~¤ô¦¦§¦¦ô¤~ بيتك جنتك و رضاء ربك مبتغاك 6 ~¤ô¦¦§¦¦ô¤~ - الصفحة 8

ماريا205 · 2014-11-19, 23:00

اقتباس:

المشاركة الأصلية كتبت بواسطة om hadil

رجعت نسالكم اخواتي على المنضف تاع المابل عندي واحد ريحتو قاطعة بزاف

ونهار الي نستعملو يضرني وانا عندي حساسية ستغنيت عليه بصح ملقيتش البديل

اذا كاش وحدة فيكم عندها اي شيء اخر او ماركة اخرى تفيدني وشكرا

اختي ام هديل كاين منظف للخشب والزجاج اسمو pliz راائع والرائحة المزعجة ما كانش هو جاي كيما البخاخ
شفتو عند اختي تستعملو وتشكر فيه وكي كنت عندها جربتو هايل
لوكان جا عندي راني صورتهولك

أم فاطيمة · 2014-11-20, 08:03

شكرا الاخت ماريا وشموخ امراة على اخذ سؤالي بعين الاعتبار
ربي يجازيكم كل خير و قريبا نفس التصائح راني ماشية عليها ربي يقدني
و يصلحهم

oummalak · 2014-11-20, 08:06

السلام عليكم ورحمة الله وبركاته
اولا يعطيك الصحة ام صابرين
وين راه النشاط يالبنات
جيت نخبركم انه رغم الشقا الي مريت بيه والي راهو عاد باقي الا انني راني فرحانة بالمطبخ انتاعي راهو قريب يكمل يو يو يو يو
وين راك سمراء

ام هاديل وياسين · 2014-11-20, 09:57

اقتباس:

المشاركة الأصلية كتبت بواسطة ماريا205

اختي ام هديل كاين منظف للخشب والزجاج اسمو pliz راائع والرائحة المزعجة ما كانش هو جاي كيما البخاخ
شفتو عند اختي تستعملو وتشكر فيه وكي كنت عندها جربتو هايل
لوكان جا عندي راني صورتهولك

السلام عليكم

شكرا اختي مريا على الرد يعطيك الصحة كي نخرج نحوس عليه ان شاء الله شكرا

سمراء الدنيا · 2014-11-20, 10:10

السلام عليكم و رحمة الله و بركاته
صباح الورد يا نحلات يا شاطرات
راني غير هنا ام ملاك دايما نقرا مشاركاتكم اول باول غير الوقت ما يساعدنيش نرد في الحين
بغيت نشكركم على المشاركاتكم الفعالة و المفيدة و اول ما تسمحلي الفرصة نرد و نحط البرنامج الجمالي

ادرة مكنونة · 2014-11-20, 10:48

السلام عليكن عادلي ياسر نستنى في هاذ الدورة يا سمراء ربي يوفقك وان شاء الله انكونو متابعين دائما ومشاركين

oum sabrin · 2014-11-20, 10:55

اقتباس:

المشاركة الأصلية كتبت بواسطة oummalak

السلام عليكم ورحمة الله وبركاته
اولا يعطيك الصحة ام صابرين
وين راه النشاط يالبنات
جيت نخبركم انه رغم الشقا الي مريت بيه والي راهو عاد باقي الا انني راني فرحانة بالمطبخ انتاعي راهو قريب يكمل يو يو يو يو
وين راك سمراء

صباح الأنوار أختي أم ملاك
يعطيك الصحة على التشجيع ،وبصحتك الكوزينة الجديدة تتهناي بها نشا الله

اقتباس:

المشاركة الأصلية كتبت بواسطة سمراء الدنيا

السلام عليكم و رحمة الله و بركاته
صباح الورد يا نحلات يا شاطرات
راني غير هنا ام ملاك دايما نقرا مشاركاتكم اول باول غير الوقت ما يساعدنيش نرد في الحين
بغيت نشكركم على المشاركاتكم الفعالة و المفيدة و اول ما تسمحلي الفرصة نرد و نحط البرنامج الجمالي

