دروس من مركز التكوين الى كل ماكثة بالبيت

[ام مريم اسراء]

اه مليكة اختي راها ظهرت الصورة تطبيقك عملتيه في قماش وردي ربي يخلي حياتك وردية دافئة و رومنسية تطبيقك جيد جدا و الصورة حجمها كبير على ما اضن على بيها مخرجتش .... مشكورة

[stayfiya]

درس اليوم يوجع الراس هههههه كيفاش درتي نتى انا مانقدرش نحفظهم ههههه

[ام مريم اسراء]

اختي السطايفية بالوقت و الممارسة رايحين نحفظوهم و نعرفو لواش يستعملو .... كيما البورتابل كي تشريه اول مرت تحبي تعرفي واش فيه و من بعد تفهمي les options نتاوعو ok ياك رانا نتعلمو برك

[crono]

المشاركة الأصلية كتبت بواسطة stayfiya

درس اليوم يوجع الراس هههههه كيفاش درتي نتى انا مانقدرش نحفظهم ههههه

sabah alkhir 3alikom
ome maryame raki 9amma biha
wanzid n9olak konte ostada fi la technologie des textiles
ih kano labnate mayhabohache bazafe
wa fi wasate adarse nhatlhome
tafsile bache maymaloche i
okhti stayfiya rani jite n3awnak yak okhti ome maryame samhili yak ma3liche na3awanha
mana9darche nachof la prati nta3i hasale oman3awnoche
hajda sahla tarasmi khotote mosta9ima wa monhaniya
wa tfwtihome fi machina bidone khite

ila bi ibra wahadha
rani swartlak ba3d manha bache takhdi fikra anti wa akhawati





na3arfak chatra baslamtak

okhti om maryam rani mara 3la mara kol maykon 3andi wa9te rani ndkhole na3awnak

[ام مريم اسراء]

و واش نقلك اختي كرونو و الله شرفني وجودك و طلتك معانا و الموضوع اكيد راح يثرى بحبك لمساعدة الغير و هاذا ماشي جديد علييك لانو اسمك منقوش في كل طلبات المساعدة و عمل الخير ...واختي السطايفية اكيد راح تفرح بوجودك ..... هكذا اذا حظرو الاساتذة الطلاب يسكتو و انا اولهم .... والصور الي ادرجتيها فعلا نحتاجوها في تعلم الخياطة و التدرب على المنحني بيق رائع ... انا راح نطبقهم و نحط الصور و اكيد انتي و الاخت السطايفية ريحين توجهونا ( الاخت السطايفية : راها مستشارة التوجيه ) و الاخت كرونو ( استاذة محترفة ) و راح يفرحني وجودك معانا باش الاهوات ميملوش مني

[الامل نور]

بارك الله فيك

[sakura be]

شكرا اختي .....علابالي مليتي منا واحنا نقولولك اعذرينا على التطبيق ...انا حابة نتعلم الخياطة والتفصيل وتوسلت لجداتي تعطينا ماكينتها وان شاء الله تقبل تعطيهالي باه هكا نبدا معاكم على الصح...الماكينة قالتلي فيها مشكل انها تخرج بزاف الخيط على الوجه الثاني للكتان وهي من نوع omnia ومصنوعة في فرنسا ...ممكن تقوليلي وش الحل ...
طولت عليك بصح والله حابة نتعلم معاكم ...تقبلي تحياتي

[ام مريم اسراء]

اختي ساكورة مرنيش ملمة بالمكنة و مشاكلها لكن البارح برك سقسيت استاذة التكوين على هذا المشكل و اذا راني مثبتة مليح قالتنا نقطتين - اذا كانت الخياطة مخرصة من فوق يعني المشكل في ظبط شد الخيط ( الي عندو رقلاج على حسب القماش اظن كاين من الرقم 1 ال6 و احيانا الى 9 و قاتلنا عموما اظبطوه في الوسط 3 او 4 و جربو في القماش حتان تلقاوالخياطة متقنة )
- اذا كانت الخياطة مخرصة من تحت فالمشكل في المكوك الازم تتاكدي من انو الخيط ملفوف مليح و صحيح في لفة و ماهوش مخرص ..... وصور المكوك راها تحت )




ونتمنى من الاخت كرونو و الاخت السطايفية يفيدوك اكثر اختي ساكورا و بعدين نتي يا اسمك شينوي كتعطيهالك جداتك ان شاء الله لازمل تمخيها يا الشينوية ...ههههه
نصيحة باش تعرفي تمشي المكنة نتاعك اكتبي اسمها في غوغل و الريفيرونس نتاعها اكيد تلقاي في اليوتوب فيديو يفهمك انا لما جبت المكنة نتاعي تقولي شفت صحن طائر قدامي و لما حوست في اليوتوب لقيت فيديو عنها ظرك و بلا منزوخ عليك راني عارفة نحلها و نعمر المكوك و نخدم كيفها هههههههههه شفتي عدت شينوية
و هاذ الروابط رايحين يفيدوك
https://www.youtube.com/watch?v=V2Fa2o3ADjM

https://www.youtube.com/watch?v=Uerp5mtpvsc

https://www.youtube.com/watch?v=dVN9G4rHRzw

[أم هجورة]

جزاك الله كل خير

[هندة السوفية]

