الى ام اسيد1 وكل وحدة حاصلة واش الطيب - الصفحة 8

ام حمزة22 · 2014-09-21, 11:30

سلام
صباحكم سعيد
طبق اليوم اكيد يحبوه كامل ولادكم وهو غراتان الباطاطا بالشفلور
تقدري ديري بطاطا وحدها بهاد الطريقة كما تقدري ديري شفلور وحدو
نغلي شفلور ديالنا
نقطع البطاطا ديالنا دوائر نضيفلها ملح و زيت و نمرقها ونحطها فالفرن طيب شوية
بكري كانت البطاطا طيابة نحطلها كامل اللوازم ديالها ونطيبها
اما درك الباطاطا ا طيبش مليح وتقعد يابسة
لقيت هاد الطريقة باه نضمن الطياب الجيد+النكهة
وهي كما قلت وكيما راكم التشوفو نطيب الباطاطة شوية من بعد نضفلها الشفلور + الجبن+زبدة+بيض+حليب
البيض والحليب نخلطهم نضيفلهم شوية ملح نضربهم ونحطهم فوق البلا
كنت من العادة نستعمل الجبن الابيض العادي اليوم زوجي غلط وجابلي جبن دو نكهة رائعة وزاد فالطبق نكهة رووووووووعة
الجبن بنكهة الثوم والاعشاب راني حطيتلكم الصورة جربوه وردولي بالخبر

فاطمة1987 · 2014-09-21, 11:57

طبق يشهي تاع اليوم يعطيك الصحة

ام حمزة22 · 2014-09-21, 12:03

اقتباس:

المشاركة الأصلية كتبت بواسطة سمسومة 05

الله يبارك روووووووووووووووووووعة يعطيك الصحة

الله يسلمك سمسومة
مشكوووووورة

اقتباس:

المشاركة الأصلية كتبت بواسطة ام ظافر

بصحتك الغداء والعشاء
الله يمتعكم بيهم
راكي بديتي تخدميهالي هذي الخدمة تاع غداء منو عشاء ببعض التصرف طبعا
فكرة مليحة ولكن يبغيلها تكتيك حتى يتحول الطبق بقدرة قادر لطبق اخر بدون تعب وهكذا نتهناو من الكوزينة شوي لوكان نلقى الي تشريها عليا نبيعها

فكرة الفولفون روعة ساهلة وواجدة وزيد خفيفة للعشاء
قوليلي الفولفون خدمتيه والا شريتيه واجد

الله يسلمك ام ضافر
لالا انا ما نبيعش كوزينتي انا نموت عليها فالصباح بل اعشقها هي حبيبتي لاااااااكن في المساء عدوتي هههههه
الفولوفون شريتو واجد

اقتباس:

المشاركة الأصلية كتبت بواسطة moniz

يعطيك الصحة موضوع يستاهل 5نجوم.

الله يسلمك وشكرا على النجوم والمرور الطيب

اقتباس:

المشاركة الأصلية كتبت بواسطة صدفات

صباح النور حبيبتي هل من جديد راني طبقت فكرة عصفورين بحجر واحد ولكن انا راني ندير عشاء وفطور الفكرة لاقت إستحسان من زوجي و تذمر من الاولاد و ساعدتني كثير و ربحت الوقت شكرا مرة اخرى والسلام عليكم.

صباح الانولر صدفات
شوفي حبيبتي ولادك بالطول يوالفو لازم انت تعرفي تخدمي الحيلة معاهم

اقتباس:

المشاركة الأصلية كتبت بواسطة صدفات

وين راكي يا أم حمزة ماشي عوايدك واقيلة la connectionدرتها بيك

راني معاكم حبيبتي لا لا اليوم ماشي الكونيكسيون
كنت نوجد في باترون كانو طلبوه في قسم الخياطة لقيتهم سبقوني للخير ربي يقدرنا لفعل الخير

ام حمزة22 · 2014-09-21, 12:06

اقتباس:

المشاركة الأصلية كتبت بواسطة snds

طبق يشهي تاع اليوم يعطيك الصحة

الله يسلمك
علابالي راح يعجب معضمكن

صدفات · 2014-09-21, 13:18

ممممم طبق لذيذ و لكن البطاطا كي تبرد تقساح و لما تعاودي تسخنيها تبقى قاسحة كاش حيلة عندك لهاذا المشكل.

ام فروحة · 2014-09-21, 14:36

مشكورة اختي ام حمزة والله غير ساعدتيني بلبزاف ان شاء الله يكون في ميزان حسناتك يارب

ام حمزة22 · 2014-09-21, 15:04

اقتباس:

المشاركة الأصلية كتبت بواسطة صدفات

ممممم طبق لذيذ و لكن البطاطا كي تبرد تقساح و لما تعاودي تسخنيها تبقى قاسحة كاش حيلة عندك لهاذا المشكل.

