الجزء81من مطبخ واش طيبتي اليوم ** مرحبا بالكل **

[Om moussaab]

صحا فطوركم كامل كوزينة مبروكة ليزابال راني غير نتفرج عليكم توحشت لمتكم ان شاء الله نولي نشاركم باطباقي دائمة الحمد مبروك على اسينات ان شاء الله تتربى في عز والديها

[lyzzabel]

المشاركة الأصلية كتبت بواسطة حبي لأمي

مبروك الكوزينة الجديدة ان شاء الله هذي ثان تكون مليئة بالافراح

اللهم ااااميييين شكرا حبيبتي و مرحبا بك

المشاركة الأصلية كتبت بواسطة Oum Aness Bba

السلام عليكم .. واش راكم ؟؟ مبرووووووك عليك الكوزينة يا العزيزة ان شاء الله فاتحة خير عليك وعلينا ياااا رب بلا ما نعلق على الإبداعات اللي حطيتيها روائع كالعادة

ام اسلام وآية مشكوووورة أختي على الاستضافة رب يفتح عليك و يهنيك دنيا وآخرة ياااارب
ام محمد تاج الحمد لله كي رجعتي خليتي فرااااغ كبييييير طويييييل عرييييييييض ما تزيديش تغيبي
ام ماجد مبروك على يوسف رب يفرح والديه بيه ويجعله قرة عين لهما يااا رب والله يبارك على حفيظ
دائمة الحمد فكرتيني في أمي رب يحفظها رب يخليكم تيجان فوق رؤسنا ويمتعكم بالصحة والعافية ويطول في اعماركم ياااااا رب
ام كاميليا رب يشافيك أختي ويرزقك واش متمنيا يااا رب
نورهان والله فرحت كي شفت مشاركاتك أختي واطباقك يشهو رب يشافيك ويعافيك ويرزقك ما تتمناي.. حقى واش راه اخوك ان شاء الله تحسن
ام إيناس مبروك عليك العجانة تستاهلي كل خير والعقوبة لحوايج اخرين
عطووورة أهلين أختي ورب يوفقكم بالمسابقة
أولادي اطباقك راااائعة يعطيك الصحة أختي
ام محمد ريان الأخت ام كاميليا قامت بالواجب رب يخليها انا شخصيا جربت تاع ام أماني رووووعة .. عندها مدة غائبة ان شاء الله ما منعها الا الخير

انا عندي مشكل في الصور اسمحولي بزااااااف مرات نحشم نشارك غير على جال الصور

فطوري اليوم شربة و دجاج مع بطاطا بطريقة الهام وبآلاك نزيد ليمونشون تاع فلة


صح فطوركم وأعاننا الله على الصيام و القيام .. ايام مباركات اغتنمنها بالدعاء و العبادات

الله يسلمك يا الحبييييبة و انت الاروع ربي يكملك بالخير و يفرحك و بصحتكم الجاج و الشوربة و البطاطا و بالاك لي مونشون هههه

المشاركة الأصلية كتبت بواسطة اماني السلام

MAGNIFIQUE ماشاء الله يعطيها الصحة أختك

المشاركة الأصلية كتبت بواسطة om kamilia

راني نخمم في واش ندير قاطو العيد و هذا في بالي لحد الان ونبدا السمانة الجاية ان شاء الله:
تشاراك مسكر والعريان,
صابلي نوع برك في les formes
باقلاوة ام انس
مقروط الكوشة لام انس وتاع المقلة وصفة ياراسمين

نزيد الهريسة ولا الكفتة مع حلوى الطابع تاع ايهاب

وكذلك الى قدرت مع المصروف نزيد شوية صامصة وكعيكعات ولا عرايش

ومعمول ولا غريبية

وهذا كامل ندير كل نوع كمية قليلة على حساب التكاليف وراجلي بانسبة للكاوكاو نديرastuce تاع ام اسلام و ياراسمين

ونسيت قاطو بالشكولا تاع ام اماني

رب يقدرني وانتما تاني

قولو لي رايكم

لا ليست راهي طويييلة و الحلويات شابين ربي يقدرك و يقدرنا ،، انا انشالله ما غاديش نكثر

المشاركة الأصلية كتبت بواسطة ام سهام 02

الف مبروك الكوزينة الجديدة ليزابال الحبوبة ان شاء الله تكون عتبة خير للجميع
يعطيك الف عافية على الخير لحطتيه اطباقك تفتح النفس ربي يديم النعم عليك و علينا
ما حبيتش ندخل بيدييا فارغين جبت شوية حلو من الارشيف

