الجزء90 من واش طيبتي اليوم **مبارك علينا الشهر الفضيل**

[omomnia15]

مبروك للناجحين اعطونا كاش سيت نشوف فيه

[ام الهضاب]

الف مبروك الكوزينة و رمضان مبارك للجميع و ربي يتقبل
مبروك لأصحاب البيام و بنتي ربحت ب 14,92
مبروووووووك لاسينات و تتربى في عزكم ان شاء الله و الشفاء العاجل للام يااارب
فطورنا اليوم بحول الله شربة و بوراك و سلاطة و طاجين حلو و اظرفة الدجاج بالروز و مطلوووووووع و الحمد لله

[ام الهضاب]

اهلا ام أمنية ،هاكي السيت

https://bem.onec.dz/

[staifia]

ام الهضاب مبروووووووووووووووووووك يويويووووووووووووووووي لعقوبة للباك

ام امنية bem.onec.dz

[ام احمد وصال]

مبروك الكوزينة الجديدة و مبارك عليكم الشهر الفضيل مبروك على كل الناجحين لعقوبة للي مازالو

دائمة الحمد مبروك على اسينات وربي يشافيها ولعقوبة لام ابراهيم كي اليوم نفرحو بيها

كاش اخبار على باتيلا زيدت ولا مازال راني كنت غايبة

فطوري شربة فارميسال وبوراك وطاجين الحلو وسلاطة ونشري الخبز معنديش طاجين المطلوع

[omomnia15]

شكرا ليكم مبروك على بنتك ام الهضاب مشاء الله عليها وراهي بنت المازة جابتوا مبروك عليها

[أم يحي صهيب]

رمضان مبارك على الجميع و ربي يتقبل منا ومنكم الصيام والقيام و صالح الاعمال
مبروك الكوزينة الجديدة عتبة خير يا رب لكل محرومة ربي يحن فيها
يوسف الله يبارك ربي يحفظو ليك وتشوفيه عريس كي اليوم

مبروك لاخي اخر عنقود في البيت جاب البيام مبروك عليه فرح والديا وفرحني دموع تتهاطل زغردت حتى شبعت يا ربي راسي ما يوجعني

فطوري حريرة مستغانمية الله الله معطرة بالقراوس
بوراك
طاجين لحلو
مثوم
فلون
ووووووو ياو راني مودرة اول مرة نصوم وحدي وينك ا يما العزيزة

حنا الفطور على22 نتاع اليل نتوما منين تكملو حنا نبدو ههههههههههههههه فرق كبير
مالا عولت نفطر معاكم

وجدو بكري نجي ليكم
يا الله ربي يعاونكم

[titina]

السلام عليكم ورحمة الله وبركاته
صحة رمضانكم وكل عام وأنتم بخير

أولا مبروك على الناجحين في شهادة التعليم المتوسط ولعقوبة للممتحنين في البكالوريا ان شاء الله
ولي ما نجحوش ان شاء الله لعقوبة للعام الجاي وما هيش آخر الدنيا

وثانيا مبروك الكوزينة الجديدة
جيت وجبت معايا باروكي ^^
هذا قلب اللوز درتو اليوم لسهرية رمضان ان شاء الله



خويا قالي لازم تخدميلي لصحابي باش نتحلاو مع بعض في السهرية ^^
ان شاء الله المرة الجاية نخدم لينا ولصحابو


اختي دائمة الحمد مبروك على اسنات ربي يشفيها ان شاء الله وان شاء الله البيبي يتربى في عزها وعز باباها ويكبر في طاعة ربي
بالصح واش زيدت طفلة ولا طفل ؟

ليزا واش راهو منصف ان شاء الله راهو لاباس وريّح

لبنات كل واحدة باسمها ان شاء الله تكونو بخير انتم وأحبابكم
ماتنسوش قراءة القرآن ماشي تشغلكم الكوزينة والطياب على ذكر الله

[crono]

السلام عليكم ورحمة الله وبركاته
صحة رمضانكم وكل عام وأنتم بخير


سلام لاحلى ام اسلام رمضان كريم كل عام وانت والعائلة بخير
من بعد نجيب الباروك ههههههههه
رمضان كريم وربي يتقبل منا الصلاة والقيام والصوم يارب

[oum anas 69]

السلام عليكم ورحمة الله وبركاته
رمضان كريم لكل حبيباتي
أم إسلام مبروك الكوزينة حبيبتي و ماشاء الله على وليدك ربي يجعلو إمام على المؤمنين قولي آآآآآميييين
دائمة الحمد ياعمري مبروك عليكم أول حفيدة أسينات تتربى في عزكم و عز والديها و يجعلها ربي من الصالحات التقيات يارب و الشفاء العاجل لأم أسينات سلميلي عليها
مبروك لكل الفائزين في bem و ربي يديم أفراح الجزائريين
جبتلكم شوية كواليس كيما تحب أم ماجد قلت نحي عليا شوية باش مانتعبش لعشية عندي 2 صحاب زوجي رايحين يفطرو عندنا
بديت بقلب اللوز أولا





وهذا وين طفيت على طاجين الحلو




و درت حميص أو فلفل مممم هذا لاااااازم





أهنا القلب اللوز طاب و سقيتو و راهو يرتاح



و هاذو أفخاذ دجاج وجدتهم رايحة نحشيهم و نعمللهم مرق أبيض بالحمص و البطاطا




ممبعد بإذن الله نزيد شوربة فريك بوراك باللحم و الشمبينيو و سلاطة خفيفة و مطلوع ربي يقدرني و يقدركم
أم أمنية أنا راني صايمة بصح مانيش ندير في الأنسولين و الحمد لله لضرك راني مليحة لاعطش لا جوع و الحال بارد عندنا على الكيف ماتعبناش

نروح ريح شوية باااااااي

[crono]

مبروك لكل الناجحين لعقوبة للفرحة لكبيرة تاع الباك

[أم يحي صهيب]

[أم يحي صهيب]

[oum anas 69]

سارة بدلتي أسمك ؟؟؟؟؟؟
عرفتك أنتي من هدرتك .. واش راكي مع الحمل ؟؟
مبروك على خوك لعقوبة للباك إن شاء الله
الحق تاع ربي أنا عندي رمضان هنا في داري في فرنسا خيرمن في البلاد ياأختي نقولك الصح نطيب كيما نحب و نريح كيما نحب و نتصرف كيما نحب ههههه

[nihale89]

الف مبروك الموزينة اختي ام اسلا اية كلش هايل حنونة يعطيك الصحة
انتظري باروكي
حبيباتي رمضان كريم تقبل الله منا ومنكم