صح عندك الحق كي تبرد تقساح بصح كي تقطعيحا رقييييييييييييقة مليح وتخلي شوية بزيادة الصوص فالبلا من بعد كي تبرد تسخينها يكون على نار قليلة وخليها حتى تغلي كيما يقولو ولادي راكي تعاوديلها الطياب هههههه

اقتباس:

المشاركة الأصلية كتبت بواسطة ام فروحة

مشكورة اختي ام حمزة والله غير ساعدتيني بلبزاف ان شاء الله يكون في ميزان حسناتك يارب

آمين اختي ردك اسعدني وزادا في تشجيعي بارك الله فيك
مشكوووووووورة

تغرينية · 2014-09-21, 15:23

واو واو رائع واكثر من رائع الله يخلي ايامك ساهلة كيما راكي تسهلي علينا الكوزينة شكرا لكي

نبض الفؤاد · 2014-09-21, 18:24

شكرا ليك اختي ام حمزة......موضوع جميل......انا وحدة ساعدني بفكرة انك تطيبي فطور وتبتكري حويجة للعشاء......لانه ما عندناش غير الكوزينة......هذا حنا اللي قاعدين في الدار.....الله يكون في عون اخواتنا العاملات........

ام حمزة22 · 2014-09-21, 19:31

اقتباس:

المشاركة الأصلية كتبت بواسطة نبض الفؤاد

شكرا ليك اختي ام حمزة......موضوع جميل......انا وحدة ساعدني بفكرة انك تطيبي فطور وتبتكري حويجة للعشاء......لانه ما عندناش غير الكوزينة......هذا حنا اللي قاعدين في الدار.....الله يكون في عون اخواتنا العاملات........

عفوا حبيبتي نبض اسعدني مرورك
وكيما قلتي الله يكون في عون اخواتنا العاملات
مشكورة على مرورك الطيب

اقتباس:

المشاركة الأصلية كتبت بواسطة تغرينية

واو واو رائع واكثر من رائع الله يخلي ايامك ساهلة كيما راكي تسهلي علينا الكوزينة شكرا لكي

ربي يحفضك ويخليك يعطيك الصحة
مشكورة على المرور الطيب

kati83 · 2014-09-21, 22:38

يعطيك الصحة اختى الله يفرج عليك كيما راكى تفرجى علينا بالافكار نتاوعك
انا مرات نحبو نخرجوا نحوس شوية لعشية بصح يكون دايما عندى مشكل العشا هادى فكرة
الكوزينة مرة فى الصبح برك هايلة

سمسومة 05 · 2014-09-21, 22:52

يعطيك الصحة والله افكارك روعة وراكي تعاوني بزاف اللي ديما حايرين في الغدا والعشاء وهكا راكي تسهلي في المهمة ربي يحفظك ويخليك لعائلتك تستاهلي كل خير

ام حمزة22 · 2014-09-22, 10:05

اقتباس:

المشاركة الأصلية كتبت بواسطة kati83

يعطيك الصحة اختى الله يفرج عليك كيما راكى تفرجى علينا بالافكار نتاوعك
انا مرات نحبو نخرجوا نحوس شوية لعشية بصح يكون دايما عندى مشكل العشا هادى فكرة
الكوزينة مرة فى الصبح برك هايلة

الله يسلمك اختي ان شاء الله يفرج على كل مومن
طيبي غير للصباح وتهني وروحي تحوسي بصحتك
ما تنسايش تحطي الاكل ديالك في التلاجة باه ما يقراسش خا صتا فالسخانة

اقتباس:

المشاركة الأصلية كتبت بواسطة سمسومة 05

يعطيك الصحة والله افكارك روعة وراكي تعاوني بزاف اللي ديما حايرين في الغدا والعشاء وهكا راكي تسهلي في المهمة ربي يحفظك ويخليك لعائلتك تستاهلي كل خير

الله يسلمك سمسومة مروركم يزيد يشجعني
مشكوووووووورة

ام حمزة22 · 2014-09-22, 10:37

سلام
صباحكم سعييييييييييييييد
طبقي لنهار اليوم هو (المقلوبة)
هو طبق سوري يندار فالصنية ويدخل الفرن من بعد كي يطيب نقلبوه في صحن آخر لتقديم
لااااااااكن انل عندي طريقتي الخاصة و باه يكون طبق الصباح والمساء نديرو في طنجرة
نحتاج ل*روز نغلوه من بعد نشلوه مليح اه ما يقعدش معجن
نحتاج لصدر او نصف صدر دجاج حسب المقدور نطيبوه بحبة بصل صغيرة +ملح +فلفلاكحل+قرفة كي يطيب نفتتوه ونحطوه بجيه
نحتاج لبدنجال نقليه ونستفو فالطنجرة بهادا نتحصل على للطبقة لللولى وهي طبقة بادنجلل مقلي + طبقة الروز + طبقة الجاج +طبقة الروز ثم نضيف المرق لي طيبنا فيه الجاج
والطبقة الاخيرة طماطم مقلية في شوية زيت اقوووووول شويييييييية زيت
كي نكمل كل الطبقات نرجع الطنجرة فوق النار تكون قلييييييييييييييييييلة ربع ساعة على الاقل
بدون اطالة نخليكم مع الصور

ما ننساش نقللكم الطبق لي طيبوه في الصباح لازم تحطوه في التلاجة للعشاء هادا باه ما يقرسش خاصتا في الصيف
يومكن سعيييييييييييييييد

صدفات · 2014-09-22, 11:04

ويومك أسعد إن شاء الله
الارز يتشرب المرق كيفاه تسخنيه من بعد و لا تستعملي الميكروؤند
المقلوبة نسمع عليها طبق سوري ولكن عمري ماجربتها معاك بانتلي ساهلة bravo bravo bravo و على كل طبق نزيدلك وحدة