كم مهرك

[eBusiness]

المشاركة الأصلية كتبت بواسطة manel10

الحمد الله احنا لقبايل الزين و العقلية و الظرافة و مايشرطوش فينا والوا احنا الواحد لي يشرط في بنتوا عيب كبير علاخاطر ماشي سلعة للبيع هادا زواج احنا كي يجوا يخطبوا يقولو واش تشرطوا يقولوا احنا نحوسوا على الهناء و الهناء غلب الغناء غير زعما لا شرطوا الخدمة قال المراة حابة تخدم تقولها من الاول باش يتفاهمو هادا ما كان و كامل اللي نعرفهم ما شرطو والوا و راهم عايشين la belle vie

صدقتي أختي الكريمة في كلامك وفعلا بنات القبايل زين وهمة كسائر بنات الجزائر يعني كل واحد يشكر في سلعته ههههههههه


فمثلا لدي قريب من تلمسان تزوج من قبائلية فزاده الله رزقا وفيرا وأصبح غنيا الله يزيده بينما أخوه تزوج بجميلة من المنطقة فخسر كل أمواله وأصبح في حالة!!!

لكن للأمانة لقد التمست بعض التعصب لدى القبائل وأغلبهم لا يحب العرب كما تقولون في منطقتكم ويفضلون تزويج بناتهم لشباب من منطقة القبائل فما ردك على هذا كونك قبائلية وبصراحة؟؟؟

[الشهاب2]

لالا ياختي منال مفهمتنيش الصداق راهوا حق لمرا..فالشرع مبصح يعني نحوسوا على التخفيف راكي علابالك الحالة راهي حابسة وزيد

ماشي النسا كامل بالعقلية تاعك هضرو بزاف على لقبايل بلي يسهلوا مبصح والله عندنا وحد الهدرة يقولوا لقبايل واعرين النساء تاعهم

انا شفتهم يتضاربو بزاف وشيا الصلاح من عندربي ياختي ادا كان قعد الواحد هكدا ندي خويا ونروحوا نشوفوا تم راهم يديرو لعراس

جماعيا للمعوزين وربي يجيب الخير

[التوليب الجميلة]

المشاركة الأصلية كتبت بواسطة ebusiness

صدقتي أختي الكريمة في كلامك وفعلا بنات القبايل زين وهمة كسائر بنات الجزائر يعني كل واحد يشكر في سلعته ههههههههه


فمثلا لدي قريب من تلمسان تزوج من قبائلية فزاده الله رزقا وفيرا وأصبح غنيا الله يزيده بينما أخوه تزوج بجميلة من المنطقة فخسر كل أمواله وأصبح في حالة!!!

لكن للأمانة لقد التمست بعض التعصب لدى القبائل وأغلبهم لا يحب العرب كما تقولون في منطقتكم ويفضلون تزويج بناتهم لشباب من منطقة القبائل فما ردك على هذا كونك قبائلية وبصراحة؟؟؟

لا لا يا اخي عندنا بزاف بنات داوهم لعرب ديجا وين نسكنانا الحي ديالي يا اخي ستة بنات رجالهم كامل عرب ما عندناش العقلية هاديك المهم الراجل يكون خدام و انسان مليح الاخلاق ديالوا هوما الصح

[الشهاب2]

لالا يا ختي النجمة القطبية الراجل الزوالي يعيش محقور حتى من مرتوا رانا شفناهم انا منمنش بالمبادء وغيره هو في الواقع المراة تخاف من الاجل لعندوكيمة تقوليمال قارون الزوالي كيزعف يقولها ونطلقك تقولوا طلقني وهي علابالها بلي ميقدرش يزيد يزوج هو مالم روحو غير بالسيف ماشي كيمة لعندو الدراهم لمرا ديرلو حساب لوكان يقولها ونزوج تخاف وتهني روحا خاطرش علابالها بلي هو عندو الدراهم وقادر يبدلها كي والوا هاداهو الواقع والراجل لي عندو الدراهم ديمة فور مام يتفاسدو مايطولش معاها وتنكدلو عيشتو يطلقها علاخاطرش هو قادر على النفقة ماشي كيمة الزوالي حصلة الله لاتحصل مومن هديهي الحقيقة

