مــــجلس **جوهرة رمضان** هنا ملتقانا اليومي - الصفحة 8

OM AYA · 2014-07-01, 10:40

لبنات راني بعثتلم المودال الا عجبكم ديروه سنو ارموه هههه

واسمحولي والله ما لقيت لا ممحاة لا الوان مسقمين وزيد راني خارجة درتو بالزربة

بنت الطيب · 2014-07-01, 10:56

صباح الخير لبنات وين راكم يا لحباب في العمل كملتو؟؟ دخلت نقرعج شوية

نبض الفؤاد · 2014-07-01, 11:02

يومكن مبارك.....عجبتني هذه من عند الاخت مياسم الصمت....
وتذكروا دئما أهم مكسب لكن هو
محبتكن لبعضكن في الله واخوتكن .....
أنا حقيقة نشوف هذا المسابقات تحفيز لينا ....ومحاربة الروتين القاتل.والملل للبعض...واستخدام النت فيما هو مفيد...وووو....على الرغم أنه ما كانش الوقت في السهر الكريم.....
شكرا ليك أختي....وسلامي للجميع....

fifiarch · 2014-07-01, 13:34

دعاءاليوم الثالث
اَللّهُمَّ ارْزُقني فيهِ الذِّهنَ وَالتَّنْبيهِ ، وَباعِدْني فيهِ مِنَ السَّفاهَةِ وَالتَّمْويهِ ، وَ اجْعَل لي نَصيباً مِن كُلِّ خَيْرٍ تُنْزِلُ فيهِ ، بِجودِكَ يا اَجوَدَ الأجْوَدينَ .

تمنياتي بالتوفيق

stayfiya · 2014-07-01, 14:27

اقتباس:

المشاركة الأصلية كتبت بواسطة OM AYA

لبنات راني بعثتلم المودال الا عجبكم ديروه سنو ارموه هههه

واسمحولي والله ما لقيت لا ممحاة لا الوان مسقمين وزيد راني خارجة درتو بالزربة

خساره عليك نرميوه بوووه هذا نحطوه في كادر و نعلقوه سيغتو مع الامضاء om aya 2014
بزااف عليك ختي ام ايوش هي فكرتك لباس بيها نزيدو نشوفو مع
فريوله بلاك عندها افكار طبقهالنا ياريت تبعثيلنا السله. و كيفاش راح تديكوريها من الافضل تكون حاجه براتيك يعني بها و دفا نتكلو عليك

اقتباس:

المشاركة الأصلية كتبت بواسطة بنت الطيب

صباح الخير لبنات وين راكم يا لحباب في العمل كملتو؟؟ دخلت نقرعج شوية

و الله يا بنت الطيب حبيبتي مازلنا في كرّٓدْ( لعبة لكرود لكان تعرفيها ...!)ههههه
شكرا لبنات على تشجيعاتكم
مزال كاين عباد حابتهم يدخلو و يشجعو وعدونا و ماوفاوش بالوعد ولا غلبهم رمضان !!
شكراً فيفي على الاذكار بارك الله فييك

OM AYA · 2014-07-01, 14:42

صحيتي سطووووف انا قلت هكاك لانو عادي اللبسة اذواق وانا تخيلتها لابستها بنتي اية
علابيها درت هاذوك التفاصيل
وزيد ممكن انا عجبتني وانتم ما تعجبكمش وممكن جدا يكون الرسم هو اللي نا وصلش الفكرة الصحيحة
والالوان ممكن جدا يكون موحد يجي تاني شباب وش قلتي

stayfiya · 2014-07-01, 14:52

اكيد هما نتي دخلتي الموسلين و انا حبيت الطابع يكون مستور اكثر و ليزابليك تاع الفتله ما نحبش انا يكونو نحب حاجه تعكس قيمه راقيه للثوب يعني تشوفيه تحسيه مشري