الله يسلمك حبيبتي ربي يخليك و حتى نتيا اطباقك رووووعة تشهييييي يعطيك الصحة

المشاركة الأصلية كتبت بواسطة أم محمد تاج

الف الف مبروووك عسلايتي نشالله يجعلها ربي عامرة بالخيرات يارب هاذا شوي من طيابي يالله بسم الله
درت في اليوتيوب كيفاش نديسوزي دجاجة وتعلمت فيها وخرجت تحفة وحشيتها بالمرقاز وفروماج روووووعة روووووعة






وهاذي بعثتها ذواقة



وهاذي بوري بالكبدة والصوووص مممممممممم






هذا بعثتهولي مرت خويا الله يحفظها



محشي فلفل وبطاطا صوص حمراء الصراحة توحشت محشي على طريقة امي الله يرحمها وجرتو يعني مايش كيما تاعها على خاطر بكل بساطة وباختصار هي أمي

المشاركة الأصلية كتبت بواسطة أم محمد تاج

واااع حيت ندير مشاهدة درت اعتمد وااعتييين
نكملوووووو حبيباتي



اذو بعثتهم ذواقة










وباش تحلويو يا قماميييييير قلب اللللللوز طازج طاااااازج مممممممممممممممم

يا سلاااااام كوزينتي جابتلي احلى قطعة سكككككرررررر ممممم هههه يا اهلًا. و مرحبا بعودتك و مرحبا بالخير لي جبتيه معاك يعطيك الصحة كلشي فييييييلم و يعطيهم الصحة لي بعثتلك ربي يطيب العشرة ،، و ربي يرحم الوالدة و يسكنها فسيح الجنان و يرحم امي و اختي و يلاقينا بيهم في جنات النعيم و موتى المسلمين جميعا اميييين يا رب العالمين

المشاركة الأصلية كتبت بواسطة أم ملك

السلام عليكم و رحمة الله تعالى و بركاته
مبروك أخت ليزا الكوزينة الجديدة إن شاء الله تكون فال خير علينا جميعا
و الله غير رانا نحشمو ندخلو باه نشوفو برك ما نجيبو والو
أنا صورت بزاف اﻷطباق الي نطيبهم مي ما نقدرش نحمل من التلفون
و الميكرو نعجز عليه باه نشعلو و الله أسمحونا و إن شاء تكون
مجهوداتكم في ميزان حسناتكم
أم كاميليا الله يبارك راكي درتي ليست كبيرة تاع القاطو
الله يقدرك و تديريهم و بالصحة عليكم
فطورنا بإذن الله كسرة مطلوع و بوراك و ليسوفلي و حريرة و حميص هدو تقريبا كل يوم حاضرين و نزيد جاج في الكوشة و غراتان تاع إلهام و ماسيدوان
و ديسير كاين دلاع و بطيخ و خوخ وكاين قلب اللوز للسهرة و الحمد لله على فضله و كرمه
يارب يقبل منا الصيام و القيام يا رب

و عليك السلام و رحمة الله و بركاته ،، مرحبا بك حبيبتي و بصحتكم واش فطرتو ،، جربي أشهلي الميكرو مرة و حطي صور اطباقك درك توالفي و تولي تجيك ساهلة و ما تصبرييييش على الكوزينة هههههه

المشاركة الأصلية كتبت بواسطة دائمة الحمد

مساء الخير طلت الاقمار والنجوم الكوزينة راهي الله يبارك عامرة بالفحلات
كوزينة مبروكة احلى واروع ليزا محبوبة الجماهير سرقت روحي نطل واذا عقبولي الصور من بعد نحط باروكي
ام محمد تاج تسلم الايادي الحلوة
اماني السلام التحلية روعة
ام سهام كلكك على بعضك حلو الارشيف والجديدواكيد راح نطلو على مدونتك ونستفيدو
فطوري حلة وبتيبان في الفور وفلفل محشي وسلاد بلونكات وسلاطة مشوية وسي السيد صبت قطرات امطار قالك اعمليلي لوبيا قرونيي عليه الامر وعليا الطاعة والسهرية فلون وتارت البنان وسلاد فروي ومشروبات وبطيخ والف حمد لله على النعم
شفت غيرالصفحة الاخيرة نرجع من بعد ونتوقب

يااااااي محبوبة الجماهير قتلتنيييييي هههه ،، صح فطوركم كااااامل و ربي يقدرك و يكون في عونك و يعطيك الصحة على التعب لي راكي تاعباته و بصحتكم الفطور

[أم ماجد]

السلام عليكم وصح فطوركم
الله يبارك واش نشكر واش نخلي راكم حراير
دائمة الحمد ربي يعينك خوفتيني حنونة ههههههههههههههههه
حقا اسينات راهي حفيدتنا جميعا ومشاركين فيها قوليها لامها ننتظرو صورتها نموت عليهم صغيرونين
فطورنا اليوم دالة روزا وتعرفوها تحب غير الخفيف خفيف وعندها الحق الماكلة الثقيلة والله ماناكلوها خلاص