معذرة على التدخل لكن أنا متابعة الموضوع
رغم اني منلقى حتى ترحيب في ذلك
المهم
اذا كانت الماكينة تخرج الخيط بكثرة على ظهر القماش اوفي القفى او في الجهة السفلية كيف ما يقولوا
هذا معناه ان لبوك تونسوا اوكتلة التوتر مش داخل فيها الخيط
ممكن ايكون يمشي وراها

[فايزة1207]

اختي ام مريم اسراء الللللللللللللللللللللللللف شكر على الجهد المبذول
اختي هند السوفية والله يااختي تبعناك ومشينا معاك ودرت ملف خاص بيك فيه المخدة وزت الفستان وقصيت نموذج مصغر والقندورة مافهمتهاش للاسف لكن اختفيت ومازديش حطيتي مواضيع هناي
عذرا ام اسراء على استغلالي لصفحتك

[فايزة1207]

حبيبتي فاهميني وشي ريفيرونس

[lfani]

شكر لك أختي على هذه الفكرة الرائعة .لقد أطلت الغياب أين انت نتمنى أن تكوني بصحة و عافية

[sakura be]

المشاركة الأصلية كتبت بواسطة ام مريم اسراء

اختي ساكورة مرنيش ملمة بالمكنة و مشاكلها لكن البارح برك سقسيت استاذة التكوين على هذا المشكل و اذا راني مثبتة مليح قالتنا نقطتين - اذا كانت الخياطة مخرصة من فوق يعني المشكل في ظبط شد الخيط ( الي عندو رقلاج على حسب القماش اظن كاين من الرقم 1 ال6 و احيانا الى 9 و قاتلنا عموما اظبطوه في الوسط 3 او 4 و جربو في القماش حتان تلقاوالخياطة متقنة )
- اذا كانت الخياطة مخرصة من تحت فالمشكل في المكوك الازم تتاكدي من انو الخيط ملفوف مليح و صحيح في لفة و ماهوش مخرص ..... وصور المكوك راها تحت )




ونتمنى من الاخت كرونو و الاخت السطايفية يفيدوك اكثر اختي ساكورا و بعدين نتي يا اسمك شينوي كتعطيهالك جداتك ان شاء الله لازمل تمخيها يا الشينوية ...ههههه
نصيحة باش تعرفي تمشي المكنة نتاعك اكتبي اسمها في غوغل و الريفيرونس نتاعها اكيد تلقاي في اليوتوب فيديو يفهمك انا لما جبت المكنة نتاعي تقولي شفت صحن طائر قدامي و لما حوست في اليوتوب لقيت فيديو عنها ظرك و بلا منزوخ عليك راني عارفة نحلها و نعمر المكوك و نخدم كيفها هههههههههه شفتي عدت شينوية
و هاذ الروابط رايحين يفيدوك
https://www.youtube.com/watch?v=v2fa2o3adjm

https://www.youtube.com/watch?v=uerp5mtpvsc

https://www.youtube.com/watch?v=dvn9g4rhrzw

شكرا والف شكرليكي اختي ام اسراء ولك ايضا اختي هند .......انا شينويه هاهاها رح نشوف مخ الشناوة عندي ولالالا...هههههه .....المهم (اسمها في غوغل و الريفيرونس)هذي النقطة مافهمتهاش .باين مانيش شينوية ونكرر شكري ليكي مرة اخرى

[ام مريم اسراء]

المشاركة الأصلية كتبت بواسطة هندة السوفية

معذرة على التدخل لكن أنا متابعة الموضوع
رغم اني منلقى حتى ترحيب في ذلك
المهم
اذا كانت الماكينة تخرج الخيط بكثرة على ظهر القماش اوفي القفى او في الجهة السفلية كيف ما يقولوا
هذا معناه ان لبوك تونسوا اوكتلة التوتر مش داخل فيها الخيط
ممكن ايكون يمشي وراها

مشكورة اختي هندة السوفية و سامحيني اذا قصرت في حقك و مرحبتش بيك انا الصفحة هاذي للجميع و نرحب بيك الف مرة بالعربية و بالانجليزية بصح اوعديني متزعفيش مني ... اما عن المداخلة فيما يخص المداخلة انا جاوبت الاخت ساكورة و نوهت عليها انو يمكن يفيدوها باقي الاخوات مشكورة على الافادة ربي يوفقك

المشاركة الأصلية كتبت بواسطة فايزة1207

اختي ام مريم اسراء الللللللللللللللللللللللللف شكر على الجهد المبذول
اختي هند السوفية والله يااختي تبعناك ومشينا معاك ودرت ملف خاص بيك فيه المخدة وزت الفستان وقصيت نموذج مصغر والقندورة مافهمتهاش للاسف لكن اختفيت ومازديش حطيتي مواضيع هناي
عذرا ام اسراء على استغلالي لصفحتك

الصفحة صفحتك و معندي حتى مشكل كتجعلو منها مرسول خير ......

المشاركة الأصلية كتبت بواسطة فايزة1207

حبيبتي فاهميني وشي ريفيرونس

بما يخص الريفرونس نقصد الرقم الي يجي مع ماركة المكنة مثلا ماركة singer كاين انواع كاين traditionel كما مشينتي و كاين 1408 و كاين fation mate وكاين briance و توجد ارقام 6025 ; ....