سحر الترتيب

[ام شمسو محمد]

اللهم صل و سلم على نبينا محمد ...و وفقنا يا رب لساعة الاجابة

[ام شمسو محمد]

الجمعة كذلك ليس يوم راحة لربات البيوت بل يوم عمل عادي و ربما اكثر ...في وجود الوحوش الصغيرة و الكبيرة -اللي نحبوها-
الفطور المميز و الحمام العميق و وجبات خاصة و متابعة المخلفات و في كثير من الاحيان استقبال ضيوف و فروض منزلية لازم الام تعاون في حلها ....عونك يا رب

[ام هزار]

جمعة مباركة فراشات
ام شمسو محمد بارك الله فيك يا طيبة على هدا الاثراء الجميل و اللطيف بسلاسة دخل قلبي و صدقت فيما قلت و الله
انا مثلك ما زلت في المطبخ دوقة دوقة عندي بعض الظروف المفاجئة
تحية لكل الفراشات و على راسهم حبيبة
اللهم صل و سلم و بارك على الحبيب المصطفى صلاة لا تنقطع ابدا

[جهينة اليقين]

السلام عليكم وتقبل الله صلاتكم
انا كذلك راني غير مع المطبخ رني قطعت شوط كبير رتبت الخزائن وعاود ت لي زليمون ورميت بزاف حاجات واذا حبيتو تضحكو علي
اي حاجة تعز علي وفيها عيب ولو صغير نبقى نخزر فيها نرميها لالا ومن بعد نكمل عليها باش ما نترددش وارمي
حبيبة واش هذا الغيبة ان شاء الله المانع خير

[crono]

[لسلام عليكم مساء النور و الشوق لكم حبيباتي
جمعة مباركة فراشات كلها بركة و رحمة
لا اله الا الله محمدا رسول الله*
لا اله الا الله محمدا رسول الله[/QUOTE]
مازلت مع الروتينات اليومية في التنظيف العادية
أ كيما قلتلكم الانشغالات و الاعمال في الدار
الله يعينا
راني جبد ت حوايج الشتا و خبيت حوايج الصيف[/QUOTE]

نحب نقول للأخت حبيبة عظم الله أجركم في المتوفي ربي يرحموا ان شاء الله
و ربي يشفيلك خالك و يرجعو لكم قريبا ان شاء الله

سلام[/QUOTE]

[crono]

المشاركة الأصلية كتبت بواسطة قرويجة

السلام عليكم
الله يبارك عليك أختي أم هزار أنت تاني راكي فحلة
شفتي البايط شحال يتلمو فلكوزينة أنا سبحان الله تقول كان عندي هواية جمع البايط
الله يعطيك الصحة ختي على النشاط
و بالتوفيق لواش مزال وصح واش قلتي كي تكملي شغلك تحسي بالسعادة

مساء النور اختي انا للو نحكيلك واش نخزن متمنيش عندك متضحكي عليا
عندي مكان نخزان واحد مايشوفو نبدلك علبة طماطم او علب مشمش عندي مخزنت منهم نجمع العلب وعملت بهم البوف
و بالبلايك تاع البيض زات خدمت بيهم بالقارورات البلاستيكية تان و من الرودة السيارات تع زوجي خدمت بيها مائدة
و هنك استخدامات أخرى
ان شاء الله نحطلكم طريفة عن قريب

[crono]

المشاركة الأصلية كتبت بواسطة جهينة اليقين

السلام عليكم وتقبل الله صلاتكم
انا كذلك راني غير مع المطبخ رني قطعت شوط كبير رتبت الخزائن وعاود ت لي زليمون ورميت بزاف حاجات واذا حبيتو تضحكو علي
اي حاجة تعز علي وفيها عيب ولو صغير نبقى نخزر فيها نرميها لالا ومن بعد نكمل عليها باش ما نترددش وارمي
حبيبة واش هذا الغيبة ان شاء الله المانع خير

وعليكم السلام امين ان شاء الله
وعلش نضحكو عليك ونا تان نخزن ونقول نرميها منبعد جيني فكرة كاش منخدم بيها والله انتي دورك عندك متضحكي عليا تعرفي قشور تع البيض عندي مطميت وخدمت بيها فاز تشقلي شويا و الفاز عزيز عليا اطلت وجه بالغراء ورشي عليه القشر بعد ماجف نسقت اوراق شجر من عجينة السيراميك
مع وردات رشيتهم اسبراى بلون دهبى
مع قليل من الجليتر
خرجلي تحفة

[حياتي كلها امل]

السلام عليكم ربي يكون في عون كل واحدة انا صراحة تخلطتلي الامور راني كملت غرفة النوم ولكن المطبخ حسيتو زاد تكركب شوية راح نزيد اندور عليه شوية

[رندة.]

