مشروع سيارة طاكسي, لن تندم

[just do it]

اللهم ارزقنا الرزق الحلال

[salamsi]

الكل يعلم ان المشكل في الرخصة

[hanan7]

المشاركة الأصلية كتبت بواسطة just do it

اولا انا جامعي وكنت معول كي نكمل الجامعة ندير طاكسي باه منقعدش ندور حتى يفتح علي ربي بصح عييت نجري بسك فيها دبلوم وحنا هنا فتلمسان ادارة مرض بلبزاف كرهوني فيه حتى سمحت قريب عام ونص ونا نجري وماكان والو واليوم راني كلوندستان هذه هي الدزاير ميخدموك ميخليوك تخدم عند روحك
المهم انا تبالي عمل طاكسي افضل المهن الحرة صح فيه تعب شوية وريسك مي حاجة شابة لوطوك الخاصة وخدام ونتا تحب وزيد فيها المدخول سيرتو اذا حكمت بلاصة تع الشعب بزاف
انا اقترضت مبلغ 100 مليون وشريت لوطو فسبتمبر 2013 واليوم رديت قريب 50 مليون كلوندستان فقط ونعلمكوم بلي بلاصة عيانة شويا يعني لوكان راني طاكسي لوكن رني رديت دراهمي سيرتو تخدم لافيل
حاجة اخرى حنا ليزالجيريان نحبو رقاد وتحواس لازمك تعيف روحك فالخدمة انا لوكان يعيطلي وحد قيس الزوج تع الليل نمشي منعديش المشريار زيد لازم تقتصد شوية وتزير على روحك بسك مركش عد صغير تشتت فالدراهم وتقول نزهى ومن بعد تجبر روحك زيرو انا صوالح بزاف منعتهوم على روحي
وبالنسبة للدين فالحديث النبوي يقول بلي الي سلف وهو ناوي باه يرد ربي يعاونو في الاداء يعني صفي نيتك وربي يوفقك
كاش سؤال انا مستعد للاجابة في حدود علمي

الله يوفقك اخوي

[salamsi]

ربي يسهل على الجميع

[sissdjo]

سلام خاوتي انا عجبتني فكرة ولكن انا اريد ان اعمل بين الولايات و اريد ان اقترض لشراء سيارة بيجو اكسبر
هل من نصائح حول هذا
مشكورين

[boucif50]

عندي رخصة استغلال سيارة طاكسى بنى صاف ولاية عين تموشنت 46

[boucif50]

السعر 4000 دج للشهر
العقد 6 أشهر الى سنة واححدة

[salamsi]

لازم تشري كونتور ب 3 ملايين.???????????????

["أحمد المحمدي"]

السّلام عليكم ورحمة الله وبركاته

أنا كنت خدّام عند واحد وكنت نلمّ باش نشري لوطو نخدم بيها، وصلت 55 مليون في الوقت الحالي

كنت باغي نزيد نخدم باش نلمّ 70 ولا 80 بصّح المرّة تاليا دابزت مع رئيس العمل وحكمني ارتفاع ظغط الدّم

حبّست الخدمة وظرك راني باغي نسلّف ونشري لوطو نخدم بيها طاكسي ولا كلونديستان وراهي غايبتلي

راني خايف إذا نحصل وما نقدرش نردّ دراهم الّي نسلفهم والدّار راهم يقلقوا في زيد اخدم وانا خلاص كرهت الخدمة

عند النّاس وعفتها صايي، والمشكل ثاني منيش عارف منين ندبر 15 ولا 20 مليون باش نجيب لوطو مليحا شويّا نخدم بيها.

رايو علي واش ندير سيلتوبلي خاوتي

[ツღعـصُـ♥ـوِݦۑツღ]

سلام عليكم ، ممكن تخبروني كفاش نتحصل على شهادة كفاءة لقيادة سيارة تاكسي ؟

[ابن الجزائر11]

ربي يوفقك أخي
أنت رجل حقا

[petra petra]

جزاك الله كل خير

[زايدي أمحمد]

ربي يعاونك

[majdiz]

بارك الله فيك