كيف تزوجتي؟ كيف تزوجت ؟

[*ام عبد الكريم*]

بعد قراتي للردود معظمهم متشائمين من الزواج و علاش يا خاوتي؟؟ الحياة الزوجية باش تستمر لازم كل واحد يفوت شوية ماش كل غلطة نحاسب عليها
و زيد باش تحب اي كان لازم تركز على الفضائل و المحاسن في اخلاقو لا في عيوبه ....اذا شفنا غير العيوب رايحين نكرهو الناس كامل ...المهم ربي يفتح عليكم يا اخي bussness و اخي عابد ما تدريوش واش مخبلكم ربي و اذا المشكل في انفك يا عبد المجيد عندنا مثل يقول "لي نعجبو نعجبو بخنونتي و اذا مسحتها رايح نعجب الناس كل "
المهم انا زواجي تقليدي كنت نعرف بنت خالو قرات معي و غبنا عن الانظار مدة و وحد المرة كي كنت راجعة من الخدمة لقيتها سلمنا على بعض و حينها ما خلات سؤال الي ما سالتهو ليش و ما قالت لي والو ..بعد ايام جاء ابي يخبرنا بالخاطب ..وافقت باش نشوفو و تلاقينا في مكان عملي جاء مع زوج اختو ...اقتنعنا ببعض تمت الفاتحة و بعد 10 اشهر الزواج و الحمد لله رانا متزوجين منذ 19 سنة ...نكذب عليكم اذا قلت كلها عسل و لكن الحمد لله متفاهمين و راضين ببعض و رزقنا 5 اطفال الحمد لله ...بطلت الخدمة و قعدت في الدار و هذا ما اثرش على علاقتنا الحمد لله ...ربي يرزق الجميع بزوج(ة) صالح(ة)

[eBusiness]

المشاركة الأصلية كتبت بواسطة *ام عبد الكريم*

المهم ربي يفتح عليكم يا اخي bussness و اخي عابد ما تدريوش واش مخبلكم ربي و اذا المشكل في انفك يا عبد المجيد عندنا مثل يقول "لي نعجبو نعجبو بخنونتي و اذا مسحتها رايح نعجب الناس كل "

بارك الله فيك يا بنت الأكابر على دعائك الجميل، رب يرزقك الهنا والستر والخير كله
المشكل ليس في الأنف فقط بل كلي عيوب والمشكل أنني لم أجد عروس الزفت هذه لا في الأحلام ولا في الحقيقة .....
رب يرزق كل المتزوجون والمتزوجات الخير والصلاح...

[أم أماني أريج]

المشاركة الأصلية كتبت بواسطة ebusiness

بارك الله فيك يا بنت الأكابر على دعائك الجميل، رب يرزقك الهنا والستر والخير كله
المشكل ليس في الأنف فقط بل كلي عيوب والمشكل أنني لم أجد عروس الزفت هذه لا في الأحلام ولا في الحقيقة ....
رب يرزق كل المتزوجون والمتزوجات الخير والصلاح...

و الله أضحكتني في المشاركة السابقة أخي عبد المجيد يعني الآن فقط عرفت السبب الحقيقي لعزوفك عن الزواج

لكن يقولو الراجل عيبو جيبو و أنا نقولك العيب و كل العيب في الأخلاق فكما يقول الشاعر إنما الأمم الأخلاق مابقيت فإن هم ذهبت أخلاقهم ذهبوا

و إن شاء الله تجيك بشارة في حلمك تريك ملامح زوجة المستقبل و لما لا ؟

ربي يرزقك في القريب العاجل بالزوجة الصالحة لي تتمناها .

[ibtihal18]

المشاركة الأصلية كتبت بواسطة أم شروفة

ههههههه زوجة اخيك حبت تليكيديك من الدار وترتاح منك ...اساليني أنا عن كيد النساء ......الحمد لله خرجت في الصواب

ههههه ضحكتيني يا اختي انا تاني نفهم في كيد النساء لكن الحقيقة زوجة اخي ماهيش ساكنة معانا و ماراناش نتلاقاوها بزاف حتى زيارتها و عزيزة يعني ماعندها حتى فايدة كي تليكيديني حتى ولو ليكيداتني راهم مازالو 5 وحد اخرين كيفاش تدير .؟؟؟؟ الحمد لله ..الله يشهد عليها بلي انسانة طيبة بزاف و بنت فاميليا ما شفنا منها غير الخير
مشكورة اختي