صباح الخير عليكم
أنا كملت المطبخ وكملّت ترتيب غرفة النوم ثاني بما فيها تصنيف الملابس يمكن لأنو عدد أفراد عائلتي قليل. المهم راني نمشي بوتيرة مليحة ومُرضية بالنسبة ليا.
أما عن كتاب " سحر الترتيب " لحد الآن قريت أربعة فصول كاملة وبقالي فصل واحد برك ونكملّو ان شاء الله، عموما كتاب قيّم ويعطيك حماس وتحفيز على ترتيب بيتك والتخلص من كل الأغراض إلي ما تبعث حتى إحساس بالسعادة لنفسك.
الكاتبة دايما تركزّ على كلمة "الرمي" وهدفها هو تخفيف كمية الأغراض، لخاتش التخفيف بحد ذاتو يعطينا شعور بالراحة والهدوء، واحنا بطبيعتنا نقدرو نبدلّوها بأسلوب الصدقة ولا الاهداء أو حتى البيع إذا كان الغرض جديد ومااستعملناهش نهائيا.

[رندة.]

المشاركة الأصلية كتبت بواسطة ام شمسو محمد

مازلت مع الروتينات اليومية في التنظيف و تسيير المنزل
ومازلت في المطبخ بصراحة ....بسبب الاهتمامات الاخرى لم انه الا الثلاجة و الفرن مع ترتيب الخزائن و لكن افة المطبخ هي سرعة تراكم الاعمال فيه و مع الوجبات و الواجبات و الانشغالات و الاعمال هذا وين وصلت و كل يوم و بركتو كيما يقولو
لذلك الاسبوع القادم ايضا ساخصصه للمطبخ حابة نحك لماعن تاع الطياب
حبيبة مازلنا في انتظار دروسك عن ترتيب خزانة الملابس....الى ذلك الوقت رانا جبدنا حوايج الشتا و خبينا حوايج الصيف بالطرق القديمة

بالنسبة لسؤالك يا أم شمسو على ترتيب الخزانة إذا تبعنا الطرق التقليدية تاعنا وإلي تعودّنا عليها هي أنو راح نخبّو ملابس الصيف بعيد ونرتبو ملابس الشتاء في الخزانة. وهذا الشي إلي قُمت بيه أنا فِعلا لأنو الضغط تاع الملابس يسبّب القلقة والتوتر.
لكن إذا رجعنا لكتاب ماري كوندو " سحر الترتيب " نشوفو أنها تأكد على عدم تصنيف الملابس حسب المواسم لأنو في وقتنا الحالي مع وجود المكيفات وأجهزة التدفئة المطوّرة ماعادش معنى للصيف والشتاء يعني كيف كيف.
أما عن ترتيب الملابس في الخزانة فهي تشوف أنو أحسن طريقة هي الترتيب بالشكل العمودي للملابس وكأنها كتب على الرفوف باش يسهال علينا الاختيار منها كيما الصورة هاذي


أما الترتيب في الادراج يكون بهذا الشكل

[ام هزار]

اهلا بالفراشات المحلقات و بارك الله في كل واحدة فيكن قدمت و لو معلومة بسيطة للفائدة
انا اليوم الزوج تاعي جابلي مجموعة من الكؤوس و ما دريت نضحك و لا نبكي لاني ما لقيبلهاش بلاصة ههههه
حقيقة كؤوس جميلة و بثمن مغري لكن انا زعما مخططة اني كل مرة نجبد المخبييين و نستعملهم و اكيد تاع الضياف باينين لكنو فاجاني قتلو لاه ما قتليش قبل ما تجيبهم انا ضرك لازمني تخطيط لمكانهم تعجب و قالي سبحان الله من وكتاه ما تحبيش لماعن ههههههه
العبرة اني لازمني مخطط جديد و لازمني ما ننساقش وراء رغبتي الجامحة في شراء لماعن الجدد و الباهيين
حكيتلكم حكايتي بصح للعبرة فقط

[رندة.]

مرحبا فراشات
يا أم هزار زيادة الخير خيرين، الماعن راهم دايما يتكسرو خاصة الكيسان والطباسة، على هذا قد ما نشرو منهم مايغيضوش.

[صفاء رحاب]

مبارك لنا الدورة الجديدة و ان شاء الله نكون نشيطة معاكن يا اغلى فراشات. و آسفة للغياب

[رندة.]

صباح الخير عليكم
ان شاء الله تكونو كامل بخير وبصحة جيّدة
عودة ميمونة صفاء رحاب، هاذي غيبة.

[جهينة اليقين]

سلام الله عليكم فراشات اهلا صفاء ليك وحشة
تقريبا خلصت البعبع بقا لي الحيوط والنافة والارضية اليوم ان شاء الله نكمل معاهم
والله كي نشوف الترتيب نفرح وندعي لحبيبة الي دارت لنا الحماس لكن يا مزين النقا لو كان يبقى هههه
ام هزار راني كيفك كرهت الماعن بزيادة كي نجي نخمل نهبل تاع الضياف راهم باينين وتاع المناسبات الكبيرة كزلك المشكل في تاع الدار وين ما نروح نشري وراني قررت طبسي ما نزيدش ندخلو راه عندي كلش بزيادة الحل الوحيد ما نهوبش ناحية حوانيت الماعن