[التوليب الجميلة]

المشاركة الأصلية كتبت بواسطة الشهاب2

لالا ياختي منال مفهمتنيش الصداق راهوا حق لمرا..فالشرع مبصح يعني نحوسوا على التخفيف راكي علابالك الحالة راهي حابسة وزيد

ماشي النسا كامل بالعقلية تاعك هضرو بزاف على لقبايل بلي يسهلوا مبصح والله عندنا وحد الهدرة يقولوا لقبايل واعرين النساء تاعهم

انا شفتهم يتضاربو بزاف وشيا الصلاح من عندربي ياختي ادا كان قعد الواحد هكدا ندي خويا ونروحوا نشوفوا تم راهم يديرو لعراس

جماعيا للمعوزين وربي يجيب الخير

المهم يا اخي اغلب لقبايل كيما راني نقولك او وشراك تقول انت عندنا ما كاش و تاع لقبايليات واعرين ما شكيتش وما تحكمش على هدرة الناس حتى تشوف بعينيك انا والله واش راني نشوف في الجامعة من شي بنات عربيات ماشي وعارة هاديك grave م كاين بنات واحد اخرين ما شاء الله donc كل بلاصة كاين و كاين

[لحن الحياة.]

المشاركة الأصلية كتبت بواسطة manel10

شوف يا اخي و الله ما نشرطوا والو دوك كيما الكبش هاداك و القضيان و المهيبات و الخاتم هادوك باينين ماشي حاجة لي تنشرط م كيما الذهب و الدراهم و الله يا اخي جامي صرات اصلا بيني و بين راجلي عندوا يجيب بلا ما نقولوا ما عندوش غدوة يديني يفتح ربي عليه يشريلي مرتوا ما شي خسارة فيا احنا صراحة عيب يشرطوا فينا الدراهم اعلاش يبيعوني انا ما نقبلهاش هادي و انا شحال شرطوا فيا مازال ما تزوجتش

سؤال صريح وجاوبي بصراحة
تقبلي تخرجي في حجابك نوغمال وتتزوجي بلا لاغوب وبلا تصديرة والعرس ماكانش و نتي ديري عرضة فقط لخاوتك و خياتك وطبعا تخلصيها من عندك?? اكيد مبدئيا تقولي نعم بصح كي يجي هاذاك نهار نحلفلك ما ديريها
تم كي راكي تتباهاي انا اختي اية في الجمال والاخلاق بشهادة الكل و ماهيش قبايلية ....يادرا العربيات مافيهمش الزين ......لبنان اكبر مثال
تم احنا تان ما نشرطوش تقاليد في العائلة ...ومانش قبايل ....نشرطو العافية ....انتم تقولولها الهنا ....واختي جابتلها عجوزتها 2 ملاين مهر لان ابي ما يحبش و حنا مخلوعين لا يسمعها
وعرستلها من الرابال تاعي واستقاملنا 30 مليون وجابولها فليزة لاليونس و هاذا لانو راجلها قليل
تم. ماهاذا الاستهزا بالعربيات .....زعمة قلتي رانا ضراف .....هل هذي ظرافة???
تم كي تتخطبي نتلاقاو في قسم العرائس
أخيرا ما تقوليش احنا لقبايل ...قولي في دارنا ....انا صحبتي بجاوية شرطت 20 مليون و بارير 15 مليون و المصروف تاع العرس ....وماهيش عربية !!!
و كاين قبايليات ماشي زينين كيما كاين زينين

[الشهاب2]

المشاركة الأصلية كتبت بواسطة ebusiness

صدقتي أختي الكريمة في كلامك وفعلا بنات القبايل زين وهمة كسائر بنات الجزائر يعني كل واحد يشكر في سلعته ههههههههه


فمثلا لدي قريب من تلمسان تزوج من قبائلية فزاده الله رزقا وفيرا وأصبح غنيا الله يزيده بينما أخوه تزوج بجميلة من المنطقة فخسر كل أمواله وأصبح في حالة!!!

