الجزء 139 من واش طيبتي اليوم ……كوزينة الهمة والنشاط من جديد……

[ام و ابنة]

اهلًا اختي صابرين شوفي روضة اقترحت طاجين الجبن نشوفو مشاركات الاخوات اذا ما بخلوش علينا و غدوة ان شاء الله ندورو للبريوش

[ام ساجد]

المشاركة الأصلية كتبت بواسطة ام و ابنة

ام ساجد راني جبتلك باروكي كيما وعدتك مقبيل برك خدمتو
الرفيس التونسي بطريقة ام اسلام و لكن بصراحة مادرتلوش العسل حنا ما يحبوش حاجة حالية بزاف



الذوق جاني كيما موالفة نديرو لاني انا نعمل الزبدة طرية و ام اسلام تعمل الزبدة ذائبة و سخونة و هي تعمل السميد بارد و انا نعملو سخون شوية قيس ما نتحمّل حرارتو و النتيجة وحدة و الحمد لله عائلتي حبوه كي العادة و ما لقاو حتى فرق بين الطريقتين

تسلم ايدك اختي ام وابنة واكيد بنين من يدك الكريمة زيديني معاه كاس لبن هههههههه طماعة

لبنات لي عجبهم الكسكس نقلهم بارك الله فيك ولي سخفت عليه غير ديرو نحنا اليوم كلينا منو ما شاء الله

[Simassim]

هههه لكان حسبت الرد يفوت كنت نبارك لافتتاح الكوزينة لاختي ام ساجد وللعرس

الف مبارك لاختك ربي يزين سعدها ويهنيها في حياتها.

الاخت لي تشكي من الغربة. ماعليك غي الصبر حت لو رحتي احسااسك ماراحش ينقص. انا راني رحت وجيت ورحت وجيت وحابة نهبل. واش تديري هذا مكتوبنا.

ام ابنة اند راني مغتربة صح والسخاااااااانة تقتل هاد الايامات وفرنسا من كتر لي ريفيار كل المدن فيها ميديتي راهم يقولو راخ يجي لوراج والله اعلم. عالاقل تنقص رطوبة شوي.

[ام ساجد]

طاجين الجبن
ندير صوص بيضاء مع صدر دجاج ونخليها ثقيلة نضيف القليل من البطاطا مقلية ومعدنوس وبيض وشوي شابلير وكمية من الجبن ونخلط ونحط الخليط في بايركس مدهون بالزبدة ونزين بالفرماج من فوق وندخل للفرن يطيب

[ام ساجد]

الله يبارك فيك اختي سيماسيم وربي يفرحك باعزائك

[ام ساجد]

لبنات راح نقترح عليكم اقتراح الا عجبكم نطبقوه مع بعض

كاين خمول وكسل كبير في الكوزينة وانا عن نفسي راني نعاني منو ومن بعد رمضان ما خلطتش حاجة حلوة

واش رايكم غدا نديرو حاجة وحدة للقهوة وتكون حاجة سهلة وبسيطة ومكوناتها موجودة في كل دار

نقترح المادلين بسيط وخفيف واش رايكم نبداو على بركة الله ونحاولو نخرجو شوي من الروتين

[وردة سطيف]

السلام عليكم
وشرااااكم كاااااااااااااااااااااااامل ان شاء الله تكونو كامل بخير
انا توحشتكككككككككككككككككم بزااااااااااااااااااااااااااااف
كنت غايبة عمتي توفات عندها اسبوع
ربي يرحمها برحمتو الواسعة

[وردة سطيف]

اختي ام ساجد مبروك الكوزينة الجديدة
منبعد ان شاء الله نجيب الباروك

[mariya]

سلام على الجميع
ان شاء الله كاااامل تكونو بخير و لي مريض ربي يشفيه و لي مسافر ربي يحفظو حتى يرجع ولي هارج مع الخدمة ربي يعاونو
المهم حبيت نشارك بطريقتي في طاجين الجبن
نحضر صوص بيضاء بقطعة دجاج و تكون قليلة ونز نقلي بطاطا مربعات ونخلط معاها زيتون اخضر مقطع و دبشة والدجاج مفتت و الفرماج و نحطهم في بايركس ثم نخلط كمية قليلة من الصوص مع البيض حسب الحاجة وشويملح و نفرغهم على الطبق ونرشهم بالجبن المبشور و ندخلهم للفرن

[ام و ابنة]

وردة سطيف ربي يرحم عمتك و يغفر لها و يوسع عليها و يصبركم

ماريا يعطيك الصحة على وصفة طاجين الجبن

سماسم ربي يهون عليكم الغربة و يلطف بينا جميعا من هاذ السخانة و الميديتي

ام ساجد فكرتك هايلة مع اني كنت معولة غدوة ان شاء الله ندير البريوش و نحاول نخرجو جيد ماشي متوسط خخخخخ بصح في خاطرك راح ننفذ فكرتك و نعمل كمية قلييلة من المادلان نشارك بيها
انا بصراحة المادلان نستعمل عجينة الموسكوتشو او الجنواز و طبعا لااازم فيهم الياغورت الطبيعي فياريت اللي عندها طريقة او نصيحة او فكرة تتفضل بش نجربها غدوة ان شاء الله و نعطيو راينا بعد التجربة بصراااااحة

[ناهدوران]

صحححححححححححححح عييييييييييدكم
ولو انها جات متاخرة كيف حالكم حبووووباتي عزوووووزاتي يا احلى من العسل
مالقري هادا وحدة ماتجرات وسقسات على السلطانة ههههههه والله نضحك برك
ام ساجد مبروك على الكوزينة وربي يجعلها عتبت خير
ومبروووووووووووك على اختك وربي يجعل سعدها خير منها وكون حتى ختمتيها وعرضتيني ههههههههه
العودة بالباروك

[روضة 88]

المادلان لحد الان جربت غير زوج انتاع مقدسية بالياغورت وانتاع ام اماني بالسميد ولزوج رووووووعة.

[omhadil]

صح عشاكم ياحلوات
ام ساجد فكرتك هايلة ان شاء الله الكوزينة تولى زاهية كيما كانت من قبل
ام وابنة شفتى اختك كيفاش صابها تفنيين هههه ادعيلى ربى يبعد عليا الخمول والكسلوالله رانى حاسة التعب تاع رمضان مازال فيا
ناهد دوران مرحبا بالسلطانة كيف الاحوال اختى ان شاء الله لباس حتى انا كنت غايبة البارح برك لى طلييت على المنتدى
تحياتى

[ناهدوران]

وردة سطيف ربي يرحم عمتك ويوسعلها قبرها ااااااااااامين

[ناهدوران]

ام هديل مرحبا بيك ومرحبا بيك وصح ليك الغيبة و الله لا يغيبك
وهيا نديروا المادلان انتاع السميد وروضة ديما تشكروا وواش رايكم يا الحراير