أفضل حل لإعفاء 2010 وأصحاب 30سنة - الصفحة 8

gestion2009 · 2013-04-10, 15:39

السلام عليكم..
خاوتي خياتي واش نحكيلكم انا قصتي قصة في عمري 26 سنة المهم انا جوزت العسكر كيما انا كيما الناس في تمنراست وبالضبط في عين قزام في الحدود مع مالي والحمد لله
والمهم قبل منجوز العسكر كان حلمي اني نكون عسكري او دركي ولكن الله غالب راكم عارفين الدنيا كامل معارف وانا الله غالب زوالي ولد زوالي معندي حتي واحد الا ربي سبحانو
...
المهم كي كملت العسكر وخرجت والحمد لله بديت ندير في الدواس تاع الخدمة وانا كلي امل ان نلقي خدمة لانهم اقولو الي عقب العسكر عندو الاولوية
" هــدرة برك "
...
ايــا درت في كل حاجة درت في الحماية المدنية"هههه" الي يدخلها غير فلنا ولد فلنا يعني انا غير ضهري ودرت
ودرت في الجمارك"هههههههه" هذي ايكون باباك وزير باش يقبلوك يعني غير ضهرلي
...
ايا حبيت ندير في الشرطة بصح الله غالب السي الهامل بدل القانون الي 23 سنة" وانا زعما عقبت العسكر باش ندخل لشرطة"
...
ايا درت في الوضيف العمومي في التربية الصحة ادراة السجون " نفس الشيئ " المعريفة مكاش
.....
ايا دورتها لونساج انا قلت بالاك ياك راهم ايقولو الدولة راهي تعاون الشباب " الغني برك"
وببحكم عندي شهادة تقني في الاعلام الالي درت باش اخلوني نفتح مقهي انترنات" تبوس عينك و متفتحش " بسبب الوثائق المطلوبة ايا محبوش يقبلولي الملف تاعي في البنكة
.....
ايا وليت نخمم واش ندير واش ندير
قــررت نفتح طابلة تاع دخان نبيع الكاوكاو والدخان والشمة" اكرمكم الله" والمشكل الدولة مخلتنيش جاو نحاو الطابلة قالولي متحلش هنا
" الله غالب مكتوب ربي"
.....
ايا زت خممت واش ندير واش ندير سمعت بلي كاين مسابقة تاع جمارك في نوفمبر 2012 ايا رحت نحط ملف" 10 ايام وانا نروح باش قدرت نحط الملف"الناس تحط الملفات بار تيلفون "

وهكا قلت معليش والله غير نحط الملف ايا حطيت وجوزنا البسيكو و الامتحان الكتابي والى يومنا هذا مكان والو ...
" الناس الي تدخل والله متسمع كامل بلكنكور"
.....
ايا دوكا قـــررت نخدم في شونطي وخلاص" الله غالب بلادنا كيما هكا "

" المعريفة + الجنس اللطيف + ولد فلان + الرشوة"
.....
أخــــوكم في الله عــزالدين من عين الدفلي.

salim blida · 2013-04-10, 16:24

اقتباس:

المشاركة الأصلية كتبت بواسطة gestion2009

السلام عليكم..
خاوتي خياتي واش نحكيلكم انا قصتي قصة في عمري 26 سنة المهم انا جوزت العسكر كيما انا كيما الناس في تمنراست وبالضبط في عين قزام في الحدود مع مالي والحمد لله
والمهم قبل منجوز العسكر كان حلمي اني نكون عسكري او دركي ولكن الله غالب راكم عارفين الدنيا كامل معارف وانا الله غالب زوالي ولد زوالي معندي حتي واحد الا ربي سبحانو
...
المهم كي كملت العسكر وخرجت والحمد لله بديت ندير في الدواس تاع الخدمة وانا كلي امل ان نلقي خدمة لانهم اقولو الي عقب العسكر عندو الاولوية
" هــدرة برك "
...
ايــا درت في كل حاجة درت في الحماية المدنية"هههه" الي يدخلها غير فلنا ولد فلنا يعني انا غير ضهري ودرت
ودرت في الجمارك"هههههههه" هذي ايكون باباك وزير باش يقبلوك يعني غير ضهرلي
...
ايا حبيت ندير في الشرطة بصح الله غالب السي الهامل بدل القانون الي 23 سنة" وانا زعما عقبت العسكر باش ندخل لشرطة"
...
ايا درت في الوضيف العمومي في التربية الصحة ادراة السجون " نفس الشيئ " المعريفة مكاش
.....
ايا دورتها لونساج انا قلت بالاك ياك راهم ايقولو الدولة راهي تعاون الشباب " الغني برك"
وببحكم عندي شهادة تقني في الاعلام الالي درت باش اخلوني نفتح مقهي انترنات" تبوس عينك و متفتحش " بسبب الوثائق المطلوبة ايا محبوش يقبلولي الملف تاعي في البنكة
.....
ايا وليت نخمم واش ندير واش ندير
قــررت نفتح طابلة تاع دخان نبيع الكاوكاو والدخان والشمة" اكرمكم الله" والمشكل الدولة مخلتنيش جاو نحاو الطابلة قالولي متحلش هنا
" الله غالب مكتوب ربي"
.....
ايا زت خممت واش ندير واش ندير سمعت بلي كاين مسابقة تاع جمارك في نوفمبر 2012 ايا رحت نحط ملف" 10 ايام وانا نروح باش قدرت نحط الملف"الناس تحط الملفات بار تيلفون "

وهكا قلت معليش والله غير نحط الملف ايا حطيت وجوزنا البسيكو و الامتحان الكتابي والى يومنا هذا مكان والو ...
" الناس الي تدخل والله متسمع كامل بلكنكور"
.....
ايا دوكا قـــررت نخدم في شونطي وخلاص" الله غالب بلادنا كيما هكا "

" المعريفة + الجنس اللطيف + ولد فلان + الرشوة"
.....
أخــــوكم في الله عــزالدين من عين الدفلي.

خاوتي هدا مثال على واحد جوز العامين شوفوا المصير انتاعوا وين راه يعني وما بالك الي راه خدام ويحبوه يجوز العامين يعني يفقد الخدمة انتاعوا ويرجع لنقطة الصفر حبيت نوجه رسالة لعزالدين نقللك خويا حنا حاسين بالمعاناة انتاعك وكامل رانا متضامنين معاك ونقلك بلي أغلبية شباب المصير نتعم راه كما لمصير انتاعك ولازمنا الصبر وخلاص بارك لله وفيكم

salim blida · 2013-04-10, 16:26

خاوتي حبيت نزيد نوصيكم الي راه يدخل يشوف وميقدرش يشارك معنا رانا فتحنا صفحة جديدة في لفايس بوك وحابين نلموا كامل رواحنا وونكونوا يد وحدة وهدا هو رابط الصفحة اتفضلوا معنا
[url]https://www.f a c e b o o k.com/i3fa25ans

salim blida · 2013-04-10, 17:33

خاوتي حبيت نذكركم بأرقام جريدة الخبر للإتصال حتى يوم الجمعة فيه استقبال للإتصالات متملوش خاوتي هدو ارقام جريدة الخبر خاصة بالتحرير
021.48.44.37
021.48.44.36
021.48.44.39
021.48.44.38
لازم نكثفوا كامل الإتصال

salim blida · 2013-04-10, 17:48

الإعفاء من الخدمة العسكرية

:
حلم كل الشعب الجزائري
فالأب و الأم يريدونها لأبناءهما
و الخطيبة تريدها لخطيبها
و الشاب يريدها حتى لا تكون عائق أمام بداية مستقبله

