الدرس السادس الفتلة بالمشينة - الصفحة 8

ترانيم مطر · 2014-12-19, 21:58

اختي سليمة كيما قلت لكم انا رانى خادمة من قبل البرودى نتاد البيدال والطنيبر
لذا ركزت فى عمل الفتلة على بيدال الكهربائى وكى تحكمت فيه قدرت نخدم انت كى عمرك
ما خدمتى البرودى تدربى بزاف وديري دوائر كبيرة باش تتحكمي فى الدوران وكل مرة صغريها
ومن بعد حاولى تخدمى وردة كيما هاذى بحجماكبر وكل ما تقعدى وتخدمى بزاف كل ما تتقنى الخدمة احسن

الخروبية · 2014-12-19, 22:55

السلام عليكم الله يبارك عليكم ربي يعطيكم وهنيكم و يوفقكم والله توحشتكم ياحلوين وسمحولى كانت عندى ضروف ونت كانت ضعيفة واليوم صوت باقى الدورس بعت للاستاذة كرونو 1 ومزالو 3 نتمنى يوصلوها بكل وبي يجازيها علينا كل خير مريم سلمى الجزائريةشكرا على الدعاء ليا وليك الحرة سطايفية كلامك بكل صحيح وحبيت نقدم الدورة وخفت بصح كلامك خلانى نتشجع ونقدم حبا نقلك حاجا نتى رايحا معانا للعرس ولامكيش رايحا وش رايك احنا نحرجو ونتى تخيطيلنا وحنا نحرجولك بكل وحدة وحدة ربي يجازيك ويرحم باباك ودعاوى الخير لى وصلتنى من اهل الخير الطيبين اكيد ليك فيها نصيب ختي ام رشدى راكى مدايرى وحد الجو من الحماس صحيتى يا الفحلة وانا حلفت لازم نروحو بكل للعرس ختى سلمى 14 مشوار 1000ميل يبدا بخطوة مدامك بديتى توصلى نشالله والصورة تتحدث على نفسها انا واش نقول ربي يوفقك وخلى نلبسو كى بعضانا باه نبانو شكون حنا هو احنا شوية ولا ايه ودائرة او المنحنى ملازمش تمشى بزقزاق قدقد عوجيه نورمال المهم تلسق ختى ترانيم المطر التطبيق تاعك ميحتاجش تعليق بصح كى ترشمى اعدلى الرشمة قد ماتقدرى كى تعود الخدمة مليحة ورشمة معوجة تبان سواقى وياريت كل الاخوات يتبعو خطواتك فى الرقلاج مشاء الله عليك ختصرت مسفات نتمنى تنجحى فى كلش وشكرا على الدعاء ليا وليك ختى ام محمد التطبيق تاعك هايل بصح حاولى تبعدي الزيقزاق راهو قريب بزاف وشكرا على الدعاء ليا وليك يارب ميرة البويرية رانى نسنى فى تطبيق تاعك متروحيش معانا للعرس والله والو انا قلت نروحو بكل يعنى بكل سمعتينى ايا صحة تحية من الخروبية للجميع سلام يا كرام

شابرمحمد · 2014-12-20, 10:37

صباح الفل يااخواتي
الحمد لله لي راكي بخير اختي الخروبيه
ياريت توضحيلي كيفاش نكبر الضربه فالزيقزاق ؟
نجبد القماش وانا نخدم ولا فالريقلاج ندير الضربة الكبيرة؟

الخروبية · 2014-12-20, 11:49

السلام عليكم صباح الانوار على احلى الازهاريحمد رايك على خير وكتر خيرك وخير جميع من سقسى عليا اما الخدمة متجبدي والو خلى كلش على راحتو وشوفي هادى

ترانيم مطر · 2014-12-20, 13:15

سلام اختي الخروبية والحمد الله لى راكي بخير
من بعد الظهر ان شاء الله نعود نكتب شكرا لك كثيراااااااااااااا