OM AYA · 2014-07-01, 15:10

اوكي حبيبتي واثقة من ابداعك وذوقك

stayfiya · 2014-07-01, 15:14

ضك شوف فريوله واش تخترعلنا

LIGHT GIRL · 2014-07-01, 16:47

بالتوفيييييق للجميع

وانا في انتظااار ابداعاتكم الجميله

اختكم لايت ^_^

صاحب الامل · 2014-07-01, 17:01

مساء النور للجميع
ورمضان مبارك

****
فيما يخص استفسار الاخت جوري
الجمب سويت يعتبر في اغلب الاحيان حاجة كاجوال
وبالتالي انا التحدي اللي طلبتو عكسه تماما
يعني راح تهزو اساس الجمب سويت فقط والباقي تخدموا مخكم

****

اسافسار الاخت فيما يخص التصوير

اذا كان الجمب سويت نتاعك فيه عدة تفاصيل اكيد من الاحسن تصوريها
اما اذا ما فيهش خدمة بزاف
فيكفي انك تصوري الامام + الخلف

**************
اكرر
هذا الموضوع خصص فقط للاستفسار عن تحدي الخياطة
اما بقية التحدي فيرجى زيارة المجالس المخصصة لها

fatma1977 · 2014-07-01, 18:31

اقتباس:

المشاركة الأصلية كتبت بواسطة stayfiya

خساره عليك نرميوه بوووه هذا نحطوه في كادر و نعلقوه سيغتو مع الامضاء om aya 2014
بزااف عليك ختي ام ايوش هي فكرتك لباس بيها نزيدو نشوفو مع
فريوله بلاك عندها افكار طبقهالنا ياريت تبعثيلنا السله. و كيفاش راح تديكوريها من الافضل تكون حاجه براتيك يعني بها و دفا نتكلو عليك

و الله يا بنت الطيب حبيبتي مازلنا في كرّٓدْ( لعبة لكرود لكان تعرفيها ...!)ههههه
شكرا لبنات على تشجيعاتكم
مزال كاين عباد حابتهم يدخلو و يشجعو وعدونا و ماوفاوش بالوعد ولا غلبهم رمضان !!
شكراً فيفي على الاذكار بارك الله فييك

واش أختى السطايفية على قد ما رانى نشجع وندخل غير علاجالكم والله هذ الشهر تعبنى جانى بعد تعب وغيبة على دارى وهكذاك البارح دخلت على 1/30 كنت إنت خرجتى وحتى الرسائل نتاعنا تكتبت فى دقيقة وحدة ولا تشجيعاتى جاياتك من جهة العين العورة هههههههههههه بوه عليك حبيبتى وأنا نقول السطايفية صاحبتى حتى ولادى كى يشوفونى فى الميكرو يقولولى راكى مع السطايفية ولا أم آية كامل صبحو يعرفوكم رانى نقصر صح فطورك حبيبتى وبالتوفيق مع البنات رانى نستنى فى الجمب سويت باه نقل عنو لبناتى للعيد راكى قلتى تحبيه يبان مشرى راح نقل عليك ونخيطو ونقلهم رحت علاجالو لسطيف ههههه إذا ما سمحش الاخ عمر باه تحطو التحديات نتاعكم فى الصفحة أبعثيلى الجمب سويت على الخاص ربى يبارك فيك ياك أنا وخيتك صح

rosa sd · 2014-07-01, 18:38

السلام عليكم
واش بيكم ايها الثلاثي الفنيان ههههه ناس كملوا خدمتهم وانتم مازال ماتفهمتوش على المهام ,رانا اليوم الثلاثاء
راني نعرفكم مليح ,خلوني انا نوزع عليكم المهام كي نشوف التحديات بعد اذنكم طبعا,سطوفة تجي دالتك في الخياطة ان شاء الله وافكارك ابعثيهم لفريولة بلاك كشما تدي منهم ,
اسفة على التدخل قلتكم من الاول راني معاكم

rosa sd · 2014-07-01, 18:42

سطوفة عجبتني فكرة تاع جمب سويت كي دريلها فلان فوق الراس هههه صح تعطيلها طابع رمضاني ,يولي كيما تاع الف ليلة وليلة

OM AYA · 2014-07-01, 18:50

شكرا فاطمة روزا من ناحية التفنيين والله راني حابة نخدم ضرك بصح والله يا هاد المرة الظروف كامل معاكستني ولعوج مداير حالة اول مرة نخمم في الانسحاب بجدية