موضوع للنقاش

لماذا يتم التجنيد الإجباري للشباب في الجيش بينما يتم توظيف آخرين بأجرة شهرية
(lmgagia)
و عدد المقاجيين كافي جدا لتكوين جيوش و ليس جيشا واحدا ... حتى انه لا يتم قبول الكثير في الجيش خاصة و الدرك و الشرطة و حتى الجمارك و الحماية المدنية و يصل احيانا لحد الوساطة (المعرفة) لكي تنضم للجيش بأجرة شهرية ؟
التجنيد الإجباري يدمر من جهة إقتصاد البلاد حيث أن أكبر ميزانية في كل القطاعات تخصص للجيش و من جهة أخرى يدمّر مستقبل الشباب لماذا يسلبونه سنة من حياته ؟
عندما يتخرج الشاب من دراسته مثلا يكون سنه ما بين 24 و 28 سنة يتلقى بعد سنة او أكثر من تخرجه دعوة اجبارية للإنضمام الى الجيش و بعد سنة يقضيها في الثكنات يجد انه خرج في منتصف السنة
و قد فاته موعد الدخول الإجتماعي في سبتمبر فتضيع منه سنة اخرى و سنه أصبح ما بين 27 و 31 سنة ليجد ان زميلاته في الجامعة يشتغلن و اكتسبن سنتين خبرة المطلوبة في أي عمل يتقدم إليه....
فمتى سيشتغل ؟ و كم سنة سيحتاج من أجل جمع المال الكافي للبيت و الزواج و تكوين أسرة ؟
أما اذا رفض الذهاب الى الجيش فلن يحلم بالحصول على عمل او سكن و سيبقى دائما مطاردا و لن يكون حرا في التحرك داخل الوطن أو خارجه فالكثير يخشى التنقل بين الولايات خوفا من رصده في الحواجز الأمنية...و من الممكن أيضا رصده من طرف قوات الأمن حتى في الأماكن العمومية كالمقاهي أو الحدائق أو قاعات البيار التي يقضي فيها شبابنا الضائع جل وقتهم و أيضا احتمال يجوه للدار و يقتاد أمام الجيران و أمام الحاضرين كما يقتاد المجرمين .
ففي كلتا الحالتين سيقول : هرمنا هرمنا
و يقوم النظام بحيل خبيثة يخدع فيها الشباب المتهرب من الخدمة عبر نشر إعلانات في البلديات و الجرائد بأن الجيش قرر العفو عن مواليد سنة كدا فيأتي الشباب الغافل لأخذ بطاقة الإعفاء ليتفاجأ بإعتقاله و بالمقولة الشهيرة : جابوك و لا جيت روحك ؟!
و يجبر على تحية العلم طوال الليل بدون إنقطاع و التي يطلق عليها سهرة أم كلثوم
و اذا نظرنا إلى الدول المتقدمة ذات الجيوش القوية لا تجد عندهم مصطلحات "إجباري ، إلزامي" في كل المجالات و ليس في الجيش فقط في حين ان الجزائر من الدولة القليلة التي لا تزال تلزم الشباب و تجبرهم على دخول الجيش
و يصل الامر إلى معاقبة المتهربين بالسجن و تمديد الفترة و قضاءها في قواعد عسكرية خاصة في الصحراء يجمع فيهم المعاقبين أو يتم ارسالهم في الصفوف الاولى لمكافحة الإرهاب الذي صنعه النظام نفسه .
فالمفروض أن يكون الجيش تطوعيا و إحترافيا يجعل الشباب و الشابات انفسهم يحلمون بالإلتحاق بالجيش و لا يخافو منه لأن دور الجيش هو حماية الوطن و ليس عدوا .
و الغريب ان الجزائر التي تعتبر دولة حيادية تصرف الملايير سنويا على تخزين الخردة الروسية تتركها تتآكل في الثكنات (بدون ان ننسى تكاليف إطعام و ملابس و تنظيف كل جندي) فيقضي آلاف الشباب اوقاتهم في فراغ قاتل و يكتفون بلعب الكارطا و الضامة و تدخين المخدرات (حتى لي يكون خاطيه يتعلم) .

