الجزء163من كوزينة واش طيبتي اليوم ؟؟.؟؟؟.؟؟ - الصفحة 8

oum ibrahim · 2016-04-19, 19:06

دخول سريع و خروج اسرع من فضلكم شكون عندها وصفة بطاطا اكسبرس لام وليد تحطهالي و لها الف شكر
جازيا مع دخلت قابلني اللمبوط روعة بلاما نقولك الوصفة

lyzzabel · 2016-04-19, 19:44

مسلخيييير عليكم حبيباتي يعطيكم الصحة كللللشي حطيتوه روووووووعة

حيوووتة الفرفاارة تسخخخف تاع الصح يعطيك الصحة حبيبتي
ام عمووودي أطبااقك تشهي و مشكووورة على الوصفااات يا عسسسل ،، و شكراا على السؤال راني غي هنا الجهد برك ماكانش باش نلبز و نصور و نحط خخخخ
حبيبة قلبي ام اسلاام حمبوك قوليلي هداك تمر ولا مقروووووظ يا لهويييييي يقتل يقتل تسلم الأياااديي و هاتيلنا وصفة حلوة الطابع شوقتيني و شهيتيني ممممم ،، و الوصفات من عيوووني راكي حشمتييني بكلامك الحلوووو ،، الجاج مفور راه في وصفات الحراير الجزء الثاني لاكان ما لقيتهاش نعاود نكتبهالك ماكانش قاع مشكل و الغراتان تاع لا بيري نكتبلك الوصفة أكيييد
ام هدول يعطيك الصحة راكي ناشطة ماشاء الله عليك و طيابك يشهي حبيبتي
زقزوووقة يميي يمييي بصحتكم البغريير و يعطيها الصحة ام حساام و في انتظار دخولها معانا بشووووق
ام لجين بصحتك تورتاات التفاح خرجولك روووعة الله يبارك ما عندهم ما خصهم
جازيا نموووووت على كعك تلمسان لاكان نتي لي درتيه هاتي الوصفة من فضلك حنوووونة
ام سوهيل عاش من شافك حبيبتي الف مبروووك الحمل و ربي يكملك بالخيير ما تهدريش على الوحم انا ما خلى فيا ما بقي ربي يجيب الخييير
ام جووجو بصحتكم البطاطا بلحم العجل يا الحبيبة
مرحبا بالوافدات الجدد نتمنى نزيدو نشوفوكم و تستفادو معانا و نفيدوكم غالياتي
هادو لي عقلت عليهم و لي نسيتها تسمحلي أكيد سهواا

اليوم خرجنا و كليت مثلجاات و بردت قلبي حتى تغاشيت خخخخ و الأولااد طبعاا كلاو بيتزا هداك ما يبغو و الحمد لله على نعمه

oum ibrahim · 2016-04-19, 19:48

ولو يا بنات ولاوحدةعندها الوصفة مع ان شفتكم درتوها وشكرتوها على العموم شكرا

lyzzabel · 2016-04-19, 19:49

ام عمووودي للأسف ما عنديش الوصفة ان شاء الله يدخلو الشيرات و يفيدوك بيها

حقا سكروووور نسيت نقولك مبروووك عليكم الأفراح و ربي يدومها ياااارب

عشانا بيتزا جبناها معانا من برا و لي ما شبعش نقليله البيض و طبعاا سلطة انا راني منتفخة غي من لاكراااام خخخ و الحمد لله رب العالمين

lyzzabel · 2016-04-19, 19:51

ام عموووودي ولا تزعل يا قمر في هاد الوقت أكيييد قاع راهم لاهيين بالعشا حتى انا شفت شحال من وحدة حطت تطبيقها نتمنى تدخل وحدة فيهم و تحطهالك

omjoujou · 2016-04-19, 20:04

سلام لبنات
يعطيكم الصحة على الخيرات لي حطيتوها كاااامل دون استثناء
ليزا لعزيزا وشراكي ليك وحشة قد الدنيا بصحتك لا كراااام
ام ابراهيم حنونتي هذوين دخلت وشفت سؤالك ذرك نكتبلك الوصفة تاع بطاطا اكسبراس لام وليد معنديش وصفة مصورة انا شفتها في اليوتيوب وطبقتها

omjoujou · 2016-04-19, 20:11

ام ابراهيم تفضلي حبيبتي الوصفة
قطعي البطاطا تاعك دوائر متوسطة وحطيها في مقلاة تكون واسعة وتكوني سخنتي شوي زيت وشوي زبدة قلي البطاطا تاعك في هذيك الزبدة والزيت لمدة10 دقائق وامبعد رابي عليها الثوم نتي تتحكمي في كمية الثوم على حسب ذوقك زيدي شوي فلفل اسود شوي ملح شوي فلفل عكري خلطي مليح وامبعد امرقي بشوي ماء برك قيس ما تطيب البطاطا كي تشوفي البطاطا طابت والماء نشف خلاص ضربي 3 بيضات مع شوي فلفل اسود ولوحيها على هذيك البطاطا زيديلها معدنوس مقطع رقيق وغطيها وخلي هذاك البيض يطيب وامبعد طفي عليها وضيفيلها جبن مرحي غطي عليها مدة 10 دقايق حتى يذوب هذاك الجبن
صدقيني ذوقها رووووووووعة قدميها مع جاج محمر ولا وش تحبي نتي انا قدمتها مع سكالوب مقلي

omjoujou · 2016-04-19, 20:12

عشايا فول بالصوص الحمراء واللحم المرحي طريقة ام وليد تفضلوا معايا

مسلمة بالفطرة · 2016-04-19, 20:16

مبروك الكوزينة الجديدة اخت ام اسلام كوزينة مربوحة ان شاء الله هاذ الأسبوع معولة ندير كاب كيك حورية المطبخ و نقدمهولك باروك لكوزينتك ...... ام ابراهيم روحي لليوتيوب ولا الفيديو اكتبي شهيوات ام وليد يخرجولك كل اطباقها