لكن للأمانة لقد التمست بعض التعصب لدى القبائل وأغلبهم لا يحب العرب كما تقولون في منطقتكم ويفضلون تزويج بناتهم لشباب من منطقة القبائل فما ردك على هذا كونك قبائلية وبصراحة؟؟؟

ياخويا وعلاه راك تحرم عليا خلينا نفهمو شوية من المخلوقة رانا برنا ياصاحبي وعلاه درك الدير فالعنصرية وتفسد فالنية ياك هنا كامل جزايريين ويعني العربية هادي محنيا صباح وعشيا مكان والو الصلاح من عند ربي انوي الخير تلقى الخير

[الشهاب2]

ياختي منال رحت لسوق لتنين وتيشيوبجاية وتيزي وزوا حبيت نفهم يعني القبائل الصغرى والكبرى هوما حتى فالهدرة مختلفين واش رايك وايناه لخير يعني عموما فالظرافة تاع بجاية ولا تيزي وزو متلا بويرة

[الشهاب2]

المشاركة الأصلية كتبت بواسطة jill

سؤال صريح وجاوبي بصراحة
تقبلي تخرجي في حجابك نوغمال وتتزوجي بلا لاغوب وبلا تصديرة والعرس ماكانش و نتي ديري عرضة فقط لخاوتك و خياتك وطبعا تخلصيها من عندك?? اكيد مبدئيا تقولي نعم بصح كي يجي هاذاك نهار نحلفلك ما ديريها
تم كي راكي تتباهاي انا اختي اية في الجمال والاخلاق بشهادة الكل و ماهيش قبايلية ....يادرا العربيات مافيهمش الزين ......لبنان اكبر مثال
تم احنا تان ما نشرطوش تقاليد في العائلة ...ومانش قبايل ....نشرطو العافية ....انتم تقولولها الهنا ....واختي جابتلها عجوزتها 2 ملاين مهر لان ابي ما يحبش و حنا مخلوعين لا يسمعها
وعرستلها من الرابال تاعي واستقاملنا 30 مليون وجابولها فليزة لاليونس و هاذا لانو راجلها قليل
تم. ماهاذا الاستهزا بالعربيات .....زعمة قلتي رانا ضراف .....هل هذي ظرافة???
تم كي تتخطبي نتلاقاو في قسم العرائس
أخيرا ما تقوليش احنا لقبايل ...قولي في دارنا ....انا صحبتي بجاوية شرطت 20 مليون و بارير 15 مليون و المصروف تاع العرس ....وماهيش عربية !!!
و كاين قبايليات ماشي زينين كيما كاين زينين

آي والله تخسها غير نتيا وليتي ديري فالمقارنة لالا والله غير لقبايل يساعدو صح والهدرة هادي من زمان نسمعها هوما يقولوا اكسي ودي فقط ويحبوا الراجل يكون فحل برك وخدام يكرهو هداك لينوض على العاشرة ويقول مكانش خدمة كانوا معايا فالعسكر ويحكيولي كيمة راهي تحكي المخلوقة نتومة تاع الشرق والشاوية شويتونا وخليتونا لزمان عقوبة مزوجتوا مخلتيونا نهناو ونزوجوا ونتوما لطلعتوا فالمهور تقول عليكم حوريات سمحيلي ياختي انا صريح وقلبي معمر انا نروح تم .

