الجزء29 من واش طيبتي اليوم؟ - الصفحة 80

رياحين الجزائر · 2013-09-30, 10:18

اقتباس:

المشاركة الأصلية كتبت بواسطة أم محمد تاج

صباحووو حبيباتي أم فريال السكريتيرة لهووومة أم انوووس أم رياحين ياتوياتو وكامل لي معانا ولي مازال مالتاحقوش معانا
هاو ليكم عشايا وقاطو الطبقات زدت درتووووووو ممممممم
كسرة الشحمة لي قلبها صغير ماتدخلش حارة مووووووووت هههههههه

اممممممممممممم يا سلام ام محمد دبري راسك ذرك تبعثيلي وخلاص لا الكسرة لا الشحمة لا انجي وتديريهالي وماتكفيني ههههه

إلهام07 · 2013-09-30, 10:19

اقتباس:

المشاركة الأصلية كتبت بواسطة ام عبودة

لهومة يا حليلك ظرك نقتلك
قلتلك كم من علبة تاع كريمة استعملتييييييييي

ياو جاوبتك قتلك أنا شريت علبة كبيرة نتاع 1/2 لتر أكثر من نتاعك لقيتها صولد كيلت في المكيال 200مل كيما الوصفة 200مل = 20سل ( يعني أنا استعملت نص علبة كبيرة بصح أنت اسنعملي علبة كاملة ونحي منها قدار مغرفة )

العلبة نتاعك صغيرة أقراي قداه فيها واقيلا إذا مانيش غالطة نتاعك فيها 25سل والوصفة لازمها 20سل نقصي قدار مغرفة ولا زوج وهنينا

حقة هذي راهي صلصة توفي برك ماشي معادلة كيميائية

إلهام07 · 2013-09-30, 10:21

صباح الفل تويتي واش راهو المورال لاباس شوية ؟

ياكميسو نقولك حاجة فاشينا ماتزيديش تدخلي هنا حتى تولدي وترتاحي مليح لاتبعتينا تهبليخاصة أم ممد تاج هي اللي راهي دير في الطوايش
انا راهي سخفتني في مطلوع الشحمة والله نتخيل في روحي نشم فيه ههههههههههه موت عليه

رياحين الجزائر · 2013-09-30, 10:22

اقتباس:

المشاركة الأصلية كتبت بواسطة بريق الامل&

صباح الخير حبوبات
عشايا لبارح

رابط قاطو الطبقات من فضلكن سخفتوني

اممممممممم انموت على الزيتون بني الكبير توحمت على الزيتون خرجتلو في ذراعو خضرا اتقولي صح زيتونة ذ
يسلمو حبيبتي تاكلوه بالصحة

رياحين الجزائر · 2013-09-30, 10:24

اقتباس:

المشاركة الأصلية كتبت بواسطة إلهام07

صباح الخير أم إبراهيم راني نستنى نشوف وا هذا العشاء

أم أنس رانا نستناو في العشاء

صباح الفل أم نجم أنا درت وصفة ام كوثر الكريمة يجي طعمها كيما النيستلي وصح ماتحتاجش تزيديلها فاني يجي طعمها وريحتها مممممممممم كيما النستلي يم يم

مانيش حابة نحط صور القاطو نتاعي لاخاطر كملتو الصباح قبل لانخرج وراح عليا الحال هردتلو جدو حتى العشية ونتحفو هههههههههههههههههه ونعاود نصورو
تضحك وحد نقتلها

البارح كون تشوفوني تموتو بالضحك حاطة الميطرة على اكتافي ونكيل تقول خياط رايح يفصل كوستيم هههههههه
أختي جات طلت لقاتني نحل في العجين ونكيل بقات

قلتلها لازم يجيو المربعات كامل قد بعض وقالت ام محمد تاج 30 على 30

قلتلها لازم مايجيوش الحواشي ويجيو الشكل نتاعهم مربع لازم نديرو خير من نتاع أم كوثر

قاتلي كون تشوفك أم كوثر ديري لقاطوها هكذا ماتزيد تعطيك حتى وصفة ههههههههههههههههه
المهم شوفو كيفاش جاو قد بعض من الجوانب كامل ، نخدم ونقول مالازمش تتكسر

:

حتى الكريمة جات قدقد مابقى منها والو

الصباح راح عليا الحال وحبيت نصورو باش تشوفوه بالزربة ماعنديش الوقت نرحي الحواشي دردوت عليه كاوكاو مرحي ومقلي وشوية سكر ناعم وقطعتو بالزربة نحيتلو جدو

من بعد العشية نطلب منو السماح ونزيدلو شوية شكلاطة جاني كلي تخصو شكلاطة

مع أنو جا بنين وطري بصح جاني ناقص تزيين

تضحك وحدة نقتلها

انا ختك الهام ابعثيلي غير فتفوتة برك اشهي ماشاء الله عليك

رياحين الجزائر · 2013-09-30, 10:25

اقتباس:

