تجهيزاتنا للشهر الفضيل

[جهينة اليقين]

ما شاء الله عليكم وعلى النشاط
انا العشية دقيت الزنجبيل فالمهراز وعاودت طحنتو فالرحيوة وغربلت الكمون والكروية للغد ان شاء الله ننقيهم المهم كل مرة حاجة باش ما نضغطش على روحي
للعشا درت تبيخة تاع ام وليد تجي بنييينة
عجبتني الفكرة تاع النشاف رائعة يا كرونو انشاء الله نعتمدها
ام البنين انا كذلك شريت قدرة وكسكاس تاع ستانلس من العاصمة وبهذا قضيت على اخر حاجة عندي بالالمنيوم الحمد لله عندي كوكوط اينوكس والكسارن والطواجن وقدرة طين وكذلك القصاع باش نعجن وندير الطعام لي بلا تاع زجاج بالغطاء ورق الالمنيوم لغيتو تماما

[نسمة صبح]

مساء الانوار حبيباتي

كيف احوالكن

عشائي كان بسيط قراتان مع صوص ..و المساء كانو عندي امتحانات التكوين..

راني نعحز على شغل الدار و نحس بتعب نحب غير نتكسل ههههه

[جهينة اليقين]

سلامتك يا نسمة برك من الستراس تاع التكوين ضرك كي تكملي ترتاحي ان شاء الله وترجعي لنشاطك والفصل الاخير ما بقالوش ربي يوفقك
لا تنسوا سورة الملك والنوم على وضوء

[crono]

يعتقد النائم عن صلاة الفجر أنه سيأخذ القدر الكافي من الراحة وماعلم المسكين بقدر راحة تلك القلوب التي فازت بالوقوف لدقائق بين يدي علام الغيوب.
إذا كنت تنام متى ماشئت ، وتقوم متى ما شئت دون أي مراعاة للصلاة في وقتها فستبقى والله في دائرة الأحزان ، مادامت الصلاة ليست في دائرة اهتمامك. والله إنها الراحة والخير في الدنيا والآخرة .

{رَبِّ اجْعَلْنِي مُقِيمَ الصَّلاَةِ وَمِن ذُرِّيَّتِي رَبَّنَا وَتَقَبَّلْ دُعَاء} سورة ابراهيم " .....
((لن تجد أحنّ من اللَّه عليك.. فوالله لو يعلم الساجد ما يغشاه من الرحمة بسجوده لمارفع رأسه .))
( ابن القيم ) .

اهل الفجر فئة موفقة، وجوههم مسفرة ، وجباههم مشرقة ، وأوقاتهم مباركة ، فإن كنت منهم فاحمد الله على فضله ، وإن لم تكن منهم فادعو الله أن يجعلك منهم .

ما أجمل ( الفجر )
( فريضته ) : تجعلك في ذمة الله ،،
و( سنته ) : خير من الدنيا ومافيها ،،
و( قرآنه ) : مشهود
( إِنَّ قُرْآنَ الْفَجْرِ كَانَ مَشْهُودًا )
صباح الفجريين

[ام صفصف]

السلام عليكم يا اهل الخير،راني اكتشفت اللمة بالصدفة ولقيتكم بتزكرو من ورايا
الغالية جهينة ربي يجازيك كل خير على المبادرة، راني في حالة ركود، ننظم ليكم بلاك ندير شوي اقلب ونسقم روحي
بالنسبة لتحضيرات شهر رمضان عندي اهم شيء التنظيف العميق ، وشراء التوابل والباقي عادي
لي عودة انشاء الله.

[omelbanin]

اصبحنا وأصبح الملك لله والحمدلله .
اللهم اني أسألك خير ما في هذا اليوم وخير مابعده ،واعوذ
بك من شر مافي هذا اليوم وشر مابعده.

[جهينة اليقين]

بسم الله والحمد لله ولا اله الا الله ةالله اكبر ولا حول ولا قوة الا بالله

[جهينة اليقين]

المشاركة الأصلية كتبت بواسطة ام صفصف

السلام عليكم يا اهل الخير،راني اكتشفت اللمة بالصدفة ولقيتكم بتزكرو من ورايا
الغالية جهينة ربي يجازيك كل خير على المبادرة، راني في حالة ركود، ننظم ليكم بلاك ندير شوي اقلب ونسقم روحي
بالنسبة لتحضيرات شهر رمضان عندي اهم شيء التنظيف العميق ، وشراء التوابل والباقي عادي
لي عودة انشاء الله.

اهلا ام صفصف ام صفصف ما زاكرنا من وراك ما والو انت الي تغطسي وما تخرجيش هههههههه
يا ستي البركة فيك انت الي تثري لنا الموضوع وانت الشاف تاع الحلويات قلتي لي نعطيك غوسات تاع البانان حطيها بالاك لبنات يستفادو منها
بالنسبة لرمضان كلنا رانا نحضرو بعقلنا كل واحدة عندها ظروف لذلك قلت كل واحدة تشرك يومياتها باش نستفادو من تجارب بعضنا

[arwa alaa]

صباح الخير فراشات واش راكم
اهلا بام هزار وام صفصف

[sali kanouza]

السلام عليكم ورحمة الله تعالى وبركاته
ان لله وان اليه راجعون قلبي تقطع على الحادث الاليم ربي يرحمهم ويجعل مثواهم الجنة
وربي يصبر اهاليهم

[رندة.]

يا معشر النساء تصدّقن
ماتنساوش صلاة الضحى، راهي تعادل 360 حسنة

[ام صفصف]

صباح النور لكل الفراشات
جهينة حبيبة راني ععاك انشاء الله، نحاول نحط تحضيراتي البسيطة،ونشارك معاكم بواش نقدر
اروى حبيبة ترحب بيك الجنة
رندا شكرا على التذكير
بقية الفراشات يوم موفق

[samophisique]

السلام عليكم احمد الله ان المنتدي قبل دخولي هذه المرة شكرا للاخت صاحبة الفكرة و بورك فيكن سوال فقط كيف نصبر القارص و عصير البرتقال عن تجربة شكرا مسبقا لكل من تكرمت بالرد

[قرويجة]

السلام عليكم خوتاتي........
راني رجعت باش نتقام معاكم أفكاري و تحضيراتي للشهر الفضيل ربي يبلغنا إياه لا فاقدين ولا مفقودين
البارح نحيت كامل لباس الكوزينة يعني إزار تحت البوتاجي و لباس الطاولة و الكراسي و الفرن و الثلاجة و التاقة و كل شي مصنوع من القماش موجود في الكوزينة
ونقعتهم في بسينة فيها ماء دافي و جافيل و خل و بودرة تنضيف أنا نستعمل بينقو
و فتحت السلال تع الماعن عندي زوج و درتهم ثاني يتشمخو في بسينة فيها نفس الخلطة
واليوم نضت صبح بكري و غسلتهم في الماشين ألفي والسلل حكيتهم بشية تع الأسنان .....صدقوني خرج منهم بلاوي سودة تع وسخ أعزكم الله
اليوم العشية مدرت والو راهم قوايمي فشلو من خبر الطيارة تع العسكر لي طاحت ....أدعولهم بالرحمة ولذويهم بالصبر والسلوان

[جهينة اليقين]

انا لله وانا اليه راجعون ربي يرحم شبابنا ويصبر دويهم على هذا المصيبة والله بكاونا شباب كي الورد لاحول ولا قوة الا بالله