صباح الأنوار حبيبتي سمراء شكرا على تعديل مشاركتي
نحن في إنتظار برامجك المفيدة

تائبة لله تعالى · 2014-11-20, 11:16

السلام عليكم
هل يممكننى ان اشارك معكم في هذه الدورة المميزة
انا طالبة في التكوين المهنى تخصص خياطة وتفصيل
عمرى 20 سنة ماكثة في البيت
بارك الله فيكم جميعا اخواتى الغاليات

ام هاديل وياسين · 2014-11-20, 15:04

حفاظاً على سلامة الثلاجة والاعتناء بها ، نقدم لكِ اليوم نصائح مهمة لتضمني أكلاً صحياً ومفيداً لعائلتك :
- اغسلي الثلاجة مرة على الأقل كل 10 أيام ، وذلك بتنظيفها بالماء والصابون ، ويمكنك بعد ذلك أيضاً شطفها بماء به كولونيا من أجل الرائحة الطيبة ، ثم تجفف جيداً، وبعد عملية تنظيف الثلاجة لا تستعمل ولا ترص فيها الأطعمة إلا بعد مرور ساعتين على الأقل من عملية التنظيف.
- حتى تحتفظي برائحة الثلاجة طيبة زكية: ينصح بوضع قشور البرتقال والليمون في أطباق صغيرة توزع في أكثر من موضع داخل الثلاجة .
- وحتى لا تختلط الروائح المتعددة داخل الثلاجة: ينصح بوضع قليل من الفحم فيها، حيث يمتص الفحم الروائح العالقة.
- للحفاظ على برودة الثلاجة: انزعي فيش الكهرباء لمدة 10 دقائق كل عشرة أيام، ثم يعاد التشغيل مرة أخرى من أجل المحافظة على قوة التبريد.

سمراء الدنيا · 2014-11-20, 15:08

السلام عليكم
هاذي الاجندة للي قلتليكم عليها

تطبيقي ليوم الاربعاء
الجانب الديني الحمد لله اللهم ثبتنا
زدت حفظت 3 ايات اخرى من سورة النجم و التلاوة لحقت للحزب السابع

كانو عندي ضياف للغدا اضطريت نفتل المردود

يعني الفترة الصباحية راحتلي بدون تنظيف و الحقيقة كنت مرهقة جدا على بيها عاونتني ملوكة ههه

فترة المساء قضيتها في الخياطة
و بعد المغرب مراجعة للدروس مع الاولاد و لعشا روز لانو الزوج كان معروض

تطبيق يوم الخميس
نضت على 5 تسحرت ووجدت فطور الاولاد و صليت و رجعت رقدت ... التلاوة حتى لبعد الظهر قريت 3 احزاب راني في الحزب العاشر
نضت 8 لميت الدار و غسلت الملابس
لكني اصبت باحباط كبير ..... هاذ الاسبوع ركزت على غرف الاولاد باش نريح في نهاية الاسبوع لكني الصباح فوجئت بكوارث في غرفهم

طاحلي المورال و فشلت و كنت رايحة نعيط و نقلب الدنيا لكني تراجعت و قررت اني نخليهم ينظفو غرفهم في الويكاند و نديليهم مكافأة اذا نجحت الخطة نقوليكم عليها

حطيت ليكم الصور باش تعرفو انو هاذي طبيعة الاولاد نهارات يكونو منظمين و اغلب الوقت فوضويين و ماشي نهاية العالم اذا خليتوهم مرات على طبيعتهم ....