[الشهاب2]

راهي باينة حتى لواحد يسقسي كانش ماينوب عليه ربي ولينا خرجنا من الطرح والله غير خسارة عليك راني قلتلك راني نشوف فيها وربي يغفرلي بايرين بايرن راهم هكدا يديرو فيمنتدى الشعب الجزائري ديمة تلقى واحد ميخليكش تفهم راسك من رجليك ويقولك الططرح واش من طرح ياختي كانش مابقى فيها طرح ولا راني رايح فالخمسة وتلاتين وطالع رانا برنا ياختي خزي الشيطان

[eBusiness]

المشاركة الأصلية كتبت بواسطة الشهاب2

ياخويا وعلاه راك تحرم عليا خلينا نفهمو شوية من المخلوقة رانا برنا ياصاحبي وعلاه درك الدير فالعنصرية وتفسد فالنية ياك هنا كامل جزايريين ويعني العربية هادي محنيا صباح وعشيا مكان والو الصلاح من عند ربي انوي الخير تلقى الخير

والله يا أخي ضحكتني صح، وين حرمت عليك أنا؟؟؟ الله يهديك ونزيدك حاجة الراجل ما يبورش، رفع راسك يا با وان شاء الله يرزقك بنت لحلال والله أتمناها لك من كل قلبي

نصيحتي لك كأخ حينما تدهب لخطبة واحدة لا تتمسكن وتقول لها أنك بورت، كونك راجل وقولها إلا ما عجباكش الحال كاين أختك في السوق وبركى من هذه الروح الانهزامية، أنت راجل يا أخي وابحث عن بنت الأصل ماشي من لا تطلب مهرا كبير لأنه هناك نساء أنا بالنسبة لي لو عرضن على الزواج وهن من يدفعن لي الملايير والله لن يدخلن بيتي، الأهم هو العفة والصلاح ومن بعدها ننظر في أمر المهر

وأقول لمن تشترط العمل الله يهديكن من أين أخرجتم لنا هذا الشرط؟؟؟ عيب على والد الفتاة أن يشترط على الخاطب أن إبته يجب أن تعمل، يعني يعطيك إبنته ويتحكم فيها عن بعد كما لو باعك جهاز تلفاز أنت تتفرج لكن يحتفظ بالروموت كنترول ويمكنه أن يقلب عليك الشاشة متى يشاء، هذا هراء والله يرحم الرجال لأنه بصراحة لو مازال كاين هناك رجال لن نجد من يتجرأ أن يشترط شروطا خسيسة مثل هذه

والسلام عليكم

[الشهاب2]

خلاص مهضرناش مبصح والله عندك دنب لواحد نص دينوا يا عباد الله ودخل فيه الطرح هاهيا ليك .

[eBusiness]

المشاركة الأصلية كتبت بواسطة manel10

لا لا يا اخي عندنا بزاف بنات داوهم لعرب ديجا وين نسكنانا الحي ديالي يا اخي ستة بنات رجالهم كامل عرب ما عندناش العقلية هاديك المهم الراجل يكون خدام و انسان مليح الاخلاق ديالوا هوما الصح

شكرا أختي على الرد، أكثر الله من أمثالكم لكن لا يجب أن نكذب على أنفسنا فالجهوية تنخر المجتمع الجزائري حتى النخاع فأنا مثلا تلمساني وليس لي مشكل إن أتزوج حتى من القمر فما بالك بنت بلادي مهما كانت من الشرق أو الغرب المهم الاصل والعفاف قبل كل شيئ وأكاد أقول لك أن أكثر من 90 بالمائة من القبائل الذين أعرفهم لهم جهوية ضد العرب ولكن ربما كما قلتي أنت بخصوص الزواج فقد لا يكونوا متعصبين

الله يرزك كل خير أختي الكريمة

[sarl02]

تحيا الاعتدال والوسطية وهذا ما نجده في ولايات الوسط بصراحة كل شيء اتم بالمعقول وبدون مغالاة...لكن ولايات الشرق خاصة راهم اقاطعو ..وكذلك الامر ببعض ولايات الغرب...الناس هبلت ادوموندي الدراهم واتزيد الصوف والوبر والذهب والحديد والنحاس خص غير البترول اتقول رانا فالعصر الحجري.

[زهرة لرضوان]

حنا عندنا 15 مليوم مع 02 خواتم للعائلات الفقيرة إضافة إلى الموبايل نتاع ليتوش أما العائلات الغنية 20 مليون وأكثر مع خاتم ومصروف وبورتابل آخر طراز أما باقي الأمور مثل المنزل والسيارة وأن يكون مترسم في وظيفة دائمة