممممممممم

بصحتييييييييييييين وهنا مرت عمي خخخخخخخخخخخخخخ

ميغسي حبيبتي الله يسلم هذوك اليدين والرجلين هههههههههه عجبوني زاكيد نجربهم

البقية بصحتكم انا جاتني ضيفة علابيها مدخلتش درت طااجين المخفي تاع المخفية تاعنا يا درا واشراهي من الوحم