يلا يا لبنات رواحوا شاركونا هنا يومياتكم في الدار

[mina3]

ياخي قوتلك كرييمة ههههههههههههههه

[nouna marwa]

لا لا الله يبارك راني نسنا غدوة ان شاء الله تقوليلي وسمك؟

[nouna marwa]

وقيل حبيبة عياها الشغل راحت ترقد وما قالتناش

[nouna marwa]

وين رحتي امينة انت تاني عييتي

[mina3]

هههههههههه لا لا ماشي ا سو بوووووووووووووااااا هههههه خلاص منقولش راني شافية
ايه مظنيتش تدخل

اذا ملقيتيش واش ديري ارواحي معانا البنات رانا كامل نهدرو لحبيتي نعطيك الرابط

[nouna marwa]

آآآا على هذا خليتيني معليش اعطيهولي انا ليوم رقدت فالنهار علابالي نجيبها للوحدة ول زوج اكيد مشي هنا نتقلب في فراشي راني نسنا الرابط

[حبييبة]

صباح النووووووووووووووور



كيف صبحوا لبنات
إن شاء الله بخير

سامحوني البارح كان الموقيع ثقييييييييييييييييييييل حتى وجعلي قلبي
و زادت عليها مشكلة في الانترنت كملت اللي بقى

دخلت نسلم عليكم و نقولكم صحا قهوتكم
و اللي مازالها راقدة تنووووووووووظ
هاكدا نكملوا شغالنا بكري

[حبييبة]

انا درك الصباح سيقت الدروج و الحوش تاع المدخل
و المدخل
و غسلت سلات القمامة للبيت كله و عقمتها و خليتها تنشف
و طيبت القهوة
و تقهويت
رايحة نلم المواعين نتاع القهوة و نمسح الطابلة
و ندخل للكوزينة نبدأ أشغالي بسم الله و لا حول و لا قوة إلا بالله
نظن كلكم تعرفوا واش راني رايحة ندير دروك فالكوزينة بالتفصيل الممل مارايحاش نعاود نقول هاذ الأعمال

كي نكملها بإذن الله
نعاود ندخل نقولكم واش رايحة ندير من بعدها

نظن رايحة حتى أنا نعاود نرتب بلاكارات الكوزينة رغم هذا تقريبا أسبوعين ملي رتبها

و غدوة نرتب خزانتي و خزانة أختي بإذن الله

تهلاو في رواحكم

قبلالالالالالالاتيييييييييييييي

[حبييبة]

المشاركة الأصلية كتبت بواسطة lynsouha

شكرا لك اختي حبيبة راني معكم في هذا البرنامج حاولي ان تعطيني برنامج يناسب حالتي وهو وجود طفل صغير 13 شهر يعني يحتاج راعاية ووقت خلال اليوم فما العمل في هذه الحالة

صباح الخيييييير lynsouha
واش راكي؟؟
لازم تحكيلي يومياتك في الدار بالتفصيل الممل
و واش هي المتاعب نتاعك و مشاكلك في شغل الدار
و رايحة نخدم معاك برنامج يناسبك و يكون مريح ليك و لولادك بإذن الله

ها واش قلتي؟

(ربي يخليلك البيبي بوسيهولي)

[lynsouha]

صباح الخير حبيبة

شكرا لك كنت حابة نحكيلك البارح لكن النت ثقيل بزاف وكرهت منه
اليوم الا عندي الوقت ان شاء الله وكان النت خفيف سافعل ذلك
والان راني مع البيبي .....راكي تعرفي
الى اللقاء

[حبييبة]

راني هنا lynsouha
إذا حبيتي ممكن نهدرو دروك
الكوزينة إحتلها المونويزيي
رانا حابين نعاوضو وحد البلاكارات خسرو بعد أشغال البناء و التعديل اللي درناهم هاد السيمانة

و أنا قلت نجي نطل عليكم
بالاك كاش وحدة تكون محتاجتني..

[lynsouha]

انا في الحقيقة ماعنديش برنامج مسطر من قبل يعني كل يوم نعمل اللي قدرت عليه فقط متماشيا مع اوقات نوم ابني فهو ايضا بسبب الاسنان راه يفطن كثير في الليل ويبكي اما في النهار فهو متذبذب يعني مرات يفطن على 08 سا ومرات 09سا30د ومرات قبل ذلك ..................
شغل البيت نبدا اولا انا عندي 03 غرف وحمام

الصالون مانخملوش (مانقيهش) يوميا لاني ما عنديش الضيوف بسب البعد واحد مايجيني وهنا ماعنديش ااحباب اللي يجوني وعليه يبقى النظيف ومرات يدخلوا اطفالي يديروا رايهم بالتخراب ويخرجوا لكن على العموم ما فيهش عمل كبير .
وانا في الحقيقة نهتم ب أطفالي و بالمطبخ كأولوية يعني يبقى امور كثيرة مرات نأجلها مثلا كي (الحديد) تع الملابس تع زوجي ومندرهاش يوميا وبالتالي تتراكم عليا .

ملابس الاطفال كذلك مانطويهمش في الوقت وبالتالي يتراكموا ايضا. وهما 2 عندهم خزانة صغيرة لملابسهم .
أما مسح الارضية نمسح الكوزينة والحمام يوميا لكن الغرفتين ماشي يوميا .
حاليا راني نوض على 08 الا الربع صباحا
والاطفال يقلبوا الغرفة ديالهم راسا على عقب يوميا
وعندي تقريبا اسبوع لااني دخلت بنتي للروضة الامور تحسنت نوعا ما نخليها في الروضة في الفترة الصباحية فقط يعني على 12.30 يجيبها ابوها

وراني نزيدلك تفاصيل اخرى باش تفهمي اكثر يومياتي

[lynsouha]

أما عن المورال دايما هابط يعني مرات نكون مورال طالع نكمل كل شغلي ومرات وما اكترها المورال هابط نقوم بسيف بالاعمال المنزلية
هاد اليمات من يوم عرفتك وبديت نقرا مواضيعك راني تشجعت نفسيا مليحة وراني دايما ندعيلك بالخير .

[lynsouha]

واعلمي ياحبيبتي اني ماكنتش هاكذا كان يضرب بي المثل في العمل لما كنت في دارنا مارانيش نشكر في روحي لكن حابة نفهمك كيف تغيرت اموري زنفسيتي تحطمت كثيرا بعد الزواج

[mina3]

السلام عليكم و رحمة الله

صباح الخير حبيبة كريمة و كل الموجودات

اليوم نظت قريت اذكار صليت

فرزت صالون و نظمتوا جيدا
غسلت السالدويا ايضا

ثم اتجهت للمطبخ
نظمتوا و رجعت كل شي الى مكانو ثم نزلت كل اواني خزانة اعدت ترتيبهم جميعا صحون دائرية و .....

ثم نزلت البهارات لي زيبيس اعدت ترتيبهم و نظفت مكانهم ثم حضرت غدا

تغدينا ثم غسلت الاواتي و نظفت الثلاجة و الميكرووند ثلاجة تنظيم فقط ميكرووند تنظيف

صليت الظهر و راني جيت نكتبلكم ورايحة ندير رياضة لاني اكلت حلويات باش نحرقها

راني فرحانة بهاذي التطورات الحمد لله الذي وفقني لهذا

و جزا الله خيرا من كانت السبب اختي حبيبية