الجزء 176 من واش طيبتي اليوم... كوزينة اللمة الجميلة لطيبات القلوب و اليدين - الصفحة 8

اشرقت نفسي · 2017-01-23, 13:27

رزيقة كلامك طيب وجميل يا طيبة شكرا عزيزتي هذيك كيش او بوافروا

حياة الله الله علي هذيك شربة تشي لونها كما يحب الخاطر بصحتكم

امينة دولمة تشهي يعطيك صحة

فطرتي تمربابين في هذ البرد تفضلو بسم الله

oum islem · 2017-01-23, 13:29

هذي التحلية ما ننصحكمش بيها ثقيلة ومش حاجة الفلان أخف والذ منها

ابني نور عيني · 2017-01-23, 13:38

اقتباس:

المشاركة الأصلية كتبت بواسطة oum islem

هذي التحلية ما ننصحكمش بيها ثقيلة ومش حاجة الفلان أخف والذ منها

ام اسلام ماشاء الله هادوك اليديك واش يخرجو دايما تعجبني اطباقك ربي يدوم نعمتكم

oum islem · 2017-01-23, 13:38

[I][/I

ذواقات من عند جارتي يكثر خيرها وربي يصلح وليداتها

كرام ديساغ تاع أم وليد مع تحريفاتي

ابني نور عيني · 2017-01-23, 13:43

اقتباس:

المشاركة الأصلية كتبت بواسطة oum islem

[i][/i

ذواقات من عند جارتي يكثر خيرها وربي يصلح وليداتها

كرام ديساغ تاع أم وليد مع تحريفاتي

الله يبارك حنونة على فحالتك ماشاء الله كلشي يخرج منهم تححححفة

انا هي رزيقة · 2017-01-23, 13:43

راني وليت قبل متديرها الخدمة بيا ....خخخ يا سعد ضيافك بيك يا ام اسلام يا مبدعة ... و االله الواحد يتمني يكون ضيفك و لو خطرة في عمرو .....خخخخ ربي يباركلك في دياتك و في صحتك و في كل عزيز عليك يا فحلتي الجميلة..... و يا عمري و الله كلامك ديما يفرح خياتي ام ايمان و ام حسام يطيرو من الفرحة كل متمدحي ماكلتهم ...... خخخخ ربي يجبر بخاطرك يا طيوبة
نهارنا دفئ و فيتامين و ريحة لجداد .. اهلا بالفحلة اشرقت و الله سخفتيني يا مصيبة راهو في خاطري نديرو هذ ليمات و نبرد قلبي ..... خخخخخ و الله يبان مشهي تسلم الايدي

انا هي رزيقة · 2017-01-23, 13:47

اختي فاطمة نهارك سعيد حنونة و بصحتكم البواقي... و نيالكم الاستراحة المسائية انتي و امنية و ابني نور عيني و حياة و سورتو ام ياسو ... و الله تستهلو يا الفحلات ربي يبعد عليكم العين

حياة نور الدين · 2017-01-23, 13:47

غوسلام ههههه

البنات اللي عجبتهم الشربة عينيهم الشابين وربي يخليكم على كلامكم ان شاء الله
ما عرفتش على من نعلق وخايفة تنسى محبيتش نقتبس باش الكوزينة متجريش هههه كيفاش ندير خخ

امنية شكراا على السر ولو انه نعرفوا بصح ماعليش وتقدري ثان ديري شوفان حنونة يعطيها بنة هايلة وفكرتك تع الطياب انا نطبقها كا اليوم بصح مرات يكون تالف واش ديري خخ ربي يسهلك امورك حبيبتي

ابني نور عيني ربي يحفظلك الامور ويخليه وفطورك يشهي خاصة راه رجع الوحم شووووت متقوليش يضحكوا عليا ههههه
ولوكان جيتي قريبة نفرح اختي بشريبة سخونة
ويعطيك الصحة على الباروك حنونة

كريمة الجزائرية اهلااا اختي

ام ياسين اهلااا بك نورتينا وشكرااا على ارشيفك الجميل

ام حسام ربي يخليك على الثقة وادعيلي ربي يسلكني ان شاء الله
وطاولتك تشهي رغم منغامراتك مع الدراري