يتبع

سمراء الدنيا · 2014-11-20, 15:24

اقتباس:

المشاركة الأصلية كتبت بواسطة ادرة مكنونة

السلام عليكن عادلي ياسر نستنى في هاذ الدورة يا سمراء ربي يوفقك وان شاء الله انكونو متابعين دائما ومشاركين

اهلا وسهلا الدرة المكنونة ... يشرفنا انك تنظميلنا و تفيدي و تستفيدي

اقتباس:

المشاركة الأصلية كتبت بواسطة تائبة لله تعالى

السلام عليكم
هل يممكننى ان اشارك معكم في هذه الدورة المميزة
انا طالبة في التكوين المهنى تخصص خياطة وتفصيل
عمرى 20 سنة ماكثة في البيت
بارك الله فيكم جميعا اخواتى الغاليات

و عليك السلام اختي تائبة اهلا و سهلا بيك بين اخواتك

سمراء الدنيا · 2014-11-20, 15:33

الاسبوع القادم يكون لغرفة النوم الرئيسية و على بيها راح يبقالنا بعض الوقت نتمنى نخصصو هاد الاسبوع لعمل يدوي مثلا اكسسوارات المطبخ .... او خياطة ستائر بسيطة ..... او تجديد القديم ....
و للي عندها خبرة في الخياطة ممكن تخيط بجامات شتوية لاولادها و هاذو بعض المودالات للي خيطتهم

سمراء الدنيا · 2014-11-20, 15:42

أم ملاك ربي يعينك عزيزتي ..... مبروك عليك الكوزينة الجديدة يا رب تتهناي بيها و اذا كان فيه مجال تحطيلنا الصور نستفادو من التغييرات للي عملتيها و نتمنى ما تحرميناش من توجيهاتك في ما يخص البرنامج التنظيفي

ماريا بارك الله فيك على النصائح القيمة و ان شاء الله نجمع كل النصائح الخاصة بالاولاد في صفحة واحدة دائما انتظر مشاركاتك بفارغ الصبر

شموخ امرأة [COLOR="Black"][SIZE="6"]كامل هاذ الشي و ماشي خبيرة هههه ....... يعطيك الصحة على النصائح و الاهتمام بالرد على العضوات ... ايضا نحاول نجمع الوصفات التجميلية في صفحة وحدة

اقتباس:

المشاركة الأصلية كتبت بواسطة ام ياسمين10

الله على ريحة النظافة كى نشمها معناتها سمراء مولاتها ههههه
ربى يحفظك يا اختى سمراء ويجعلها فى ميزان حسناتك راكى تنشطى فينا والله كل دوراتك روعة
والشكر لكل الاخوات على التدابير المنزلية والتجميلية والتربوية
هاد السمانة رانى صايمة ومريضة شوية ولانو معنديش غرفة البنات والاولاد عندى ولادى صغار معايا فى الشمبرة نتاعى
السمانة الجاية ان شاء الله نبدا معاكم

اهلا و سهلا اختي ام ياسمين وينك يا طفلة ؟؟؟ لاباس عليك و ربي يشفيك .... غير بالشويا عليك كي تريحي شاركي معانا في انتظارك عزيزتي

اقتباس:

المشاركة الأصلية كتبت بواسطة oum sabrin

يوم الثلاثاء ما درت حتى تطبيق ما عادا الفطور و المسيح لأنه كان عندي عرس يعني ركزت على الجانب الجماليييييي هههههه دوش ذهبت للحلاقة و ماكياج سهرة والحطة واش نقولكم فششت روحي الله الله

يوم الأربعاء بما أنه ما عنديش غرفة ذكور لأن إبني صغير دخلتو يرقد مع أخته فقمت بتنظيف غرفة عجوزتي من تغيير الستائر و مسح الحائط والنافذة والباب وتغيير الفراش وغسله و مسح الأرضية عميقا و باقي الغرف مسح عادي بعد الظهيرةة طي و كي الملابس
الجانب الديني عادي الصلاة في وقتها والتجميلي دوش و ترطيب

