حلول لكل المشاكل التي تواجهنا في صنع الحلويات - الصفحة 8

الحطاب سهام · 2012-08-10, 09:15

اقتباس:

المشاركة الأصلية كتبت بواسطة ام مؤمن

المفروض انوا تمت الاجابة على كل التساءلات بمشاركة العضوات الطيبات بارك الله فيهن و جزاهم كل خير

باقي سؤال واحد فقط لم تتم الاجابة عليه لا سؤالين ههههه

هل ممكن اضافة ملون غدائي للشيكولة البيضاء و هي على حمام مائي ماتفسدش و الا تفسد

المخبز كي نطيبوه نذهنوا البلاطوا بالزيت او نرشوه بالفرينة او مانحطوا والوا في البلاطوا اوو مايلصقش

و يعطيكم الصحة

و نحيي فيكم روح التكافل و الروح الرياضية و التعاون في المساعدة و الاجابات

الله يحفظكم و يخليكم لبعض

حنا معظم الحلويات نرشو فقط سينية الطياب بالفرينة لانو القاطو فيه الزبدة مايسحقش نزيدو ندهنوسينية الطياب اما اضافة الملون للشوكولا البيضاء فلا ادري

اقتباس:

المشاركة الأصلية كتبت بواسطة ام مؤمن

نسبت حاجة مهمة يا ريث تقولولي ما هو الفوندون هل هو قلاصاج نشروه جاهز من الاسواق و نطليو بيه القاطو و على هذا الاساس يكون بعدة الوان ام هو يضاف الى القلاصاج المعمول بالبيت او ما هو بالضبط

حتى انا سقسيت نفس السؤال وجاوبتني احدى الاخوات انوهو القلاصاج الي نلقوه فوق الميلفاي قالتلي نقدروا نضيفوه للقلاصاج العادي باه يجي طري وباه نخدمو بيه نذوبوه في حمام مائي .هو لونه ابيض ماشي ملون وهو ينباع عند المحلات الي تبيع لوازم الحلويات

سيرينا لبنينا · 2012-08-10, 09:47

اقتباس:

المشاركة الأصلية كتبت بواسطة ام مؤمن

المفروض انوا تمت الاجابة على كل التساءلات بمشاركة العضوات الطيبات بارك الله فيهن و جزاهم كل خير

باقي سؤال واحد فقط لم تتم الاجابة عليه لا سؤالين ههههه

هل ممكن اضافة ملون غدائي للشيكولة البيضاء و هي على حمام مائي ماتفسدش و الا تفسد

المخبز كي نطيبوه نذهنوا البلاطوا بالزيت او نرشوه بالفرينة او مانحطوا والوا في البلاطوا اوو مايلصقش

و يعطيكم الصحة

و نحيي فيكم روح التكافل و الروح الرياضية و التعاون في المساعدة و الاجابات

الله يحفظكم و يخليكم لبعض

اقتباس:

المشاركة الأصلية كتبت بواسطة ام مؤمن

نسبت حاجة مهمة يا ريث تقولولي ما هو الفوندون هل هو قلاصاج نشروه جاهز من الاسواق و نطليو بيه القاطو و على هذا الاساس يكون بعدة الوان ام هو يضاف الى القلاصاج المعمول بالبيت او ما هو بالضبط

اضافة ملون غدائي للشيكولة البيضاء و هي على حمام مائي؟؟؟؟؟؟؟؟؟؟؟؟؟؟لم اجرب
المخبز كي نطيبوه نرشوالبلاطو بالفرينة للاحتياط ومدة الطياب تكون على حسب فرنك حوالي 10دقائق ماشي بزاف.
يشيح فقط والا يجي يابس.

الفوندو هوالمادة البيضاء الي يجي فوق الميلفاي

يباع في المحلات

اويصنع بالبيت فوق الماربرمن سكر قلاسي وسيرووهو ساخن بالسباتيلا.

اوطريقة اخرى----1ك سكر قلاسي +1ملعقة ماء +1ملعقة زبدة ذائبة نعجنهم مع بعض حتى نتحصلو على عجينة لاجات جارية

زيدي السكر وتقدري تلونيها

لما اجي تحليه رشي سكر قلاسي وحليها بين نيلو من البلاستيك الفوف والتحت.
وشكرااااا

المتفائلة 83 · 2012-08-09, 17:01

السلام عليكم
فيما يخص الفرينة احسن فرينة جربتها للبقلاوة هي سيم
بالنسبة لعجينة اللوز انا نخدمها يالسكر قلاصي النشا يبسها

المتفائلة 83 · 2012-08-09, 17:06

انا عندي سؤال فيما يخص المعمول حابة نجربو مي حابة نديرو بالفرينة ماشي السميد والوصفات كامل لقيتهم بالسميد اللي تعرف تفيدني البنات تعيشو راني مزروبة