ام ايمان باروكك روووعة وربي يحفظك وربي يخليلك ايمان الله يبارك عليها

ام اسلام اهلاا حبيبتي وشهادتك في الشربة نعتز بها هههه وربي يبارك في اطايبك وكمثر خير عمامك هههه البولونجي والبوشي سلاك الحاصلين

اشرقت بصحتكم الفطةور هداك واش يوالم في البرد غير حاجة دااافية

ام يوسف واش راكي

رزيقة التشبنة هبلتني عشية نطبقهااا ههههه يعطيك الصحة حنونة

فاطمة اهلاا اختي وبصحتك واش فطرتي وربي يقدرك على ادي وجيب

مريومتي ماشاء الله وتبارك الله عليك وعلى يديك ربي يفرحك ويزهيك ويحلي ايامك يا بسكرية يا حرة وربي يفرحكم بنجاح اخوك حنونة ان شاء الله وفرحينا معاك

اللي نسبتها تسمحلي ومواح على راسها ونخلفهالها ههههه

oum islem · 2017-01-23, 13:48

حمصت الكوكاو نخدم بيه النوقا ولا الكوكاوية وراني نخمم ندير شوية كرواصون تاع أم وليد طبعا
أمنية غفران جامي صلحتلي ندير غدا وعشا ونعشي حطيست ما شاء الله داري عامرة وضيافي بزاف ولا يخرجها زوجي صدقة يعني تقريبا نهاري كامل في الكوزينة
كواليس عشايا وإذا بقاو ضيافي للعشا نزيد جلبانة ولا روز في الفور

زيكا نزيدلك شوية محاجب حارييين مع البرد يدفيو شوية

نكمل ما بقى ليا من أشغال ولي عودة في أقرب وقت

ربي يهنيكم جميعا ويبارك في صحتكم وارزاقكم يارب

في أمان الرحمن وحفظه غاليتي

انا هي رزيقة · 2017-01-23, 13:53

هذا عشانا البارح دجاج و خضار في الفرن .... و الحمد لله حمدا كثيرا مباركا فيه ... هذ الخطرة سيريو لبنات نخليكم في امان الله.... اتهلاو في اروحتيكم ....

حياة نور الدين · 2017-01-23, 13:57

رزيقة عشاك يشهي حبيبتي وربي يقدرك ان شاء الله موفقة حنونة

ام اسلام عيني عليك باردة الله يبارك وربي يخلي دارك دايما عامرة بالخير وصدقات مقبولة ان شاء الله ادي الدجاج وخليلي المحاجب راني سخفااانة عليهم مووت بصحتكم

آسيا 27 · 2017-01-23, 14:34

مسا الخير
كيراكم الشيرات البررررررررد ياااااااااي شوية و نتجمدو خخخخخخخ هاذا الجو يجيبلي النعاس و يزيدني خمول على خمول ههههههههههههه
الغدا كان سوب البواكاسي تنفع بزااااف للبرد و ما صورتش يعني كوبي كولي على هاذي
[IMG][/IMG]
و هاذا زيتون بالداند و التشينا بالقرفة و النعناع و ماء الزهر نعرف زيكا تبغيها

[IMG][/IMG]
[IMG][/IMG]
[IMG][/IMG]
الحمد لله حمدا كثيرا طيبا مباركا فيه

ابني نور عيني · 2017-01-23, 15:06

اختي حياة ربي يقدرك وام اسلام ماشاء الله ربي يحفظك و رزيقة ما تنسايناش رانا هنا هههو الاخت اسيا يا الفحلة نورتي الكوزينة اممم

أم يوسف2 · 2017-01-23, 15:31

سلام صحيتوا لبنات على الدعاء
اليوم فطوري كان عدس
والبرتقال راني دايرة بيه حالة
شهيتوني كي قطعتوه دوائر ودرتولو ماء الزهر والقرفة ضوك نروح ندير هكاك
واليوم ماشاء الله راكم فوووور زهيتوا الكوزينة كيما لازم الحال

ابني نور عيني · 2017-01-23, 16:01

وراكم لبنات واقيلا خليتوني وحدي في الكوزينة وااااي كرهت وحدي هههه راني حاطة خيارة في عينيا و درت ماسك في وجهي و راني ندور في المنتدى ههههه بيبي تاعي راه دودو zzzzzzz