التفسير الوحيد المقنع لهذه القضية : أن النظام لا يزال يحتفظ بهذا الورقة التي سنتها فرنسا الإستعمارية و فرضتها على الجزائريين ...و حرص الجنرالات على استماراها بعدها لإستغلالها في إمتصاص الغضب الشعبي تماما كما حدث بعدما انتفض الشعب في ما أُطلق عليه ثورة "الزيت و السكر" فقامو بتخفيض المدة الزمنية من عام و نصف إلى سنة واحدة (مع العلم انها كانت في وقت سابق سنتين)

[/SIZ

E]

salim blida · 2013-04-10, 20:15

واش رايكم في هدا المقال

salim blida · 2013-04-10, 20:39

خاوتي الي قدر يتصل يتصل حتى يوم لجمعة معلش يتصل

salim blida · 2013-04-10, 21:10

خاوتي تكلمت مع بزاف شباب راحو لثكنات وخبروني بلي كاين فائض كبير وصل حتى لضعف واش يسحقو ويكون الفائض على بالترتيب
1- كل من له ملف طبي يحصل على الإعفاء
2- كل من له ملف كافل العائلة يحصل على الإعفاء
3- يرتب الفائضون على السن فيعتبر أكبر سنا فائضا بالنسبة للبقية
4الحالة الأخيرة يعتبر المتخرجين الجدد خاصة 2012والأصغر سنا مؤجلين حتى يأتيهم استدعاء القادم
ولله أعلم

libanarim · 2013-04-12, 16:38

اقتباس:

المشاركة الأصلية كتبت بواسطة salim blida

خاوتي تكلمت مع بزاف شباب راحو لثكنات وخبروني بلي كاين فائض كبير وصل حتى لضعف واش يسحقو ويكون الفائض على بالترتيب

1- كل من له ملف طبي يحصل على الإعفاء
2- كل من له ملف كافل العائلة يحصل على الإعفاء
3- يرتب الفائضون على السن فيعتبر أكبر سنا فائضا بالنسبة للبقية
4الحالة الأخيرة يعتبر المتخرجين الجدد خاصة 2012والأصغر سنا مؤجلين حتى يأتيهم استدعاء القادم

ولله أعلم

للتأكيد فقط ، عندي واحد صاحبي اليوم اتصل بيا وقالي راني خرجت فائض من الحراش
مع العلم أنو لبس الكومبا لمدة تفوق 20 يوم
مع العلم أنو بداو بالناس الكبار في السن

salim blida · 2013-04-12, 09:54

جمعة مباركة

salim blida · 2013-04-12, 11:34

لماذا تم حذف الصفحة رقم 9

nabil ofc · 2013-04-12, 20:27

اقتباس:

المشاركة الأصلية كتبت بواسطة salim blida

لماذا تم حذف الصفحة رقم 9

راهم بعتولي رسالة قالولي راك خالفة القانون كي هدرت الحق ضك يجو يرفدوني مالدار هههههههههه خاوتي راكم داخل قرعة تنادو بحقكم راكم ملاح حذفو صفحة ومحذفوكمش ولى حذفو الموضوع خاوتي نصيحة قبل ما يحذفوني مع صفحة 09النداء بحقنا يكون خارج المنتدى

turisme2 · 2013-04-12, 14:32

جريدة الجزائر نيوز - يومية إخبارية شاملة تصدر عن ش ذ ش و إكسبرس نيوز ذات رأس مال إجتماعي 100,000 دج

العنوان:
28 شارع أحمد بوعلام خلفي (بيردو سابقا)
المقر الإجتماعي: دار الصحافة الطاهر جاووت 1 شارع بشير عطار - الجزائر العاصمة

djazairnews@gmail .com

البريد الإلكتروني:
الهاتف: التحرير: 26 70 63 021/ 18 70 63 021 ، الاشهار: 93 36 66 021
رقم الفاكس: التحرير: 16 70 63 021 ، الاشهار: 93 36 66 021

brahimpop · 2013-04-12, 15:26

لا نعرف لماذا تم حذف الصفحة 9 ؟

nabil ofc · 2013-04-12, 20:47

جابلي ربي نحاو الصفحة لي كتبت عليها انا لي فالفيس ونصحتكم بيها لا للخدمة العسكرية حوست عليها مصبتهاش
زيدو تاكدو لكان يطلع مليح