مشاكل ماكينة الخياطة - الصفحة 8

نجمة الرمال · 2012-12-29, 12:31

مرحبا من اليوم الذي اشتريت فيه ماكينة acme دائما تسفل لي الخيط منفضلك اعطيني الحل و
شكرا والى اللقاء

simasima · 2012-12-29, 16:04

عندي مشينة خياطة من نوع سيجما .. كانت تخيط نورمال و مبعد يفوت القماش بلا خياطة يعني بلا غرزة

هندة السوفية · 2012-12-29, 21:47

اخواتي
مساء الخير والحب والايمان
عليكم
دايما انقلكم مشكل الماكينة
اللي تلم الخيط من تحت
هو من البلوك تونسيوا
اوكتلة التوتر
اوالميزان كل واحد وش ايسميه
في الماشينة الكحلاء ايكون فيه نابض باين

**د لا ل** · 2012-12-29, 23:58

ممكن نصيحة ممن لديها خبرة في الات الخياطة

هل اشتري سانجير او تويوتا

اتمنى تنصحوني اخواتي

لاني مبتدئة في الخياطة ولا ادري اي نوع هو الافضل والاضمن

نوال00 · 2012-12-30, 10:26

سانجار هي المليحة لكن شوفي صنع تاعها وين مش كل سنجار هي المليحة تاع فرنسا وقريت بريتن هي ساهلة ومفهومة

هندة السوفية · 2012-12-30, 22:13

أختي هناك عدت ماركات
ماشهورة
سانجير
مليحة وعلى راسهم
كذلك
جيمسي
فليق مان
بيوترفي
تويوتا
ميسبيتشي
شكرا للاخت نوال على الرد
لكن اقلها ان مدينة الصنع مش شرط تكون فرنسا
المهم الشركة اتكون فرنسية
لانهم ممكن يفتحوا فرع في الصين
لان اليد العاملة زهيدة ثم

مملكة لينة · 2013-01-02, 13:30

سلام عليكم
من فضلك اختي عندي سؤال
اشتريت ماكينة جدية اصناعية من نوع **** special
كانت جيدة جدا لكن اليوم لا ادري مابها وكانها مثل الي كانوا عندي من قبل بحيث اصبحت لا تخيط بشكل جيد وعرفت المشكل انوا من الفوال بحيث طاحلي في الارض اومباعد القيت لي فيس يعني البولونات الصغار الي فيه ماشي مزيرين زيرتهم ولات تخيط شوية بصاح ايخرجو دوك النقاط تاع الخيط طالعين
الحل من فضلك اختي
وتاني قوليلي احسن رقم للفيتاس وتانيك لوتونسيون يعني احسن درجة ليهم

هندة السوفية · 2013-01-02, 15:00

أختي والله ما فهمت وشو اللي طاحلك ورجعتي ركبتيه
اما رقم الغرزة وبلوك تونسيو انا انحاول ديما انوسط
والا انزير اومنبعد نيدأ بشوي انخيط اونرخف حتى نلقى الغرزة اللي تعجبني

الصمت حكمة · 2013-01-06, 15:47

برحمة الوالديــن أنا الماكينة اللي عندي من هذوك الكبار و تخيط جميع أنواع الأقمشة و الحمد لله بكل سهولة، لكن المشكل مرات يتكمش لي القماش سواء كان خشن أو رقيق مطاطي أم لا ، أرجوكي جاوبيني و الله يعطيك ما تتمناي عاجل عير آجل انشاء الله

هندة السوفية · 2013-01-06, 22:06

الله ايخليك أختي
شوفي البورت كانت ساعات الخيط ايكون مش امسرح فيها
يعني ايكون ساعات داير فيها دورة اخرى البرى
ونقصي شدة الخيط من الميزان

الصمت حكمة · 2013-01-07, 11:09

ربي يسهل لك في طريقك وين تروحي و يفتح في وجهك البيبان كيما راكي فاتحة لنا قلبك و يجعلها في ميزان حسناتك انشاء الله و كامل واش ندعو لك راه قليل عليك، و حبيت نسألك على الماشينة اللي كيما في الصورة اللي راكي دايرتها اسمها super zig zag واش رايك فيها بصراحة

هندة السوفية · 2013-01-07, 15:56

الله ايخليك حبيبتي والله يجازيك كل خير على الدعاء
اتصدقيني لو بيدي اقدماكم اكثر
والله اختي احس بالتقصير خاصة في موضوع الدورة
اما الماشينة انا صراحة معنديش وحدة لكن انفكر نشريها
لكن هي نوعية مليحة خاصة ان كل قطعها حديد اوزيد نفس البورت كانت تاع الماشينات العادية

هندة السوفية · 2013-01-08, 21:33

وعليكم السلام ورحمة الله وبركاته
اختي ممكن اتكون ناشفة (ناقصةزيت)
والا الخيط مزير
ويلا فيها خيوط اللتحت عالقة
والا الابرة مش راكبة قدقد

ام لؤي2 · 2013-01-08, 22:28

السلام عليكم اخواتي

اشتريت الة خياطة من نوع تويوتا 2700g
لكني لا اجيد استعمالها فارجو منكم مساعدتي في طريقة عملها

أخواتي غدا انشاء الله نزل صور للماكنة

ام لؤي2 · 2013-01-09, 11:19

السلام عليكم اخوات

وهذي الصور انتاع الماكنة

والآن مع صور الاكسسوارات لجاو معاها :

أتمنى من كل واحدة تعرف كل جزء من أجزاء الماكنة واش دير لا تبخل عليا وأجرها على الله

اللهم ارحم أمي وجميع موتى المسلمين -آمين -