منال100 · 2012-08-09, 17:58

عجينة الصابلي لازم تكون أثصقل من تاع البيسطلي زيديلها شوي فرينة

looona · 2012-08-09, 17:59

خوتاتي جاوبوني الله يجازيكم كل خير

الحطاب سهام · 2012-08-10, 09:31

ارجوكم المقروط باه نبسوه باه ماينحلش هل بالزبدة او بالسمن ؟؟؟؟هل نضيفوا الزيت ايضا في التبساس؟؟؟؟راني نتحدث على مقروط المقلة ....ههههههههههه راني عندي مشكلة مع المقروط اعذروني وتاني شا ندير مع التمر نتاع الحشو باه يجيني ذونكهة شابة؟؟؟وهل نقدر نضيفوا بشور الليمون للسميد او للتمر باه الذوق يجي شباب؟؟؟

ام مؤمن · 2012-08-11, 02:11

اقتباس:

المشاركة الأصلية كتبت بواسطة الحطاب سهام

ارجوكم المقروط باه نبسوه باه ماينحلش هل بالزبدة او بالسمن ؟؟؟؟هل نضيفوا الزيت ايضا في التبساس؟؟؟؟راني نتحدث على مقروط المقلة ....ههههههههههه راني عندي مشكلة مع المقروط اعذروني وتاني شا ندير مع التمر نتاع الحشو باه يجيني ذونكهة شابة؟؟؟وهل نقدر نضيفوا بشور الليمون للسميد او للتمر باه الذوق يجي شباب؟؟؟

الصراحة انا ولا مرة عملت مقرود المقلة و الاخت مرة جاوبتك كيفاش نعملوا مقرود الشرق و الغرس ايضا لكن انا مرة شفت موضوع بالمنتدى يخص مقرود المقلة

https://www.djelfa.info/vb/showthread...E1%E3%DE%E1%C9

سمية02 · 2012-08-11, 12:55

[quote=الحطاب سهام;11141794]ارجوكم المقروط باه نبسوه باه ماينحلش هل بالزبدة او بالسمن ؟؟؟؟هل نضيفوا الزيت ايضا في التبساس؟؟؟؟راني نتحدث على مقروط المقلة ....ههههههههههه راني عندي مشكلة مع المقروط اعذروني وتاني شا ندير مع التمر نتاع الحشو باه يجيني ذونكهة شابة؟؟؟وهل نقدر نضيفوا بشور الليمون للسميد او للتمر باه الذوق يجي شباب؟؟؟[/quote

شوفي ختي ننصحك عن تجربة الحشو اذا درتيه بالتمر ماديريش فيه ماء الزهر لانو مع السخانة وكامل رايح يفسد يعني يغمل الافضل انك اديريه بالكاوكاو

قابضة على الجمر · 2012-08-10, 10:10

ارجوكم المقروط باه نبسوه باه ماينحلش هل بالزبدة او بالسمن ؟؟؟؟هل نضيفوا الزيت ايضا في التبساس؟؟؟؟راني نتحدث على مقروط المقلة ....ههههههههههه راني عندي مشكلة مع المقروط اعذروني وتاني شا ندير مع التمر نتاع الحشو باه يجيني ذونكهة شابة؟؟؟وهل نقدر نضيفوا بشور الليمون للسميد او للتمر باه الذوق يجي شباب؟؟؟
حنا في الشرق ما عندناش المفروط تاع المقلة عندنا برك تاع الفور و هذا نبسوه بالسمن و نزيدو شوية زيت اما عن حشوة التمر نديرولها قرفة و قرنفل و جنجلانية تجي تهبل

التيارتية dz · 2012-08-10, 13:33

الله يعطيك الف عافية

دلوعة أبي و زوجي · 2012-08-10, 16:03

تعيشو قولولي عجينة الفوندون كيفاه نخدموها كي نشريو الفوندون واجد من برى

ام مؤمن · 2012-08-11, 01:58

اقتباس:

المشاركة الأصلية كتبت بواسطة دلوعة أبي و زوجي

تعيشو قولولي عجينة الفوندون كيفاه نخدموها كي نشريو الفوندون واجد من برى

انا اللي عرفتوا انوا تشري علبة فوندون من محل الحلويات و هي عجينة بيضاء متماسكة قالتلي اخت نذوبها على حمام مائي و نضيف قليل منها للقلاصاج باش يبقى طري

ايمان2009 · 2012-08-10, 16:20

شكرا ألف شكر لجميع الأخوات والله اني استفدت كثيركثير من هذا الموضوع الرائع و الاروع فيه مشاركاتكن صح رمضانكم

أسماء أماني* · 2012-08-10, 16:50

Momkine lo sahibate el mawdou3 tada3ena le adjwiba nta3 tassa2oulates el metrouha fel mawdou3 fel wel bache koul yestefad w a

chokran 3la em mawdouuuuuuu3