المشاركة الأصلية كتبت بواسطة oum ibrahim

شوفو واش درت بجينواز ام رامي يهبل يهبل خفيف ريشة تقولي راكي تاكلي حلوى من الباتيسري ماشي مخدومة في الدار

سي السيد كلا 3 حبات بصح التعليق والو هههههه

واو اشهي اذا امكن اختي الرابط

nabila222 · 2013-09-30, 10:32

على ذكر الزيتون يا اختي رياحين ولا لهومة،شكون جربت الزيتون في الكونجيراتور يصدقلي ولالا كانت وحدل الأخت قاتلي بلي يصدق بصح خايفة نجربو ويخسر عندي بزاف منو

أم شيماءْ · 2013-09-30, 10:35

صباح الخير لاحلي طباخات وشراكم

كشرودة قاطو تاعك فور والعرضة تاعك 444444444444444444
ام محمد تاج حرام عليك راني فاشيتك حبيبات من باعد راني ننفض وراني رايحة ندير للغداء بطاطا

الأمنيات · 2013-09-30, 10:35

اللهم في هذا الصباح أنزل على قلوب الجميع سكينة ورضى
إجعل لنا هذا اليوم رحمة
صباحكم راحة وأمان واطمئنان بإذن الله
غدايا لوبيا باللحم البقري
ربي يدومها نعمه على الجميع نراجع ونجي

عطرالذهب · 2013-09-30, 10:35

اقتباس:

المشاركة الأصلية كتبت بواسطة nabila222

على ذكر الزيتون يا اختي رياحين ولا لهومة،شكون جربت الزيتون في الكونجيراتور يصدقلي ولالا كانت وحدل الأخت قاتلي بلي يصدق بصح خايفة نجربو ويخسر عندي بزاف منو

ايه اختي الزيتون لخضر برك انا نشريه ونحطو في الكونجيلاتور ووقت نحب نستعملو نجبد منو ونردو ثمثم اما الاسود ما يصلحش يتكونجيلا يتكمش وتطرى حبتو شبه فاسدة

رياحين الجزائر · 2013-09-30, 10:36

اقتباس:

المشاركة الأصلية كتبت بواسطة nabila222

على ذكر الزيتون يا اختي رياحين ولا لهومة،شكون جربت الزيتون في الكونجيراتور يصدقلي ولالا كانت وحدل الأخت قاتلي بلي يصدق بصح خايفة نجربو ويخسر عندي بزاف منو

والله يا حبيبتي ماجربتوش كي نبغي نشري من برا خلاص حتى انتاع الدار ماخدمتوش

tokio hotel · 2013-09-30, 10:37

فى هاد المساء نحطها الا صبتا فى الارشيف

YAKMISSOU · 2013-09-30, 10:38

والله يا الهام منقدرش على فراقكم والله البارح درت كسرة الشحمة هههههههههههههه

إلهام07 · 2013-09-30, 10:38

رياحين أصبري نزينو زنبعثلك صحن ماشي فتفوتة ههههههههههههه

صباح الخير الأمنيات

نبيلة أنا منذ سنوات نشري بزاف زيتون ونخبيه في الكونجيلاتور مايصرالو والو راني نهدر على الأخضر أما الأسود شوية برك تلقايه يطرى بصح الأخضر يبقى هو هو
نشري منو كمية ونحكها في المجمد وكل مانبغي ندير بيزا ولا قراتان نجبد غير حبات اللي رايحة نستعمل ماشي تجبدي كل شيء جربي على ضمانتي وإذا خفتي هزي كمشة خبيها في المجمد في كيس والعشية أجبديها وشوفي
ماتنسايش تدعيلي هههههههههههههه

أم شيماءْ · 2013-09-30, 10:42

اقتباس:

المشاركة الأصلية كتبت بواسطة إلهام07

رياحين أصبري نزينو زنبعثلك صحن ماشي فتفوتة ههههههههههههه

صباح الخير الأمنيات

نبيلة أنا منذ سنوات نشري بزاف زيتون ونخبيه في الكونجيلاتور مايصرالو والو راني نهدر على الأخضر أما الأسود شوية برك تلقايه يطرى بصح الأخضر يبقى هو هو
نشري منو كمية ونحكها في المجمد وكل مانبغي ندير بيزا ولا قراتان نجبد غير حبات اللي رايحة نستعمل ماشي تجبدي كل شيء جربي على ضمانتي

وإذا خفتي هزي كمشة خبيها في المجمد في كيس والعشية أجبديها وشوفي
ماتنسايش تدعيلي هههههههههههههه

يعني انا مش صباح الخير ياكشرودة وانا كنت نشكر فيك