انت بالذات يا ام صابرين راكي مفرحتني ما شاء الله ماشيا على البرنامج و بالصور ؟؟ ربي يباركلك في صحتك و عايلتك و بيتك
على فكرة غرفة بنتك جميلة جدا الله يبارك

ام منيب ما تغيبيش علينا تعرفيني نحوس على نصايحك لانها نابعة من تجاربك
مشكورة غاليتي على الافادة

اقتباس:

المشاركة الأصلية كتبت بواسطة نبض الفؤاد

راني دخلت اليوم قريت هذه الصفحة فقط .....الوقت....الوقت....يا ربي الطف بينا وبارك لينا في اوقاتنا..........

يعطيكم الصحة والعافية.....راكم ناشطات كالنحلات الفحلات......ربي يبقي الستر عليكم......يا سمراء الدنيا ....حالتك كي حالتي ....النظام نتاع العام اللي فات توقف مع الصيف

....وجابلي ربي العطلة الصيفية ....مرة اخرى هي اللي لازمها تزيار شوي....لانه يحدث فيها انفلات امني...هههههه.....يا لطيف....ما نجو نعودوهم على الانضباط حتى يلحق

الصيف....ايمالا لازم اعادة النظر في الامور....ولا لالا..؟؟؟؟

ايا انا راني غير مع غسيل الحوايج حاصلة.....الماشينة تخبط ....وراكم عارفين حوايج البرد الواحد يبدل سلة.......كاش جديد نوافيكم بيه......نروح نقرا وش كاين اللور قبل

العشا...راني دايرة حاجة خفيفة...خبز في الفرن وسلاطة.....الشيخ ووليده معروضين.....تفرت في الباقيين.....سهرتكم ممتعة ان شاء الله......

عجبتني نتاع تفرت في الباقيين هههههههه راكي حالتي غير يتعرض الراجل تتفر في لخرين ههههه
و يبقى المشكل قائم مع الاولاد و قلة النظام ..... تبانلي لمربي من عند ربي ..... مهما تحاولي لي عندو ميول للنظام وحدو بلاما تقوليلو و للي فوضوي مهما تحاولي معاه يبقى كيما هو
نكثرو الدعاء فقط و الله المستعان

اقتباس:

المشاركة الأصلية كتبت بواسطة om hadil

ان شاء الله تفيدكم هاد النصائح في ما يخص اطفالنا

بارك الله فيك ام هديل ... ارتكبنا اخطاء كثيرة في التربية و لازمنا نداركوها
شكرا علة المساهمة القيمة

ادرة مكنونة · 2014-11-20, 17:18

يعطيك الصحة يا الفحلة

نبض الفؤاد · 2014-11-20, 18:38

راني دخلت اليوم قريت هذه الصفحة فقط .....الوقت....الوقت....يا ربي الطف بينا وبارك لينا في اوقاتنا..........

يعطيكم الصحة والعافية.....راكم ناشطات كالنحلات الفحلات......ربي يبقي الستر عليكم......يا سمراء الدنيا ....حالتك كي حالتي ....النظام نتاع العام اللي فات توقف مع الصيف

....وجابلي ربي العطلة الصيفية ....مرة اخرى هي اللي لازمها تزيار شوي....لانه يحدث فيها انفلات امني...هههههه.....يا لطيف....ما نجو نعودوهم على الانضباط حتى يلحق

الصيف....ايمالا لازم اعادة النظر في الامور....ولا لالا..؟؟؟؟

ايا انا راني غير مع غسيل الحوايج حاصلة.....الماشينة تخبط ....وراكم عارفين حوايج البرد الواحد يبدل سلة.......كاش جديد نوافيكم بيه......نروح نقرا وش كاين اللور قبل

العشا...راني دايرة حاجة خفيفة...خبز في الفرن وسلاطة.....الشيخ ووليده معروضين.....تفرت في الباقيين.....سهرتكم ممتعة ان شاء الله......