*منى* · 2014-12-20, 14:09

الحمد لله على سلامتك اختى الخروبية

ترانيم مطر · 2014-12-20, 14:40

السلام عليكم جميعا اختي الخروبية اسالك عن الخيط نتاع الفتلة المبروم على اثنين
لما نكون نخدم يتحل او يترخف شوي وانانخدم نزيد نبرم ولا كيفاش وكى نكون ندير فى الزقزاق
مرة على مرة تبيكي لبرة بين الخيطين نورمال ولا لازم يمين وشمال ملاحظتك رانى نعمل بيها فى المرات الجاية
بصح بيناتنا راكى معلمة ونص وفوقتيلي رسمتها بيدى بيا الحرارة خفتكم تفوتوني ونبقى انا الاخيرة شكرااااااااااااا

بنت الطيب · 2014-12-20, 20:14

أختي لخروبية فصلت فيستا لبنتي باه نديرلها كاراكو
ورايحة نخدم حاشية الفيستا كامل بالفتلة المبرومة كيفاش ندير يعني نخدم الظهر وحدو والصدر وحدو ولا نلصق الجناب ولا نلصق لكتاف فهميني ربي يجازيك

شابرمحمد · 2014-12-20, 20:30

اقتباس:

المشاركة الأصلية كتبت بواسطة الخروبية

السلام عليكم صباح الانوار على احلى الازهاريحمد رايك على خير وكتر خيرك وخير جميع من سقسى عليا اما الخدمة متجبدي والو خلى كلش على راحتو وشوفي هادى

ايواا راني فهمتك غاية
ربي يحفظك ويرزقك الصحة والعافية ياااااااااارب

شابرمحمد · 2014-12-20, 20:37

اقتباس:

المشاركة الأصلية كتبت بواسطة الخروبية

السلام عليكم صباح الانوار على احلى الازهاريحمد رايك على خير وكتر خيرك وخير جميع من سقسى عليا اما الخدمة متجبدي والو خلى كلش على راحتو وشوفي هادى

ايواا راني فهمتك غاية
ربي يحفظك ويرزقك الصحة والعافية ياااااااااارب

الخروبية · 2014-12-20, 22:16

السلام عليكم بارك الله فيكم الله ينورلكم طريقكم وحياتكم والله رانى فرحانة بيكم وملقيتش واش نقوللكم ربي يرضى عليكم ختى ترلنيم المطر شوفى عندك حلول بزاف اتى حرة متلا الفتلة المبرومة على2 علبالى بلى واعرة شوية صورتها فيديو بصح مابنتش مليح كون تلقاى وحدة تعلمك مباشرة ولكان ملقتيش حوسي عليها راهى تتباع ساجية ولاحبيتى كى تخدمى ديرى الفتلة على2 والبرى لازم يمين وشمال ومع الوقت المشينة تتريقل مرى على مرى دريلها الزيت وريى يبارك فيك ختى بنت الطيب مشاء الله عليك هذاتقدم ملموس فصلى عادى واخدمى كل حاجا وحدها وهاذا فى كل لحوايج المحروجين بصح هاااااااااااااااام كى ترشمى خلى نفس المسافة يعنى متلا خليتى على الحاشية 2سم فى الجهة اليمنى خلى 2سم فى الجهة اليسرى ومن حاشية الضهر 2سم باه كى تخيطيها وتلقيها تجى متبانش متنساوش نهار العرس نرحو بكل تحية من الخروبية للجميع سلام ياكرام

salima14 · 2014-12-21, 09:57

السلام عليكم اختي الخروبية الحمد لله اللي راكي بخير وماتغيبيش علينا ان شاء الله وشكرا على التشجيع
والكلام الل رفعلي معنوياتي وزادني حماس
اختي ترانيم شكرا على النصائح ربي يحفظك

شابرمحمد · 2014-12-21, 12:51

فانتظار الدرس الموالي

شابرمحمد · 2014-12-21, 16:11

اخواتي راهي حطت الاخت الخروبية طريقة تفصال قندورة فرقاني اخلو هنا

https://www.djelfa.info/vb/showthread.php?t=1727045

ميرة البويرية · 2014-12-21, 20:39

السلام عليكم اختي الخروبية
حبيت نقلك بلي جربت بصح يدي ثقيلة مقدرتش ندير الزيقزاق ... بصح جربت طريقة أخرى وهي أني نخيط خياطة عادية فوق الفتلة ... حبيت نسقسيك اذا تصلح هاذي الطريقة ولا لا ... وشكرا مسبقا ^^