طباخات السنة اولى ثانوي { الطبعة الاولى}

[شيراز 3>]

المشاركة الأصلية كتبت بواسطة زهرة الربيع

المقادير
4 بيضات
كاس سكر
3ملاعق كبيرة زبدة
فانيليا
كيس خميرة كيميائية
فرينة

التحضير
يخلط بياض البيض + رشة ملح و فاني
يخلط صفار البيض مع السكر حتى يذوب السكر و يولي الخليط لونو مائل للابيض ثم زيدي الزبدة الذائبة ثم الخميرة و الفرينة حتي يتلم
ثم اضيفي بياض البيض و امزجي بهدوء

اسكبيه في المول و ضعيه في الفرن

لكن الرولي ماشي لازم ورق خاص نضعه فوق الصينية باش ما يلسقش اومبعد نجيبوه و نروليوه ؟ و نحطو مربى او ما شابة

[زهرة الربيع]

المشاركة الأصلية كتبت بواسطة شيراز 3>

لكن الرولي ماشي لازم ورق خاص نضعه فوق الصينية باش ما يلسقش اومبعد نجيبوه و نروليوه ؟ و نحطو مربى او ما شابة

أنا نديرو على ورق المنيوم مدهون بزبدة و ميلسقش و كي يطيب نحط عليه الشوكولاطة (تذوبيها مع قليل من الزبدة و قليل من القهوة تجي سائلة شوي ) امبعد نروليه


https://www.djelfa.info/vb/showthread.php?t=1305272

تصبحين على خير احلام سعيدة

[sarra5]

quelle bonne idée

bon courage a vous

oui bdaw t3almo men dork bah tweliw tet3almo hwayej as3ab ki tekebro ktar

[أَوْتَآرُ الأَمَلْ]

[quote=درة الاسـلام;1052763248]اختي هذا اسمو سفنج؟

انا عمبالي السفنج هذاك لي يجي منفوخ و كبير شوي

عموما يمكن اختلاف في الاسماء بين الولايات
ما شاء الله شهيتيني[/quote
حنا عدنا هذا هو لي اسمو السفنج ؟ علاه نتوما واش تسموه؟

[قدوتي رسولي]

سلام
يعني ماتستقبلوش طالبات ثانية ثانوي
حابة نبدأ معاكم
انا احب طبخ وماهرة فيه بصراحة

شكرا فكرة تحفهـ
♥

[le couer brisé]

السلام عليكم حابة نتعلم خبز الدار لبنات شكون تعاوني

[rabiehafdaoui40]

حاب نتعلم كيفاه نقلي باطاطا

[oum anas 69]

الله يبارك راكم ناشطات ربي يوفقكم .... صحيتو يا لفحلات مليح كي تبداو تدخلوا الكوزينة على الصغر مرة أخرى كي تتزوجوا إن شاء الله ماتكونوش خايفين و لي تعلمت تتعلم لنفسها و لدارها
نوصيكم أبداو بالحاجة السهلة والخفيفة مثل السلطات و ديكوراتها ،شكشوكة.... لي غراتان ساهلين مثل البطاطا بالبشمال ...... و الحلويات مثل المسكوتة ....البسبوسة .، الرخساس ....... و لكن حذاري حذاري حذاري تعرضوا نفوسكم للخطر الكوزينة ماهيش ساهلة يعني الزيت سخون و الكوكوطة عمركم ماتحلوها قبل ماتكمل تخرج النفس أوكي ......... المقلة و الكسرولة دائما و أبدا ماتخلو ذرعيهم قدامكم دائما دخلوهم في إتجاه الكويزنيار أوكي و أي شيئ تسحقوه و لا أي وصفة تحتاجوها راني هنا في خدمتكم قولولي برك أني نستنا ........ ربي يوفقكم

[رتاج المنتدى]

انا ساشارك بهذه المسابقة هذا من دواعي سروري فانا اجيد الطيخ كثيرا

[أَوْتَآرُ الأَمَلْ]

المشاركة الأصلية كتبت بواسطة nada.nawi8

سلام
يعني ماتستقبلوش طالبات ثانية ثانوي
حابة نبدأ معاكم
انا احب طبخ وماهرة فيه بصراحة

شكرا فكرة تحفهـ
♥

اهلاآآ بيكم المهم نتعلموآآآ

[سيليا22]

............ننضم اليكم

[أَوْتَآرُ الأَمَلْ]

المشاركة الأصلية كتبت بواسطة oum anas 69

الله يبارك راكم ناشطات ربي يوفقكم .... صحيتو يا لفحلات مليح كي تبداو تدخلوا الكوزينة على الصغر مرة أخرى كي تتزوجوا إن شاء الله ماتكونوش خايفين و لي تعلمت تتعلم لنفسها و لدارها
نوصيكم أبداو بالحاجة السهلة والخفيفة مثل السلطات و ديكوراتها ،شكشوكة.... لي غراتان ساهلين مثل البطاطا بالبشمال ...... و الحلويات مثل المسكوتة ....البسبوسة .، الرخساس ....... و لكن حذاري حذاري حذاري تعرضوا نفوسكم للخطر الكوزينة ماهيش ساهلة يعني الزيت سخون و الكوكوطة عمركم ماتحلوها قبل ماتكمل تخرج النفس أوكي ......... المقلة و الكسرولة دائما و أبدا ماتخلو ذرعيهم قدامكم دائما دخلوهم في إتجاه الكويزنيار أوكي و أي شيئ تسحقوه و لا أي وصفة تحتاجوها راني هنا في خدمتكم قولولي برك أني نستنا ........ ربي يوفقكم

شكرآآ جزيلآلآ على المعلوماآت القيمة ربي يخليك ويحفظك ان شاء الله رانا نحتاجوك باه تعلمينآ

[أَوْتَآرُ الأَمَلْ]

المشاركة الأصلية كتبت بواسطة سيليا22

............ننضم اليكم

مَرْحَـــبآآ بكـِ

[awhalda05]

يالله ابداو تحكيو من قبيل شكون تتبرع وتبدى ولا نقولكم انا لي نبدى شوفو كاين وحد الطبخة سهلة وسريعة ولذيدة ولي هي
=جيبي الكوكوطة نتاعك وخطي فيها ملعقة زبدة وشعلي عليها النار وخليها تذوب ومبعد كرفجي عليها 6 حبات ثوم +ورقة رند +ملعقة لاموطارد+نصف ملعقة صغيرة فلفل احمر مرحي +نص ملعقة صغيرة كصبر مرحي وخليهم يتكتكو ونقصي عنهم ومبعد جيبي فخض دجاج وحطيه معاهم وفرغي الماء حتان يولي فوق الدجاج واقفلي الكوكوطة وخليها تصفر لمدة 20دقيقة كتحلي الكوكوطة تلقاي الجاج طاب وشرب المرقة وبقات غير صوص صغيرة بنينة واقلي معاها بطاطا ومبعد هاذاك الجاج حمريه شوي في المقلى بصحتكم شهية طيبة /بالمناسبة هذه هي الحاجة لي نعرفها في الدار هاهاهاها متضحكوش عني راني ضحكت على روحي بزايد وباااااي

[nadjoua12000]

هذه روابط مواضيعي كل
https://www.djelfa.info/vb/showthread.php?t=1302604
https://www.djelfa.info/vb/showthread.php?t=1307209