[om mita]

الف الف مبروك الكوزينة والطيابات روعة بلا منقولك
من بعد نرجع بالباروك
ام مصعب وش راكي توحشناك
روحي ديري في دردشة موضوع جديد عودة ام مصعب دوك نجو كامل نهجموا

[*سالي*]

kouzina mrbouha w rai yt9abl mnkom lhbab

[أم ماجد]

ام تاجو ايعثيلي هاذ الصحن ذواقة وجزاك الله خيرا

[ام سهام 02]

المشاركة الأصلية كتبت بواسطة أم ماجد

السلام عليكم وصح فطوركم
الله يبارك واش نشكر واش نخلي راكم حراير
دائمة الحمد ربي يعينك خوفتيني حنونة ههههههههههههههههه
حقا اسينات راهي حفيدتنا جميعا ومشاركين فيها قوليها لامها ننتظرو صورتها نموت عليهم صغيرونين :d:d:d
فطورنا اليوم دالة روزا وتعرفوها تحب غير الخفيف خفيف وعندها الحق الماكلة الثقيلة والله ماناكلوها خلاص

ممممممممممم بصحتكم ويسلم ايداي روزا وربي يحفظها.

[أم ماجد]

الله يخليك ام سهام اطباقك رائعة فعلا وجذابة نحب نتمع بيها

[مرام 1987]

السلام عليكم
مبدعات كالعادة
أم تاجووووو قلب اللوز تاعك راه يشهي راح يخرج من بين عينيا انا نجبد في عينيا عليه وهوما يوليو يشوفو معاه وعععععععع حابة نذوووووق ولو طرف صغير بصح خايفة يوجعني ولا تولي ليا الأعراض
أستغفر الله العظيم من كل ذنب عظيم

[ام سهام 02]

الله يعزك ام ماجد انت ثاني طيابك مشهي وراقي حتى بناتك شاطرات كما انت الله يبعد عليهم العين.

[فريال88]

السلام عليكم صح فطوركم جميعا

ليزابال مبروووووووووووووووووووووك الكوزينة انشاء الله ربي يجعلها عامرة

الاخت اولادي صح فطورك حبيبتي و اسمحيلي على التاخييييييييييييييييييير و ما نقدرش نجاوبك في الخاص

طريقتي في اللحم الحلو هي نفس طريقة الاخت ام انس 69 راهي في وصفات الحراير بالصور صفحة 68

برك انا العين و المشيمشة و الزبيب نرقدهم الصباح في شوية ما زهر و 2 م ك عصير قارص

و بالنسبة للاناناس انا درت تاع العلب يعني مصبر نديرو قبل ما نطفي ب 7 دقائق تقريبا و اذا درتي المجفف ديريه مع الفواكه الجافة الاخرى

و هذوك الوردات تاع التفاح احكمي الحبة تاع التفاح قطعيها دوائر و قطعي كل دائرة بالمول اللي تحبي و ديريه قبل ما تطفي بحوالي 4 دقائق و ما تحركيش بالمغرف كي

تطفي انزعي التفاح و الاناناس برفق في طبسي وحدهم و زيني الصحن تاعك كيما تحبي

و بالنسبة اللي القاطو اللي تحت الاناناس هذاك شباح الصفرا على طريقة الاخت ياسمين 77 راه في المدونة تاعها فيه عبر نوات كوكو و عبر بيض و عبر غير ربع سكر و م

ص خمارة و 3 م ك فرينة اذا درتي العبر تاع كاس كبير ضربي باليد عادي و ديريه في ليمول صغار مدهونين بالزبدة و الفرينة و طيبيهم في الكوشة

و في التزيين راني درت الشباح و فوقها وردة الاناناس ثم وردة التفاح و داخلها وردة المشمش راني حطيت الطريقة تاعها و العينة اقسميها و نحي العلفة تاعها و ديري حبة

لوز ماشي محمص

و في الاخير انشاء الله نكون افدتك و انشاء الله تكوني شفتي الموضوع و صح سحوركم جميعا

[nad16]

الله يبارك دائمة الحمد كل شيء بالطبع بدون ماننسى كل البنات يعطيكم الصحة

[ام سهام 02]

فريا ل 88 يعطيك الصحة في ميزان حسناتك طريقة تقديمك للاطباق 5 نجوم وراني سرقت فكرة تزيين طاجين الحلو

[شاوية حرة 05]

لبنات تعيشو حطولي رابط وصفات ام محمد تاج وريهام تعيشو

[دائمة الحمد]

لبنات هاو الزرير سخون حطيتو الليلة للضياف تاع اسينات






وهذا الكرسي اام اسينات عملهولها زوجها هدية الولادة

[url=https://www.gulfup.com/?HNvkAL][/url